loader

All News

வரும் சட்டமன்ற தேர்தலில் ரஜினி, கமல் இணைந்து கூட்டணி அமைத்து போட்டியிட வாய்ப்பு இருப்பதாகவும், இந்த கூட்டணிக்கு அஜித் விஜய் ஆதரவு தர முடிவு செய்திருப்பதாகவும் செய்திகள் வெளியாகியுள்ளது

இதுவரை ரஜினி, கமல், அஜித், விஜய் கூட்டணி என்று ஒரு பொய்யான வதந்தி மட்டுமே பரவி வந்தது. ஆனால் இந்த வதந்தி தற்போது உண்மையாகி விடும் அதிசயம் நடைபெறப்போகிறது

நேற்று 'கமல்ஹாசன் 60' நிகழ்ச்சியில் பேசிய இயக்குனர் சந்திரசேகர் ரஜினியும் கமலும் இணைந்து தேர்தலை சந்திக்க வேண்டும் என்று வேண்டுகோள் விடுத்தார்

இதனையடுத்து இன்று காலை ரஜினி, கமல் இணைந்து தேர்தலை சந்திப்பது குறித்து முதல்கட்ட பேச்சுவார்த்தை நடைபெற்று வருவதாகவும் இந்த பேச்சுவார்த்தையில் சுமூக முடிவு ஏற்பட்டால் அடுத்த கட்டமாக எஸ்ஏ சந்திரசேகர் இரு தரப்பையும் இணைக்கும் வகையில் ஒரு முக்கிய மீட்டிங் ஒன்றை ஏற்பாடு செய்ய இருப்பதாகவும் செய்திகள் வெளியாகியுள்ளது

மேலும் இந்த கூட்டணி உருவானால் விஜய் கண்டிப்பாக ஆதரவு தருவார் என்றும் அதற்கு நான் உறுதி என்றும் எஸ்.ஏசந்திரசேகர் வாக்குறுதி கொடுத்திருப்பதாகவும் அதுமட்டுமின்றி அஜித்திடமும் பேசி இந்த கூட்டணிக்கு ஆதரவு வாங்கி தர முயற்சி செய்யவிருப்பதாகவும் எஸ்.ஏசந்திரசேகர் கூறியிருப்பதாக செய்திகள் வெளியாகி உள்ளது

தமிழகத்தில் திராவிடக் கட்சிகளுக்கு மாற்றுக் கட்சிகள் கிடையாதா? என்று அனைத்து மக்களும் ஏங்கிவரும் நிலையில் தற்போது ரஜினி, கமல், அஜீத், விஜய் ஆகிய நால்வரும் இணைந்து ஒரு கூட்டணியை உருவாக்கினால் அந்த கூட்டணி மிகப் பெரிய வெற்றி பெற்று தமிழகத்தில் ஆட்சியைப் பிடிக்கும் என்று கருதப்படுகிறது. இதனால் அதிமுக மற்றும் திமுக அதிர்ச்சியில் இருப்பதாக செய்திகள் வெளியாகியுள்ளது!

தமிழ்நாடு, தேனி மாவட்ட விஜய் ரசிகர்கள் ‘பிகில்’ படத்திற்கு பேனர் வைப்பதைத் தவிர்த்து 2 விவசாயிகளின் 1 லட்சம் மதிப்புள்ள விவசாயக் கடன்களை அடைத்துள்ளனர்.

சென்னையில் பேனர் விழுந்து சுபஸ்ரீ என்ற இளம்பெண் உயிரிழந்த சம்பவத்தையடுத்து, அரசியல் தலைவர்கள், நடிகர்கள் பலரும் தங்களின் தொண்டர்கள் மற்றும் ரசிகர்களை பேனர் வைக்க வேண்டாம் என வலியுறுத்தினர். 

'பிகில்’ பட இசை வெளியீட்டு விழாவில் நடிகர் விஜய் பேசும்போது, ரசிகர்கள் யாரும் பேனர் வைக்க வேண்டாம் எனக் கேட்டுக்கொண்டார். 

 

இதைத்தொடர்ந்து தமிழகத்தின் பல்வேறு மாவட்டங்களிலும் விஜய் ரசிகர்கள் பேனர் வைப்பதற்குப் பதிலாக, தங்களால் முடிந்த நலத்திட்ட உதவிகளை செய்து வருகின்றனர். அந்த வகையில் தேனி மாவட்ட விஜய் ரசிகர் மன்ற நிர்வாகிகள் ‘பிகில்’ படத்திற்கு பேனர் வைப்பதைத் தவிர்த்து 2 விவசாயிகளின் 1 லட்சம் மதிப்புள்ள விவசாயக் கடன்களை அடைத்துள்ளனர். 

சில நாட்களுக்கு முன்பு திருநெல்வேலி விஜய் ரசிகர்கள் மீனாட்சிபுரம் பெண்கள் மேல்நிலைப்பள்ளி உள்ளிட்ட நான்கு இடங்களில் மொத்தம் 12 சிசிடிவி கேமராக்கள் மற்றும் மானிட்டர்களை அமைத்துக் கொடுத்தனர். 

 

தென்காசியில் அரசு மருத்துவமனைக்கு ஒரு ஸ்ட்ரெச்சர் மற்றும் இரண்டு இரத்த அழுத்த பரிசோதனைக் கருவிகளை விஜய் ரசிகர்கள் வழங்கினர் என்பது குறிப்பிடத்தக்கது!

புதுடில்லி : டில்லியில் காற்று மாசுபாடு நாளுக்கு நாள்  அதிகரித்து வருகிறது. இதனால் சுத்தமான காற்று கிடைக்காதா? என ஏங்கித் தவிப்போருக்கு என்றே, ஆக்சிஜன் பார் ஒன்றை உருவாக்கியிருக்கிறார்கள் டில்லியில். 

தெற்கு டில்லியின் சாக்கெட் பகுதியில் அமைக்கப்பட்டிருக்கும் இந்த ஆக்ஸிஜன் பாருக்கு வரும் வாடிக்கையாளர்கள், லெமன்கிராஸ், ஆரஞ்சு, லவங்கப்பட்டை, பெப்பர்மிண்ட், யூகலிப்டஸ், லாவண்டர் உள்ளிட்ட 7 நறுமணங்களில் ஏதாவது ஒன்றைத் தேர்வு செய்து, அதனோடு சேர்த்து ஆக்சிஜனை சுவாசிக்கலாம்.

பொதுமக்களிடையே பெரும் வரவேற்பைப் பெற்றுள்ளது இந்த பார்!

மும்பை: இந்திய சூப்பர் ஸ்டார் நடிகர் அமிதாப்பச்சன் வீட்டில் படுத்தப்படுக்கையில் இருப்பதாகச் செய்தி வெளியாகியுள்ளது. தனது உடல், 'ஸ்லோ டவுன்' ஆகியிருப்பதாக அவர் மெசேஜ் வெளியிட்டதால் ரசிகர்கள் உருக்கமாக ஆறுதல் தெரிவித்துள்ளனர். நடிகர் அமிதாப்பச்சனுக்கு 77 வயது ஆகிறது. இன்னமும் திரைப்படங்களில் நடித்து வருகிறார். தமிழில் 'உயர்ந்த மனிதன்' படத்தில் நடிக்க ஒப்புக்கொண்டிருப்பதுடன், 2020-ஆம் ஆண்டு வரை, படங்களில் நடிக்க ஒப்பந்தம் செய்யப்பட்டிருக்கிறார். இந்நிலை யில் கடந்த சில வாரங்களுக்கு முன் அமிதாப்பச்சனுக்கு உடல்நிலை பாதிப்பு ஏற்பட்டது. மூச்சுத் திணறலால் அவதிப்பட்ட அவரை, உடனடியாக தனியார் மருத்துவமனையில் சேர்த்தனர். 3 நாள் சிகிச்சைக்குப் பிறகு அவர் வீடு திரும்பினார்.

இந்நிலையில், வெளியில் எங்கும் செல்லாமல் படுத்தப்படுக்கையில் அவர் ஓய்வில் இருப்பதாகத் தெரிகிறது. தனது உடல்நிலை குறித்து அவரே அடிக்கடி இணையத்தள பக்கத்தில் தகவல் தெரிவித்து வருகிறார்.

 

'நாள் முழுவதும் பெட்டில் படுத்தபடிதான் ஓய்வில் இருக்கிறேன். எனக்கு ஒரே பொழுதுபோக்கு தற்போதைக்கு பிரிமியர் லீக் விளையாட்டு பார்ப்பது மட்டும்தான். இந்தச் சூழல் எனது உடல்நிலையை ஸ்லோ டவுன் ஆக்குவதற்கான சிக்னல் ஆக இருக்கிறது' என அமிதாப் மெசேஜ் செய்துள்ளார்! 

 

இந்தியா, ஹரியானாவில் ஆழ்துளை கிணற்றில் தவறி விழுந்த 5 வயது சிறுமி உயிரிழந்துள்ளார்.

நேற்று ஹாரியானா மாநிலத்தில் ஹர்சிங்புரா என்ற கிராமத்தில் 50 அடி ஆழமுடைய ஆழ்துளை கிணற்றில் 5 வயது சிறுமி தவறி விழுந்தார். இந்தச் சிறுமியை மீட்கும் பணியில் தீயணைப்புப்படை வீரர்கள் மற்றும் தேசிய பேரிடர் மீட்புப் படையினர் ஈடுபட்டனர்.

சிறுமியை பொக்லைன் இயந்திரம் மூலம் பள்ளம் தோண்டி மீட்க நடவடிக்கை எடுக்கப்பட்டது. ஆனால் 18 மணி நேர போராட்டத்தில் சிறுமியை உயிருடன் மீட்க முடியவில்லை.

கடந்த சில தினங்களுக்கு முன் தமிழகத்தில் உள்ள திருச்சியில் 2 வயது சிறுவன் சுர்ஜித் ஆழ்துளை கிணற்றில் தவறி விழுந்து உயிரிழந்த சோகம் மறையும் முன்னே அதே போல் இன்னொரு சோகம் நிகழ்ந்துள்ளது குறிப்பிடத்தக்கது!

பாஜக வின் அதிகாரப்பூர்வ தளத்தில் வெளியிடப்பட்ட திருவள்ளுவரின் படத்தால் பெரும் சர்ச்சை எழுந்துள்ளது. காவி நிறத்தில் உடை அணிந்து ருத்ராட்சம் தரித்தபடி அந்த திருவள்ளுவரின் திரு உருவப்படம் இருந்தது. இதனை எதிர்த்துப் பல்வேறு தரப்பினரும் கருத்து தெரிவித்து வருகின்றனர். திருவள்ளுவரை முழுவதுமாக அவமதிக்கும் செயல் இது. பாஜக திட்டமிட்டு இதனைச் செய்வதாக வலைதள வாசிகளும், அரசியல் தலைவர்களும் கருத்து தெரிவித்து வருகின்றனர்.

ஆனால், திருவள்ளுவர் ஓர் இந்து என்றும், திருக்குறள் இந்து மதத்தை அடிதழுவியே எழுதப்பட்டது என்றும் பாஜக தரப்பில் தொடர்ந்து தெரிவிக்கப்பட்டு வருகிறது. இந்நிலையில் பிள்ளையார்பட்டியில் உள்ள திருவள்ளுவர் சிலை மீது அடையாளம் தெரியாத சில மர்ம நபர்கள் சாணி எறிந்துள்ளனர்.

திருவள்ளுவரின் மீதும் திருக்குறள் மீதும் உலகெங்கும் மரியாதை உள்ளது. கருத்தியல் ரீதியாக வள்ளுவரைச் சொந்தம் கொண்டாடும் போட்டி உலகெங்கும் நடந்து கொண்டே தான் இருக்கிறது. எந்தப் போட்டியின் போதும் வள்ளுவரை யாரும் அவமதித்ததில்லை. ஆனால் தற்போது சாணி எறியப்பட்டிருக்கும் இந்நிகழ்வு பலரையும் சங்கடத்தில் ஆழ்த்தியுள்ளது!

 

நடிகா் விஜய் வீட்டுக்கு வெடிகுண்டு மிரட்டல் விடுத்ததை அடுத்து, போலீஸாா் விசாரணை நடத்தி வருகின்றனா்.

இது குறித்து போலீஸ் தரப்பில் கூறப்பட்டதாவது:
சென்னையில் உள்ள காவல்துறையின் மாநில கட்டுப்பாட்டு அறை தொலைபேசிக்கு கடந்த சனிக்கிழமை ஒரு அழைப்பு வந்தது. அதில் பேசிய நபா், நடிகா் விஜய் வீட்டில் வெடிகுண்டு வைக்கப்பட்டிருப்பதாகவும், அது சிறிது நேரத்தில் வெடிக்கும் எனவும் கூறிவிட்டு இணைப்பைத் துண்டித்தாா்.
இதைக் கேட்ட காவலா்கள் அதிா்ச்சியடைந்தனா். உடனே அவா்கள், காவல்துறை உயரதிகாரிகளுக்கு தகவல் தெரிவித்தனா். காவல்துறை உயரதிகாரிகளின் உத்தரவின்பேரில், சென்னை சாலிகிராமம் எஸ்.பி.ஐ. காலனியில் உள்ள நடிகா் விஜயின் தந்தை சந்திரசேகா் வீட்டுக்குச் சென்று விசாரணை மேற்கொண்டனா்.
பின்னா், சென்னை அருகே கிழக்கு கடற்கரைச் சாலையில் பனையூரில் உள்ள விஜய் பங்களாவுக்கு ஒரு காவல் உதவி ஆய்வாளா் தலைமையில் பாதுகாப்பு அளிக்கப்பட்டது. முன்னதாக, அந்த பங்களாவை போலீஸாா் சோதனையும் செய்தனா்.
சைபா் குற்றப்பிரிவு விசாரணை: வெடிகுண்டு மிரட்டல் குறித்து உயரதிகாரிகளின் உத்தரவின்பேரில் சைபா் குற்றப்பிரிவு போலீஸாா் விசாரணை செய்து வருகின்றனா். இதில் அந்த அழைப்பு வந்த செல்லிடப்பேசியில் பேசிய நபா் குறித்து விசாரணை மேற்கொண்டனா்.
விசாரணையில் அந்த நபா், சென்னை போரூா் அருகே உள்ள ஆலப்பாக்கத்தைச் சோந்த ஒரு இளைஞா் என்பது தெரியவந்தது. இதையடுத்து போலீஸாா், அந்த இளைஞரை பிடித்து விசாரித்து வருகின்றனா். இதில் அந்த இளைஞா், முன்னுக்குப் பின் முரணான பதில்களை தெரிவித்து வருவதால், போலீஸாரிடம் குழப்பம் ஏற்பட்டுள்ளது. இதேபோல, சேப்பாக்கத்தில் உள்ள எழிலகத்துக்கு வந்த வெடிகுண்டு மிரட்டல் குறித்தும் போலீஸாா் விசாரணை மேற்கொண்டுள்ளனா்!

திருச்சி மணப்பாறை அடுத்த நடுக்காட்டுபட்டியில் ஆள்துளை கிணற்றில் விழுந்த சுஜித்தை மீட்க தேசிய பேரிடர் மீட்பு குழு தீவிர முயற்சி எடுத்து வந்தது.

சுஜித் உயிருடன் மீட்கப்பட வேண்டும் என தமிழகம் மட்டுமல்லாது இந்தியா முழுவதும் பல்வேறு இடங்களில் பேராலயங்கள் பள்ளிவாசல்கள், கோயில்களில் சிறப்புத் தொழுகைகள், பிரார்த்தனைகள், பூஜைகள் நடைபெற்றன.

இந்நிலையில்,  80 மணி நேரத்திற்கும் மேலாக மேற்கொள்ளப்பட்டு வந்த மீட்புப் பணிகள் இறுதியில் தோல்வியில் முடிந்துவிட்டன.

சுஜித் உயிரிழந்தது உறுதியானது. குழந்தை இருந்த ஆழ்துளை கிணற்றில் இருந்து துர்நாற்றம் வீசியதை அடுத்து மருத்துவர்கள் சோதனை செய்ததில் உடல் அதிக அளவில் சிதைந்துவிட்டது தெரியவந்தது. நிர்வாக ஆணையர் ராதாகிருஷ்ணன் இந்த தகவலை தெரிவித்தார்.

இதனையடுத்து, தேசிய மற்றும் மாநில பேரிடர் மீட்பு குழுவினர் ஆழ்துளை கிணற்றில் சிக்கியிருந்த சுஜித்தின் உடலை மீட்டு வெளியே எடுத்தனர். பின்னர் ஆம்புலன்ஸ் மூலம் மருத்துவமனைக்கு சுஜித்தின் உடல், பிரேதப் பரிசோதனைக்காக எடுத்துச் செல்லப்பட்டது. இதனால் தமிழகம் சோகத்தில் முழ்கியது!

 

 

 



 

 

 

 

திருச்சி மணப்பாறை அடுத்த நடுக்காட்டுபட்டியில் ஆள்துளை கிணற்றில் விழுந்த சுஜித்தை மீட்க தேசிய பேரிடர் மீட்பு குழு முயற்சி எடுத்து வருகிறது.

தமிழகம் மட்டுமல்லாது இந்தியா முழுவதும் பல்வேறு இடங்களில் பேராலயங்கள் பள்ளிவாசல்கள், கோயில்களில் சுஜித்  மீண்டு வர வேண்டும் என சிறப்பு தொழுகைகள், பிரார்த்தனைகள், பூஜைகள் நடைபெற்று வருகிறது. இந்நிலையில் தற்போது நடுக்காட்டுபட்டியில் நடிகர் தாமு பிரார்த்தனை மேற்கொண்டு வருகிறார். அதேபோல் இந்த விபத்து குறித்து டுவிட்டரில் தெரிவித்துள்ள கவிஞர் வைரமுத்து,
அரசு எந்திரத்தையோ
ஆழ்துளை எந்திரத்தையோ
குறை சொல்லும் நேரமில்லை;
குழந்தை மீட்பே குறிக்கோள்.
பாறை என்பது நல்வாய்ப்பு; மண்சரியாது.
தடைக்கல்லைப் படிக்கல்லாக்கி முன்னேறுவோம் என தெரிவித்துள்ளார்.
அதேபோல் ஆழ்துளை கிணறு அருகே இதுவரை  40 அடி குழி தோண்டப்பட்டுள்ளது.  பாறை இருப்பதால் பணியில் சற்று தாமதம் ஏற்படுகிறது என்றும் அதிகாரிகள் தெரிவித்துள்ளனர். தற்போது  நான்காவது நாளாக  62 மணி நேரத்தை தாண்டியது, அதேபோல் குழிதோண்டும் பணி 24 மணிநேரத்தை  கடந்து மீட்புப்பணி நடைபெற்று வருகிறது!

 


 

 

 

 

பொருளாதாரத்துக்கு நோபல் பரிசு வென்ற அபிஜித் பானர்ஜி இந்தியப் பொருளாதாரம் குறித்து வெளியிட்ட அறிக்கை குறித்து மத்திய அரசு குற்ற உணர்வுக்கு ஆட்பட்டதாகத் தெரியவில்லை என ப.சிதம்பரம் விமர்சனம் செய்துள்ளார்.

நாட்டின் பொருளாதார சூழல் குறித்தும், மத்திய அரசின் கொள்கைகள் குறித்தும் ப.சிதம்பரம் அவ்வப்போது டுவிட்டரில் தனது குடும்பத்தினர் மூலம் கருத்துகளைத் தெரிவித்து வருகிறார். அந்த வகையில் சமீபத்தில் இந்தியப் பொருளாதாரம் குறித்து நோபல் பரிசு பெற்ற அபிஜித் பானர்ஜி கருத்துத் தெரிவித்திருந்தார். அதில் இந்திய பொருளாதாரம் தடுமாற்றத்தில் இருக்கிறது. தற்போதைய புள்ளிவிவரங்களின்படி பார்த்தால், விரைவில் அது மீண்டு எழும் என்று உறுதியாக கூற முடியாது.

கடந்த ஐந்து, ஆறு ஆண்டுகளில் சில வளர்ச்சியை கண்டோம். ஆனால், இப்போது அந்த உறுதிப்பாடும் போய்விட்டது என கருத்து தெரிவித்திருந்தார்.  மேலும் மக்களின் வாங்கும் சக்தியை உயர்த்தவும், தேவையை உருவாக்கவும் கவனம் செலுத்த வேண்டும் என்று கேட்டுக்கொண்டார்.  

