loader

All News

ரஜினி பெயரில் புதிய கட்சி தொடங்க உள்ளதாக கன்னியாகுமரி மாவட்ட ரஜினி மக்கள் மன்றத்தின் மாவட்ட துணை செயலாளர் ஆர் எஸ் ராஜா தெரிவித்துள்ளார்.

இதுதொடர்பாக அவர் வெளியிட்டுள்ள அறிக்கையில், ரஜினிகாந்த் கட்சி தொடங்கி அரசியலில் இறங்கி தமிழ் நாட்டுக்கு நல்லது செய்வார் என மக்கள் எதிர்பார்த்துக் கொண்டிருந்தனர். ஆனால், அவர் அறிவிப்பு அனைத்து மக்களுக்கும், அவரை இன்னும் உயிருக்கு உயிராக நேசிக்கும் ரசிகர்களுக்கு மிகுந்த ஏமாற்றத்தை ஏற்படுத்தியது.

அரசியலுக்கு வராததற்கு அவர் தெரிவித்த விளக்கம் ஏற்றுக்கொள்ளக் கூடியதுதான். இருப்பினும் எதிர்ப்பு வலிமையாக தந்துள்ளோம். அவரது அரசியல் வருகையை எதிர்பார்த்து ஏமாந்து இருப்பதை எப்படி கையாள்வது என்பது தெரியவில்லை .

ரஜினி கட்சி தொடங்காத நிலையில் நாங்கள் கன்னியாகுமரி மாவட்டத்திலிருந்து புதிய கட்சி தொடங்கி உள்ளோம் .அனைத்திந்திய ரஜினி மக்கள் கட்சி என்ற பெயரில் கட்சி தொடங்கி , அரசியலில் மக்கள் சேவைகள் செய்ய முடிவு செய்துள்ளோம் .

கட்சியின் கொடி மற்றும் சின்னம் , கொள்கை தொடர்பான மற்ற விஷயங்கள் பற்றி மக்கள் மற்றும் ரசிகர்கள் இடம் கருத்து கேட்பு கூட்டம் பிறகு கன்னியாகுமரியில் விரைவில் அறிவிக்கப்படும் என தெரிவித்துள்ளார்!

அரசியலுக்கு வரமாட்டேன் என்று சொன்ன பிறகும், ஆர்ப்பாட்டம் செய்கிறார்கள் ரசிகர்கள் என்பதால், ஆத்திரம் அடைந்துள்ளார் ரஜினிகாந்த்.

இதுவரை ரஜினி மன்றம் சொல்லி அவர் ரசிகர்கள் கேட்டு நடக்காமல் இருந்தது கிடையாது. முதன்முறையாக வள்ளுவர் கோட்டத்தில் இப்படி ஒரு ஆர்ப்பாட்டத்தை அவரது ரசிகர்கள் நடத்தி உள்ளதால் ரஜினி கோபத்தில் உள்ளாராம்.

தலைமையின் உத்தரவையும் மீறி போராட்டம் நடத்தியது வேதனை அளிக்கிறது என்று அவர் தெரிவித்துள்ளார்.

முதல்முறையாக ரசிகர்களின் விருப்பத்திற்கு எதிராக ரஜினிகாந்த் நடந்து கொண்டிருக்கிறார்.  இதன் தாக்கம் அண்ணாத்த திரைப்படம் வெளியாகும்போது இருக்கக்கூடும் என்கிறார்கள் அரசியல் பார்வையாளர்கள். ரசிகர் மன்றங்களின் பலம் இனிமேல் குறையும் என்கிறார்கள்! 

புதுடெல்லி: இந்தியாவில் கொரோனா வைரசின் பாதிப்புகள் மனிதர்களுக்கு பெரும் அச்சுறுத்தலாக உள்ளன.  எனினும், இதன் பாதிப்புகள் குறைந்து வருவது ஆறுதல் அளித்துள்ளது.  இந்நிலையில், புது வருடம் பிறந்த பின்னர் வார தொடக்கத்திலேயே நாட்டின் பல்வேறு பகுதிகளில் பறவை காய்ச்சல் பரவி வருவது அச்சத்தை ஏற்படுத்தியுள்ளது.

இதன்படி கடந்த 4-ஆம் தேதி ராஜஸ்தானில் 170 பறவைகள் இறந்ததாக தகவல்கள் தெரிவிக்கின்றன.  அன்றைய தினம் வரை அங்கு 425 பறவைகள் பறவை காய்ச்சலால் இறந்துள்ளதாக கால்நடை பராமரிப்புத்துறை கூறி உள்ளது.  அவற்றில் அதிகமாக காக்கைகள் இறந்துள்ளதாக தெரியவந்துள்ளது. மாநிலம் முழுவதும் 15 மாவட்டங்களில் பறவைகள் இறப்பு பதிவாகி உள்ளது.

இதேபோன்று, மத்திய பிரதேசத்தின் சில பகுதிகளிலும் காகங்கள் இறந்து வருவதாக தகவல்கள் வெளிவர ஆரம்பித்துள்ளது.  இதேபோல பறவைகள் அதிகமாக வந்து செல்லும் இமாசல பிரதேசத்தில், இடப்பெயர்ச்சி செல்லும் பல பறவை இனங்கள் பறவை காய்ச்சலால் இறந்து வருவது கண்டுபிடிக்கப்பட்டுள்ளது.

அங்குள்ள காங்ரா மாவட்டத்தின் பாங் டேம் லேக் சரணாலய பகுதி சுற்றுவட்டாரத்தில் 1,800 பறவைகள் இறந்துள்ளன.

கேரளாவில் கோட்டயத்தில் நீண்டூர் என்ற இடத்தில் ஒரு வாத்து பண்ணையில் நோய் பரவியிருப்பதாக அதிகாரிகள் கண்டறிந்தனர். அங்கு 1,500 வாத்துகள் இறந்துள்ளன. இதேபோல ஆலப்புழா மாவட்டத்தின் குட்டநாடு மண்டலத்தில் உள்ள சில பண்ணைகளிலும் பறவை காய்ச்சல் தாக்கி உள்ளது.

