'கிழக்கு சீமையிலே' தொடங்கி 25-க்கும் மேற்பட்ட படங்களில் நடித்துள்ளார் நடிகர் தவசி.
தற்போது ரஜினிகாந்த் நடித்துவரும் 'அண்ணாத்தே' படத்தில் நடித்த நிலையில், புற்றுநோய் பாதிப்பு காரணமாக மதுரையில் உள்ள தனியார் மருத்துவமனையில் சிகிச்சை பெற்றுவருகிறார்.
உணவுக் குழாய் புற்றுநோயால் பாதிக்கப்பட்டு உடல் மெலிந்து காணப்படும் அவருக்கு, திரைத்துறையினர் பலரும் உதவி புரிந்து வருகின்றனர்
நடிகர் சிம்பு மற்றும் விஜய் சேதுபதி தலா 1 லட்சம் வழங்கியுள்ளனர்.
சிவகார்த்திகேயன் 25 ஆயிரமும், சூரி 20 ஆயிரமும் நிதி வழங்கியுள்ளனர். செல்போன் மூலம் தவசியைத் தொடர்பு கொண்ட நடிகர் ரஜினிகாந்த் அவரிடம் நலம் விசாரித்துள்ளார்.
'வருத்தப்படாத வாலிபர் சங்கம்' படத்தில் இடம் பெற்ற 'கருப்பன் குசும்புக்காரன்' என்ற வசனம் மூலம் புகழ் பெற்றவர் தவசி.
'கொம்பன்' படத்தில் கம்பீர மீசையுடன் காட்சி தந்த இவர், இன்று உடல் மெலிந்து மீசை இல்லாமல் தோற்றமளிப்பது பலரையும் நெகிழச் செய்துள்ளது!
0 Comments