அதனை சுட்டிக்காட்டி முன்னாள் மத்திய மந்திரி ப.சிதம்பரம்  கூறுகையில், " இந்தியப் பொருளாதாரம் மோசமான நிலையில் இருப்பதாக பொருளாதாரத்துக்கான நோபல் பரிசு பெற்ற அபிஜித் பானர்ஜி தெரிவித்துள்ளார். ஆனால் இது குறித்து மத்திய அரசு குற்ற உணர்வுக்கு ஆட்பட்டதாகத் தெரியவில்லை. மத்திய அரசு உணரும் வரை நாள்தோறும் இரு பொருளாதாரக் குறியீடுகளை நான் பதிவிடுவேன்.

இன்றைய பொருளாதாரக் குறியீடுகள்: 

1. இந்தியாவில் நகர்ப்புறம் மற்றும் கிராமப்புறங்களில் தனிமனிதர் நுகர்வுச் செலவு குறைந்துவிட்டது. இதன் அர்த்தம் ஏழைகள் குறைவாக நுகர்கிறார்கள்.

2. பட்டினி நாடுகள் குறியீட்டில் இந்தியா 117 நாடுகளில் 112-வது இடத்துக்குத் தள்ளப்பட்டுள்ளது. இதன் அர்த்தம் நாட்டில் தீவிரமான பசியோடு இருக்கும் மக்கள் அதிகம்" என பதிவிட்டுள்ளார்.

சீன அதிபர் ஜின்பிங்குடனான முறைசாரா உச்சி மாநாட்டு சந்திப்பு சென்னை மாமல்லபுரத்தில் நடைபெற்றது. இதனையடுத்து இந்திய பிரதமர் மோடி சீன அதிபர் ஜிங் பிங்கை மாமல்லபுரத்தில் சந்தித்தார்.

அப்போது, மாமல்லபுரம் கடற்கரையில், கடல் அலைகளில் கால்களை நனைத்தவாறே நடைப்பயிற்சி மேற்கொண்டார் மோடி.

 

அந்தத் தனது அனுபவங்களை ப இந்தி மொழியில் நேற்று கவிதை ஆக்கி உள்ளார்.

 

இதை டுவிட்டரில் வெளியிட்டுள்ளார். அதுபற்றிய முன்னுரையில்,“  மாமல்லபுரத்தில் கடலில் நடந்து நான், கடலில் தொலைந்து போனேன். இந்த உரையாடல் என் ஆத்ம உலகம். இதை உங்களோடு வார்த்தைகளில் பகிர்ந்து கொள்கிறேன்” என கூறி உள்ளார்.

8 பத்திகளில் எழுதி, அவரால் கையெழுத்திடப்பட்ட இந்தக் கவிதையில், சூரியனுடனும், அலைகளுடனுமான கடலின் உறவையும், அதன் வலியையும் உணர்வுப்பூர்வமாக விவரித்துள்ளார்.

மோடி ஏற்கனவே ‘ஒரு பயணம்’ கவிதை புத்தகத்தை வெளியிட்டுள்ளார் என்பது குறிப்பிடத்தக்கது!

'ஜம்மு - காஷ்மீர் மக்கள் இழந்த உரிமைகளை மீட்க குரல் கொடுப்போம்' என்கிற முழக்கத்தை முன் வைத்து டெல்லி ராகப் கஞ்ச் குருத்வாராவிலிருந்து ஜந்தர் மந்தர் வரை நாம் தமிழர் கட்சி மற்றும் தல் கால்சா, அகாலி தல் (அம்ரிட்ஸர்) ஆகிய சீக்கிய அமைப்புகள் சார்பில் பேரணி நடைபெற்றது. இதில் நாம் தமிழர் கட்சியின் ஒருங்கிணைப்பாளர் சீமான், தமிழ் தேசிய பேரியக்கத்தின் பொதுச்செயலாளர் கி.வெங்கட்ராமன் உள்ளிட்டோர் கலந்துகொண்டனர்.

பேரணிக்கு கடைசி நேரத்தில் அனுமதி மறுக்கப்பட்டதால் பேரணி இடையில் போலீஸாரால் தடுக்கப்பட்டது. இதையடுத்து, நாடாளுமன்ற வளாகத்தின் அருகில் உள்ள பன்டிட் பந்த் சாலையில் அமர்ந்து போராட்டம் நடத்தினர்.

அப்போது பேசிய சீமான், ``எங்கள் கண்முன்னே எங்களின் இனவிடுதலைப் போராட்டம் அடித்து நாசமாக்கப்பட்டது. வலிதாங்கிய மக்கள் நாங்கள். எங்களுக்குத்தான் பிற ஒரு தேசிய இனத்தின் வலியை உணர முடியும். எங்கள் கண்முன்னே காஷ்மீர் மக்கள் துன்பப்படுவதைக் கண்டு வேடிக்கை பார்க்கின்ற மக்களாக நாங்கள் இல்லாததால், சீக்கிய உறவுகளோடு சேர்ந்து குரல் கொடுக்கிறோம். தேசிய இனங்கள் எங்கெல்லாம் உரிமை இழந்து ஒடுக்கப்படுகிறதோ அங்கெல்லாம் அவர்களுக்காக தமிழர்களும் சீக்கியர்களும் ஒற்றுமையாக குரல் கொடுப்போம்" என்றார்!

 

சென்னை: கீழடியில் இதுவரை செய்யப்பட்ட ஆய்வுகளில் மத ரீதியான அடையாளங்கள், ஆதாரங்கள் எதுவும் கிடைக்கவில்லை என்று தொல்லியல் துறை கூறியுள்ளது.

மதுரையில் நடத்தப்பட்ட தொல்பொருள் ஆராய்ச்சியில் வரிசையாக பெரும் திருப்பங்கள் நிகழ்ந்து வருகிறது. கடந்த 5 வருடங்களுக்கும் மேலாக மதுரைக்கு அருகே உள்ள கீழடியில் தொல்பொருள் ஆராய்ச்சி நடந்து வருகிறது.

இதில் இரண்டாம் கட்ட ஆராய்ச்சி தற்போது கீழடியில் வேகம் எடுத்துள்ளது. கடந்த வாரம் அங்கு கண்டெடுக்கப்பட்ட பொருட்கள் இந்திய வரலாற்றையே மாற்றி எழுதும் அளவிற்கு அமைந்துள்ளது குறிப்பிடத்தக்கது.

மதுரை மாவட்டத்திற்கு தென்கிழக்கில் 15 கிலோ மீட்டர் தூரத்தில் சிவகங்கை மாவட்டத்தில் இருக்கிறது கீழடி கிராமம். இங்கு செய்யப்பட ஆய்வுகள் மூலம் 2000 ஆண்டுகள் பழமை வாய்ந்த பொருட்கள் பல கண்டுபிடிக்கப்பட்டது. ஆனால் அதன்பின் சில சதித் திட்டங்களால், அங்கு அகழ்வாராய்ச்சி நிறுத்தப்பட்டது. பின் தற்போது மீண்டும் அங்கு ஆராய்ச்சி தொடங்கி நடந்து வருகிறது.

இந்த நிலையில் தற்போது அங்கு கிடைத்திருக்கும் பொருட்கள்தான் இந்திய வரலாற்றில் பெரிய திருப்பத்தை ஏற்படுத்தி இருக்கிறது. ஆம் கீழடியில் கிடைத்த பொருட்களில் செய்யப்பட்ட கார்பன் ஆராய்ச்சியில் அதன் வயது 2600 வருடங்களுக்கு முந்தையது என்று கண்டுபிடிக்கப்பட்டது. அதாவது கிறிஸ்து பிறப்பதற்கு 600 வருடங்களுக்கும் முன்பு.

இதற்கு முன் உலகில் எங்கும் இவ்வளவு பழமையான பொருட்கள் கிடைக்கவில்லை. ஏற்கனவே இங்கு மணி, பொத்தான், தோடு, தகடு, தொங்கட்டான் ஆகிய பொருட்கள் கிடைத்தது. தற்போது கழிவு நீர் குழாய்கள். செப்பு பாத்திரங்கள். மண் பானைகள் ஆகியவை கிடைத்துள்ளன. இதன் மூலம் 2600 வருடங்களுக்கு முன்பே தமிழ் நாகரீகம் முன்னேறி சிறப்பாக இருந்தது நிரூபணம் ஆகி உள்ளது.

இந்த ஆதாரங்களில் சில விலங்குகள் பொம்மைகள் இருந்துள்ளது. ஆனால் வழிபாடு நடந்ததற்கான அடையாளங்கள் இல்லை. மிக மிக முக்கியமாக இந்த ஆராய்ச்சியில் இதுவரை இந்து மத அடையாளங்கள் கிடைக்கவில்லை. அதாவது ஆதி தமிழர்கள் இந்து மதத்தைச் சேர்ந்தவர்கள் என்று கூறும் ஆதாரங்கள் எதுவும் இல்லை என்பது குறிப்பிடத்தக்கது.

இது தொடர்பாக தொல்லியல் துறை வெளியிட்டு இருக்கும் ஆய்வு அறிக்கையில், எங்கள் ஆய்வில் சில விலங்குகளின் சின்னங்கள் கிடைத்தது. ஆனால் எங்கும் மதம் மற்றும் வழிபாடு தொடர்பான சின்னங்கள் கிடைக்கவில்லை, என்று கூறியுள்ளது. இதன் மூலம் தமிழர்கள் இந்து, இஸ்லாம், கிறிஸ்துவம், புத்தம், சைவம், வைணவம் என்று எதையாவது பின்பற்றினார்களா? என்ற கேள்வி எழுந்துள்ளது.

அதே சமயம் சில வரலாற்று ஆய்வாளர்கள், தமிழர்கள் இயற்கை வழிபாடு நடத்தி இருக்க வாய்ப்புள்ளது என்று கூறுகிறார்கள். இந்த முடிவுகள் மூலம் இந்தியாவின் மொத்த முகமும் மாறப் போகிறது என்பது குறிப்பிடத்தக்கது. திராவிட வரலாறு, தமிழர் வரலாறு, இந்திய வரலாறு, இந்து வரலாறு அனைத்தையும் கீழடி மொத்தமாக மாற்றி எழுதும் நாள் வெகு தொலைவில் இல்லை!

 

பயங்கரவாதத்தை தூண்டியதாகவும், கருப்புப் பண மோசடியில் ஈடுபட்டதாகவும் பல்வேறு பிரிவுகளின் கீழ் சர்ச்சைக்குரிய  மத போதகர் ஜாகீர் நாயக்கின் மீது இந்திய தேசிய புலனாய்வுப் பிரிவு வழக்குப்பதிவு செய்து விசாரித்து வருகிறது.

இந்தியாவில் தலைமறைவானவர் என அறிவிக்கப்பட்டுள்ள ஜாகீர் நாயக்கைப் பிடிக்க அனைத்துலக போலீஸ் உதவி நாடப்பட்டுள்ளது. இதனையடுத்து ஜாகீர் நாயக்கை  இந்தியாவுக்குக் கொண்டு வர நடவடிக்கை எடுக்கப்பட்டு வருகிறது.

புதிய சட்டத்தின் கீழ் ஜாகீர் நாயக்கை தப்பியோடிய பொருளாதாரக் குற்றவாளியாக அறிவிக்க  இந்திய அமலாக்கத்துறை இயக்குநரகம் (ED) சிறப்புப் பண மோசடி தடுப்புச் சட்ட நீதிமன்றத்தில்  திங்களன்று விண்ணப்பம் ஒன்றை தாக்கல் செய்துள்ளது. இந்தக் கோரிக்கை மீதான விசாரணை செப்டம்பர் 30-ஆம் தேதி நடைபெறும். 

கடந்த வாரம்  நாயக்கிற்கு எதிராக அமலாக்கதுறை புதிய ஜாமீன் பெற முடியாத வாரண்டை பெற்ற பின்னர் இந்த நடவடிக்கை மேற்கொள்ளப்பட்டுள்ளது. 

அவர் சரியான நேரத்தில் நீதிமன்றத்தில் ஆஜராகாமல், தப்பியோடிய பொருளாதார குற்றவாளியாக அறிவிக்கப்பட்டால், இந்தியாவிலும் வெளிநாட்டிலும் உள்ள அவரது சொத்துக்களை பறிமுதல் செய்ய முடியும் என்று இந்தியஅமலாகத்துறை வட்டாரங்கள் தெரிவித்துள்ளன.

இந்திய அமலாக்கத்துறை இதுவரை ரூ.50.49 கோடி மதிப்புள்ள நாயக்கின் சொத்துக்களை இணைத்துள்ளது. பாத்திமா ஹைட்ஸ், ஆஃபியா ஹைட்ஸ், எங்ரேசியா (புனே) மற்றும் மும்பை பாண்டூப்பில் ஒரு திட்டத்தில் சொத்துக்களை வாங்க  நாயக் ரூ.17.65 கோடி செலவிட்டுள்ளார் என அளிக்கப்பட்டுள்ள ஆவணத்தில் இருப்பதாகக் கூறப்படுகிறது!

 

பிக் பாஸ் சீசன் 3-ல்  இந்த வாரம் பிக் பாஸ் வீட்டில் நடக்கும் டாஸ்க்குகளில் எந்தப் போட்டியாளர் வெற்றி பெறுகிறரோ அவர் நேரடியாக இறுதிச் சுற்றுக்கு செல்வார் என்று  கூறினர். இந்த நிலையில் டாஸ்க்குகளில் போட்டியாளர்கள் பெற்ற புள்ளி விவரங்களை வெளியிட்டுள்ளனர். அதில் கவின் கடைசி இடத்திலும், அதற்கு அடுத்த படியாக லொஸ்லியா, சேரன், தர்சன் ஆகியோர் உள்ளனர். 

இரண்டாம் இடத்தில் சாண்டியும், முதல் இடத்தில் முகேனும் உள்ளனர். ஆரம்பத்தில் தர்சன் சிறப்பாக விளையாடி முதலிடத்தில் இருந்தாலும் இறுதியாக முகேன் புள்ளிப்பட்டியலில் முதலிடத்தைப் பிடித்து நேரடியாக இறுதிச் சுற்றுக்குச் செல்லும் வாய்ப்பைப் பெற்றுள்ளார்.

எந்த ஒரு நாமினேஷனும் இல்லாமல் நேரடியாக முகேன் இறுதிச்சுற்றுக்கு தகுதி பெற்றதை பல தரப்பினரும் பாராட்டி வருகின்றனர்.

கமல்ஹாசனும் முகேனை அதற்கான பிரத்தியேக மேடைக்கு வரவழைத்து நேரடியாக இறுதிச்சுற்றுக்கு செல்வதற்கான மெடலை அணிவித்ததோடு, முகேனை வெகுவாகப் பாராட்டினார்.

இதனையடுத்து இறுதிச்சுற்றுக்கு சென்றிருக்கும் ஒரே நபர் முகேன் என்பதால், முகேன் ரசிகர்கள் உற்சாகத்தில் இருக்கின்றனர்!

தமிழன் நன்றி மறந்தவன், கொண்டாடத் தெரியாதவன் என்று முன்னாள் மத்திய அமைச்சர் பொன்.ராதாகிருஷ்ணன் தெரிவித்துள்ளார்.

இதுதொடர்பாக அவர் பேசும்போது, "கழுகு எங்கு பறந்தாலும் பார்வை பிணத்தின் மீது என்பது போல், தமிழை வைத்துப் பிழைப்பு நடத்துகின்றனர். சமஸ்கிருதத்தை விட பழமையான மொழி தமிழ் என பிரதமர் நரேந்திர மோடி பலமுறை கூறியுள்ளார். ஆனால் தமிழன் அதைக் கொண்டாடத் தெரியாதவன். நன்றி மறந்தவன் தமிழன். மனிதனுக்கு ஆறு அறிவு உள்ளது; ஆறு மொழிகள் படித்தாக வேண்டும். பேனர் விழுந்து சுபஸ்ரீ உயிரிழந்திருப்பது உலக அரங்கில் தலைகுனிவு ஏற்பட்டுள்ளது" என்று  தெரிவித்துள்ளார்!

 

 

பிக் பாஸ் சீசன் 3-ல் மொத்தம் 16 போட்டியாளர்கள் பங்கேற்றனர். இந்த நிகழ்ச்சியில் பாத்திமா பாபு, மோகன் வைத்யா, வனிதா, மீரா மிதுன், ரேஷ்மா, சரவணன், சாக்ஷி, அபிராமி, மதுமிதா மற்றும் கஸ்தூரி இதுவரை போட்டியிலிருந்து வெளியேறியுள்ளனர். இந்த நிலையில் கடந்த வாரம் சேரன் பிக் பாஸ் வீட்டிலிருந்த சீக்ரெட் ரூமில் வைத்து இருந்தனர். பின்பு மீண்டும் பிக் பாஸ் வீட்டுக்குள் நுழைந்தார்.
இதனையடுத்து போட்டியாளர்களின் குடும்ப உறுப்பினர்களை பிக்பாஸ் வீட்டிற்குள் விருந்தினர்களாக அழைத்து வந்து போட்டியாளர்களுக்கு இன்ப அதிர்ச்சி கொடுத்து வருகின்றனர்.
கவினின் தாயார் மற்றும் குடும்பத்தினரின் தனிப்பட்ட பிரச்னைகள் கவினுக்குத் தெரியாமல் இருந்து வந்த நிலையில் பிக் பாஸ் வீட்டிற்குள் நுழைந்த போட்டியாளர்களின் குடும்பத்தினரில் ஒருவர் இந்தத் தகவலை கவினிடம் கூறியதாகச் சொல்லப்படுகிறது. பின்பு சரவணனைக் கண்ணைக் கட்டி அனுப்பியது போல் கவினையும் அனுப்பியது போன்ற ஒரு புகைப்படம் ஒன்று சமூக வலைத்தளங்களில் வேகமாகப் பரவி வருகிறது.
மேலும் கவின், லாஸ்லியா காதல் விவகாரமும் பார்வையாளர்கள் மத்தியில் பரபரப்பை ஏற்படுத்தி வருவதாகச் சொல்லப்படுகிறது. ஆனால் இது குறித்து அதிகாரப்பூர்வ தகவல் இன்னும் நிகழ்ச்சி ஏற்பாட்டாளர்களிடம் இருந்து வெளிவரவில்லை!

 

இஸ்ரோ சார்பில் நிலவுக்கு அனுப்பப்பட்ட இந்தியாவின் சந்திராயன்-2 விண்கலன் முயற்சி 50 சதவீதம் வெற்றியும் 50 சதவீதம் தோல்வியும் பெற்றுள்ளது. இது உலகம் முழுக்க பெரும் சோகத்தை ஏற்படுத்தியது.

எனினும், சந்திராயன் 2 விக்ரம் லேண்டரில் இருந்து இஸ்ரோவுக்கு சிக்னல் கிடைக்கவில்லை. ஆனால் ஆர்பிட்டர் தொடர்ந்து இயங்கிக் கொண்டிருக்கின்றது. இது நிலவைத் தொடர்ந்து ஆய்வு செய்யும் என இஸ்ரோ தெரிவித்துள்ளது. லேண்டர் தோல்வியடைந்த நிலையில், பிரதமர் மோடி சிவனை கட்டியணைத்தது, சமூக வலைதளங்களிலும் ரைவல் ஆகியுள்ளது.

நிலவின் தென் துருவத்தில் தரையிறங்க இருந்த விக்ரம் லேண்டரில் இருந்து, நிலவின் தரைப்பகுதிக்கு 2.1 கி.மீ தொலைவில் இருந்து சிக்னல் கிடைக்கவில்லை என்று இஸ்ரோ தலைவர் சிவன் தெரிவித்துள்ளார்.

சந்திராயன்-2 விண்கலனை இஸ்ரோ கடந்த ஜூலை 22-ஆம் தேதி, ஜிஎஸ்எல்வி ராக்கெட்டில் ஆர்பிட்டர், லேண்டர், ரோவர் ஆகிய 3 கலன்களுடன் செலுத்தியது.

சந்திராயன்-2-ல் இருந்து பிரிந்த ஆர்பிட்டர் சாட்டிலைட் கருவி, நிலவின் சுற்றுவட்ட பாதையில், ஏற்கனவே சுற்றி வரத் துவங்கிவிட்டது.

ரோவருடன் தரையிறக்க உதவிம் விக்ரம் லேண்டர், நிலவில் தரையிறங்கவில்லை. நிலவின் இருந்து 2.1 கி.மீ முன் அதன் இஸ்ரோ மையத்துடனான தொடர்பை முற்றிலும் இழந்துள்ளது.

ஆர்பிட்டர் மட்டும் தொடர்ந்து செயல்பாட்டில் இருக்கின்றது. இது நிலவைத் தொடர்ந்து ஓராண்டுக்கு ஆய்வு செய்யும். மேலும், தென்துருவத்தில் சுற்றுவட்ட பாதையில் ஆர்பிட்டர் சுற்றிவருகின்றது. இது நிலவை ஆய்வு செய்து வருகின்றது.