வளர்ப்பு பறவைகளான கோழிகள், வான்கோழிகள், வாத்துகள் உள்ளிட்டவற்றின் கழிவுகள், மூக்கு, வாய், கண் இவற்றின் வழியாக பறவை காய்ச்சலை ஏற்படுத்தும் எச்.5.என்.8. வைரஸ் பரவுவதாக எச்சரிக்கப்பட்டு உள்ளது. இதற்கு முன்பு, கேரளாவில் கடந்த 2016ம் ஆண்டு பறவை காய்ச்சல் பரவியிருந்தது.

கேரளா, ராஜஸ்தான், மத்திய பிரதேசம் மற்றும் இமாசலபிரதேசம் ஆகிய மாநிலங்களை தொடர்ந்து டெல்லியில் 200க்கும் மேற்பட்ட பறவைகள் இறந்துள்ளன.

டெல்லியில் பல்வேறு பூங்காக்களிலும் காகங்கள் இறந்த நிலையில் கண்டெடுக்கப்பட்டு உள்ளன.  இவற்றில் மயூர் விகார் பகுதியில் உள்ள மத்திய பூங்காவில் 200 காகங்கள் இறந்துள்ளன.  அவற்றில் 5 காகங்களின் உடல்கள் அதிகாரிகளால் எடுத்து செல்லப்பட்டன.  அவற்றை ஜலந்தர் நகரில் பரிசோதனைக்காக அனுப்பி வைத்து உள்ளனர்.

இதனை தொடர்ந்து பூங்காவில் தூய்மைப்படுத்தும் பணிகள் நடந்தன.  பார்வையாளர்களுக்கு தடை விதித்து, பூங்கா மூடப்பட்டது.

டெல்லியின் துவாரகா பகுதியில் டி.டி.ஏ. பூங்காவில் 2 காகங்களும், மேற்கு மாவட்டத்தில் ஹஸ்த்சால் கிராமத்தில் 16 காகங்களும் இறந்துள்ளன.  இதனால் பறவை காய்ச்சல் பரவி விட்டனவா? என அறிய அவற்றின் மாதிரிகளை டெல்லி அரசு அதிகாரிகள் எடுத்து சென்றுள்ளனர்.

இதுபற்றி விரைவு பொறுப்பு குழு ஒன்றை அனுப்பு ஆய்வு மேற்கொள்ளும்படி டெல்லி துணை முதல் மந்திரி மணீஷ் சிசோடியா அதிகாரிகளுக்கு உத்தரவிட்டுள்ளார்!

பிக் பாஸ் 4 நிகழ்ச்சி சூடு பிடித்து வரும் சூழலில், கமலை வெளியிடங்களிலும் அது விடாமல் துரத்துகிறது. கமல் பிரச்சாரம் செய்யும் இடங்களில் எல்லாம் பிக்பாஸ் குறித்து மக்கள் கேள்வி எழுப்புவது தொடர்கதையாகி வருகிறதாம்.

அதிலும் ஆரிக்கு ஆதரவாக மக்கள் ஆதரவுக் குரல் எழுப்புவது கமலை வியப்பில் ஆழ்த்தியுள்ளதாம்.

ஆரி நீங்க தைரியமா வெளியே போகலாம் என பாலாவுக்கு சவுக்கடி கொடுத்து, ஆரியை கமல் பாராட்டியது போன்ற நிகழ்வுகள் தான் இதற்குக் காரணம்.

கமல் அரசியல் பிரசாரம் செய்ய செல்லும் இடமெல்லாம் மக்கள் ஆரியின் பெயரை ஒலிக்கச் செய்து வருகின்றனர்.

ஆரிக்கு டைட்டில் கொடுக்கலைன்னாஓட்டே போட மாட்டோம் என்று சொல்லும் சில ஆரி வெறியர்களும் உள்ளனர்!

டெல்லி: இந்தியாவில், பாரத் பயோடெக் நிறுவனம் மற்றும் சீரம் நிறுவனம் தயாரித்துள்ள கொரோனா தடுப்பூசிகளுக்கு மத்தியஅரசு அனுமதி வழங்கியுள்ள நிலையில், வரும் ஜனபரி 13- ஆம் தேதி முதல் நாடு முழுவதும் கொரோனா தடுப்பூசி செலுத்தும் பணி தொடங்கும் என மத்தியஅரசு அறிவித்து உள்ளது.

கொரோனா தொற்று பரவலைத் தடுக்கும் வகையில் கண்டுபிடிக்கப்பட்டுள்ள தடுப்பூசிகள் பல நாடுகளில் பயன்பாட்டுக்கு வந்துள்ளன. இந்த நிலையில், இந்தியாவில் பாரத் பயோடெக் நிறுவனம் தயாரித்துள்ள கோவாக்சின், ஆக்ஸ்போர்டு பல்கலைக்கழகம் மற்றும் சீரம் நிறுவனம் இணைந்து தயாரித்துள்ள கோவிஷீல்டு தடுப்பூசிகளுக்கு இந்திய மருந்து கட்டுப்பாட்டு ஆணையம் ஒப்புதல் அளித்துள்ளது.

இதையடுத்து, தடுப்பூசிகளை விநியோகம் செய்யய் தயாராக இருப்பதாக அந்நிறுவனங்கள் அறிவித்துள்ளன.

இந்த நிலையில், அடுத்த 10 நாட்களில் முதல்கட்டமாக முன்களப்பணியாளர்களுக்கு கொரோனா தடுப்பூசி விநியோகம் செய்ய தயாராக இருப்பதாக மத்திய சுகாதாரத்துறதெரிவிக்கப்பட்டுள்ளது!சென்னை, மும்பை உட்பட  4 இடங்களில் கொரோனா தடுப்பூசி பாதுகாப்பு மையங்கள் நிறுவப்பட உள்ளதாக தெரிவிக்கப்பட்டுள்ளது.

