வட சென்னை படத்திற்குப் பிறகு வெற்றி மாறன் இயக்கத்தில் தனுஷ் நடித்து வரும் படம் அசுரன். இது ஒரு நாவலை மையமாகக் கொண்டு உருவாகும் படம். இதில் தனுஷ் விவசாயியாக இரண்டு வேடங்களில் நடிக்கிறார்.
மஞ்சு வாரியார் நாயகியாக தமிழில் அறிமுகமாகிறார். இயக்குனர் பாலாஜி சக்திவேல், ஆடுகளம் நரேன், யோகி பாபு, குரு சோமசுந்தரம் உள்பட பலர் நடிக்கிறார்கள். ஜி.வி.பிரகாஷ்குமார் இசை அமைக்கிறார். கலைப்புலி தாணு தயாரிக்கிறார்.
தற்போது இதன் இறுதிக்கட்ட பணிகள் நடந்து வருகிறது. இதில் சிறப்புத் தோற்றத்தில் விஜய் சேதுபதி நடிக்கிறார். தனுசுக்கு உதவும் ஒரு அதிகாரியின் கேரக்டரில் நடிப்பதாகக் கூறப்படுகிறது. இதற்காக 5 நாட்கள் கால்ஷீட் கொடுத்து நடித்துக் கொடுத்துள்ளார் விஜய் சேதுபதி!
0 Comments