சந்திரயான்- 2-ன் மற்றொரு பகுதியான ஆர்பிட்டர் தொடர்ந்து செயல்பட்டு நிலவை ஆய்வு செய்யும் என விஞ்ஞானிகள் தெரிவித்துள்ளனர். ஆர்பிட்டர் 95% பணி செய்யும் என இஸ்ரோ விஞ்ஞானிகள் தெரிவித்துள்ளனர். லேண்டர் நிலவில் தரையிறங்கினாலும் கூட 14 நாட்கள் மட்டும் ஆய்வு செய்து இருக்கும். இந்த திட்டம் முழு தோல்வி எனக் கூற முடியாது என்று இஸ்ரோ விளக்கம் அளித்துள்ளது.

பெங்களூர் இஸ்ரோ மையத்திற்கு நிலவில் தரையிறங்கும் காட்சியைக் காண வந்த பிரதமர் மோடி வாழ்கை என்றால் மேடு பள்ளம் இருக்கத்தான் செய்யும் என விஞ்ஞானிகளுக்கு ஆறுதல் கூறினார்.

சந்திராயன்-2 நிலவை நெருங்கியது மிகப்பெரிய சாதனை. கடுமையாக விண்வெளி சேவையாற்றியுள்ளீர்கள் என்று இஸ்ரோ தலைவர் சிவன் உள்ளிட்டோர்களை மோடி தட்டிக் கொடுத்தார்.

இஸ்ரோ தலைவர் சிவனை பிரதமர் கட்டியணைத்து ஆறுதல் கூறினார். இது இணையதளங்களிலும் வைரலாகி வருகின்றது. மேலும், இந்தத் திட்டத்திற்காக சிவன் தலைமையிலான விஞ்ஞானிகள் குழு அர்ப்பணிப்போடு செயல்பட்டது அனைத்து நாட்டினரையும் கவர்ந்துள்ளளது!

 

 

பிக் பாஸ் 3 சீசனில் ஏற்கனவே வெளியில் போன மூவர்  உள்ளே நுழைந்ததில், எதிர்பார்ப்பு இன்னும் கூடி இருக்கிறது.
இந்தக் கூட்டத்திற்கு மத்தியில் சர்ச்சைகளுக்கும் களேபரத்துக்கும் பஞ்சமே இல்லை.
வனிதா ஒருபக்கம் எகிற, லாஸ்லியா ஒருபக்கம் திமிர, இவர்களுக்கு மத்தியில் சாக்‌ஷி செரினை மூட்டி விடும் அங்கமும் அரங்கேறியது.
ஆனால் சாக்‌ஷி கொஞ்சம் ஓவராய் போய் பொதுமக்களை நாய்கள் என்று பேசியது பொதுமக்கள் மத்தியில் பெரும் சர்ச்சையை உண்டு பண்ணியது.
வலைத்தளங்களிலும் சாக்‌ஷியை வறுத்தெடுக்கத்  தொடங்கிவிட்டனர் வலைத்தள வாசிகள்.
இந்நிலையில் இது குறித்து கமல்ஹாசன் என்ன பேசப்போகிறார்? பஞ்சாயத்து கூடுமா? என்று நேற்று கேட்டிருந்தோம்.
அவ்வகையில் தற்போது வெளியான புரோமோவில் அது குறித்த கேள்வியை கமல்ஹாசன் கேட்பது போல் இருக்கிறது.
எனவே இந்த நாய் பஞ்சாயத்து இன்று கூடும் என எதிர்பார்க்கப்படுகிறது!

நேற்றைய பிக்பாஸ் நிகழ்ச்சியில் நடிகை ஷெரினைச் சமாதானம் செய்து கொண்டிருந்த சாக்‌ஷி, திடீர் என்று உணர்ச்சிவசப்பட்டு, "நாய்கள் ரோட்ல குரைக்கும்... அதை எல்லாம் நீ பொருட்படுத்தாதே' என பிக் பாஸ் பார்த்துக்கொண்டிருக்கும் ரசிகர்களைக் குறிப்பிடுவதுபோல கூறினார். ஆங்கிலத்தில் கூறப்பட்ட அந்த வசனம், நிகழ்ச்சியின் போது தமிழ்ப் படுத்தப்பட்டும் ஒளியேறியது.

அதற்கு ஷெரின் "ரோட்ல நாய் குரைத்தால் எனக்குப் பிரச்னை இல்லை, நான் வளர்க்கும் நாய் என்னைக் கடித்தால் நான் கவலைப் படுவேன்" எனப் பதிலளித்தார்.

பின்னர் சாக்‌ஷி  "நான் உள்ளே உள்ளவர்களைப் பற்றிக் குறிப்பிடவில்லை, நான் வெளியே இருக்கிற மக்களைப் பற்றிப் பேசுகிறேன்... பேசுறவங்க பேசிக்கிட்டுப் போகட்டும்" எனப் பேசினார்.  

"தர்ஷன், அவரின் நலம் விரும்பி மற்றும்  வனிதா பிரச்னை தொடர்பாக விவாதிக்கும் போது, நீ ஏன் பொதுமக்களைப் பற்றி பேசுகிறாய்?" என ஷெரின் கேள்வி கேட்க,

அதற்கு சாக்‌ஷி "அந்த நலம் விரும்பியும் இப்போ பொதுமக்கள்தான்" என்றார்.

"நான் அவங்க  உணர்வுக்கு மரியாதை கொடுத்து ஒதுங்கி உள்ளேன்... ஆனால், வனிதா, நான் கள்ளத் தொடர்பு வைத்துள்ளேன் என்று சொல்வதை என்னால் ஏற்கமுடியாது" என்று கூறுவதோடு  அவர்களின் உரையாடல் முடிந்தது.

இதனையடுத்து, சாக்‌ஷி பொதுமக்களைப் பார்த்து "நாய்" என்று கூறியதால், மக்கள் பொங்கி எழுந்து சமூகவலைதளத்தில் வறுத்தெடுக்கின்றனர் அவரை.

சரவணன் பேசிய வார்த்தையைக் கண்டித்து வெளியே அனுப்பிய பிக்பாஸ், சாக்‌ஷிக்கு  என்ன தண்டனை வழங்கப் போகிறார்? அதோடு, நாளை சனிக்கிழமை நிகழ்ச்சியைத் தொகுத்து வழங்கும் நடிகர் கமல், இந்தச் சம்பவத்திற்குப் பஞ்சாயத்தைக் கூட்ட வேண்டும்  என, பொதுமக்கள் தங்கள் கருத்துக்களைத் தெரிவித்து வருகின்றனர்.

நாளை கமல் தலைமையில் பஞ்சாயத்து கூடுமா?

தமிழ் பிக்பாஸைத் தொடர்ந்து தெலுங்கிலும் பிக்பாஸ் நிகழ்ச்சி ஒளிபரப்பாகி வருகிறது. இந்நிகழ்ச்சியை நடிகர் நாகர்ஜுனா தொகுத்து வழங்கி வந்தார்.

நடிகர் நாகர்ஜுனா தனது பிறந்தநாளைக் கொண்டாட ஸ்பெயின் நாட்டுக்குக் குடும்பத்துடன் சென்றிருப்பதால், அவரின் ஆலோசனையின் பேரில் ரம்யா கிருஷ்ணனை தொகுப்பாளராக்கியது நிகழ்ச்சிக் குழு.

இதையடுத்து ரம்யா கிருஷ்ணன் பிக்பாஸ் நிகழ்ச்சியைத் தொகுத்து வழங்கினார்.

ரம்யா கிருஷ்ணனின் வருகை தெலுங்கு பிக்பாஸ் போட்டியாளர்களுக்கு இன்ப அதிர்ச்சியாக இருந்தது. நாகர்ஜுனா ஸ்பெயினில் இருந்து திரும்பும் வரையில் ரம்யா கிருஷ்ணனே நிகழ்ச்சியைத் தொகுத்து வழங்குவார் என்றும் கூறப்படுகிறது!

தமிழகத்தின் தனியார் தொலைக்காட்சியில் ஒளியேற்றி வரும் பிக்பாஸ் நிகழ்ச்சி தொடர்ந்து வெற்றிகரமாக மூன்றாவது சீசனிலும் பரபரப்பைக் காட்டி வருகிறது.

இந்நிகழ்ச்சி குறித்து பல்வேறு சர்ச்சைகள் எழுந்த போதிலும், பார்வையாளர்கள் எண்ணிக்கை அதிகரித்த வண்ணம் தான் உள்ளது.
பிக் பாஸ் நிகழ்ச்சியில் 3 சீசன் களிலும் கமல்தான் அதிகாரபூர்வ அறிவிப்பாளராக பணியாற்றி வருகிறார்.
பிக் பாஸின்  மாபெரும் வெற்றியைத் தொடர்ந்து, பிக்பாஸ் நான்காவது சீசனும் தொடங்கப் போவதாக தகவல்கள் கசிந்துள்ளன.
ஆனால் அந்த சீசனில் கமல் அறிவிப்பாளராக இருக்க மாட்டார் என்று கூறப்பட்டு வருகிறது.
பல்வேறு சர்ச்சைகள் காரணமாகவும் சட்டமன்ற தேர்தல் காலம் என்பதாலும் பிக் பாஸ் நிகழ்ச்சியில் இருந்து கமல் விலகலாம் என்று கூறப்படுகிறது.
இந்நிலையில் பிக்பாஸ் நான்காவது சீசனை சிம்பு தொடங்குவார் என்று தகவல் வெளியாகியுள்ளது.
இதனால் கமல் ரசிகர்கள் பெரும் அதிர்ச்சி அடைந்து இருப்பதோடு, கமல் அளவுக்கு சிம்புவுடன் பக்குவமாகப் பேச முடியுமா என்ற கேள்வியையும் எழுப்பி வருகின்றனர்.
சமூக ஊடகங்களில் இச்செய்தி பரபரப்பாகப் பகிரப்பட்டு வருகிறது!

இலங்கையில் குண்டுவெடிப்பு சம்பவத்தில் ஈடுபட்ட பயங்கரவாதிகள் 6 பேர் இலங்கை வழியே தமிழகத்திற்குள் ஊடுருவியிருப்பதாகவும், இலங்கையைப் போன்று தமிழகத்திலும் பயங்கரவாத தாக்குதலில் ஈடுபட திட்டமிட்டிருப்பதாகவும் தமிழக டிஜிபி திரிபாதிக்கு மத்திய உளவுத்துறை தகவல் அளித்துள்ளது. 

உளவுத்துறையின் இந்த எச்சரிக்கையைத் தொடர்ந்து தமிழகம் முழுவதும் பாதுகாப்பை பலப்படுத்தும்படி அனைத்து மாவட்ட எஸ்.பி.க்கள் மற்றும் காவல் ஆணையாளர்களுக்கு டிஜிபி உத்தரவு பிறப்பித்துள்ளார். மேலும் கடலோர பகுதிகளில் சந்தேகத்திற்கிடமான படகுகளை கண்காணிக்கவும் உத்தரவு பிறப்பித்துள்ளார். அதன்படி நேற்று இரவு முதலே அனைத்து பகுதிகளிலும் பாதுகாப்பு பலப்படுத்தப்பட்டுள்ளது.

இதற்கிடையே, தமிழகத்தில் ஊடுருவியிருக்கும் 6 பயங்கரவாதிகளும் கோவையில் பதுங்கியிருப்பதாக தகவல் வெளியானது. இதனால் கோவையில் உச்சபட்ச பாதுகாப்பு அளிக்கப்பட்டுள்ளது. கோவை முழுவதும் போலீசார் கண்காணிப்பை தீவிரப்படுத்தி உள்ளனர். பொது இடங்கள் மற்றும் பதற்றமான இடங்களில் போலீசார் தொடர்ந்து ரோந்து சுற்றி வருகின்றனர். 

நெற்றியில் விபூதி, குங்குமம் அணிந்து மாறுவேடத்தில் ஊடுருவி உள்ள பயங்கரவாதிகளில் ஒருவன் பாகிஸ்தானைச் சேர்ந்தவனாக இருக்கலாம் என்றும், மற்ற 5 பேரும் இலங்கையைச் சேர்ந்தவர்கள் எனவும் உளவுத்துறை கூறி உள்ளது.

பயங்கரவாதிகள் என சந்தேகப்படும் நபர்களின் புகைப்படங்களை கோவை போலீசார் வெளியிட்டு உள்ளனர். 6 பயங்கரவாதிகளில் 3 பேரின் படங்கள் வெளியிடப்பட்டு உள்ளது!

முன்னாள் மத்திய நிதியமைச்சர் ப.சிதம்பரத்துக்கு எதிராக சி.பி.ஐ மற்றும் அமலாக்கத்துறை தொடர்ந்துள்ள ஐ.என்.எக்ஸ் மீடியா வழக்கில் டெல்லி உயர் நீதிமன்றம் ஜாமின் வழங்க மறுத்துவிட்டது. இதனையடுத்து, முன்ஜாமின் கோரி ப.சிதம்பரம் உச்ச நீதிமன்றத்தில் வழக்குத் தொடர்ந்தார். 

இந்த வழக்கை வெள்ளியன்று விசாரிப்பதாக தெரித்த நிலையில்,  அதிரடியாக ப. சிதம்பரத்தை கைது செய்துள்ளது சிபிஐ.
முன்னாள் மத்திய நிதியமைச்சராக ப.சிதம்பரம் இருந்தபோது, ஐ.என்.எக்ஸ் மீடியா நிறுவனம் ரூ.305 கோடி வெளிநாட்டு நிதியைப் பெறுவதற்கு, அந்நிய முதலீட்டு ஊக்குவிப்பு வாரியம் ஒப்புதல் வழங்கியது. இதற்கு, ப.சிதம்பரத்தின் மகன் கார்த்திக் சிதம்பரத்தின் உதவியுடன் முறைகேட்டில் ஈடுபட்டதாகக் குற்றச்சாட்டுகள் எழுந்தன. இதுதொடர்பாக சிபிஐ வழக்குபதிவு செய்து விசாரணை நடத்தியது. அதைத் தொடர்ந்து, சட்டவிரோத பணப் பரிவர்த்தனை தடுப்புச் சட்டத்தின்கீழ், அமலாக்கத்துறையும் தனியாக வழக்குபதிவு செய்து விசாரணை மேற்கொண்டு வருகிறது.
இந்த வழக்கில், கடந்த ஆண்டு கார்த்தி சிதம்பரம் கைதுசெய்யப்பட்டு ஜாமீனில் விடுவிக்கப்பட்டார். இந்த வழக்கில் சிதம்பரமும் இடம்பெற்றிருப்பதால், அவரும் கைதுசெய்யப்படலாம் என்ற நிலை ஏற்பட்டது.
இதனையடுத்து டெல்லி ஜோர் பாக் இல்லத்தில் நுழைந்த சிபிஐ அதிகாரிகள் அதிரடியாக அவரை நேற்று கைது செய்தனர்!

காஷ்மீர் மாநிலத்தில் வழங்கப்பட்ட சிறப்பு அந்தஸ்தை ரத்து செய்த மத்திய அரசு, அம்மாநிலத்தை காஷ்மீர் மற்றும் லடாக் என்ற இரண்டு யூனியன் பிரதேசங்களாகவும் பிரித்திருக்கிறது. இதற்கு, தமிழக கட்சிகள் எதிர்ப்பு தெரிவித்து வரும் நிலையில், சினிமா நட்சத்திரங்கள் பலரும் கருத்து தெரிவித்து வருகிறார்கள்.

இதற்கிடையே, நேற்று சென்னையில் நடைபெற்ற புத்தக வெளியீட்டு விழா ஒன்றில் கலந்துக் கொண்டு பேசிய ரஜினிகாந்த், காஷ்மீர் விவகாரத்தில் மத்திய அரசு மேற்கொண்ட நடவடிக்கைகளை வரவேற்று பேசியதோடு, பிரதமர் மோடி மற்றும் அமைச்சர் அமித்ஷாவை பாராட்டியும் பேசினார்.

இந்த நிலையில், காஷ்மீர் விவகாரம் தொடர்பாக வெளிநாட்டு ஊடகம் ஒன்றுக்கு பேட்டியளித்திருக்கும் விஜய் சேதுபதி, ”நிச்சயமா இது ஜனநாயக விரோதமானது. பெரியார் அன்றைக்கே சொல்லிவிட்டார். அவங்கவங்க பிரச்சினைகளுக்கு அவங்கவங்க தான் தீர்வு காண முடியும். உங்கள் வீட்டின் மீது நான் அக்கறை செலுத்தலாம், ஆனால் ஆளுமை செலுத்த முடியாது, கூடாது.” என்று தெரிவித்திருக்கிறார்!

தனியார் தொலைக்காட்சியில் ஒளிபரப்பாகிவரும் ‘பிக் பாஸ்’ நிகழ்ச்சியின் எபிஸோடு ஒன்றில், பஸ்ஸில் கூட்ட நெரிசலில் ஒருவர் மீது ஒருவர் உரசுவது குறித்து பிக் பாஸ் வீட்டில் உள்ளவர்களிடம் உரையாடினார் கமல்ஹாசன். அப்போது, ‘சிலர் பெண்களை உரசுவதற்காகவே பஸ்ஸில் வருவார்கள்’ என்றார்.

அந்த சமயத்தில் கையை உயர்த்திய போட்டியாளர்களில் ஒருவரான சரவணன், ‘காலேஜ் படிக்கும்போது நான் இப்படி பண்ணிருக்கேன் சார்’ என்று கமல்ஹாசனிடம் சொன்னார். அதைக்கேட்டு, பிக் பாஸ் வீட்டில் உள்ளவர்கள் மட்டுமின்றி, பார்வையாளர்களும் சிரித்தனர். சரவணனின் இந்தக் கருத்துக்கு, கடுமையான விமர்சனம் எழுந்தது. சின்மயி உள்ளிட்டவர்கள் தங்கள் கண்டனத்தைப் பதிவு செய்தனர்.

“நடிகர் சரவணன் பேருந்தில் பெண்களை இடிப்பதற்காகவே ஏறியதாகக் கூறுகிறார். அதையும் ஒளிபரப்புகிறார்கள். பார்வையாளர்களுக்கு அது நகைச்சுவையாக உள்ளது. சரவணனுக்காகப் பெண்களும் கைதட்டுகிறார்கள்” என ட்விட்டரில் பதிவிட்டார் சின்மயி.

இப்படி எதிர் விமர்சனங்கள் கடுமையான நிலையில், ஜூலை 29 ஒளிபரப்பான நிகழ்ச்சியில், தன்னுடைய கருத்துக்கு விளக்கம் அளித்ததுடன், மன்னிப்பும் கேட்டுள்ளார் சரவணன்.

சரவணனை கன்பெஷன் ரூமுக்கு அழைத்த பிக் பாஸ்,  "நிபந்தனையற்ற மன்னிப்பு கேட்க வேண்டும்” என்றார்.

அதற்குப் பதிலளித்த சரவணன், “இந்த நிகழ்ச்சியைப் பார்த்துக் கொண்டிருக்கும் எல்லா மக்களுக்கும் நான் ஒரு விஷயம் சொல்ல வேண்டும். கமல் சார் சொன்னபோது, ‘நானும் இதுமாதிரி செய்திருக்கேன் சார்’ என அவசரமாகக் கைதூக்கினேன்.

நான் காலேஜ் படிக்கும்போது நிறைய தவறுகள் செய்துள்ளேன். எல்லா மாணவர்களும் செய்கிற சின்னச் சின்ன தவறுகள். ‘யாருமே அதைப் பண்ணாதீங்க’ என்று சொல்வதற்காகத்தான் நான் அதைச் சொன்னேன். அதற்குள் கட் ஆனதால் சொல்ல முடியாமல் போய்விட்டது.  யாரும் மன வருத்தப்பட வேண்டும் என்பதற்காக இதைச் சொல்லவில்லை. சிறுவயதில் தவறுதலாகச் செய்துவிட்டேன். இப்போது சின்ன வயதில் இருப்பவர்கள் இதைச் செய்யாதீர்கள் என்று சொல்லத்தான் வந்தேன். ‘என்னை மாதிரி யாரும் தப்பு பண்ணாதீங்க. தப்பு பண்ணா தண்டனை இருக்கிறது என்பதை வலியுறுத்திக் கொண்டே இருக்கிறேன். 