இந்திய மருந்து கட்டுப்பாட்டு ஆணையம் DCGIபடி, கோவிஷீல்ட் (Covishield) மற்றும் கோவாக்சின் (Covaxin) இரண்டையும் இரண்டு அளவுகளில் நிர்வகிக்க வேண்டும், மேலும் இந்தத் தடுப்பூசிகளை 2-8 டிகிரி செல்சியஸில் சேமிக்க முடியும்.

அதிக ஆபத்துள்ள குழுக்கள் ஏற்கனவே மத்திய அரசால் அடையாளம் காணப்பட்டுள்ளன என்பதையும், இந்தக் குழுக்களின் மக்களுக்கு முன்னுரிமை அடிப்படையில் தடுப்பூசி போடப்படுவதையும் கவனத்தில் கொள்ள வேண்டும் என தெரிவிக்கப்பட்டுள்ளது!

நடிகர் விஜய்யின் தந்தையும், இயக்குனருமான எஸ்.ஏ.சந்திரசேகர், கடந்த மாதம், அகில இந்திய தளபதி விஜய் மக்கள் இயக்கம் என்ற பெயரில் ஒரு அரசியல் கட்சியைப் பதிவு செய்ய விண்ணப்பித்தார். இந்தத் தகவல் வெளியானதும் அப்பா தொடங்கும் கட்சிக்கும் எனக்கும் எந்த சம்பந்தமும் இல்லை. எனது படத்தை, இயக்கத்தின் பெயரை யாரும் பயன்படுத்தக்கூடாது என்று அறிக்கை வெளியிட்டார். இதைத் தொடர்ந்து எஸ்.ஏ.சந்திரசேகர் தனது கட்சிப் பதிவை வாபஸ் பெற்றார்.

இந்த நிலையில் எஸ்.ஏ.சந்திரசேகர் வேறு ஒரு பெயரில் புதிய கட்சி ஒன்றைத் தொடங்கும் முயற்சியில் இருக்கிறார். இதற்காக விஜய் மக்கள் இயக்கத்தில் இருந்து நீக்கப்பட்டவர்கள், மற்றும் தனது ஆதரவாளர்களுடன் ஆலோசனை நடத்தினார். ஆலோசனைக்கு பின் அனைத்திந்திய எஸ்.ஏ.சந்திரசேகர் மக்கள் கட்சி என்ற பெயரில் புதிய கட்சியை தொடங்க முடிவு செய்திருப்பதாக கூறப்படுகிறது. கட்சிக்கு 20 மாவட்ட பொறுப்பாளர்களையும் நியமித்துள்ளதாகத் தெரிகிறது.

தனது கட்சிக்கு விஜய் ஆதரவு இருப்பதாகவும், கிறிஸ்துமஸ் தினத்தன்று தானும் விஜய்யும் இணைந்து விட்டதாகவும், விஜய் தனக்கு மோதிரம் அணிவித்து புதிய அரசியல் பயணத்துக்கு வாழ்த்தியதாகவும் எஸ்.ஏ.சந்திரசேகர் அந்தக் கூட்டத்தில் பேசி இருக்கிறார். இதனால் அப்பா - மகன் மீண்டும் இணைந்துவிட்டதால் குடும்பத்தினரும், ரசிகர்களும் மகிழ்ச்சி அடைந்தனர்.

இதுப்பற்றி விசாரித்ததில் எஸ்.ஏ.சந்திரசேகர் தனிக் கட்சி தொடங்க ஆலோசனை நடத்தியது உண்மை தான். ஆனால் விஜய்யை சந்தித்ததாக சந்திரசேகர் கூறியது உண்மையில்லையாம். காரணம் அன்றைய தினம் விஜய் ஊரிலேயே இல்லை என தெரிவிக்கிறார்கள். அரசியல் கட்சி துவங்கும் விவகாரத்தால் தந்தை மீது கடந்த சில மாதங்கள் முதல் இப்போது வரை அதிருப்தி மனநிலையில் தான் விஜய் உள்ளாராம். தன்னை வளர்த்து இந்தளவுக்கு வளர்த்துவிட்ட தந்தை இனி அமைதியாக ஓய்வெடுக்கவே விஜய் விரும்புகிறாராம். அதைவிடுத்து கட்சி ஆரம்பிக்கிறேன் என்ற பெயரில் அவர் மட்டுமல்லாது தன்னையும் சிக்கலில் சிக்க வைத்து விடுவாரோ என்கிற பயமும் விஜய்யிடம் உள்ளது. கட்சி ஆரம்பிப்பதில் பெரும் முனைப்புடன் செயல்படும் சந்திரசேகர், ஜனவரி 16 அன்று, விமர்சையாக கூட்டத்தை நடத்தவும் ஏற்பாடு செய்து வருவதாக கூறப்படுகிறது!

அகமதாபாத்: கடந்த நவம்பர் 18-ஆம் தேதி அமெரிக்காவின் யூட்டா பாலைவனத்தில் உலகில் முதன் முறையாக   மோனோலித்  எனப்படும் மர்மத் தூண்  ஒன்று கண்டுபிடிக்கப்பட்டது. எனினும், சில நாட்களில் தூண் மர்மமாக மறைந்தது.

இதனையடுத்து, ருமேனியா, அமெரிக்காவின் கலிபோர்னியா, இங்கிலாந்து, நெதர்லாந்து, கொலம்பியா, சுவிட்சர்லாந்து, ஜெர்மனி, போலந்து என பல்வேறு நாடுகளில் அடுத்தடுத்து கண்டுபிடிக்கப்பட்டது.இந்த தூணை யார் நிறுவியது, எப்படி இந்த தூண் அங்கு கொண்டுவரப்பட்டது என எந்த விவரமும் தெரியாததால் மர்மம் நீடிக்கிறது.

