.jpg)
கோலாலம்பூர், நவ.16-
அன்றைய அரசியல் சூழ்நிலையில் அரசியலில் நிலைத்திருக்க அம்னோ பாஸுடனும் பக்காத்தானுடனும் கூட்டணி அமைத்தது. அன்று அம்னோ செய்தது சரி என்றால் இன்று அதனை நாங்கள் செய்வதால் என்ன தவறு என டான்ஸ்ரீ எஸ்.ஏ.விக்னேஸ்வரன் கேள்வி எழுப்பினார்.
தே.மு. கூட்டணியில் எந்த கட்சியும் எந்த கட்சியையும் கட்டுப்படுத்த முடியாது. அதற்கு மஇகாவும் இடம் கொடுக்காது என அவர் சொன்னார்.
மஇகாவின் எதிர்கால நலனுக்காக எந்த முடிவு எடுக்க வேண்டும் என்பது எங்களுக்கு தெரியும். அதனை யாரும் எங்களுக்கு சொல்லி தர தேவையில்லை என அவர் சொன்னார்.
அன்றைய அரசியல் சூழ்நிலையில் நிலைத்திருக்க அம்னோ பாஸுடன் இணைந்து. பாஸ் மீதான நம்பிக்கையை நாங்கள் எங்கள் கட்சிக்காரர்களிடம் விதைத்து அன்றைய புதிய கூட்டணி ஆட்சியை நடத்துவதற்கு துணையாக இருந்தோம். அம்னோ எடுத்த முடிவை நாங்கள் மதித்து அவர்களுடன் செயல்பட்டோம் என்பதை அவர் மஇகாவின் 79ஆவது தேசிய பொதுப் பேரவையில் நினைவூட்டி கூறினார்.
இந்த பேரவையில் நேரடி உறுப்பியம் ஏற்றல் முறையை டான்ஸ்ரீ விக்னேஸ்வரனும் கட்சியின் தேசியத் துணைத் தலைவர் டத்தோஸ்ரீ எம்.சரவணனும் அறிமுகம் செய்து வைத்தனர்.
செய்தி: காளிதாசன் தியாகராஜன்
0 Comments