நான் இப்படிச் சொன்னதால் யாருக்காவது மன வருத்தம் ஏற்பட்டிருந்தால், தயவுசெய்து என்னை மன்னித்து விடுங்கள். யாருமே இப்படிச் செய்யக்கூடாது என்பதை சொல்வதற்காகத்தான் நான் கைதூக்கினேன்” என்றார்!

விளம்பரம்:

 

நடந்து முடிந்த நாடாளுமன்றத் தேர்தலில் தினகரன் கட்சி படு தோல்வியை சந்தித்தது. இதனால் தினகரன் கட்சியிலிருந்து நிர்வாகிகள் மற்றும் தொண்டர்கள் திமுக, அதிமுக கட்சியில் இணைந்து வந்தனர். இது கட்சிக்குப் பெரும் பின்னடைவை ஏற்படுத்தியது. இதனையடுத்து கட்சியை வலுப்படுத்த வேண்டுமென்றால் சிறையில் இருக்கும் சசிகலாவை வெளியே கொண்டுவருவது தான் ஒரே வழி என்று தினகரன் நினைத்ததாகச் சொல்லப்படுகிறது. 

சசிகலா சிறைக்குப் போய் கிட்டத்தட்ட இரண்டரை வருடங்கள் ஆவதால், நன்னடத்தை விதிகளின் படி, டிசம்பர் அல்லது ஜனவரி மாதம் சசிகலா சிறையில் இருந்து வெளியே வருவார் என எதிர்பார்க்கப்பட்டது. அதேபோல் டிடிவி தினகரன், சசிகலாவை வெளியில் எடுக்க சட்ட ரீதியான முயற்சி எடுத்துக் கொண்டிருக்கிறோம் நிச்சயம் வெளியே வருவார் என தெரிவித்திருந்தார். இந்த நிலையில் கர்நாடக சட்டப்பேரவையில் நம்பிக்கை வாக்கெடுப்பு மீதான நான்கு நாள் விவாதத்திற்குப் பிறகு கடந்த செவ்வாய்கிழமை மாலை வாக்கெடுப்பு நடைபெற்றது. அதில் காங்கிரஸ் மற்றும் ம.ஜ.க கூட்டணி ஆட்சிக்கு ஆதரவாக 99 வாக்குகளும், எதிராக 105 வாக்குகளும் பதிவானதால், முதல்வர் குமாரசாமி தலைமையிலான அரசு கவிழ்ந்தது.

இதனையடுத்து பாஜக ஆட்சியமைக்க உரிமை கோரும் என எதிர்பார்க்கப்பட்ட சூழலில் பல்வேறு குழப்பங்கள், கூட்டங்களுக்கு பின் எடியூரப்பா பாஜக சார்பில் ஆட்சியமைக்க உரிமை கோரினார். எனவே, கர்நாடகாவில் பாஜக அரசு ஆட்சிக்கு வரும் சூழல் உருவாகி வருவதால் சசிகலாவை நன்னடத்தை விதிகளின் கீழ் விடுவிப்பதில் சிக்கல் ஏற்பட வாய்ப்பு இருக்கிறது என்று அரசியல் வட்டாரங்கள் கூறிவருகின்றன. இதனால் தினகரன் மற்றும் சசிகலா தரப்பு வருத்தத்தில் இருப்பதாகச் சொல்லப்படுகிறது!

விளம்பரம்:

'மீ டூ' சர்ச்சை நடிகை ஸ்ரீரெட்டி, தெலுங்கு பிக்பாஸ் நிகழ்ச்சியில் போட்டியாளராகப் பங்கேற்ப இருப்பதாகத் தகவல்கள் வெளியாகியுள்ளது.

தமிழைத் தொடர்ந்து தெலுங்கிலும் பிக்பாஸ் சீசன் 3 நிகழ்ச்சி விரைவில் தொடங்க இருக்கிறது. சர்ச்சைக்குப் பேர் போனவர்களையே பிக்பாஸ் வீட்டில் போட்டியாளர்களாகத் தேர்வு செய்து வருகின்றனர். அந்த வகையில் தமிழ் அல்லது தெலுங்கு பிக்பாஸில் நடிகை ஸ்ரீரெட்டியும் பங்கேற்பார் என எதிர்பார்க்கப்படுகிறது.

பட வாய்ப்புத் தருவதாக தமிழிலும், தெலுங்கிலும் தன்னைப் பலர் பாலியல் ரீதியாக பயன்படுத்திக் கொண்டதாக புகார் கூறி பரபரப்பை ஏற்படுத்தியவர் ஸ்ரீரெட்டி. அரை நிர்வாணப் போராட்டம் நடத்தியும், தனது சமூகவலைதளப் பக்கம் வாயிலாகவும் பிரபல நடிகர்கள் மற்றும் இயக்குநர்கள் மீது அவர் பாலியல் புகார் அளித்து வருகிறார். அவ்வப்போது ஆபாசமாகவும் சில பதிவுகளை வெளியிட்டு வருகிறார்.

எனவே, அவரை பிக்பாஸ் வீட்டிற்குள் அனுப்பி வைத்தால் நிச்சயம் நிகழ்ச்சி சூடுபிடிக்கும், நிறைய விஷயங்கள் கிடைக்கும் என நம்பப்படுகிறது. இது தொடர்பாக பிக்பாஸ் நிகழ்ச்சித் தயாரிப்பாளர்களும் தன்னை அணுகியதாக ஸ்ரீரெட்டியே முன்பு தெரிவித்திருந்தார். பின்னர் தமிழ் அல்லது தெலுங்கு இதில் எந்த பிக்பாஸில் பங்கேற்க விரும்புகிறீர்கள் என ரசிகர்களிடம் அவர் சர்வே கூட நடத்தினார்.

தெலுங்கை விட, தற்போது தமிழ்ப் படங்களில் அதிக கவனம் செலுத்தி வருவதால், ஸ்ரீரெட்டி தமிழ் பிக்பாஸ் சீசன் 3-ல் தான் கலந்து கொள்வார் எனப் பெரிதும் எதிர்பார்க்கப்பட்டது. நிகழ்ச்சி துவக்கநாளன்று கமல் இன்னும் இரண்டு போட்டியாளர்கள் வீட்டிற்குள் செல்ல இருப்பதாகத் தெரிவித்தார்.

அதன்படி, மறுநாளே மீராமிதுன் பிக்பாஸ் வீட்டிற்குள் சென்றார். கமல் கூறியபடி இன்னும் ஒரு போட்டியாளர் மீதமிருக்கிறார். எனவே, அது ஸ்ரீரெட்டி அல்லது பவர்ஸ்டார் சீனிவாசனாகத் தான் இருக்க வேண்டும் எனக் கருதப்பட்டது.

இந்நிலையில் ஸ்ரீரெட்டி தமிழுக்கல்ல, தெலுங்கு பிக்பாஸ் நிகழ்ச்சியில் கலந்து கொள்வது ஏறக்குறைய உறுதியாகிவிட்டது. இத்தகவலை அவரே தனது டிவிட்டர் பக்கத்தில் மறைமுகமாகத் தெரிவித்துள்ளார்!

கடந்த வாரம் பிக்பாஸ் நிகழ்ச்சியிலிருந்து வெளியேறிய பாத்திமா பாபு பிக் பாஸ் வீட்டின் மற்ற போட்டியாளர்களைப் பற்றிய ரகசியங்களைப் பகிர்ந்துள்ளார்.

வனிதா: தனக்குப் பிடிச்சிருந்தா என்ன வேண்டுமானாலும் செய்வாள். பிடிக்கலைனா தூக்கிப்போட்டுட்டு ஈஸியா போயிடுவா, இதான் அவளுடைய கேரக்டர்.

அபிராமி: மனசில் நினைப்பதை டமால்னு சொல்லக்கூடியவள், பெரிய டான்ஸர், பெரிய நடிகர்களின் படங்களில் எல்லாம் நடித்து வருகிறாள்.

சேரன்: அவருக்கு க்கொடுக்கப்பட்ட வேலைகளை 100 சதவீதத்துக்கு மேல் சிறப்பாக அதிகம் செய்வார். அதனால் அவருக்கு உடல்நிலை சரியில்லாம கூட போயிருக்கு. ஆனால், அவர் என்னை எப்போதும் ஒரு சமையல்காரி மாதிரி நினைப்பதை தான் என்னால் ஏற்றுக்கொள்ள முடியவில்லை.

கவின்: பெரியவர்களை அவன் ஆட்டத்திலேயே சேர்த்துக்க மாட்டான், எப்போதும் சின்ன வயசு பசங்க, பொண்ணுங்க கூட மட்டும்தான் பேசுவான். அது எனக்குப் பிடிக்காது. எல்லா விஷயத்தையும் முயற்சி பண்ணி பார்க்கனும்னு நினைப்பான்.

லாஸ்லியா: அவள் ஒரு பட்டாம்பூச்சி, 10 வருஷமா அவள் அவளுடைய அப்பாவிடம் வீடியோ காலில்தான் பேசி வருகிறாள். அது எவ்வளவு பெரிய விஷயம். இந்த தமிழ்நாட்டை விட்டு அவள் இலங்கை போகமாட்டாள், தமிழ்நாடு அவளை ஏற்றுக்கொள்ளும். அவளிடம் பிடிக்காத விஷயம்னு எதுவும் இல்லை.

தர்ஷன்: ரொம்பத் தெளிவான பையன். தனக்கு யார் வேண்டும் என்பதில் தெளிவா இருப்பான். இன்னும் அவன் விவரமா இருக்க வேண்டும் என்று நான் நினைக்கிறேன்.

முகின்: ரொம்ப நல்லா பாடுவான். என்னை எம்.ஜி.ஆர் என்று கூப்பிடுங்கள் என்று எங்களிடம் சொல்லுவான். நாங்கள் யாரும் அப்படிக் கூப்பிட மாட்டோம்.

மதுமிதா: ரொம்ப வெகுளியான பொண்ணு, முதல் வாரம் என்னை நாமினேட் பண்ணிட்டு அடுத்தவாரம் என்னிடமே தலைவாரிக்கிட்டவள். நான் எதையும் மனதில் வைத்துக் கொள்வதில்லை.

சாண்டி மாஸ்டர்: ரொம்ப ஜாலியானவன். அந்த மாதிரி கேரக்டர் நம்ம கூட இருப்பது நமக்கு புத்துணர்வாக இருக்கும், சடார்னு ஏதாவது அடுத்தவர்களிடம் சொல்லிடுவான், அதை அவன் குறைக்கணும். மதர், மதர்னு அவன் கூப்பிடும்போது ரொம்ம சந்தோஷமா இருக்கும்.

சாக்ஷி: சின்ன விஷயத்தை பெரிசா நினைத்து பேசுவாள், அதை அவள் கண்டிப்பா மாற்றிக்கொள்ள வேண்டும். கவின்கிட்ட அவள் அதிகம் உரிமை எடுத்துக்கிறதும் எனக்குப் பிடிக்காத ஒரு விஷயம்.

 

 

 

 

”காய் நெல் அறுத்துக் கவளம் கொளினே,

மா நிறைவு இல்லதும், பல் நாட்கு ஆகும்;

நூறு செறு ஆயினும், தமித்துப் புக்கு உணினே,

வாய் புகுவதனினும் கால் பெரிது கெடுக்கும்;

அறிவுடை வேந்தன் நெறி அறிந்து கொளினே,

கோடி யாத்து, நாடு பெரிது நந்தும்;

மெல்லியன் கிழவன் ஆகி, வைகலும்

வரிசை அறியாக் கல்லென் சுற்றமொடு,

பரிவு தப எடுக்கும் பிண்டம் நச்சின்,

யானை புக்க புலம் போல,

தானும் உண்ணான், உலகமும் கெடுமே.” என்ற பாடலை நிர்மலா சீதாராமன் இந்திய நாடாளுமன்ற அவையில் வாசித்தார்.

இதற்கான விளக்கத்தை அவர் அளிக்கும்போது இந்திய பிரதமர் நரேந்திரமோடி, அமித்ஷா உள்பட அனைவரும் மேஜையைத் தட்டி வரவேற்றனர். அப்போது தமிழக எம்பிக்கள் உள்பட அனைவரும் சிரித்தனர்.

விளைந்த நெல்லை அறுத்து உணவுக் கவளங்களாக்கி யானைக்குக் கொடுத்தால், ஒருமா அளவுகூட இல்லாத நிலத்தில் விளைந்த நெல்கூட பல நாட்களுக்கு யானைக்கு உணவாகும். ஆனால், நூறு வயல்கள் இருந்தாலும், யானை தானே புகுந்து உண்ண ஆரம்பித்தால், யானை தின்பதைவிட யானையின் கால்களால் மிதிபட்டு அழிந்த நெல்லின் அளவு அதிகமாகும். அறிவுடைய அரசன் வரி திரட்டும் முறை தெரிந்து மக்களிடமிருந்து வரி திரட்டினால், நாடு கோடிக் கணக்கில் பொருள்களைப் பெற்றுத் தழைக்கும் என்று அவர் விளக்கம் அளித்தார்.

பாண்டியன் அறிவுடை நம்பிக்கு பிசிராந்தையர் கூறிய அந்த அற்புதமான அறிவுரையை இந்த அரசும் கேட்டு நடக்கிறது. யானை புகுந்த விளை நிலம் போல் வரி இருக்காது என்றார். கடந்த சில ஆண்டுகளில் நேரடி வரி கணிசமாக அதிகரித்துள்ளதாகவும் குறிப்பிட்டார்!

 

நடிகர் விஜயகுமாரின் மகள் வனிதா. கடந்த 2000-ஆம் ஆண்டில் ஆகாஷ் என்ற டிவி நடிகரைக் காதலித்து திருமணம் செய்துகொண்டார்.   இவர்களுக்கு விஜய் ஸ்ரீகரி என்ற மகன் மற்றும் ஜோவிகா என்ற மகள்  உள்ளார்.  இதன் பின்னர் வனிதாவுக்கும் ஆகாஷுக்கும் விவாகரத்து ஆனது.  2007-ஆம் ஆண்டில் ஆனந்தராஜ் என்பவரை மறு திருமணம் செய்துகொண்டார் வனிதா.  இவர்களுக்கு ஜெயந்திகா என்ற மகள் பிறந்தார்.

2010-ஆம் ஆண்டுக்குப் பின்னர் ஆனந்தராஜையும் விவாகரத்து செய்த வனிதா, நடன இயக்குநரைக் காதலித்து வருவதாகத் தகவல்.

தற்போது அவர் பிக்பாஸ்-3 நிகழ்ச்சியில் பங்கேற்றுள்ளார். பிக்பாஸ் முதல் நாள் அறிமுக நிகழ்ச்சி்யில் வனிதாவுடன் இரு பெண் குழந்தைகளும் வந்திருந்தனர்.

தந்தை ஆனந்தராஜுடன் ஜெயந்திகா தெலுங்கானாவில் வசித்து வந்தார்.  மகள் ஜெயந்திகாவைக் கடந்த பிப்ரவரி மாதம் வனிதா சென்னைக்கு அழைத்து வந்துள்ளார். ஆனால் தனது மகளை கடத்திச் சென்றுவிட்டதாக தெலுங்கானா போலீசில் ஆனந்தராஜ் புகார் அளித்துள்ளார்.
புகாரை ஏற்றுக்கொண்ட அம்மாநில போலீசார் வனிதா மீது ஆள்கடத்தல் வழக்குப்பதிவு செய்துள்ளனர்.   பிக்பாஸ் நிகழ்ச்சிக்கு வனிதா சென்றுவிட்டதால் தாயும் இல்லாமல் மகள்  கஷ்டப்படுவார் என்று ஆனந்தராஜ் போலீசாரிடம் அழுத்தம் கொடுத்துள்ளார்.

இந்த வழக்கில் வனிதாவிடம் விசாரணை நடத்துவதற்காக தமிழ்நாட்டு போலீசை உதவியை நாடியது தெலுங்கானா போலீஸ். 

இதனையடுத்து வனிதாவைச் சந்திக்க பிக்பாஸ் வீட்டிற்குள் சென்றனர் போலீசார்.   பிக்பாஸ் சட்ட விதிமுறைகளின்படி தற்போது வனிதா வெளியே வரமுடியாது என்பதை அறிந்து கொண்ட போலீசார், அது குறித்து ஆலோசனையில் ஈடுபட்டுள்ளனர்!








 

பிக்பாஸ் 3 நிகழ்ச்சி துவங்கி உலகெங்கும் பரபரப்பை ஏற்படுத்தியுள்ளது. பாத்திமா பாபு, லொஸ்லியா, சாக்‌ஷிஅகர்வால், மதுமிதா, கவின், அபிராமி, சரவணன், வனிதா, விஜய்குமார், சேரன், ஷெரின், மோகன் வைத்யா, தர்ஷன், சாண்டி, முகென் ராவ் மற்றும் ரேஷ்மா ஆகியோர் இம்முறை போட்டியாளர்களாக பிக் பாஸ் வீட்டுக்குள் சென்றிருக்கிறார்கள்.

போட்டியாளர்கள் முதல் நாள் வீட்டுக்குள் என்ன செய்தார்கள் என்பது பற்றிய முதல் எபிசோட் நேற்று ஒளிபரப்பானது. அதில் குக்கிங், வாஷிங், கிளீனிங் டீம் தேர்ந்தெடுக்கப்பட்டு, வனிதா விஜயகுமார் வீட்டின் தலைவியானார். அதைத்தொடர்ந்து ஒருவரை கோவப்படுத்துவது போல் கேள்விகள் கேட்க வேண்டும் என்றும், அதற்கு கோவப்படாமல் பதிலளிக்க வேண்டும் என்றும் பிக்பாஸ் டாஸ்க் கொடுத்தார்.

அனைவரும் அதைச் செய்துமுடித்து நிகழ்ச்சியைச் சுவாரஸ்யப்படுத்தினர். தண்ணீர், கேஸ் ஆகியவற்றிற்கு மீட்டர் பொருத்தப்பட்டு அளவாக உபயோகிக்க வேண்டும் என்று சொன்ன விவகாரத்தில், சேரன், பாத்திமாபாபு இடையே இருவேறு கருத்துகள் நிலவினாலும், ஒருவரையொருவர் புரிந்து கொண்டனர்.

 

இதையடுத்து நள்ளிரவு நேரத்தில் 'நேர்கொண்ட பார்வை' பட நாயகிகளில் ஒருவரான அபிராமி, ஷெரின் இடையேயான உரையாடல் பார்வையாளர்கள் மத்தியில் சுவாரஸ்யத்தை உண்டாக்கியது. கார்டன் ஏரியாவில் ஷெரினுடன் தனியாக அமர்ந்து பேசிகொண்டிருந்த அபிராமி, கவின் மீது தனக்கு ஈர்ப்பு உள்ளதாகக் கூறினார்.

தொடர்ந்து பேசிய அபிராமி, எனக்கு ஆரம்பத்தில் சீரியல் எல்லாம் பார்க்கப் பிடிக்காது. ஆனால் 'சரவணன் மீனாட்சி' வரும் போது அம்மாவிடம் தமிழ் நல்லா நடிக்கிறார் என்பேன். அந்த சீரியலில் கவின் பெயர் தமிழ். பின்னர் அவருடைய பெயரிலிருந்த ஃபேஸ்புக் கணக்கிலிருந்து நண்பராவதற்கான அழைப்பு வந்தது. அப்புறம் தான் அது போலி கணக்கு என்பது தெரிய வந்தது.

 

பின்னர் கவினுடன் ஃபேஸ்புக்கில் நண்பரானேன். பிக்பாஸ் வீட்டுக்குள் வந்ததும் அவருக்கு நான் தான் முதலில் பிறந்தநாள் வாழ்த்து கூறினேன். பந்தா இல்லாத நல்லபையன்” என ஷெரினிடம் கவினைப் பற்றிய அன்பை பகிர்ந்து கொண்டிருந்த போது, அவர்களுடன் சாக்‌ஷி அகர்வாலும் சேர்ந்து கொண்டார்.

அபிராமியிடம் யார் அந்த நபர் என்று சாக்‌ஷி கேட்க, கவின் தான் என்று கூறினார் அபிராமி. நன்கு முடிவு செய்துவிட்டு உன்னுடைய காதலைச் சொல் என்று சாக்‌ஷி யோசனை கூறினார். அதை ஏற்றுக் கொண்ட அபிராமி, கவின் மனதில் காதல் இருப்பதை தெரிந்து கொண்டால் வச்சு செய்யலாம் என்று ஷெரின் மற்றும் சாக்‌ஷியிடம் கூறுகிறார்.

அபிராமி வைத்திருக்கும் க்ரஷ் நாளடைவில் காதலாக மாறுமா என்பதை பொருத்திருந்து பார்க்கலாம் என்று கூறி குட் பை சொன்னார் பிக்பாஸ்!