கண்டுபிடிக்கப்பட்ட தூண்கள் சில நாட்களில் மர்மமான முறையில் மாயமாகி வருகிறது. இங்கிலாந்தில்  ஏற்கனவே  மூன்று  பகுதிகளில் தூண் கண்டுபிடிக்கப்பட்ட நிலையில்,  மெர்ரி மெய்டன்ஸ் சர்கிள் நடுவில்   நான்காவது மர்மத் தூண் கண்டுபிடிக்கப்பட்டது.

அடுத்து சுவிட்சர்லாந்தின் ஆர்காவ் மாகாணம்கிரானிச்சென் நகரில் உள்ள லைபெக்  கோட்டைக்கு வெளியே மர்ம உலோகத் தூண் கண்டுபிடிக்கப்பட்டது.

ஆனால் ஒரு நாள் கழித்து கண்டுபிடிக்கப்பட்ட தூண் தோன்றியபடியே மர்மமாக மறைந்துவிட்டது.

உலகெங்கிலும் கிட்டத்தட்ட 30 நகரங்களில் திடீரெனத் தோன்றி பரபரப்பை ஏற்படுத்திய  இந்த  மர்ம உலோகத் தூண், இப்போது இந்தியாவிலும் தோன்றி பரபரப்பை ஏற்படுத்தியுள்ளது. குஜராத்தின் அகமதாபாத்தில் உள்ள ஒரு பொதுப் பூங்காவில் இந்த மர்மமான உலோகத்தூணை பார்த்ததாக தெரிவித்தனர்.

அகமதாபாத்தில் உள்ள பூங்காவில் திடீரென தோன்றிய ஒற்றைத் தூண் உலோகத்தால் ஆனது மற்றும் கிட்டத்தட்ட 6 அடி உயரம் கொண்டது. இதுபோன்ற தூண் இந்தியாவில் தென்பட்டது இதுதான் முதல் தடவையாகும்.

அகமதாபாத்தின் தால்தேஜ் பகுதியில் உள்ள சிம்பொனி பூங்காவில் இந்த  தூண் காணப்பட்டுள்ளது. உலோக அமைப்பு தரையில் அமைக்கப்பட்டதாகத் தோன்றுகிறது, ஆனால் அதன் அடிவாரத்தில் தோண்டப்பட்டதற்கான அறிகுறிகள் எதுவும் தெரியவில்லை.

பூங்காவின் பணிபுரியும் உள்ளூர் தோட்டக்காரரான ஆசாராம்,  இதுபற்றி கூறுகையில், “ நான் மாலையில் வீட்டிற்குச் சென்றபோது, அது இல்லை. ஆனால் மறுநாள் காலையில் நான் வேலைக்குத் திரும்பியபோது, அந்த அமைப்பைக் கண்டு ஆச்சரியப்பட்டேன்.” என்று அவர் கூறினார்.

அகமதாபாத்தின் மர்ம உலோகத் தூண் அமைப்பு ஒரு பேசுபொருளாக மாறியது. பெருமளவில் பூங்காவுக்கு படையெடுத்த மக்கள் அதன் முன் நின்று செல்பிக்களையும் ஆர்வத்துடன் எடுத்துச்சென்றனர்.

இது நெட் பிளிக்கிசின் ‘பிளாக் மிரர்’என்ற தொடரின் விளம்பரம் என வதந்திகள் பரவின.

நியூ மெக்சிகோவில் உள்ள ‘தி மோஸ்ட் பேமஸ் ஆர்ட்’ என்ற கலைக் குழு, யூட்டாவில் தூணை வைத்ததாக கூறியது . ஆனால் மற்ற நாடுகளில் தாங்கள் நிறுவவில்லை என தெரிவித்துள்ளது. உலகையே பீதியில் ஆழ்த்தியுள்ள இந்த மர்ம தூண்களை நிறுவியது யார் என்ற மர்மம் தொடர்ந்து நீடிக்கிறது!

 

சென்னை, டிசம்பர் 29: தமிழ் ஊடகத்துறையில் செய்தி வாசிப்பாளராக இருந்து மக்கள் மத்தியில் பரிச்சயமானவர் அனிதா சம்பத். தமிழ் ‘பிக்பாஸ் 4’-வது சீசனில் போட்டியாளராக பங்கேற்ற இவர் தனித்துவமாக விளையாடினார். மேலும் பிக்பாஸில் தான் வளர்ந்த விதம், எதிர்கொண்ட பொருளாதார பிரச்னைகளைக் கூறிய அனிதா நடுத்தர வர்க்க குடும்பத்தின் முகமாக இருந்தார் என்றும் சொல்லலாம்.
84 நாட்கள் பிக்பாஸ் வீட்டில் தங்கியிருந்த அனிதா, 10-வது போட்டியாளராக பார்வையாளர்களின் குறைந்த வாக்குகளைப் பெற்று கடந்த வார இறுதியில் வெளியேறினார். அப்போது புத்தாண்டை எனது குடும்பத்தினருடன் கொண்டாட வேண்டும் என்று தான் நினைப்பதாக தெரிவித்த அவரது வீட்டில் தற்போது எதிர்பாராத மரணம் நிகழ்ந்துள்ளது.
அனிதா சம்பத்தின் தந்தையும் பத்திரிகையாளரும், எழுத்தாளருமான ஆர்.சி.சம்பத் மாரடைப்பால் மரணமடைந்துள்ளார். தரிசனத்திற்காக தனது மகனுடன் சீரடி சென்ற ஆர்.சி.சம்பத் சென்னை திரும்பும் வழியில் ரயிலில் மாரடைப்பு ஏற்பட்டு மரணமடைந்தார். இந்த திடீர் மரணம் அனிதா சம்பத்தின் குடும்பத்தினர் மத்தியில் பேரதிர்ச்சியையும், பெரும் சோகத்தையும் ஏற்படுத்தியுள்ளது.
பிக்பாஸ் நிகழ்ச்சியிலிருந்து வெளியேறிய அனிதா சம்பத் இன்னும் தனது தந்தையை நேரில் பார்க்கவில்லை. நிகழ்ச்சியில் ஒரு இடத்தில் தனது தந்தையைப் பற்றி பேசிய அனிதா, “என் அப்பாவை நான் தொட்டுக் கூட பார்த்ததில்லை. அதனால் ஒரு ஆணின் பாசத்தை என் கணவரிடம் மட்டும் தான் உணர்ந்தேன்” என்று கூறியிருந்ததும் குறிப்பிடத்தக்கது!

