loader

உள்ளூர் செய்திகள்

சமீபத்திய செய்திகள்

சினிமா

தமிழ் ஆர்வலர்களின் எதிர்ப்பு! 800 படத்தில் இருந்து விலகுகிறார் விஜய் சேதுபதி!

சென்னை: இலங்கை கிரிக்கெட் அணியின் நட்சத்திர வீரரான முத்தையா முரளிதரனின் வாழ்க்கையை மையப்படுத்தி ‘800’ என்கிற படம் உருவாகவுள்ளது. ஸ்ரீபதி ரங்கசாமி இயக்கும் இந்தப் படத்தில் முத்தையா முரளிதரனாக விஜய் சேதுபதி நடிக்கிறார். இதற்கான அறிவிப்பு வெளியானதில் இருந்தே இப்படத்திற்கான எதிர்ப்பும் அதிகரித்தது.

படத்தில் அரசியல் சார்ந்த காட்சிகள் இல்லை என 800 படத்தின் தயாரிப்பு நிறுவனம் ஏற்கனவே உறுதி அளித்தது. இருப்பினும் ஈழத்தமிழர்களுக்கு எதிரானவர்களுக்கு முத்தையா முரளிதரன் ஆதரவளித்தவர் என்பதால், படத்தில் நடிக்கும் முடிவை விஜய் சேதுபதி கைவிட வேண்டும் என இயக்குனர் பாரதிராஜா, சீமான், சேரன்,  வைரமுத்து, தாமரை உள்ளிட்டோர் கோரிக்கை வைத்திருந்தனர்.

இந்நிலையில், இத்திரைப்படத்தில் இருந்து விலகிக் கொள்ளுமாறு விஜய் சேதுபதிக்கு வேண்டுகோள் விடுத்து முத்தையா முரளிதரன் அறிக்கை ஒன்றை வெளியிட்டிருந்தார்.

இதற்கு டுவிட்டரில் பதிலளித்துள்ள விஜய் சேதுபதி, முரளிதரனின் அறிக்கையை குறிப்பிட்டு நன்றி வணக்கம் என பதிவிட்டுள்ளார்.

இதன்மூலம் விஜய் சேதுபதி இப்படத்தில் இருந்து விலகிவிட்டதாக கூறப்படுகிறது!
மலேசியா

தீபாவளிக்கு SOP நிபந்தனைகள்! பாதுகாப்பு கவுன்சில் மேற்கொள்ளும்!

புத்ராஜெயா: கோவிட் -19 சம்பவங்கள் அதிகரித்ததை அடுத்து, தீபாவளி கொண்டாட்டங்களுக்கான நிலையான இயக்க நடைமுறைகளை (எஸ்ஓபி) தேசிய பாதுகாப்பு கவுன்சில் கொண்டு வரும் என்று அறிவிக்கப்பட்டுள்ளது.

ஒன்று கூடல், கொண்டாட்டங்கள் மற்றும் திருவிழாவிற்கு வழிவகுக்கும் நடவடிக்கைகள் எவ்வாறு SOP நடைமுறையின்படி மேற்கொள்ளப்பட வேண்டும் என்பவற்றை தேசிய பாதுகாப்பு கவுன்சில் பட்டியலிடும் என்று பாதுகாப்புத்துறை அமைச்சர் டத்தோஸ்ரீ இஸ்மாயில் சப்ரி யாகோப் தெரிவித்தார்.

"பண்டிகை பஜார் மற்றும் பிற திட்டங்கள் போன்ற நடவடிக்கைகள் உள்ளன, அவற்றுக்கு SOP முறையின் கீழான விதிகள் தேவை. திட்டங்கள் தயாரானதும் அறிவிப்பு வெளியாகும் என்று அமைச்சர் தெரிவித்தார்.

இந்த ஆண்டு தீபாவளி நவம்பர் 14 ஆம் தேதி கொண்டாடப்பட இருக்கும் தீபாவளிப் பெருநாள் குறித்து மக்கள் எதிர்பார்ப்போடு காத்திருக்கிறார்கள்.

தீபாவளிக்கான பொருள்களை வாங்க இப்போதே மக்கள் குழுமத் தொடங்கிவிட்டனர் இந்திய கடை வீதிகளில்!
மலேசியா

கொரோனா: இன்று 871 சம்பவங்கள்! எழுவர் மரணம்!

புத்ராஜெயா: இன்று ஞாயிற்றுக்கிழமை (அக். 18)  871 புதிய கோவிட் -19 நோய்த்தொற்றுகள் பதிவாகியுள்ளதாக சுகாதாரத்துறை தலைமை இயக்குநர் டான் ஸ்ரீ டாக்டர் நூர் ஹிஷாம் அப்துல்லா தெரிவித்தார்.

இதில் 866 சம்பவங்கள் உள்ளூரில் பரவியதாகும். 5 வெளிநாட்டிலிருந்து இறக்குமதி செய்யப்பட்டவையாகும்.

சபாவில் அதிகபட்சமாக 702 சம்பவங்கள் பதிவாகியுள்ளன.

இன்று 701 பேர் நோயிலிருந்து குணமடைந்து வீடு திரும்பியுள்ளனர்.

நாட்டின் மொத்த சம்பவங்களின் எண்ணிக்கை 20, 498 ஆகும்.

இன்று 7 இறப்புகள் பதிவாகியுள்ளன, இதன் மூலம் மொத்தம் 187 மரணச் சம்பவங்கள் பதிவாகியுள்ளன!
மலேசியா

மீண்டும் அதிகரிக்கும் கொரோனா... அச்சத்தில் மக்கள்!

நாடு முழுக்க கொரோனா தொற்றின் எண்ணிக்கை மிக வேகமாகப் பரவி வருவது பெரும் அச்சத்தை ஏற்படுத்தியுள்ளது.

இரண்டு இலக்க எண்களில் ஆறுதலான நிலையில் சென்ற தொற்றின் விகிதம் தற்போது மூன்று இலக்க எண்களில், அதுவும் ஒரே நாளில் 800-க்கும் மேல் பதிவாகியிருப்பது.

அதேபோல் மரண எண்ணிக்கையும் உயர்வது இன்னும் மக்கள் எச்சரிக்கையாக இருக்க வேண்டும் என்பதை உணர்த்துவதாக இருக்கிறது.

நேற்று ஒரு நாள் மட்டும் 869 சம்பவங்கள் நிகழ்ந்துள்ளன என்பது குறிப்பிடத்தக்கது!
சினிமா