வாகன விபத்தில் சம்பவ இடத்திலேயே மனைவி இறந்துவிட, பலத்த காயத்தோடு உயிருக்குப் போராடிக்கொண்டிருக்கிறார் உயிருக்கு உயிரான மகள். உலகமே இருண்டது போன்ற அந்த ரணமான சூழலில், ஒரு தந்தையால் என்ன செய்துவிட முடியும்?  கோவையைச் சேர்ந்த டாக்டர் ரமேஷ்.... உயிருக்குப் போராடிய தன் மகளை மருத்துவமனைக்கு அனுப்பி வைத்துவிட்டு, விபத்துக்குக் காரணமான டாஸ்மாக்கை மூடச்சொல்லி, தன் மனைவியின் சடலத்தோடு 4 மணி நேரத்துக்கும் மேலாகப் போராடியுள்ள சம்பவம் தமிழகத்தில் பெரும் சோகத்தை ஏற்படுத்தியது.

டாக்டரான இவர் இயற்கை ஆர்வலர், தொடர்ந்து சுற்றுச்சூழல் பாதுகாப்புக்காகப் பல்வேறு தளங்களில் பணியாற்றியவர். எளிய மக்களுக்குச் சேவை செய்வதையே வாழ்வாகக் கொண்டிருந்தவர்.  சுற்றுச்சூழல் ஆர்வலர்கள் மத்தியில் பிரபலமான நபர். இவருடைய மகள் சாந்தலா ஆனைகட்டியில் உள்ள ஒரு தனியார் பள்ளியில் 11-ம் வகுப்பு படித்து வருகிறார். இந்நிலையில், நேற்று மாலை பள்ளியிலிருந்து சாந்தலாயை அழைத்து வருவதற்காக ரமேஷின் மனைவி ஷோபனா ஸ்கூட்டரில் சென்றுள்ளார்.

மகளை அழைத்துக்கொண்டுஷோபனா வந்துகொண்டிருந்தபோது, எதிர்த் திசையில் அசுர வேகத்தில் வந்த பைக் ஷோபனாவின் ஸ்கூட்டர் மீது நேருக்கு நேர் மோதியது. இந்த கோர விபத்தில், ஷோபனா  சம்பவ இடத்திலேயே பரிதாபமாகப் பலியானார். சாந்தலா பலத்த அடியோடு உயிருக்குப் போராடிக்கொண்டிருந்தார். இந்த அதிர்ச்சி தகவலறிந்து சம்பவ இடத்திற்குப் பதறிக்கொண்டு வந்த டாக்டர் ரமேஷ், உயிருக்குப் போராடிய தனது மகளை மீட்டு மருத்துவமனைக்கு அனுப்பி வைத்துவிட்டார். பின் மனைவியின் உடலைப் பார்த்து கண்ணீர் மல்கக் கதறி அழுத ரமேஷ், மனைவியின் சடலத்தோடு அந்தப் பகுதியில் உள்ள மதுக்கடையை கடையை மூடச் சொல்லி போராட்டத்தில் குதித்துவிட்டார்.

அங்கு மது குடித்துவிட்டு வருபவர்களால் அந்தப் பகுதியில் இதுபோன்ற விபத்துகள் அடிக்கடி நடக்கிறது என்பது அந்தப் பகுதி மக்களின் நீண்ட நாள் குற்றச்சாட்டு. ஷோபனாவின் ஸ்கூட்டரில் மோதிய பாலாஜி என்பவர் குடிபோதையில் இருந்ததாகவும், போதைதான் இந்த விபத்துக்கு முக்கிய காரணம் என்றும் அந்த மதுக்கடையை மூடும் வரை போராட்டத்தைக் கைவிடப்போவதில்லை எனக்கூறி சுமார் 4 மணி நேரத்திற்கும் மேலாக அப்பகுதி மக்களைத் திரட்டி போராட்டம் நடத்தினார் டாக்டர் ரமேஷ். 

`

தமிழ்நாடு:
டிக்-டாக் செயலி மூலம் வெளியாகும் வீடியோக்கள், சமூகத்தில் சீரழிவுகளை ஏற்படுத்தி வருவது அண்மைய காலமாக அதிகரித்து வருகிறது. இதில் ஆண்களை விட பெண்கள் அதிக அளவில் வீடியோக்களைப் பதிவிட்டு வருகிறார்கள். ஆபாச வசனம், அளவுக்கதிகமான கவர்ச்சி உடைகளில் வெளியாகும் இந்த வீடியோக்களைப் பலர் ரசித்து தங்களது கருத்துகளைப் பதிவிடுவதை வாடிக்கையாகக் கொண்டுள்ளனர்.

ஒரு சிலர் தாங்கள் செய்யும் விபரீதச் செயல்களையும் இந்த டிக்-டாக் வீடியோவில் பதிவு செய்து வெளியிட்டு சர்ச்சையை ஏற்படுத்தி வருகிறார்கள். அப்படியான ஒரு சம்பவம்தான் அண்மையில் தமிழகத்தில் நிகழ்ந்துள்ளது.

பெரம்பூரைச் சேந்த அனிதா என்பவர் (வயது 24).  தன் கணவர் பழனிவேல் திட்டியதால் விஷம் குடிப்பது போல் ஒரு வீடியோவை டிக் டாக்கில் பதிவு செய்துள்ளார். ஆனால், அது விபரீதமாகி தற்போது அந்தப் பெண்ணின் உயிரையே பறித்துவிட்டது.

அனிதாவின் கணவர் பழனிவேலு சிங்கப்பூரில் வேலை பார்த்து வருவதால் குழந்தைகளுடன் தனியாக  வசித்து வந்தார். கணவர் அனுப்பும் பணத்தில் பொறுப்புடன் குடும்பம் நடத்தி வந்த அனிதாவின் வாழ்க்கையில் எமனாக டிக்-டாக் செயலி வந்தது.

https://img.maalaimalar.com/InlineImage/201906121039100012_1_tik-tok._L_styvpf.jpg
டிக் டாக் செயலியைத் தனது செல்போனில் பதிவிறக்கம் செய்த அனிதா அதிலேயே மூழ்கினார். குழந்தைகளுக்குச் சரியான நேரத்தில் சாப்பாடு கூட தயார் செய்து கொடுக்காமல் டிக்-டாக் வீடியோவில் நடனமாடுவது, பாடல் பாடுவது, மேக்அப் செய்து தன்னை அழகாகக் காட்டுவது போன்றவற்றைப் பதிவிட்டு லைக்குகளை அள்ளி வந்துள்ளார்.

அவரது செயல்பாடு குறித்து வெளிநாட்டில் இருக்கும் கணவரிடம் உறவினர்கள் புகார் தெரிவித்தனர். அவரும் மனைவியை போனில் கண்டித்தார். இதற்கிடையே கடந்த சில நாள்களுக்கு முன்பு விளையாடிக் கொண்டிருந்த மகள் மோனிஷா கீழே விழுந்து காயம் அடைந்தார். அவரை மருத்துவமனைக்கு அழைத்துச் செல்லாமல் அனிதா இருந்துள்ளார்.

தகவல் அறிந்து ஆத்திரமடைந்த கணவர் பழனிவேலு, அனிதாவை போனில் கடுமையாகத் திட்டியுள்ளார். இதனால் மனம் உடைந்த அனிதா தற்கொலை செய்துகொள்ள முடிவெடுத்தார். அதனைத் தனது கடைசி விருப்பமாக டிக்-டாக் செயலி மூலம் வீடியோவாகப் பதிவு செய்தார்.

வயலுக்கு தெளிக்கும் பூச்சி மருந்தை குடித்த அவர், பின்னர் தண்ணீரைக் குடிக்கிறார். ஒரு சில விநாடிகளில் அவரது கண்கள் மயக்க நிலையை எட்டுகிறது. இப்படி வீடியோவை அவர் வெளியிட்டுள்ளார். இதற்கிடையே மயக்கம் அடைந்த அவரை அக்கம்பக்கத்தினர் மருத்துவமனையில் சேர்த்தனர். ஆனால், அனிதா  சிகிச்சை பலனின்றி பரிதாபமாக இறந்தார்.

நவீன மோகம் ஓர் உயிரை வெகு எளிதாய் பலியாக்கிவிடுகிறது என்பதற்கு இந்தச் சம்பவம் ஓர் உதாரணம்!

https://img.maalaimalar.com/InlineImage/201906121039100012_2_sdfhdskj._L_styvpf.jpg

 


நாடாளுமன்றத் தேர்தலில் இந்தியா முழுக்க பிஜேபி வெற்றி பெற்றிருந்தாலும்,  தமிழகத்தில் ஒரு தொகுதியில்கூட வெற்றி பெற முடியவில்லை. தேர்தல் பரப்புரையின்போது 'தமிழகத்தில் தாமரை மலர்ந்தே தீரும்' என்று தமிழிசை பேசுவது வாடிக்கையாக இருந்தது.   பாரதிய ஜனதா கட்சிக்குக் கொஞ்சம் ஆதரவு உள்ள கன்னியாகுமரி, கோவை தொகுதிகளிலும்கூட அந்தக் கட்சியால் வெற்றி பெற முடியாமல் போனது. கன்னியாகுமரி தொகுதியில் முன்னாள் மத்திய அமைச்சர் பொன். ராதாகிருஷ்ணன் படுதோல்வியடைந்தார். தேர்தல் தோல்விகளுக்கு தமிழிசை பல காரணங்களைச் சொல்லி வந்தார். தமிழக பாரதிய ஜனதா கட்சியின் தலைமை மாற்றப்படலாம் என்கிற தகவலும் பரவியது. இந்நிலையில், தமிழிசைக்கு அவரின் குடும்பத்துக்குள்ளேயே எதிர்ப்பு இருப்பது தற்போது தெரிய வந்துள்ளது.

சென்னை விமான நிலையத்தில் தமிழிசை நேற்று செய்தியாளர்களைச் சந்தித்துக்கொண்டிருந்தார். ஏராளமான பாரதிய ஜனதா கட்சித் தொண்டர்களும் அங்கே குழுமியிருந்தனர். அப்போது, தமிழிசை பேட்டியளித்த இடத்துக்கு வந்த அவரின் மகன் சுகநாதன், தமிழிசை முன்னிலையிலேயே பாரதிய ஜனதா கட்சிக்கு எதிராகக் கோஷம் எழுப்பினார்.
'தமிழகத்தில் பா.ஜ.க ஒரு தொகுதியில்கூட ஜெயிக்காது' என்றும் அவர் கத்தினார். தமிழிசை மகனே பொது இடத்தில் பாரதிய ஜனதா கட்சிக்கு எதிராகக் கோஷம் போட்டது பரபரப்பை ஏற்படுத்தியது. உடனே, அங்கிருந்த பாரதிய ஜனதா கட்சித் தொண்டர்கள் சுகநாதனை அங்கிருந்து அப்புறப்படுத்தினர். ஏற்கெனவே சோபியா என்பவர் தமிழிசைக்கு எதிராக விமான நிலையத்தில் கோஷம் எழுப்பி பிரச்னையானது. தற்போது மகனே பிஜேபிக்கு எதிராகக் கோஷம் எழுப்பியிருப்பதால் அதிர்ச்சியில் இருக்கிறார் தமிழிசை!

கமல்ஹாசனின் ‘சதி லீலாவதி’ முதல் ‘வசூல்ராஜா எம்.பி.பி.எஸ்’ வரை பல படங்களுக்கு வசனம் எழுதியவரும், நகைச்சுவை நாடக இயக்குநரும், நடிகருமான கிரேஸி மோகன் சற்று முன்னர் திடீர் மாரடைப்பால் சென்னையில் காலமானார், அவருக்கு வயது 67.https://static.asianetnews.com/images/01dd06pg3x2v92ahk76krw6p5g/crazy-mohan-2.gif

மோகன் ரங்காச்சாரி என்ற இயற்பெயர் கொண்ட கிரேஸி மோகன் அடிப்படையில்  பொறியியல் துறையில் படித்தவர். கல்லூரிக் காலங்களில்   குட்டி குட்டி நாடகங்களைப் போட்டவருக்கு நல்ல வேலை கிடைத்தும் அதில் மனம் லயிக்காமல் சபாக்களில் நாடகங்கள் போட ஆரம்பித்தார். சுமார் 3000-க்கும் மேற்பட்ட நாடகங்களை நிகழ்த்தியிருக்கும் கிரேஸி மோகனை முதன் முதலில் தனது ‘பொய்க்கால் குதிரைகள்’படத்துக்கு வசனம் எழுத வைத்தவர் இயக்குநர் பாலசந்தர்.https://static.asianetnews.com/images/01dd06pftsjp13apqb4hycvbzg/crazy-mohan-1.gif

பின்னர் கமலுடன் ‘சதி லீலாவதி’ படத்தில் வசனகர்த்தாவாகப் பணியாற்ற ஆரம்பித்த கிரேஸி மோகன் அடுத்து அவருடன் தொடர்ந்து ’காதலா காதலா’, ‘மைக்கேல் மதன காமராஜன்’,’அபூர்வ சகோதர்கள்’,’இந்தியன்’,’அவ்வை சண்முகி’,’தெனாலி’,’பஞ்ச தந்திரம்’ உட்பட பல படங்களில் பணியாற்றினார். வசனகர்த்தாவாகப் பணியாற்றிய அதே சமயம் சுமார் 10-க்கும் மேற்பட்ட படங்களில் நகைச்சுவை நடிகராகவும் தோன்றி தனது டைமிங் காமெடியால் மக்களை சிரிக்கவைத்தவர் கிரேஸி மோகன்!

 

நடந்து முடிந்த இந்திய நாடாளுமன்றத் தேர்தலில், தமிழகத்தில் போட்டியிட்ட அனைத்து இடங்களிலும் பாஜக தோல்வியைச் சந்தித்தது. இதனால் பாஜக தலைமை கடும் அதிருப்தியில் இருப்பதாகச்  சொல்லப்படுகிறது. இருந்தாலும், தமிழகத்தில் இருந்து ஒருவர் விரைவில் மிஸோரம் மாநிலத்தின் கவர்னராகப் போகிறார் என்ற  தகவலும் வெளியாகியுள்ளது.

கன்னியாகுமரியில் தோல்வியைத் தழுவிய  பொன்.ராதாகிருஷ்ணன்தான் அந்த கவர்னர் என்கிறது தகவல். தமிழக பா.ஜ.க.வின் மூத்த தலைவராகவும், மேல்மட்டத்துடன் நல்ல தொடர்பில் இருப்பதற்காகவும் அவருக்குத் தரப்படும் மரியாதையாம் இது!

இந்தியாவில் நடைபெற்ற நாடாளுமன்றத் தேர்தலுக்கான முடிவுகள் மீண்டும் மோடியையே பிரதமாரக ஆக்கியிருக்கிறது.

இந்தியா முழுக்க அதிகப் பெரும்பான்மையில் பிஜேபி தனித்தே வெற்றி பெற்றிருப்பதால், பிஜேபி தொண்டர்கள் நாடு முழுக்க தங்கள் உற்சாகத்தைக் கொண்டாடி வருகின்றனர்.

மோடி அலை இந்தியாவையே சுருட்டிப் போட்டுவிட்டது என்றாலும், ஒட்டு மொத்த இந்தியாவும் தமிழகத்தை உற்று நோக்கும் நிலையும் தற்போது ஏற்பட்டுள்ளது.
காரணம், இந்தியாவையே வளைத்துப் போட்ட பிஜேபியால் தமிழகத்தில் ஒரு இடத்தைக் கூட கைப்பற்ற இயலவில்லை என்பதுதான்.

பிஜேபியின் தமிழகத் தலைவர்கள் அத்தனை பேரும் தோல்வியைத் தழுவி இருப்பது பெரும் தலைவலியாகியிருக்கிறது, தமிழக பிஜேபிக்கு.
'தாமரை மலர்ந்தே தீரும்' என்று அடிக்கடி சொல்லி வந்த தமிழிசை சௌந்தரராஜன், கனிமொழியிடம் வெற்றியைப் பறிகொடுத்துள்ளார். அதேபோல் எச்.ராஜா, பொன்.ராதாகிருஷ்ணன் போன்றோரும் படு தோல்வியைச் சந்தித்துள்ளனர்.
இன்னும் முற்றிலுமாக முடிவு அறிவிக்கப்படாத நிலையில் தமிழகத்தைப் பொறுத்தவரை 38 இடங்களில் திமுகவும், ஒரே ஒரு இடத்தில் மட்டும் (ஓபிஎஸ் மகன்  ரவீந்திரநாத் குமார் போட்டியிட்ட தேனி தொகுதி) அதிமுக கூட்டணியும் வெற்றிபெறும் நிலையில் உள்ளன.

ஒட்டு மொத்த இந்தியா முழுக்க வீசிய மோடி அலை தமிழகத்தில் மட்டும் நுழைய முடியாமல் போனது, பெரும் அதிர்ச்சியை ஏற்படுத்தியுள்ளது. இதன் மூலம் தமிழகத்தில் பிஜேபி படுதோல்வியைச் சந்தித்துள்ளது.
தமிழகம் தவிர்த்து மற்ற எல்லா இடங்களிலும் தாமரை மலர்ந்துவிட்டது, ஆனால் தமிழகத்தில் மட்டும் ஏனோ இன்னும் தாமரை மலரவில்லை!

தனிப்பெரும்பான்மையுடன் நரேந்திர மோடி 2-வது முறையாக இந்தியாவின் பிரதமராகப் பதவியேற்க உள்ளார். நாடாளுமன்றத்தின் 17-வது மக்களவைத் தேர்தல் கடந்த மாதம் 11-ஆம் தேதி தொடங்கி 19-ஆம் தேதி வரை 7 கட்டங்களாக நடத்தப்பட்டது. மொத்தமுள்ள 543 மக்களவை தொகுதிகளில், வேலூரில் மட்டும் பணப்பட்டுவாடா புகாரால் தேர்தல் ரத்து செய்யப்பட்டது. மீதமுள்ள 542 தொகுதிகளில் வாக்குப்பதிவு நடந்து முடிந்தது.

மக்களவை தேர்தலில் பதிவான வாக்குகளை எண்ணும் பணி நேற்று காலை தொடங்கி நடைபெற்று வருகிறது. இதில் பாஜக 345 இடங்களிலும், காங்கிரஸ் 91 இடங்களிலும், மற்றவை 106 இடங்களிலும் முன்னிலையில் உள்ளது. பெரும்பான்மை பலத்துடன் ஆட்சியமைக்க 272 இடங்கள் தேவைப்படும் நிலையில், பாஜக மட்டும் தனித்து 300 தொகுதிகளில் முன்னிலையில் உள்ளது. அதன் கூட்டணி கட்சிகள் 45 தொகுதிகளில் முன்னிலையில் உள்ளன.
இதன்மூலம் மோடி தலைமையிலான பாஜக அரசு அதீத பெரும்பான்மையுடன் மீண்டும் ஆட்சியமைக்க உள்ளது. இதனால் நாடு முழுவதிலும் உள்ள பாஜகவினர் பட்டாசு வெடித்தும், இனிப்புகளைப் பரிமாறியும் வெற்றியைக் கொண்டாடி வருகின்றனர். 2-வது முறையாக தனிப்பெரும்பான்மையுடன் ஆட்சியமைக்க உள்ள மோடிக்கு பல்வேறு அரசியல் கட்சி தலைவர்கள் மற்றும் பல்வேறு உலக நாட்டு பிரதமர்கள் என வாழ்த்துக்கள் குவிந்தவண்ணம் உள்ளன. இந்நிலையில் வருகிற 26-ஆம் தேதி குடியரசுத் தலைவரைச் சந்தித்து பிரதமர் மோடி ஆட்சியமைக்க உரிமைகோர உள்ளதாகத் தகவல் வெளியாகியுள்ளது!

நடந்து முடிந்த இந்திய நாடாளுமன்றத் தேர்தலில் வாக்கு எண்ணிக்கை இன்னும் சற்று நேரத்தில் தொடங்கவிருக்கிறது.  வேலூர் மக்களவைத் தொகுதி தவிர நாடு முழுவதும் 542 மக்களவைத் தொகுதிகளில் 7 கட்டங்களாகத் தேர்தல் நடந்து முடிந்து தற்போது வாக்கு எண்ணிக்கை தொடங்கவிருக்கிறது. இதனால், அனைத்து மையங்களிலும் பலத்த பாதுகாப்பு ஏற்பாடுகள் செய்யப்பட்டுள்ளன. 