சென்னை,டிசம்பர் 29: கட்சி தொடங்க வில்லை... என்னை நம்பி என்னுடன் வருபவர்களை பலிகடா ஆக்க விரும்பவில்லை மன்னித்து விடுங்கள்  என செய்தி வெளியிட்டு பரபரப்பு கூட்டி இருக்கிறார் ரஜினிகாந்த்.

நாளை மறுநாள் டிசம்பர் 31-ஆம் தேதி கட்சி பெயரை அறிவிப்பார் என்று ரசிகர்கள் எதிர்பார்த்த வேளையில் ரஜினியின் இந்த திடீர் அறிவிப்பு அதிர்ச்சியை ஏற்படுத்தியுள்ளது

இது குறித்து அவர் வெளியிட்டுள்ள அறிக்கையில், “என்னை வாழ வைக்கும் தெய்வங்களான தமிழக மக்களுக்கு எனது அன்பான வணக்கம். ஜனவரியில் கட்சி தொடங்குவேன் என்று அறிவித்து மருத்துவர்களின் அறிவுரையையும் மீறி அண்ணாத்த படப்பிடிப்பில் கலந்து கொள்ள ஹைதராபாத் சென்றேன். கிட்டத்தட்ட 120 பேர் கொண்ட படக்குழுவினருக்கு தினமும் கொரோனா பரிசோதனை செய்து ஒவ்வொருவரையும் தனிமைப்படுத்தி முகக்கவசம் அணிந்து மிகவும் ஜாக்கிரதையாக படப்பிடிப்பை நடத்தி வந்தோம்.

இவ்வளவு கட்டுப்பாடோடு இருந்தும் 4 பேருக்கு கொரோனா இருக்கிறது என்று தெரிய வந்தது. உடனே இயக்குனர் படப்பிடிப்பை நிறுத்தி எனக்கு உட்பட அனைவருக்கும் கொரோனா பரிசோதனை செய்வித்தார். எனக்கு கொரோனா நெகட்டிவ் வந்தது. ஆனால் எனக்கு ரத்தக்கொதிப்பு அதிக ஏற்றத் தாழ்வு இருந்தது. மருத்துவ ரீதியாக எக்காரணத்தைக் கொண்டும் எனக்கு இரத்தக் கொதிப்பில் தொடர்ந்து ஏற்றத் தாழ்வு இருக்கக் கூடாது. அது என்னுடைய மாற்று சிறுநீரகத்தைத் கடுமையாக பாதிக்கும். ஆகையால் என்னுடைய மருத்துவர்களின் அறிவுரைப்படி அவர்களின் மேற்பார்வையில் மூன்று நாட்கள் மருத்துவமனையில் கண்காணிப்பில் இருக்க நேரிட்டது. என் உடல்நிலை கருதி தயாரிப்பாளர் திரு கலாநிதி மாறன் அவர்கள் மீதமுள்ள படப்பிடிப்பை ஒத்திவைத்தார். இதனால் பல பேருக்கு வேலைவாய்ப்பு இழப்பு பல கோடி ரூபாய் நஷ்டம் இவை அனைத்துக்கும் காரணம் என்னுடைய உடல்நிலை இதை ஆண்டவன் எனக்கு கொடுத்த எச்சரிக்கையாக தான் பார்க்கிறேன்.

நான் கட்சி ஆரம்பித்த பிறகு ஊடகங்கள் சமூக வலைதளங்கள் மூலமாக மட்டும் பிரச்சாரம் செய்தால் மக்கள் மத்தியில் நான் நினைக்கும் அரசியல் எழுச்சியை உண்டாக்கி தேர்தலில் பெரிய வெற்றியைப் பெற முடியாது. இந்த யதார்த்தத்தை அரசியல் அனுபவம் வாய்ந்த யாரும் மறுக்கமாட்டார்கள். நான் மக்களை சந்தித்து கூட்டங்களை கூட்டி பிரச்சாரத்திற்கு சென்று ஆயிரக்கணக்கான லட்சக்கணக்கான மக்களை சந்திக்க வேண்டியிருக்கும் 120 பேர் கொண்ட குழுவில் கொரோனா பாதிப்பு ஏற்பட்டு நான் மூன்று நாட்கள் மருத்துவமனையில் மருத்துவர்களின் கண்காணிப்பில் இருக்க நேர்ந்தது.

இப்போது இந்த கொரோனா உருமாறி புது வடிவம் பெற்று இரண்டாவது அலையாக வந்து கொண்டிருக்கிறது.

தடுப்பூசி வந்தால் கூட நோய் எதிர்ப்பு சக்தியை குறைக்கும் மருந்துகளை சாப்பிடும் நான் இந்த காலத்தில் மக்களை சந்தித்து பிரச்சாரத்தின் போது என் உடல் நிலையில் பாதிப்பு ஏற்பட்டால் என்னை நம்பி என் கூட வந்து என்னுடன் அரசியல் பயணம் மேற்கொண்டவர்கள் பல சிக்கல்களையும் சவால்களையும் எதிர்கொண்டு மன ரீதியாகவும் பொருளாதார ரீதியாகவும் பல துன்பங்களை சந்திக்க நேரிடும். என் உயிர் போனாலும் பரவாயில்லை நான் கொடுத்த வாக்கை தவற நான் அரசியலுக்கு வருவேன் என்று சொல்லி இப்பொழுது அரசியலுக்கு வரவில்லை என்று சொன்னால் நாலு பேர் நாலுவிதமா என்னை பற்றி பேசுவார்கள் என்பதற்காக என்னை நம்பி என் கூட வருபவர்களை நான் பலிகடா ஆக்க விரும்பவில்லை.
ரஜினி கடிதம் 02

ஆகையால் நான் கட்சி ஆரம்பித்து அரசியலுக்கு வர முடியவில்லை என்பதை மிகுந்த வருத்தத்துடன் தெரிவித்துக்கொள்கிறேன் இதை அறிவிக்கும் போது எனக்கு ஏற்பட்ட வலி எனக்கு மட்டும்தான் தெரியும்.

