loader
அரசு மரியாதையுடன் 78 குண்டுகள் முழங்க விடைபெற்றார் விவேக்!

அரசு மரியாதையுடன் 78 குண்டுகள் முழங்க விடைபெற்றார் விவேக்!

சென்னை, ஏப்ரல் 17: மாரடைப்பால் மருத்துவமனையில் அனுமதிக்கப்பட்ட நடிகர் விவேக், சிகிச்சை பலனளிக்காமல் இன்று காலை 4.35 மணியளவில்காலமானார்.

இதனையடுத்து அவரின் உடல் மருத்துவமனையிலிருந்து சாலிகிராமத்திலுள்ள அவரது இல்லத்திற்கு கொண்டு செல்லப்பட்டது. அங்கு அவரது குடும்ப உறவினர்கள், நண்பர்கள், திரைத்துறையினர் பலர் அஞ்சலி செலுத்தினர்.

சுமார் 4 மணியளவில் நடிகர் விவேக்கின் இறுதி ஊர்வலம் சென்னை விருகம்பாக்கம் வீட்டில் இருந்து தொடங்கியது. இறுதி ஊர்வலத்தில் ஏராளமான திரையுலக பிரபலங்கள் பொதுமக்கள் கலந்து கொண்டனர்.

பின்னர், மேட்டுக்குப்பம் மின்மயானத்தில் 78 குண்டுகள் முழங்க போலீஸ் மரியாதையுடன் விவேக்கின் உடல் தகனம் செய்யப்பட்டது. அவருக்கு அவரது இளையமகள் அஸ்வினி, இறுதிச்சடங்குகளைச் செய்தார்!

0 Comments

leave a reply

Recent News