தமிழகத்தில் 45 மையங்களில் இந்திய நேரப்படி காலை 8 மணிக்கு (மலேசிய நேரம் காலை 10:30) வாக்கு எண்ணிக்கை நடைபெறுகிறது. 39 மக்களவைத் தேர்தல், 22 சட்டப்பேரவைத் தொகுதி இடைத்தேர்தலில் பதிவான வாக்குகள் இன்று எண்ணப்படுகின்றன. 11,659 ஊழியர்கள் 4,245 நுண்பார்வையாளர்கள் என மொத்தம் 15,904 பேர் மின்னணு வாக்குகளை எண்ண  உள்ளனர்.

வாக்கு எண்ணும் மையத்தில் இருந்து 100 மீட்டருக்கு மேல் வாக்குகளை எண்ணும் முகவர்கள் வெளியில் சென்றால், மீண்டும் அவர்களுக்கு அனுமதி கிடையாது என்பது குறிப்பிடத்தக்கது!

 

 




 

இந்திய நாடாளுமன்ற தேர்தல் நேற்றுடன் முடிவடைந்தது.
மொத்தம் உள்ள 543 தொகுதிகளில் தமிழ்நாட்டில் உள்ள வேலூர் நீங்கலாக 542 தொகுதிகளில் வாக்குப்பதிவு நடைபெற்று முடிந்து இருக்கிறது. கடைசி மற்றும் 7-வது கட்டமாக நேற்று உத்தரபிரதேசம், மேற்கு வங்காளம், பீகார் உள்ளிட்ட 8 மாநிலங்களில் உள்ள 59 தொகுதிகளுக்கு ஓட்டுப்பதிவு நடந்தது.

542 தொகுதிகளிலும் பதிவான வாக்குகள் வருகிற 23-ஆம் தேதி எண்ணப்பட்டு முடிவுகள் அறிவிக்கப்பட உள்ளன.

ஆட்சி அமைக்க தனிப்பட்ட முறையில் ஒரு கட்சியோ அல்லது கூட்டணியோ குறைந்தபட்சம் 272 தொகுதிகளில் வெற்றி பெற வேண்டும்.
கடந்த 2014-ஆம் ஆண்டு நடைபெற்ற நாடாளுமன்ற தேர்தலில் பாரதீய ஜனதா தலைமையிலான தேசிய ஜனநாயக கூட்டணி மொத்தம் உள்ள 543 தொகுதிகளில் 336 தொகுதிகளைக் கைப்பற்றியது. தனிப்பட்ட முறையில் 282 இடங்களில் வெற்றிபெற்று தனி மெஜாரிட்டி பெற்ற பாரதீய ஜனதா, தனது கூட்டணி கட்சிகளையும் சேர்த்துக்கொண்டு மோடி தலைமையில் புதிய அரசை அமைத்தது.

அந்தத் தேர்தலில் காங்கிரஸ் தலைமையிலான தேசிய ஜனநாயக கூட்டணி 60 இடங்களில்தான் வெற்றி பெற முடிந்தது. இதில் காங்கிரசுக்கு மட்டும் 44 இடங்கள் கிடைத்தன.

இந்த நிலையில், நேற்றுடன் தேர்தல் முடிவடைந்ததை தொடர்ந்து, ஓட்டுப்போட்டுவிட்டு வந்த வாக்காளர்களிடம் நடத்திய கருத்து கணிப்பு பற்றிய முடிவுகள் வெளியாகி உள்ளன.

இதில் பெரும்பாலான கருத்துக்கணிப்பு முடிவுகள், பாரதீய ஜனதா கூட்டணி அதிக இடங்களில் வெற்றி பெற்று மீண்டும் ஆட்சியை பிடிக்கும் என்று தெரிவிக்கின்றன. அப்படி பிஜேபி வென்றால், மோடி பிரதமராகும் வாய்ப்பு மீண்டும் உருவாகும் என நம்பப்படுகிறது.

தமிழகம், புதுச்சேரியை பொறுத்தமட்டில் தேர்தல் நடந்த 39 நாடாளுமன்ற தொகுதிகளில் பெரும்பாலான இடங்களை தி.மு.க. கூட்டணி கைப்பற்றும் என கருத்துக்கணிப்புகள் தெரிவிக்கின்றன.

 

தேர்தல் பிரச்சாரம் செய்துவிட்டு மேடையை விட்டுக் கீழே இறங்கிய கமல்ஹாசன் மீது முட்டை மற்றும் கற்களை வீசிய சம்பவம் பரபரப்பை ஏற்படுத்தியுள்ளது.

அரவக்குறிச்சி தொகுதி இடைத்தேர்தல் பிரச்சாரத்தின்போது, சுதந்திர இந்தியாவின் முதல் தீவிரவாதி ஒரு இந்து என கமல்ஹாசன் பேசியது  நாடெங்கிலும் சர்ச்சையை ஏற்படுத்தியது.  டெல்லி நீதிமன்றத்திலும் இது தொடர்பான வழக்கு நடைபெற்றுக்கொண்டிருக்கிறது. இந்நிலையில் கமல்ஹாசனுக்கு எதிராக அவரது உருவப் பொம்மையை எரித்து போராட்டம் நடத்தி வருகின்றனர்.

இதையடுத்து கரூர் வேலாயுதம்பாளையத்தில் கமல்ஹாசன் பிரச்சாரம் செய்தபோது,  பொதுக்கூட்ட மேடையைச் சுற்றியுள்ள பகுதிகளில் மின்சாரம் துண்டிக்கப்பட்டது.  இதனால் கூட்டத்தில் கூச்சல், குழப்பம் ஏற்பட்டது.  பொதுக்கூட்ட மேடையில் பேசிவிட்டு கமல்ஹாசன் கிழே இறங்கியபோது,  அவரை நோக்கி முட்டை மற்றும் கற்கள் வீசப்பட்டன.

இதனால் பெரும் பதற்றம் நிலவியது. கல்வீசிய நபர் மீது நடவடிக்கை எடுக்க வேண்டும் என்று மக்கள் நீதி மய்யத்தினர் ஆர்ப்பாட்டத்தில் ஈடுபட்டனர். 
கல்வீசிய நபர்களிடம் விசாரணை  நடத்தி வருவதாக காவல்துறை தெரிவித்துள்ளது!




 

அன்னையர் தினத்தையொட்டி, சென்னை உள்ளிட்ட 5 மாவட்டங்களைச் சேர்ந்த 50 அன்னையர் ஒன்றுகூடித் தாய்ப்பால் தானம் வழங்கவிருப்பது பெரும் வரவேற்பைப் பெற்றுள்ளது.

சென்னையைச் சேர்ந்த பேபிஸ்ரீ, கெளசல்யா ஜெகதீசன் ஆகியோர், அரசு மருத்துவமனைகளில் அவ்வப்போது தாய்ப்பால் தானம் கொடுப்பதை வழக்கமாகக் கொண்டவர்கள். இந்தாண்டு வருகிற 12-ஆம் தேதி அன்னையர் தினத்தை முன்னிட்டு, அன்று ஒரே நாளில் ஃபேஸ்புக் மூலம் பாலூட்டும் அன்னையரை ஒருங்கிணைத்து தமிழகம் முழுவதும் தாய்ப்பால் தானம் வழங்கவிருக்கிறார்கள்.
5 மருத்துவமனைகளில் இவர்கள் தாய்ப்பால் தானம் வழங்கவிருக்கிறார்கள்.

இதுகுறித்து நிகழ்ச்சியை ஒருங்கிணைக்கும் கௌசல்யா ஜெகதீஷ் மற்றும் பேபிஸ்ரீ ஆகியோர் கூறுகையில் ``நாங்கள் கடந்த ஆண்டு, புதிதாகக் குழந்தைபெற்ற தாய்மார்களை இணைத்து ஃபேஸ்புக்கில் 'மாமி டால்க்ஸ்' என்ற ஒரு குழுவை உருவாக்கினோம். அந்தக் குழுவில் குழந்தைகள் பராமரிப்பு குறித்து எழும் சந்தேகங்களையும், அதற்கான ஆலோசனைகளையும்  ஒருவருக்கொருவர் பகிர்ந்துகொள்கிறோம். இதில், நான் உட்பட சிலர் தாய்ப்பால் தானம் கொடுப்பவர்களாக இருக்கிறோம். நாங்கள் தானம் கொடுக்கச் செல்லும்போது, குறைமாதத்தில் பிறந்த குழந்தைகள், பிரசவத்தில் தாயை இழந்த குழந்தைகள் எனத் தாய்ப்பால் கிடைக்காமல், குழந்தைகள் பலரும் இறந்துபோவதாக மருத்துவர்கள் கூறியது மிகவும் அதிர்ச்சியாக இருந்தது. இதனால், தாய்ப்பால் தானம் கொடுக்க விரும்புவர்கள் எண்ணிக்கையை அதிகரிக்க, ஒரு விழிப்புணர்வை ஏற்படுத்தலாம் என்று முடிவெடுத்தோம். அந்த முடிவை அன்னையர் தினத்தில் தொடங்கினால், நன்றாக இருக்கும் என்பதால் வரும் 12-ஆம் தேதி அதை முன்னெடுக்கிறோம். தாய்ப்பாலைத் தானமாக கொடுப்பது எப்படி என்று தெரியாதவர்களுக்கு உதவுகிறோம். அதோடு, தாய்ப்பால் கொடுக்க கொடுக்க அதிகமாய் சுரக்குமே தவிர, குறையாது என்பதையு. அவர்களுக்குப் புரியவைக்கிறோம்" என்று தெரிவித்திருக்கின்றனர்!

எடப்பாடி பழனிசாமியின் தூதுவர்கள் சசிகலாவைச் சந்தித்துப் பேசியதாகத் தகவல் வெளியாகியிருக்கிறது. `ஆளும்கட்சியோடு வர்த்தகரீதியான தொடர்பில் இளவரசியின் குடும்பத்தினர் உள்ளனர். தேர்தல் முடிவுகளுக்குப் பிறகான காலகட்டம் குறித்து இப்போதே விவாதிக்கத் தொடங்கிவிட்டனர்' என்கின்றனர் சசிகலா உறவுகள்.

பெங்களூரு பரப்பன அக்ரஹாரா சிறையில் 15 நாள்களுக்கு ஒருமுறை சசிகலாவை சந்தித்துப் பேசி வருகிறார் இளவரசி மகன் விவேக் ஜெயராமன். இந்தச் சந்திப்புகளில், வர்த்தகரீதியான கணக்கு வழக்குகள் தொடர்பாகப் பேசப்படுவது வழக்கம். நேற்று நடந்த சந்திப்பில், எடப்பாடி பழனிசாமியின் சமரச முயற்சிகள் தொடர்பாகப் பேசப்பட்டதாகத் தகவல் வெளியானது. குறிப்பாக, `வாரணாசியில் பா.ஜ.க தலைவர்களோடு பன்னீர்செல்வம் நெருக்கம் காட்டிய நிகழ்வும், தேர்தல் முடிவுகளைப் பற்றிய அச்சமும் எடப்பாடி பழனிசாமியை வாட்டி வருவதால், சசிகலாவைத் தங்கள் பக்கம் கொண்டு வரும் வேலைகளைத் தொடங்கியிருக்கிறார்கள்' என்ற ரீதியில் தகவல்கள் வெளியாகியிருக்கின்றன!

தனியார் தொலைக்காட்சியில் ஒளிபரப்பான 'பிக் பாஸ்' நிகழ்ச்சி மக்கள் மத்தியில் பெரும் வரவேற்பைப் பெற்றது. இரண்டு சீஸன் முடிந்துவிட்ட நிலையில், தற்போது மூன்றாவது சீஸனும் விரைவில் தொடங்கவிருக்கிறதாம். வழக்கம்போலவே கமல்ஹாசனே இந்த சீஸனையும் ஏற்று நடத்துகிறார்.

மூன்றாவது சீஸனுக்கான புரொமோ ஷூட் நேற்று தொடங்கியது. சென்னை பூந்தமல்லி ஈ.வி.பி வளாகத்தில் அமைக்கப்பட்டிருக்கும் அதே பிரமாண்ட பிக் பாஸ் வீட்டையொட்டிய செட்டில், கமல்ஹாசன் கலந்துகொண்ட காட்சிகள் தற்போது ஷூட் செய்யப்பட்டு வருகின்றன.

இம்முறை கலந்துகொள்ள இருக்கும் போட்டியாளர்களைத் தேர்ந்தெடுக்கும் நடைமுறைகளும் தொடங்கிவிட்டன. அடுத்த சில நாள்களில் புரொமோ வீடியோ சேனலில் ஒளிபரப்பாகலாமெனத் தெரிகிறது. ஜூன் இரண்டாவது வாரத்தில் ஷோ தொடங்க இருக்கிறது.
முதல் சீஸனில் ‘ஓடவும் முடியாது ஒளியவும் முடியாது’ என்ற கமல், அடுத்த சீஸனில் ‘நீங்க நல்லவரா கெட்டவரா’ என்றார்.

தன்னுடைய அரசியல் முயற்சிக்கான பலன் தேர்தல் முடிவுகள் மூலம் அடுத்த சில தினங்களில் தெரிய இருக்கிற சூழலில் பிக் பாஸ் சீஸன் 3-ல் கமல் என்ன சொல்வார் என்பது பெரிய எதிர்பார்ப்பாக உள்ளது!

அதிமுகவில் எடப்பாடியின் நோக்கம் அறிந்து செயல்படுபவர்கள் செங்கோட்டையன், ஜெயக்குமார், தங்கமணி ஆகியோர்தான். அமைச்சரவையில் இருப்பவர்கள் பலர் சசிகலா கூட்டத்தோடு தொடர்பில் இருக்கிறார்கள். அவர்களையும் எடப்பாடியால் கேட்க முடியவில்லை.  இப்போதைக்கு சசிகலாவோடு சேர்ந்தே போவோம் என்பதுதான் எடப்பாடி விருப்பம் என்கிறார்கள்.

இதனால் சசிகலா ஆதரவு குழுக்கள் இந்தத் தேர்தலுக்குப் பிறகு உயிர்பெற ஆரம்பித்துள்ளன. இதற்கிடையே ஓ.பி.எஸ். ஆதரவு பதினோரு எம்.எல்.ஏ.க் கள் எடப்பாடிக்கு எதிராக வாக்களித்ததனால் அவர்களை ஏன் தகுதி நீக்கம் செய்யவில்லை எனக் கேட்டு தொடர்ந்த வழக்கு இறுதிக் கட்டத்தை எட்டி நிற்கிறது. அதில் எதிரான தீர்ப்பு வருமானால் ஓ.பி.எஸ்.ஸின் துணைமுதலமைச்சர் பதவியும், எம்.எல்.ஏ. பதவியும் பறிபோகும் அபாயம் ஏற்பட்டுள்ளது.

ஓ.பி.எஸ்.ஸின் தர்மயுத்தத்தை ஆதரித்து அவர் பின்னால் அணி திரண்டவர்களை எடப்பாடி கண்டுகொள்ளவில்லை. தனது ஆதரவாளர்களான மைத்ரேயன், செம்மலை போன்றவர்களுக்குப் பதவிகள் வாங்கித்தரவும் ஓ.பி.எஸ். ஸால் முடியவில்லை. 
கட்சியின் ஒருங்கிணைப்பாளராக இருந்தும், கட்சிக்குள் தனது ஆதரவாளர்களை எந்த கமிட்டியிலும் ஓ.பி.எஸ். நியமிப்பதை எடப்பாடி அனுமதிக்கவில்லை. தமிழகத்தில் ஓ.பி.எஸ். நினைத்தால் அ.தி.மு.க.வை இரண்டாகப் பிளந்து மீண்டும் ஒரு தர்மயுத்தத்தை தொடங்க முடியும். அதை ஓ.பி.எஸ். செய்யத் துணியமாட்டார் என எடப்பாடி கணக்குப் போட்டுக் கொண்டிருக்கிறார். எனவே எடப்பாடியின் அசைவுகளையும், சசிகலாவின் கணக்குகளையும் பா.ஜ.க.விடம் எடுத்துச் சொல்லி மீண்டும் தனக்கு முக்கியத்துவம் கிடைக்கவேண்டும், தனது மகன் ரவீந்திரநாத்குமார், மத்தியில் மந்திரியாக வேண்டும் என ஓ.பி. எஸ். முயற்சி செய்துவருகிறார்.

 

ops



தான் பா.ஜ.க.வில் இணையப்போவதாக வெளியான செய்திகளுக்கு மறுப்பு தெரிவிக்கும் வகையில், "அ.தி.மு.க.வே என் உயிர்” என உருக்கமாக    அறிக்கை வெளியிட்டார் ஓ.பி.எஸ். நேரடியாக பா.ஜ.க.வில் சேர்வது, தற்போதைய அதிகார அரசியலுக்குப் பயன் தராது என்பது அவருக்குத் தெரியும்; அதனால் ஓ.பி.எஸ். தலைமையில் பா.ஜ.க. ஆதரவு அ.தி.மு.க. உதயமாகத் தயாராகி வருகிறது.

இத்துடன் அ.ம.மு.க.விலும் அ.தி.மு.க.வினர் பலர் இணைய தயாராகிவருகிறார்கள். அதனால் ‘என் வழி தனி வழி’. நீங்களும் வாங்க என நிர்வாகிகளுடன்  உடன்படிக்கை போட்டிருக்கிறார்  தினகரன். யாராக இருந்தாலும் மே 23-க்குப் பிறகுதான் எந்த முடிவையும் எடுப்பார்கள். அ.தி.மு.க. என்னவாகும் என்பது அப்போது தெரியும்!

 

சென்னை வள்ளூவர் கோட்டத்தில் நடைபெற்ற ஆர்ப்பாட்டத்தில் பேசிய சீமான் கமல், ரஜினி மற்றும் திராவிட கட்சிகளைக் கடுமையாகச் சாடினார். இலங்கையில் நடைபெற்ற தொடர் குண்டுவெடிப்பு மற்றும் தமிழகத்தில் நிகழும் சாதி, மத மோதலைக் கண்டித்து சென்னை வள்ளூவர் கோட்டத்தில் ஆர்ப்பாட்டம் நடைபெற்றது. 

நாம் தமிழர் கட்சி தலைமை ஒருங்கிணைப்பாளர் சீமான் இந்த ஆர்ப்பாட்டத்தில் கலந்து கொண்டு உரையாற்றினார்.

அதில், ’நியூசிலாந்தில் நடைபெற்றத் தாக்குதலுக்குப் பதிலடியாக இலங்கையில் தாக்குதல் நடத்தப்பட்டுள்ளதாகக் கூறுவதை ஏற்றுக் கொள்ள முடியாது. மதங்கள்தான் நம்மைப் பிளவுப்படுத்துகிறது. மதம் மனித உறவுக்குத்தானே தவிர உயிருக்கு அல்ல. இலங்கையில் தாக்குதலில் ஈடுபட்ட இளைஞர்கள் அனைவரும் ராஜபக்சேவுடன் ஒன்றாகப் புகைப்படம் எடுத்துக் கொண்டவர்கள் என்ற குற்றச்சாட்டையும் சீமான் முன்வைத்தார்.

நீட்டும் இடங்களில் எல்லாம் கையெழுத்து போடும் தரகர் வேலையைத் தான் கமல், ரஜினி போன்றவர்கள் அரசியலில் செய்து வருகின்றனர். சினிமாவில் செட்டு போடுவது போல் முகத்தில் டார்ச்லைட் அடித்துக் கொண்டு திரிந்து கொண்டிருக்கிறார் கமல்ஹாசன்.
சாதி மதங்களால் தமிழ்ச் சமுதாயம் மிகப்பெரிய வீழ்ச்சியில் சென்று கொண்டிருக்கிறது. மதவாதத்தை பற்றிப் பேச தி.மு.க அ.தி.மு.க போன்ற திராவிடக் கட்சிகளுக்கு எந்தத் தகுதியும் இல்லை. 50 ஆண்டு கால திராவிட ஆட்சியை ஒரு நாள் கிழித்துக் குப்பையில் போடவில்லை என்றால் நான் பிரபாகரனின் மகன் இல்லை’ என்று சீமான் ஆவேசமாகப் பேசினார்!