இந்த முடிவு ரஜினி மக்கள் மன்றத்தினருக்கும் நான் கட்சி ஆரம்பிப்பேன் என்று எதிர்பார்த்துக் கொண்டிருக்கும் ரசிகர்களுக்கும் மக்களுக்கும் ஏமாற்றத்தை அளிக்கும். என்னை மன்னியுங்கள். மக்கள் மன்றத்தினர் கடந்த மூன்று ஆண்டுகளாக என் சொல்லுக்கு கட்டுப்பட்டு ஒழுக்கத்துடனும் நேர்மையுடனும் காலத்திலும் தொடர்ந்து மக்களுக்கு சேவை செய்திருக்கிறீர்கள். அது வீண் போகாது அந்த புண்ணியம் என்றும் உங்களையும் உங்கள் குடும்பத்தையும் காப்பாற்றும்.

ஏன் ரஜினியும் கமலும் கருணாநிதியை தேர்ந்தெடுக்கவில்லை? இதுதான் காரணம்!

கடந்த நவம்பர் 30-ஆம் தேதி நான் உங்களை சந்தித்த போது நீங்கள் எல்லோரும் ஒருமனதாக உங்கள் உடல் நலம் தான் எங்களுக்கு முக்கியம் நீங்கள் என்ன முடிவெடுத்தாலும் எங்களுக்கு சம்மதமே என்று சொன்ன வார்த்தைகளை என் வாழ்நாளில் மறக்க மாட்டேன் நீங்கள் என் மேல் வைத்திருக்கும். அன்பிற்கும் பாசத்திற்கும் தலைவணங்குகிறேன் ரஜினி மக்கள் மன்றம் என்றும் போல செயல்படும் மூன்று ஆண்டுகளாக எவ்வளவு விமர்சனங்கள் வந்தாலும் தொடர்ந்து என்னை ஆதரித்து முதலில் உங்கள் உடல் நலத்தை கவனியுங்கள், அதுதான் எங்களுக்கு முக்கியம் என்று அன்புடன் கூறிய மதிப்பிற்குரிய தமிழருவி மணியன் ஐயா அவர்களுக்கு என்னுடைய மனமார்ந்த நன்றியை தெரிவித்துக் கொள்கிறேன்.
ரஜினி கடிதம் 3

நான் கேட்டுக் கொண்டதற்கிணங்க ஒரு பெரிய கட்சியில் பொறுப்பான பதவியில் இருந்து விலகி என் கூட வந்து பணியாற்ற சம்பாதித்த மரியாதைக்குரிய அர்ஜுன் அவர்களுக்கும் நன்றி கூற நான் கடமைப்பட்டுள்ளேன். தேர்தல் அரசியலுக்கு வராமல் மக்களுக்கு என்னால் என்ன சேவை செய்ய முடியுமோ அதை நான் செய்வேன். நான் உண்மையைப் பேச என்றுமே தயங்கியதில்லை. உண்மையையும் வெளிப்படைத் தன்மையையும் விரும்பும் என் நலத்தில் அக்கறையுள்ள என் மேல் அன்பு கொண்ட என்னை வாழ வைக்கும் தெய்வங்களான ரசிகர்களும் தமிழக மக்களும் என்னுடைய இந்த முடிவை ஏற்றுக் கொள்ள வேண்டும் என்று அன்புடன் கேட்டுக் கொள்கிறேன். வாழ்க தமிழ் வளர்க தமிழ் நாடு ஜெய்ஹிந்த்” என்று ரஜினி அந்த அறிக்கையில் கூறியுள்ளார்!

ஏ.ஆர்.ரஹ்மானின் தாயார் காலமானார்!

இந்தியத் திரையுலகில் முன்னணி இசையமைப்பாளராக வலம் வருபவர் ஏ.ஆர்.ரஹ்மான். இந்தியப் படங்கள் மட்டுமன்றி ஹாலிவுட் படங்களுக்கும் இசையமைத்துள்ளார். 2 ஆஸ்கர் விருதுகளை வென்ற ஏ.ஆர்.ரஹ்மான், எப்போதுமே அம்மா கரீமா பேகத்தின் செல்லப் பிள்ளைதான்.

ஏ.ஆர்.ரஹ்மானுக்கு 9 வயது இருக்கும்போதே, தந்தை ஆர்.கே.சேகர் காலமாகிவிட்டார். அதற்குப் பிறகு தாயார் அரவணைப்பில் வளர்ந்தவர்தான் ஏ.ஆர்.ரஹ்மான். தனது பல பேட்டிகளில் இசையமைப்பாளராக உருவானதற்கு அம்மா எந்த வகையில் எல்லாம் உதவினார் எனத் தெரிவித்துள்ளார்.

கடந்த சில மாதங்களாகவே ஏ.ஆர்.ரஹ்மானின் தாயார் கரீமா பேகத்துக்கு உடல்நிலை சரியில்லாமல் இருந்தது. மருத்துவமனையில் சிகிச்சை கொடுக்கப்பட்டு, பின்பு வீட்டிலேயே வைத்து சிகிச்சை கொடுக்கப்பட்டு வந்தது. இந்நிலையில் இன்று (டிசம்பர் 28) காலை சிகிச்சை பலனின்றி கரீமா பேகத்தின் உயிர் பிரிந்தது.

