அட்லீ இயக்கத்தில் விஜய் நடித்து வரும் 63-வது படத்தில் ஹிந்தி நடிகர் ஷாருக்கான் நடிப்பதாக ஏற்கனவே செய்திகள் வெளியாகின. ஆனால் அது உறுதிப்படுத்தப்படவில்லை. அதன்பிறகு சென்னையில் கிரிக்கெட் விளையாட்டை ஷாருக்கான் பார்க்க வந்தபோது அவரை அதே மைதானத்திற்குச் சென்று சந்தித்தார் அட்லீ. பின்னர் இருவரும் தனியாகவும் சந்தித்து பேசினார். விஜய் படத்தில் அவரை நடிக்க வைப்பதற்கான பேச்சுவார்த்தை நடத்தவே அட்லீ சென்றதாகவும், 'மெர்சல்' படத்தின் இந்தி ரீ-மேக் தொடர்பாகப் பேசியதாகவும் கூறப்பட்டது.
இந்த நிலையில், மீண்டும் விஜய் - ஷாருக்கான் நடிப்பது பற்றிய செய்திகள் தொடர்ந்து சமூகவலைதளங்களில் வைரலாகி வருகின்றன.
விஜய் 63-வது படத்தில் 15 நிமிடம் மட்டுமே வரக்கூடிய ஒரு எதிர்மறையான கேரக்டரில் ஷாருக்கான் நடிக்கிறாராம். அவர் சம்பந்தப்பட்ட காட்சிகள் படத்தின் கிளைமாக்ஸில் இடம்பெறுவதாகக் கூறப்படுகிறது.
விஜய் 63-வது படத்தில் ஷாருக்கான் குறைவான நேரமே வந்தாலும், அவரது கேரக்டரை எதிர்பார்க்க வைக்கும் வகையிலான காட்சிகள் இடம்பெறுகிறதாம்!
0 Comments