நேற்று இரவிலிருந்து சீமான் கட்சியினர் குறித்த ஒரு தொலைபேசி உரையாடலும் அதையொட்டிய விவாதங்களும் ஃபேஸ்புக்கிலும் ட்விட்டரிலும் வைரலாகி வருகிறது. அந்த உரையாடல், நாம் தமிழர் கட்சியின் ஒருங்கிணைப்பாளர் சீமானின் உதவியாளர் புகழேந்திக்கும் தனசேகர் என்பவருக்குமான உரையாடல். இருவரும் தகாத வார்த்தைகளால் திட்டிக்கொள்கிறார்கள். அதில், தனசேகர் என்பவர் சீமான் தன்னை மலேசியாவில் வைத்துக் கொல்வதற்கு முயற்சிசெய்து தோற்றுவிட்டதாகக் கூறுகிறார். ஆகவே, இது சாதாரணமாகக் கடந்துபோகக்கூடிய ஒரு தொலைபேசி உரையாடலாக இல்லை. ஒட்டுமொத்த உரையாடலின் பின்னணி குறித்துச் சொல்கிறார், நாம் தமிழர் கட்சியின் மாநில மாணவர் பாசறை ஒருங்கிணைப்பாளர் கார்த்திக்.

எதிர்தரப்பில் பேசிய தனசேகர் என்கிற நபருக்கும் கட்சிக்கும் எந்தத் தொடர்பும் இல்லை.
நாம் தமிழர்  கட்சியைப் பொறுத்தவரை, தலைவன், தொண்டன் என்று இல்லாமல் அண்ணன், தம்பி என்கிற முறையில்தான் பழகுகிறோம். சீமானை யார் வேண்டுமென்றாலும் எப்போது வேண்டுமென்றாலும் கட்சி அலுவலகத்திலேயே சந்திக்கலாம். அதன் அடிப்படையில்தான், அந்த நபரை இங்கே நேரில் பேசப் புகழேந்தி அழைத்தார். எதிர்தரப்பிடமிருந்து ஒழுங்கான பதில் இல்லை. எனவே, அவர் முகவரி கேட்டு அவரிடம் பேச்சுவார்த்தைக்கு அழைத்தார்.
எங்கள் கட்சி நாளுக்குநாள் மக்களிடம் செல்வாக்கு பெற்று வருகிறது. அதைக் கலைத்துப் போடுவதற்குப் பலதரப்பிலும் ஏராளமானோர் வேலை செய்கிறார்கள். அவற்றில் ஒரு திட்டம்தான் இது. நாம் தமிழர் கட்சியையும் அதன் உறுப்பினர்களையும் ஒரு பிற்போக்குவாதிகளாக, இனவாதக் கூட்டமாகச் சித்திரிக்க ஒரு பெருங்கூட்டம் முயன்று வருகிறது. குறிப்பாக, தி.மு.க-வினருக்கு எங்களின் வளர்ச்சியின் மீது பதற்றம் ஏற்பட்டுள்ளது. இந்த ஒலிப்பதிவை அவர்கள்தான், இணையத்தில் வேகமாகப் பரப்புகிறார்கள். இது அவர்களுடைய வேலையாகக்கூட இருக்கலாம்.
எங்கள் மீது மிகப்பெரிய உளவியல் தாக்குதலைச் செய்து பார்க்கிறார்கள். வெளிவர இருக்கின்ற தேர்தல் முடிவுகளில் எங்களுக்குக் கிடைத்திருக்கிற வாக்குகள் இவர்களுக்குத் தெரியவரும்போது, இன்னும் சில சூழ்ச்சிகளைச் செய்வார்கள். ஆனால், அவற்றுக்கெல்லாம் அஞ்சி நடுங்குகிற கூட்டம் அல்ல நாங்கள்- இவ்வாறு கார்த்திக் தெரிவித்துள்ளார்!

இலங்கையில் குண்டு வெடிப்பு சம்பவத்தில் கொழும்பு சின்னமன் கிராண்ட் ஹோட்டலும் தாக்குதலுக்குள்ளானது. இந்த ஹோட்டலில்தான் நடிகை ராதிகாவும் தங்கியிருக்கிறார். குண்டு வெடிப்பதற்குச்  சற்று நேரத்திற்கு முன்புதான் அந்த ஹோட்டலைக் காலி செய்து விட்டுக் கிளம்பி இருக்கிறார். இதனால் அவர் அதிர்ஷ்டவசமாக உயிர் தப்பியுள்ளார்.

இது குறித்து அவர் தனது ட்விட்டர் பக்கத்தில், ’’அடக்கடவுளே… இலங்கையில் குண்டுவெடிப்புகள் நடந்துள்ளது. கடவுள் அவர்களுக்கு ஆதரவாக இருக்க வேண்டும். நான் தற்போது தான் சின்னமன் கிராண்ட் ஹோட்டலில் இருந்து கிளம்பினேன். அங்கும் குண்டு வெடித்துள்ளது. நம்ப முடியவில்லை இது அதிர்ச்சி அளிக்கிறது என்று தெரிவித்துள்ளார்!

விஜய் தொலைக்காட்சியில் கமல் ஹாசன் தொகுத்து வழங்கிய நிகழ்ச்சி 'பிக் பாஸ்'. சீசன் 1 மற்றும் சீசன் 2 வெற்றிகரமாக முடிக்கப்பட்டு தற்போது 3-வது சீசன் தொடங்க உள்ளது. அதனை கமல் ஹாசன் தான் தொகுத்து வழங்குகிறாரா? விஜய் தொலைக்காட்சி தான் ஒளிபரப்பு செய்யப்போகிறதா? என்ற கேள்வி தற்போது எழுந்துள்ளது.

இதற்கிடையில், பிக் பாஸ் தமிழ் சீசன் 3-ஐ 'கலர்ஸ்' தமிழ் சேனல் ஒளிபரப்ப இருப்பதாக அண்மையில், தகவல் வெளியானது. ஆனால், இது குறித்து முறையான அறிவிப்பு விரைவில் வெளிவரும் என்று எதிர்பார்க்கப்படுகிறது. இந்த நிலையில், கலர்ஸ் தமிழ் சேனலில் நயன்தாரா சேனலுக்கு வருவதாக கலர்ஸ் தமிழ் சேனலின் டுவிட்டர் பக்கத்தில் பதிவிட்டுள்ளனர்.
அதனைக் கேள்விக்குறியோடு பதிவிட்டிருக்கிறார்கள் என்பது குறிப்பிடத்தக்கது. இதையும், ஏற்கனவே வெளியான தகவலையும் வைத்துப் பார்க்கும் பொழுது, நயன்தாரா 'பிக் பாஸ் தமிழ் சீசன் 3' நிகழ்ச்சிக்கு வருவார் என்று எதிர்பார்க்கப்படுகிறது. ஆனால், இது குறித்து முறையான அறிவிப்பு ஏதும் வெளியாகவில்லை என்பது குறிப்பிடத்தக்கது!

ரஜினி எப்போது கட்சி ஆரம்பிப்பார்? என்று அவரது ரசிகர்கள் மிகவும் ஆவலுடன் எதிர்பார்த்துக் காத்திருக்கிறார்கள்.
இந்த நிலையில், மும்பையில் ‘தர்பார்’ படப்பிடிப்பில் இருந்த ரஜினிகாந்த், நேற்று முன்தினம் நடைபெற்ற நாடாளுமன்றத் தேர்தலில் ஓட்டு போடுவதற்காக சென்னை வந்தார். நாடாளுமன்றத் தேர்தலையொட்டி, ‘டுவிட்டர்’ பக்கத்தில் ரஜினிகாந்தின் ரசிகர்கள் ‘அடுத்த ஓட்டு ரஜினிக்கே’ என்ற ‘ஹேஷ் டேக்’கை உருவாக்கி இந்திய அளவில் அதைப் பிரபலப்படுத்தினார்கள்.
தேர்தலில் வாக்களித்த ரஜினிகாந்த், மீண்டும் ‘தர்பார்’ படப்பிடிப்பில் கலந்து கொள்வதற்காக நேற்று மும்பை சென்றார். மும்பை புறப்படும் முன் சென்னை போயஸ் கார்டனில் உள்ள தனது இல்லத்தில் நிருபர்களுக்குப் பேட்டி அளித்தார்.
அப்போது  ரசிகர்களின் ஆர்வம் தனக்குப் புரிகிறது என்றும், கண்டிப்பாக அவர்களை ஏமாற்ற மாட்டேன் என்றும் தெரிவித்தார்.
மேலும் எப்போது சட்டமன்றத் தேர்தல் வந்தாலும் தாம் சந்திக்கத் தயாராக இருல்பதாக அவர் தெரிவித்தார். இதன ரஜினி ரசிகர்கள் உற்சாகமடைந்துள்ளனர்.
வழக்கம்போல இது 'தர்பார்' புரோமஷனுக்கான வேலைதான் என்கின்றனர் ஒரு சிலர்!

தமிழகத்தில் நாடாளுமன்றத் தேர்தலுக்காக நேற்று நடைபெற்ற வாக்குப்பதிவின்போது,  வாக்குச்சாவடிக்கு வந்து  நடிகர் ரஜினிகாந்த் வாக்களித்தார்.  அப்போது ரஜினியின் வலது கை விரலில் மை வைத்தனர் அங்குள்ள அதிகாரிகள்.   இது சர்ச்சைக்குள்ளானது.
இது குறித்து இன்று சென்னையில் செய்தியாளர்களைச் சந்தித்த தமிழக தலைமை தேர்தல் அதிகாரி சத்யபிரதா சாகு இன்று பதிலளித்தார். அதில்
"குறிப்பிட்ட விரலில் வைக்க வாய்ப்பு இல்லை என்றால் சில நேரங்களில் வேறு விரல்களில் வைக்கலாம். இது பொதுவானது தான்.
தேர்தல் பணியில் இருந்த ஊழியர்கள் தவறுதலாக வலது கைவிரலில் அடையாள மை வைத்திருக்கலாம். பணியில் இருந்த ஊழியர் செய்த தவறுக்கு அறிக்கை கேட்கப்படும்’’என்று தெரிவித்துள்ளார்!

 

தமிழகத்தில் நாடாளுமன்றத் தேர்தல் வாக்குப்பதிவு அமைதியாகவும், விறுவிறுப்பாகவும் நடைபெற்றது.

தேர்தல் ரத்து செய்யப்பட்டுள்ள வேலூர் நாடாளுமன்றத் தொகுதி தவிர மற்ற 38 நாடாளுமன்றத் தொகுதிகளுக்கும், காலியாக உள்ள 18 சட்டசபை தொகுதிகளுக்கும் வாக்குப் பதிவு நடந்தது. இதேபோல் புதுச்சேரி நாடாளுமன்ற தொகுதிக்கும், அங்கு காலியாக இருக்கும் தட்டாஞ்சாவடி சட்டசபை தொகுதிக்கும் ஓட்டுப்பதிவு நடைபெற்றது.

கொளுத்தும் வெயிலையும் பொருட்படுத்தாமல் ஏராளமான ஆண்களும், பெண்களும் திரளாக வந்து தங்கள் ஜனநாயகக் கடமையை ஆற்றினார்கள். முதல் முறையாக ஓட்டுப் போடும் இளம் வாக்காளர்கள் ஆர்வத்துடன் வந்து ஓட்டுப்போட்டனர்.

ஒரு சில ஓட்டுச்சாவடிகளில் மின்னணு ஓட்டுப்பதிவு எந்திரங்களில் கோளாறு ஏற்பட்டதால் வாக்குப்பதிவு சற்றுத் தாமதமாகத் தொடங்கியது.

சில வாக்குச்சாவடிகளில் ஓட்டுப்பதிவு நடந்து கொண்டிருந்த போது எந்திரங்களில் கோளாறு ஏற்பட்டதால், வாக்குப்பதிவு பாதிக்கப்பட்டது. அந்த வாக்குச்சாவடிகளில் வாக்களிக்க கூடுதல் நேரம் அனுமதி வழங்கப் பட்டது.

தேர்தலை முன்னிட்டு மாநிலம் முழுவதும் பலத்த பாதுகாப்பு ஏற்பாடுகள் செய்யப்பட்டு இருந்தன. தமிழக போலீசாருடன் துணை ராணுவ படையினரும் பாதுகாப்பு பணியில் ஈடுபட்டனர். பதற்றம் நிறைந்த வாக்குச்சாவடிகளில் கூடுதல் போலீஸ் பாதுகாப்பு போடப்பட்டு, துணை ராணுவ படையினரும் நிறுத்தப்பட்டு இருந்தனர்.

இதனால் ஒரு சில அசம்பாவித சம்பவங்களை தவிர வாக்குப்பதிவு அமைதியாக நடந்து முடிந்தது.

காலை 7 மணிக்கு தொடங்கிய ஓட்டுப்பதிவு இடைவேளை இன்றி மாலை வரை நடைபெற்றது. சித்திரை திருவிழா காரணமாக, ஏற்கனவே அறிவிக்கப்பட்டு இருந்தபடி மதுரை நாடாளுமன்றத் தொகுதியில் மட்டும் இரவு 8 மணி வரை வாக்குப்பதிவு நடந்தது.

ஓட்டுப்பதிவு முடிந்ததும் மின்னணு வாக்குப்பதிவு எந்திரங்கள் ‘சீல்’ வைக்கப்பட்டு பலத்த பாதுகாப்புடன் வாக்கு எண்ணும் மையங்களுக்கு கொண்டு செல்லப்பட்டன.

மாநிலம் முழுவதும் 70.90 சதவீதம் வாக்குகள் பதிவானதாக தமிழக தலைமை தேர்தல் அதிகாரி சத்யபிரத சாகு தெரிவித்தார்.

அதிகபட்சமாக நாமக்கல் நாடாளுமன்றத் தொகுதியில் 79.75 சதவீத வாக்குகளும், குறைந்தபட்சமாக தென் சென்னை நாடாளுமன்ற தொகுதியில் 57.43 சதவீத வாக்குகளும் பதிவாகி இருப்பதாக அவர் கூறினார்.

மத்திய சென்னையில் 57.86 சதவீத வாக்குகளும், வட சென்னையில் 61.76 சதவீத வாக்குகளும் பதிவாகி உள்ளன.

கடந்த 2014-ஆம் ஆண்டு நடைபெற்ற நாடாளுமன்றத் தேர்தலில் தமிழகம் முழுவதும் சராசரியாக 73.68 சதவீத வாக்குகள் பதிவாயின.

இந்தத் தேர்தலில் அ.தி.மு.க. தலைமையில் ஓர் அணியும், தி.மு.க. தலைமையில் மற்றொரு அணியும் போட்டியிடுகின்றன. இதுதவிர அ.ம.மு.க, மக்கள் நீதி மய்யம், நாம் தமிழர் உள்ளிட்ட கட்சிகளும் களத்தில் உள்ளன.

ஓட்டு எண்ணிக்கை வருகிற மே மாதம் 23-ந் தேதி நடைபெறுகிறது. வெற்றி யாருக்கு? என்பது அப்போது தெரிந்துவிடும்!

இந்திய நாடாளுமன்றத் தேர்தலுக்கான வாக்குப் பதிவு மிகப் பரபரப்பாக நடந்து வரும் வேளையில், வாக்காளர் பட்டியலில் தங்கள் பெயர் இடம்பெறவில்லை எனப் பலரும் கூறி வருகின்றனர். அந்த வரிசையில், நடிகர் சிவகார்த்திகேயன், ரோபோ சங்கர், ரமேஷ் கண்ணா உள்ளிட்டோரின் பெயரும் வாக்காளர் பட்டியலில் இல்லை என்பதுதான் நட்சத்திர வேடிக்கை.

இந்த நிலையில், முதலில் பட்டியலில் பெயர் இல்லாத காரணத்தால் வாக்குப்பதிவு செய்ய மறுக்கப்பட்ட சிவகார்த்திகேயனுக்கு, கடுமையான போராட்டத்திற்குப் பின்னர் அனுமதி வழங்கப்பட்டது. இதனால் அவர் தனது வாக்கைப் பதிவுசெய்தார்!

நாம் தமிழர் கட்சியைச் சேர்ந்த வட சென்னை நாடாளுமன்ற வேட்பாளர் காளியம்மாளுக்குப் பெருகி வரும் ஆதரவால்... பலரும் வாயடைத்து நிற்கின்றனர்.
வேறு கட்சியைச் சேர்ந்தவர்களும் வெளிப்படையாகவே காளியம்மாளை ஆதரித்துப் பதிவுகள் இடுகின்றனர். சமூக வலைத்தளங்களில் தங்கள் ஆதரவை, தங்கள் வாக்கு யாருக்கு என்கிற நிலைப்பாட்டை வெளிப்படையாகவே தெரிவித்து வருகின்றனர் மக்கள்.
இதில் நாம் தமிழர் கட்சி வட சென்னை வேட்பாளர் காளியம்மாளுக்கு வாக்களியுங்கள் என தமிழ் ஆய்வாளர் ஒரிசா பாலுவும் தனது ஆதரவைத் தெரிவித்துள்ளார். தொடர்ந்து பெருகும் ஆதரவால் காளியம்மாள் வெற்றி பெறும் வாய்ப்பு அதிகம் இருப்பதாகவே சொல்லப்படுகிறது.
மீனவ இனத்தைச் சேர்ந்த எளிய குடும்பத்தின் பட்டதாரியான அவர் பேச்சு, பிரச்சார மேடைகளில் யதார்த்தம் பேசியது என்பது குறிப்பிடத்தக்கது!

பரபரப்பாக எதிர்பார்க்கப்பட்ட தமிழகத் தேர்தல் இன்று தொடங்கியது. காலை 7 மணி முதல் வாக்குப்பதிவு தொடங்கி நடைபெற்று வருகிறது. இந்நிலையில் சில இடங்களில் வாக்குப்பதிவு இயந்திரங்களில் கோளாறு ஏற்பட்டுள்ளதாகக் கூறப்படுகிறது.

தமிழகம் கர்நாடகா, மகாராஷ்டிரா உள்ளிட்ட 11 மாநிலங்களில் இன்று வாக்குப்பதிவு நடைபெறுகிறது. தமிழகத்தில் ரத்து செய்யப்பட்ட வேலூர் தொகுதி தவிர்த்து 38 தொகுதிகளிலும் 18 சட்டப்பேரவை தொகுதிகளில் இன்றுகாலை 7 மணிக்கு வாக்குப்பதிவு தொடங்கியது. மக்கள் காலை முதலே உற்சாகத்துடன் வாக்குப்பதிவு மையங்களுக்கு வந்து வாக்குகளைப் பதிவு செய்து வருகின்றனர்.
நடிகர்கள் அஜித், ரஜினி, நடிகை ஷாலினி ஆகியோர் காலையிலேயே தங்களது வாக்குச்சாவடியில் வாக்களித்தனர்!

கலைஞர், ஜெயலலிதா இறப்புக்குப் பின் தமிழகத்தில் மிகப்பெரும் வெற்றிடம் உருவாகியுள்ளது.

இந்த இடைவெளியைப் பயன்படுத்திக்கொண்டு யார் யாரெல்லாமோ முதல்வர் கனவில் மிதக்க ஆரம்பித்துவிட்டனர் இப்பொழுது.
மக்களால் தேர்வு செய்யப்படாமல், சசிகலாவால் முதல்வராக்கப்பட்ட எடப்பாடி பழனிச்சாமி, தனக்குக் கிடைத்த குருட்டு அதிர்ஷ்டத்தை தக்க வைக்க பிஜேபி கட்சியின் அடிமட்டத் தொண்டனாகவே மாறிவிட்டார்.
லேடியா மோடியா பார்ப்போம் என்று கர்ஜித்து பிஜேபியைத் தமிழகத்தில் தோற்கடித்த ஜெயலலிதாவின் கட்சிதான், அந்தக் கட்சியின் முதல்வர் தான் அதே மோடி கட்சிக்கு ஆதரவாகப் பிரச்சாரம் செய்கிறார். உச்சகட்டமாக அதிமுக அமைச்சர் ஒருவர் 'மோடி எங்க டாடி' எனப் பல்லிளிக்கிறார்.
தர்ம யுத்தம் நடத்திய ஓபிஎஸ், இன்று மோடியே கதி என கைகட்டி நிற்கிறார்.
ஆனால் மோடி தலைமையிலான பிஜேபி நடத்தும் நாடகங்களை பெரும்பாலான மக்கள் உணர்ந்திருக்கிறார்கள் என்பதால்... இந்தத் தேர்தலில் அதிமுக ஜொலிப்பது கடினம்தான். அப்படி ஜெயித்தால்... அது தில்லாலங்கடிதான்.
ஆக அதிமுகவின் எடப்பாடியாரோ அல்லது ஓபிஎஸ்ஸோ இனி முதல்வராவது சாத்தியம் இல்லை என்றே தெரிகிறது.
அதே நேரத்தில் நாங்கள்தான் உண்மையான அதிமுக என நாடெங்கிலும் தீவிர சுற்றுப்பயணம் செய்து வரும் தினகரன், இனி அதிமுகவின் பெரும்பகுதி வாக்கு வங்கியைத் தன் பக்கம் தக்க வைத்துக் கொள்வார் என்றே தெரிகிறது. இந்தத் தேர்தல்தான் அவருக்கான களமாகப் பார்க்கப்படுகிறது. ஆர்.கே நகர் வெற்றி போல் இந்தத் தேர்தலிலும் அவர் சில வெற்றிகளைப் பெற்றால் முதல்வர் கனவு பலிக்கலாம்.
திமுக வைப் பொறுத்தவரை கலைஞருக்குப் பிறகு கொஞ்சம் வலுவிழந்துதான் இருக்கிறது அக்கட்சி. மு.க.ஸ்டாலினின் தெளிவற்ற பேச்சு, அணுகுமுறை அக்கட்சியினரிடையேயே சலிப்பை ஏற்படுத்தியுள்ளது. இருந்த போதிலும் அதிமுக உடைந்து கிடப்பதாலும், மதிமுக இணைந்திருப்பதாலும், திமுகவிற்கு ஏற்கெனவே உள்ள வாக்கு வங்கிகள் அப்படியே இருப்பதாலும் வெற்றிபெறும் சாத்தியங்கள் அதிகம் என்றே விமர்சகர்கள் கூறுகிறார்கள்.
ஆனாலும் சாதாரணம் பொதுஜன மக்களின் விருப்பம் அதுவல்ல என்பதே உண்மை...
திராவிடக் கட்சிகள் ஆண்டது போதும்... புதிதாய் யாராவது வந்தால் சிறப்பாக இருக்கும் என்பதே நடுநிலை மக்களின் எண்ணம்...
யார் அந்தப் புதியவர்? மக்களின் விருப்பத்திற்கு தகுந்த அந்த நாளையத் தலைவன் யார்? என்பதே இப்போது உலகின் கண்களாகவும் இருக்கிறது.