அம்மாவின் மறைவுக்கு ஏ.ஆர்.ரஹ்மானுக்குப் பலரும் ஆறுதல் தெரிவித்து வருகிறார்கள். கரீமா பேகத்தின் பேரன் ஜி.வி.பிரகாஷும் இசையமைப்பாளர் மற்றும் நடிகராக வலம் வருவது குறிப்பிடத்தக்கது!

ஹைதராபாத்: ரத்த அழுத்தத்தில் ஏற்பட்ட மாறுதல் காரணமாக ரஜினிகாந்த் ஹைதராபாத்தில் உள்ள அப்போலோ மருத்துவமனையில் கடந்த 25-ஆம் தேதி அனுமதிக்கப்பட்டு 3 நாட்களாக சிகிச்சை பெற்று வருகிறார். ஆகவே ரஜினிகாந்த் எப்போது டிஸ்சார்ஜ் செய்யப்படுவார் என்ற கேள்வி எழுந்து வந்தது.

இந்நிலையில் ரஜினிகாந்துக்கு ரத்த அழுத்த மாறுபாடு சீராகி உடல்நிலை தேறியுள்ளது. உடல்நிலையில் நல்ல முன்னேற்றம் ஏற்பட்டதையடுத்து, இன்று ரஜினிகாந்த் டிஸ்சார்ஜ் செய்யப்படவுள்ளதாக அப்பல்லோ மருத்துவமனை நிர்வாகம் தகவல் தெரிவித்துள்ளது.மேலும் தெரிவிக்கப்பட்ட தகவலில் ,ஒரு வாரத்திற்கு முழு ஓய்வு எடுக்க வேண்டும்.

இரத்த அழுத்தத்தை தொடர்ச்சியாக கண்காணிக்க வேண்டும். உடல் உழைப்பை குறைத்துக் கொள்ளவேண்டும். மன அழுத்தம் ஏற்படாதவாறு பார்த்துக் கொள்ள வேண்டும் என்றும் கொரோனா தொற்று ஏற்படும் எந்த செயலிலும் ஈடுபடக்கூடாது என்றும் தெரிவித்துள்ளது!

சென்னை, டிசம்பர் 25: ஹைதராபாத் அப்பல்லோ மருத்துவமனையில் நடிகர் ரஜினிகாந்த் அனுமதிக்கப்பட்டுள்ளார். அவரது ரத்த அழுத்தத்தில் பெரிய அளவுக்கு மாறுபாடு இருந்ததால் மருத்துவமனையில் சிகிச்சைக்குச் சேர்க்கப்பட்டுள்ளதாக அப்பல்லோ தெரிவித்துள்ளது.

அண்ணாத்த பட சூட்டிங்கிற்காக ஹைதராபாத் சென்றார் ரஜினி. ஆனால் சூட்டிங் குழுவைச் சேர்ந்த சுமார் 8 பேருக்கு கொரோனா பாதிப்பு ஏற்பட்டதால், உடனடியாக சூட்டிங் நிறுத்தப்பட்டுள்ளது. இதையடுத்து ரஜினிக்கு கொரோனா டெஸ்ட் எடுக்கப்பட்டது. அவருக்கு நெகட்டிவ் என வந்தது.

ஆனால், இப்போது திடீரென ரஜினிகாந்த் ஹைதராபாத் அப்பல்லோ மருத்துவமனையில் சேர்க்கப்பட்டுள்ளார். அவருக்கு கொரோனா அறிகுறிகள் இல்லை. ஆனால் ரத்த அழுத்த மாற்றம் ஏற்பட்டுள்ளது. அதிக அசதி ஏற்பட்டுள்ளது. இது இரண்டை தவிர பிற அனைத்தும் நார்மலாக இருக்கிறது என்று அப்பல்லோ மருத்துவமனை செய்திக்குறிப்பு வெளியிட்டுள்ளது.

அப்பல்லோ மருத்துவமனை நிர்வாகம் வெளியிட்டுள்ள செய்திக் குறிப்பில் கூறியுள்ளதாவது: இன்று காலை ரஜினிகாந்த் எங்கள் மருத்துவமனையில் அனுமதிக்கப்பட்டார். கடந்த 10 நாட்களாக ஹைதராபாத்தில் படப்பிடிப்பில் அவர் பங்கேற்றிருந்தார். அங்கு உடன் பணியாற்றிய சிலருக்கு கொரோனா பாசிட்டிவ் ஏற்பட்டுள்ளது.

இதையடுத்து, கடந்த 22-ஆம் தேதி ரஜினிகாந்துக்கு கொரோனா பரிசோதனை மேற்கொள்ளப்பட்டது. அதில் நெகட்டிவ் ரிசல்ட் வந்துள்ளது. இதன் பிறகும் அவர் தொடர்ந்து தன்னை தனிமைப்படுத்திக் கொண்டு இருந்தார். அவரது உடல்நிலை தொடர்ச்சியாக கண்காணிக்கப்பட்டு வந்தது. கொரோனா நோய் அறிகுறி எதுவும் இதுவரை தென்படவில்லை, என்ற போதிலும், ரஜினிகாந்தின் ரத்த அழுத்தத்தில் மிகுந்த மாறுபாடு காணப்படுகிறது.

இது பற்றி தொடர்ந்து மருத்துவ பரிசோதனை செய்யப்பட வேண்டியது இருப்பதால் அவர் மருத்துவமனையில் அனுமதிக்கப்பட்டுள்ளார். ரஜினிகாந்த் உடல்நிலை தொடர்பாக தொடர்ந்து பரிசோதனைகள் செய்யப்பட்டு உன்னிப்பாக கவனிக்கப்படும். அவரது ரத்த அழுத்தம் சீராகும் வரை மருத்துவமனையில் வைத்திருந்து பிறகு டிஸ்சார்ஜ் செய்யப்படுவார்.

