loader
நாங்க எவனுக்கும் பயப்பட தேவையில்லை: கையேந்தி வாழ வேண்டிய அவசியமும் இல்லை! -டான்ஸ்ரீ எஸ்.ஏ.விக்னேஸ்வரன்

நாங்க எவனுக்கும் பயப்பட தேவையில்லை: கையேந்தி வாழ வேண்டிய அவசியமும் இல்லை! -டான்ஸ்ரீ எஸ்.ஏ.விக்னேஸ்வரன்

கோலாலம்பூர்,நவ.16-
நாட்டின் இன்றை அரசியல் சூழ்நிலையில் மஇகா யாருக்கும் பயப்படாது. அதேவேளையில் கையேந்தி வாழ வேண்டிய தேவையும் எங்களுக்கு இல்லை என கட்சியின் தேசியத் தலைவர் டான்ஸ்ரீ எஸ்.ஏ.விக்னேஸ்வரன் சூளுரைத்தார்.

எங்களுக்கு மானம்தான் வேட்டிச் சட்டை மற்றதெல்லாம் வாழைமட்டை என்ற பாடல் வரியை அவர் மேடையில் கூறினார்.

அரசாங்கத்தில் எந்த பதவி இல்லை என்றாலும் எங்களால் சமுதாயத்திற்கு சேவை செய்ய முடியும். ஆகையால் யாரையும் நம்பி வாழும் நிலை எங்களுக்கு இல்லை.

கடந்த 2008ஆம் ஆண்டு நடந்த தேர்தலில் தேசிய முன்னணி தோல்வி கண்டதும் அனைவரும் அம்னோவை குஷ்ட நோயாளியை போல பார்த்தார்கள். தேசிய முன்னணியில் மசீசவை தொடர்ந்து இருக்க வேண்டும் என இழுத்து பிடித்ததும் மஇகாதான். இதனை மறந்துவிட வேண்டாம் என அவர் வலியுறுத்தினார்.

மஇகாவிடம் உள்ள மாநில ஆட்சிக்குழு உறுப்பினர் பதவி, சட்டமன்றம், கவுன்சலர் பதவிகள் எங்களுக்கு முக்கியமல்ல. எங்களுக்கு மானமும் மரியாதையையும்தான் முக்கியம். ஆகையால் எங்களின் முடிவு அதன் அடிப்படையில்தான் இருக்கும் என டான்ஸ்ரீ விக்னேஸ்வரன் தெரிவித்தார்.

செய்தி: காளிதாசன் தியாகராஜன்

0 Comments

leave a reply

Recent News