கோலாலம்பூர் அக்டோபர்-21
மலேசியத் திரை உலகில் அதிக வசூலை குவித்த திரைப்படமான 'வெடிகுண்டு பசங்க' திரைப்படத்தின் சாதனையை, இன்னும் எந்த ஒரு மலேசிய திரைப்படமும் முறியடிக்கவில்லை.
வீடு புரடக்சன்ஸ் தயாரிப்பில் 'வசூல் நாயகன்' டெனிஸ் குமார் - சங்கீதா நடிப்பில், விமலா பெருமாள் இயக்கிய இப்படம், இவ்வாண்டு தீபாவளி வெடியாக அஸ்ட்ரோ வானவில்லில் ஒளிபரப்பாக இருக்கிறது.
எப்போதும் தீபாவளி என்றால், திரைக்கு வந்த புத்தம் புதிய திரைப்படம் என்ற விளம்பரத்துடன், தமிழ்நாட்டு சினிமா தொடர்பான விளம்பரம்தான் அஸ்ட்ரோவில் வரும். ஆனால் இந்தத் தீபாவளிக்கு 'வெடிகுண்டு பசங்க' தொடர்பான விளம்பரம் வெடிக்கிறது. மலேசியக் கலை உலகம் வளர்ச்சி அடைகிறது. அதற்கு ஏற்ப முக்கியத்துவமும் தற்போது கிடைக்கிறது.
27.10.2019 மாலை மணி 4 அளவில் 'வெடிகுண்டு பசங்க' திரைப்படம் அஸ்ட்ரோ வானவில்லில் ஒளிபரப்பப்படும்.
அதுமட்டுமின்றி தீபாவளியை முன்னிட்டு சில சிறப்பு உள்ளுர் நிகழ்ச்சிகளையும் அஸ்ட்ரோ தயாரித்துள்ளதாகத் தகவல் கசிந்துள்ளது!
0 Comments