உலக அளவில் டிரெண்டிங்கில் பட்டையைக் கிளப்பிக் கொண்டிருக்கும் ஒரு விஷயம். 'Pray for Nesamani'
இயக்குநர் சித்திக் இயக்கத்தில் விஜய் சூர்யா வடிவேலு, ரமேஷ்கண்ணா ஆகியோர் நடித்து 2000-ஆம் ஆண்டில் வெளியான ‘ப்ரண்ட்ஸ்’ திரைப்படத்தில், கட்டுமான குத்தகையாளராக வடிவேல், 'நேசமணி' என்ற கதாப்பாத்திரத்தில் நடித்திருப்பார். எப்பொழுது பார்த்தாலும் சிரிப்பை வரவழைக்கும் படம் இது.
இந்தப் படத்தில் வடிவேலுவின் அண்ணன் மகனாக ரமேஷ்கண்ணா நடித்திருப்பார்
இப்படத்தின் ஒரு காட்சியில் ரமேஷ்கண்ணா வடிவேலுவின் தலையில் சுத்தியலைப் போட்டுவிடுவார். இதனால் தலை சுற்றி கீழே விழுவார் வடிவேல்.
இந்தச் சுத்தியல்தான் நேசமணியை உலக அளவில் அடையாளம் காட்டியிருக்கிறது.
'Civil Engineering Learners' என்ற முகநூல் பக்கத்தில் சுத்தியலின் படம் ஒன்றைப் போட்டு, இதனை உங்கள் ஊரில் என்னவென்று அழைப்பார்கள் என வெளிநாட்டுக்காரர் கேட்க, விக்னேஷ் என்பவர், `இதன் பெயர் சுத்தியல், பெயின்டிங் கான்ட்ராக்டர் நேசமணி தலையை இந்தச் சுத்தியல்தான் பதம் பார்த்தது என விளையாட்டாய் பதிவிட, Pray_for_Neasamani ஹேஷ்டேக் உருவானது.
இதைத் தொடர்ந்து 'Pray for Nesamani' உலக டிரண்டில் இடம்பிடித்தது.
விளைவு, மீம்ஸ் படைப்பாளிகளின் கற்பனையில், விதவிதமாக நேசமணியாகிய வடிவேலு உலகைக் கலக்கிக்கொண்டிருக்கிறார்.
உச்சகட்டமாக . 'Pray for Nesamani' என்ற டிசட்டையும் ஒரே நாளில் தயார் செய்து பரபரப்பு கூட்டியிருக்கிறார்கள் சில இளைஞர்கள்.
மோடி பிரதமராகப் பதவியேற்கும் செய்தியை விடவும், நேசமணி அதிக ட்ரெண்டிங்கில் இருப்பதால், பிஜேபி கட்சியினரும் நேசமணிக்கு எதிரான தங்கள் கருத்துகளைப் பதிவு செய்து வருகின்றனர்.
எப்போதோ வெளியான நகைச்சுவை காட்சிகூட எந்தக் காலத்திலும் முக்கியத்துவம் பெறும் என்பதற்கு நேசமணி ஒரு சாட்சி!
0 Comments