புத்ராஜெயா, ஜூலை 4: சுகாதார அமைச்சகத்தின் தேசிய மருந்து ஒழுங்குமுறைப் பிரிவு (NPRA) நான்கு அழகுசாதனப் பொருட்களின் அறிவிப்பை ரத்து செய்துள்ளது. ஏனெனில் அவற்றில் விஷத்தன்மையிலான சேர்க்கை இருப்பது கண்டறியப்பட்டது. இதனால் மலேசியாவில் இனி விற்பனை செய்ய அவ்வகை பொருள்கள் அனுமதிக்கப்படவில்லை என் சுகாதாரத்துறை தலைமை இயக்குநர் டான்ஸ்ரீ டாக்டர் நூர் ஹிஷாம் அப்துல்லா அறிவித்துள்ளார்.
நான்கு தயாரிப்புகளில் BL Skincare Day Cream, Biela Beauty Glowing Night Cream, BL Skincare Day Cream 2 - BL Skincare Night Cream ஆகியவை அடங்கும்.
சம்பந்தப்பட்ட அழகுசாதனப் பொருட்களின் அறிவிப்பு அமைச்சகத்தின் மருந்து சேவைகளின் மூத்த இயக்குநரால் ரத்து செய்யப்பட்டுள்ளது, மேலும் அதை இனி மலேசியாவில் விற்க அனுமதி இல்லை என்று அவர் ஒரு அறிக்கையில் தெரிவித்துள்ளார்.
இந்த அழகுசாதனப் பொருட்களைப் பயன்படுத்தும் பொதுமக்கள், ஏதேனும் அசௌகரியம் அல்லது பாதகமான விளைவுகளை சந்தித்தால், உடனடியாக அவற்றைப் பயன்படுத்துவதை நிறுத்தவும், சுகாதார நிபுணர்களிடம் ஆலோசனை பெறவும் அறிவுறுத்தப்படுகிறார்கள்!
0 Comments