பல போராட்டங்கள், சிறைவாசம் என கடந்த பத்து வருடங்களாக மக்களுக்காகக் களத்தில் இறங்கி குரல் கொடுப்பவர் சீமான். தெளிவான கருத்தியல், தெளிவான கட்சித் திட்ட வரைவுப் புத்தகம் என மிக மிகத் தெளிவாக இருக்கிறார்கள் அவர்கள். திராவிடக் கட்சிகளுக்கு மாற்று நாம் தமிழர் கட்சியாக இருக்கலாம் என்ற கருத்து நிலவி வரும் அதே வேளையில் இப்போது கமல் ரஜினி என்று ஆளாளுக்கு அரசியல் பார்க்க நினைக்கிறார்கள். இதனால் நடுநிலை மக்கள் சிதறுகிறார்கள். இந்தச் சிதறல் மீண்டும் திராவிடக் கட்சிகளின் பலமாக மாறிவிடுகிறது.
கமலுக்கு ஊடகங்கள் பெரிதும் ஆதரவய் இருக்கின்றன. மாற்று என்றால் கமல் என்கிற மாதிரிதான் ஒரு தோற்றத்தை முன் வைக்கின்றன. இது சீமான் மீதான அச்சமாக இருக்கலாம் என்றே எண்ணத் தோன்றுகிறது.
கமல் கட்சி ஆரம்பித்து இப்பொழுதுதான் முதல் தேர்தலைச் சந்திக்கிறார், ஆனால் ஊடகங்கள் அவரைத்தான் முன்னிறுத்துகின்றன.
சீமானோ கடந்த சட்டமன்றத் தேர்தலிலேயே தனது வாக்கு சதவிகிதத்தை நிரூபித்தார். அது அன்றைய எதிர்க்கட்சியான தே.மு.தி.க கூட்டணி பெற்ற வாக்குகளை விட அதிகம்.
இப்போதும் நாம் தமிழர் கட்சி அதைவிட வளர்ந்திருப்பதாகவே தெரிகிறது.
உலகம் முழுக்க அவரை ஆதரிக்கிறார்கள், அவரின் கருத்தியலை ஏற்றுக்கொள்கிறார்கள். எனவே மிகப்பெரும் சக்தியாக இனி சீமான் உருவெடுப்பார் என்பதே உண்மை.
விஜயகாந்த் இனி உடல் ஒத்துழைக்காது, அன்புமணி நேர்மை மீது கறை படிந்துவிட்டது... மு.க.ஸ்டாலினுக்குத் திமுக மட்டுமே பலம்... துணிச்சல் இல்லாதவர்...
இப்படி இருக்கும் சூழலில் இனி தினகரன் அல்லது சீமான் இருவரில் ஒருவரே நாளைய தமிழகத்தின் முதல்வராக வர முடியும்.
தினகரனுக்கு பிஜேபி எத்தகைய குடைச்சலைக் கொடுத்தாலும் அசராமல் பிஜேபியை எதிர்ப்பதால் மக்கள் அபிமானத்தைப் பெற்றுவிட்டார். அதுமட்டுமல்லாது அவரது ஜாதி ஓட்டு பெரும்பகுதி தினகரன் கைவசமே இருக்கிறது. எனவே நடு நிலையான மக்கள் தினகரனை ஆதரிக்கவும் வாய்ப்பிருக்கிறது.
அதே நேரத்தில் தனிப்பெரும் சக்தியாய், எவருடனும் சமரசமின்றி தனித்து நின்று எல்லா இடர்களையும் சந்திக்கும் சீமானையும் பெரும் கூட்டம் வரவேற்கவே செய்கிறது...

தினகரன் - சீமான்... யார் அடுத்த முதல்வர் பொறுத்திருப்போம்!

 

இந்திய நாடாளுமன்றத் தேர்தலில் தலைநகர் புதுடெல்லியின் ஒரு தொகுதியில் தேசிய பெண்கள் கட்சி வேட்பாளராகப் போட்டியிடுகிறார், தமிழகத்தில் கடந்தாண்டு ‘பிக் பாஸ் 2’ மூலம் பிரபலமானவரும் காமெடி நடிகர் தாடி பாலாஜியின் மனைவியுமான நித்யா.  

இவர் சமீபத்தில் புதிதாகத் தொடங்கப்பட்ட ’தேசிய பெண்கள் கட்சி’யில் இணைந்தார். அந்தக் கட்சியின் தமிழகத் தலைவராக நித்யா நியமிக்கப்பட்டார் என்பது குறிப்பிடத்தக்கது.

டெல்லியில் போட்டியிடுவது குறித்து நித்யா அண்மையில் அளித்துள்ள பேட்டியில்,  “காஞ்சிபுரம் தனித் தொகுதியில் போட்டியிடறதா முடிவு செய்திருந்தேன். ஆனா, நான் தமிழ்நாட்டுல எந்தத் தொகுதியில போட்டியிட்டாலும், அங்க போய் என்னைப் பத்தி அவதூறு பரப்பணும்கிற பிளான் வச்சிருந்தார் பாலாஜி. ஏன், டெல்லியில எங்களோட தேசியக் கட்சியின் நிர்வாகிகளுக்கே குடிச்சுட்டுப் போனைப் போட்டு, ‘அவளெல்லாம் கட்சித் தலைவியா’னு சண்டை பண்ணியிருக்கார்.

இவர் சொன்ன எதையும் காதுல வாங்கிக்காத எங்க கட்சியின் தலைநகர் நிர்வாகிகள்தான் என்னை டெல்லியில போட்டியிட அறிவுறுத்தினாங்க. வடக்கு டெல்லியில் தமிழர்கள் பரவலா வசிக்கிறது எனக்குச் சாதகமா இருக்கும்கிற நம்பிக்கை இருக்கு. அதனால சரின்னு சொல்லிட்டேன்.” என்று கருத்து தெரிவித்துள்ளார்!

நாடாளுமன்றத் தேர்தலுக்கான முதல்கட்ட வாக்குப் பதிவு முடிவடைந்துவிட்ட நிலையில், இன்னும் 6 கட்டத் தேர்தல் மீதமுள்ளது. மே 23- ம் தேதி தேர்தல் முடிவுகள் வெளியாகிவிடும். ஒருவேளை தேர்தலில் பா.ஜ.க கூட்டணி வெற்றி பெற்று மோடி மீண்டும் பிரதமரானால், பிரதமர் அலுவலகத்தில் தற்போது பணியாற்றிக்கொண்டிருக்கும் உயர் அதிகாரிகள் பலர், பணி மாற்றம் அல்லது முன்கூட்டியே ராஜினாமா செய்துவிட்டு ஓட்டம் பிடிப்பது என்ற முடிவுடன் இருப்பதாகவும், அந்த அளவுக்கு மோடியின் செயல்பாடுகள் மீது அவர்கள் வெறுப்படைந்துள்ளதாகவும் தகவல் வெளியாகியுள்ளது!

ஸ்டெர்லைட் பாதிப்பால் மிகப்பெரும் சோகத்தைச் சந்தித்து இன்னும் மீளவில்லை மக்கள். ஆனால், அங்குத் தேர்தல் பிரச்சாரம் சூடுபிடித்திருக்கிறது. அங்கே போட்டியிடும் வேட்பாளர்கள் நட்சத்திர வேட்பாளர்கள் என்பதால், தேர்தலில் ஜெயிப்பதற்காகப் பல கோடிகளை இரைக்கக் காத்திருக்கிறார்கள் சம்பந்தப்பட்டவர்கள்.

இதனிடடையே தூத்துக்குடி மாவட்டத்தில் ஒரே நாளில் தி.மு.க மற்றும் அ.தி.மு.க நிர்வாகிகளுக்குச் சொந்தமான இடங்களில் ரூ.1 கோடியே 15 லட்சம் வரையிலான பணத்தை தேர்தல் பறக்கும் படை அதிகாரிகள் பறிமுதல் செய்யப்பட்ட சம்பவம் பரபரப்பை ஏற்படுத்தியுள்ளது.  

நேற்று நடடைபெற்ற சோதனையின் மூலம் தூத்துக்குடி மாவட்டத்தில் மூன்று இடங்களில் பணம் பறிமுதல் செய்யப்பட்டுள்ளது!

பணம்







 

 

திமுக தலைவர் மு.க.ஸ்டாலின் தமிழகம் முழுவதும் தனது கட்சி வேட்பாளர்களையும்  , கூட்டணிக் கட்சி வேட்பாளர்களையும் ஆதரித்துப்  பிரச்சாரத்தில்  ஈடுபட்டுள்ளார் . நாகர்கோயிலில் நடைபெற்ற பொதுக்கூட்டத்தில் பேசியஸ்டாலின், நான், எனது அண்ணன் அழகிரி, மைத்துனர் செல்வம், நமது பொருளாளர் துரைமுருகன், டிஆர் பாலு அனைவரும் கலைஞர் அவர்களுக்கு நினைவிடம் அமைப்பதற்காக தமிழக அரசிடம் முறையிட்டோம் . அதில் கூட கீழ்த்தரமான அரசியல் செய்தது எடப்பாடி அரசு. அண்ணாவுக்குப் பக்கத்தில் நினைவிடம் அமைக்க வேண்டும் என்பது  கலைஞர் கடைசி ஆசை. அதில் கூட 6 அடி இடம் தர மறுத்தது எடப்பாடி அரசு.

எம்ஜிஆருக்கு அண்ணாவுக்குப் பக்கத்தில் இடம் கொடுத்து, நினைவு மண்டபம் அமைத்தவர் கலைஞர். காமராஜருக்கு இடம் கொடுத்து நினைவிடம் உருவாகக் காரணமாக இருந்தவர். வள்ளுவர் கோட்டம் தந்த கலைஞருக்கு, தியாகிகளுக்கு மணிமண்டபம் அமைத்த கலைஞருக்கு, வீரபாண்டிய கட்டபொம்மனுக்கு கோட்டை கட்டியவருக்கு. மொழிப்போர் தியாகிகளுக்கு மணிமண்டபம் அமைத்த கலைஞருக்கு 6 அடி நிலம் இல்லை என்று எடப்பாடி கூட்டம் கூறியது.  அதற்கு அவருக்கு அருகதை இல்லையா? 6 லட்சம் அடி கூட தலைவருக்கு பொருந்தும் .நீங்கள் ஆறு அடிக்குக் கூட தகுதியில்லாத குள்ள நரி கூட்டம். நான் வெட்கத்தை விட்டு சொல்கிறேன் என்று கூறிக்கொண்டு இருக்கும் போதே கண் கலங்கினார் ஸ்டாலின்.

stalin

 அண்ணா மறைந்த நேரத்தில் இதயத்தை இரவலாகத் தந்துவிடு. கையோடு கால் அருகில் வைப்பேன் என்ற கலைஞருக்காகக் கேட்டேன். அவர் கொடுத்த உறுதிமொழி, வாக்குறுதியைக் காப்பாற்ற கெஞ்சினேன், நடக்கவில்லை . என்ன செய்வது என்று தெரியாமல் நீதிமன்றம் சென்று அனுமதி பெற்றோம். கலைஞருக்கு இடம் கொடுக்காதவர்களுக்கு இந்தத் தேர்தலில் வென்று நாம் யார் என்று காட்ட வேண்டும் என்று பேசினார் !

ராஜிவ்காந்தி கொலை வழக்கில் ஆயுள்தண்டனை கைதியாகக் கடந்த 28 ஆண்டுகளாக சிறையில் உள்ளார் நளினி. இவர் தனது மகளுக்குத் திருமணம் செய்து வைக்க வேண்டும் என்பதற்காகவும், வயதான தாயாரைப் பார்த்துக்கொள்ள வேண்டும் எனவும் 6 மாதம் பரோல் கேட்டு அரசாங்கத்துக்கு மனு செய்தார். ஆனால், அதிமுக அரசாங்கம் அதைப் பரிசீலனை செய்யவில்லை.

ந்நிலையில் உயர்நீதிமன்றத்தில் மனுதாக்கல் செய்தார். இந்த வழக்கு விசாரணைக்கு நாளை வருகிறது. இந்த வழக்கில் தன் சார்பில் தானே ஆஜராகி நளினி வாதாடவுள்ளார் என்கிற தகவல், அவர் தரப்பில் இருந்து வெளியாகியுள்ளது.

வாதியே தனது வழக்கில் ஆஜராகச் சட்டத்தில் இடம்முண்டு. அதன்படியே நளினி தனது பரோல் வழக்கில் ஆஜராகவுள்ளார். அப்போது தனது மனதில் அழுத்திக்கொண்டுள்ள விவகாரத்தை நீதிமன்றத்தில் நீதிபதியிடம் சொல்வார் என எதிர்பார்க்கப்படுகிறது!

 

தேனி நாடாளுமன்றத் தொகுதியில் துணை முதல்வர் ஓபி எஸ் மகன் ரவீந்திரநாத் குமார் போட்டியிடுவதை அடுத்து, அவரக்கு ஆதரவாகப் பிரச்சாரம் செய்ய பிரதமர் மோடி தேனி வந்தார்.
கூட்டணிக் கட்சித் தலைவர்கள், தமிழக முதல்வர் கலந்துகொண்ட இக்கூட்டத்தில் மோடி உரையாற்றினார்.
நிகழ்வில் மோடிக்கு மரியாதை செலுத்தும் விதமாக ரவீந்திரநாத் குமார் மோடியின் காலில் விழுந்தார். இதனால் தர்மசங்கடம் அடைந்த மற்ற வேட்பளர்களும் மோடி காலில் விழத் தொடங்கினர்.
தந்தையைப் போலவே பிள்ளை என இச்சம்பவத்தை பலரும் விமர்சித்து வருகின்றனர்.
கடந்த காலங்களில் ஜெயலலிதாவின் காலில் ஓபிஎஸ் விழுந்து வணங்கியதைப் போலவே, இப்போது அவரது மகனும் அந்தக் கலாச்சாரத்தைத் தொடங்கிவிட்டார் என்கின்றனர் அரசியல் விமர்சகர்கள்!

நாடாளுமன்றத் தேர்தல் உச்சக்கட்டத்தை எட்டியுள்ள நிலையில், கோயம்புத்தூரில் இன்று தனது பிரசாரத்தைத்  தொடங்கினார் மோடி.

கோவை கொடிசியா மைதானத்தில் இக்கூட்டம் நடைபெற்றது.

``தமிழ் மக்களுக்கு என்னுடைய அன்பான வணக்கம். மருதமலை முருகனுக்கு அரோகரா" என்று சொல்லித் தனது உரையை ஆரம்பித்தார் மோடி. 

``தமிழக மக்கள் அனைவருக்கும் இந்தக் காவலாளியின் வணக்கம். நடக்கக் கூடிய தேர்தல் வருங்காலத்தைக் கணிக்கக் கூடிய முக்கியத் தேர்தல். மக்களுக்குத் தொடர்ந்து நிலையான ஆட்சி அளிக்க நம்முடைய கூட்டணி விரும்புகிறது. மக்களுக்குகாகடச் சேவை செய்ய விரும்பும் கூட்டணி நம்முடையது. ஆனால், எதிரணி அதிகாரத்தைக் கைப்பற்ற மட்டுமே செயல்படுகிறது. 

நம் நாட்டுக்கு எப்போதெல்லாம் பாதுகாப்புத் தேவையோ, அப்போதெல்லாம் நாம் அதில் அதிகம் கவனம் செலுத்தி வருகிறேம். தமிழகத்தில் ராணுவத் தளவாடங்களை அதிகளவு உருவாக்க உள்ளோம். அதன் மூலம் அதிக வேலைவாய்ப்புகள் கிடைக்கவுள்ளது. எதிரணிக்கு நாட்டின் பாதுகாப்பில் சிறிதளவு கூட அக்கறையில்லை. 1998-ஆம் ஆண்டு, கோவையில் நடந்த குண்டுவெடிப்பு சம்பவம் மறக்க முடியாது. அப்போது, மத்தியில் காங்கிரஸும், இங்கே தி.மு.க-வும் ஆட்சியில் இருந்தன. அவர்களால் ஒன்றும் செய்ய முடியவில்லை. அது பழைய இந்தியா. இது பழைய இந்தியா இல்லை. புதிய இந்தியா. நம்முடைய புதிய இந்தியாவுக்கு எதிரிகள் எது கொடுத்தாலும், அதை வட்டியும் முதலுமாகத் திருப்பிக் கொடுப்போம்.
தேசியத்தைப் பற்றி பேசுவது என்ன குற்றமா, நான் தேசியத்தைப் பற்றி பேசுவதை எதிர்க்கட்சிகள் குற்றமாகச் சொல்லி வருகின்றன. இந்தத் தேசிய உணர்வால்தான், 18,000 கிராமங்களுக்கு மின்சாரம் கொடுக்க முடிந்தது. ஏழை மக்களுக்கு ஒன்றரை கோடி வீடுகள் கட்டிக் கொடுக்க முடிந்தது. நாங்கள் இறுதி வரை தேசியவாதிகளாகத்தான் இருப்போம். காங்கிரஸ் கட்சிகள் தேர்தல் அறிக்கை தீவிரவாதிகளுக்கு மகிழ்ச்சியளிக்கும் விதத்தில் அமைந்துள்ளது. தி.மு.க, காங்கிரஸுக்கு வாக்களித்தால் மக்கள் வலிகளைச் சந்திக்க நேரிடும். இதை நான் சொல்லவில்லை. அவர்கள் கட்சியின் மூத்த தலைவர்களே குறிப்பிடுள்ளார்கள். மேலும், காங்கிரஸ் தி.மு.க காரர்கள் பெண்களுக்கு எதிரானவர்கள். தி.மு.க மூத்த தலைவர்கள், சட்டசபையில் வைத்து நம் அம்மா ஜெயலலிதாவிடம் எப்படியெல்லாம் நடந்துகொண்டார்கள் என்பதை நாம் மறந்து விடக்கூடாது.

காங்கிரஸுக்கு மீண்டும் வாக்களித்தால் நம் பாரம்பரியத்தை அழித்து விடுவார்கள். காங்கிரஸ் - கம்யூனிஸ்ட்கள் இணைந்து கேரளாவின் கலாசாரத்தை சீரழிக்கிறார்கள். வாக்கு வங்கிகளுக்காக கீழ்த்தரமான அரசியல் செய்கிறார்கள். ஐயப்பனின் புனிதத்தைக் கெடுத்து வருகிறார்கள். நான் மக்களின் உணர்வுகளுக்கு மிகவும் முக்கியத்துவம் கொடுக்கிறேன், உங்களின் உணர்வுகளைக் காக்க இந்தக் கூட்டணி செயல்படும். எப்படி முதல் சம்பளத்தை நல்ல காரியத்துக்குப் பயன்படுத்துவோமோ, அதேபோல முதல் தலைமுறை வாக்காளர்கள், தங்களது வாக்கை நாட்டின் முன்னேற்றத்துக்காக அளிக்க வேண்டும். நாளும் நமதே.. நாற்பதும் நமதே" என்றார்!