ரத்த அழுத்தத்தில் ஏற்படும் மாறுபாடுகள் மற்றும் உடல்நிலை ஆகியவற்றைத் தவிர்த்து விட்டுப் பார்த்தால் வேறு முக்கியமாக உடல்நிலை விஷயத்தில் எந்த ஒரு பாதிப்பும் கிடையாது. இவ்வாறு அப்பல்லோ மருத்துவமனை நிர்வாகம் தெரிவித்துள்ளது. கொரோனா இல்லை என்பது தெரிய வந்தாலும் கூட, சில நாட்கள் கழித்து மீண்டும் பரிசோதனை செய்து பார்ப்பது அவசியம்.

ரஜினிகாந்த் உடல்நிலை மற்றும் வயது முதிர்வு ஆகியவற்றைக் கருத்தில் கொண்டு ஒரே பரிசோதனையில் நிறுத்திக் கொள்வது வழக்கம் கிடையாது என்பதால், அப்பல்லோ மருத்துவமனையில் அதற்கான பரிசோதனைகளும் அடுத்தகட்டமாக எடுக்கப்படும் என்று தகவல்கள் தெரிவிக்கின்றன.

எனவே ரஜினிகாந்த்துக்கு மீண்டும் ஒரு கொரோனா டெஸ்ட் எடுக்கப்படும் எனத் தெரிகிறது. ரஜினிகாந்த் மருத்துவமனையில் அட்மிட் செய்யப்பட்ட தகவல் வெளியானதும், அவர் விரைவில் நலம்பெற ரசிகர்கள் வேண்டி வருகிறார்கள்!

சென்னை:  ரஜினிகாந்த் அரசியல் பிரவேசம் பற்றிய தனது அறிவிப்பை டுவிட்டர் சமூக வலைதளம் மூலமாக கடந்த 3-ஆம் தேதி உறுதிப்படுத்தினார்.

இதையடுத்து ரஜினிகாந்த் நிருபர்களுக்கு அளித்த பேட்டியில், “தமிழகத்தின் தலையெழுத்தை மாற்றவேண்டிய நாள் வந்துவிட்டது. என் உயிரே போனாலும் மக்களே முக்கியம் என களம் இறங்கி உள்ளேன். அரசியல் மாற்றம் தேவை. கட்டாயம் நிகழும்” என்று கூறியிருந்தார்.

தான் தொடங்க உள்ள கட்சியின் மேற்பார்வையாளராக தமிழருவி மணியனையும், கட்சியின் தலைமை ஒருங்கிணைப்பாளராக அர்ஜூன மூர்த்தியையும் நியமித்தார்.

அண்ணாத்த படப்பிடிப்பை இந்த மாத இறுதிக்குள் முடித்துவிட்டு, ஜனவரி மாதம் முதல் கட்சி பணியில் தீவிரமாக ஈடுபட முடிவு செய்துள்ளார். இதற்காக அவர் தற்போது ஐதராபாத்தில் அண்ணாத்த படப்பிடிப்பில் ஓய்வு இல்லாமல் நடித்து வருகிறார்.

புதிதாக தொடங்க இருக்கும் கட்சிக்கு ரஜினிகாந்த் என்ன பெயர் வைக்கப்போகிறார்?, திராவிட கட்சிகளைப் போன்று கழகம் என்று பெயர் வைக்கப்போகிறாரா? அல்லது கட்சி என்று பெயர் வைக்கப்போகிறாரா?, கட்சி கொடி எப்படி இருக்கும்?, அதில் இடம் பெறும் சின்னம் எது? என்ன என்பது குறித்து அனைவரிடமும் எதிர்பார்ப்பு இருந்தது. கட்சி தொடங்கப்படும் தேதியை வருகிற 31-ஆம் தேதி ரஜினிகாந்த் அறிவிக்க இருந்தார்.

இந்த நிலையில் அவர் தொடங்க இருக்கும் புதிய கட்சி பெயர் ‘மக்கள் சேவை கட்சி’ என்றும், அந்த கட்சிக்கு ஆட்டோ ரிக்‌ஷா சின்னத்தை தேர்தல் ஆணையம் ஒதுக்கியுள்ளதாகவும் தகவல் வெளியானது. ஆனால் தனது கட்சிக்கு ‘பாபா முத்திரை’ சின்னத்தை அவர் கேட்பதாகக் கூறப்படுகிறது.

இந்நிலையில் டிசம்பர் 31-ஆம்  தேதி கட்சி குறித்த அறிவிப்பை வெளியிடுவதாக ரஜினி அறிவித்துள்ள நிலையில், எம்.ஜி.ஆர். பிறந்த நாளில் கட்சி தொடங்க திட்டமிட்டுள்ளதாக தகவல் வெளியாகி உள்ளது.

கட்சி தொடங்கும் தேதியை டிசம்பர் 31-ஆம் தேதி அதிகாரப்பூர்வமாக அறிவிக்க உள்ளதாக தகவல் வெளியாகி உள்ளது. எம்.ஜி.ஆர் ஆட்சியைக் கொடுப்பேன் என்ற ரஜினிகாந்த். எம்.ஜி.ஆர் பிறந்தநாளில் கட்சி தொடங்க ஆயத்தமாகி வருவதாகத் தகவல் வெளியாகி உள்ளது.

புதுடெல்லி: இந்திய அரசின் புதிய வேளாண் சட்டங்களால் ஆபத்து உள்ளதாக கூறி விவசாயிகள் போராட்டத்தில் ஈடுபட்டு வருகின்றனர்.

இந்த விவசாயிகளுக்கு ஆதரவாக நாடு முழுவதும் பல்வேறு கட்சிகளும், அமைப்புகளும் போராட்டத்தில் குதித்துள்ளன. இதனால் வேளாண் சட்டங்கள் நாடு முழுவதும் பெரும் கொந்தளிப்பை ஏற்படுத்தி இருக்கின்றன. விவசாயிகளுடன் மத்திய அரசு நடத்திய பேச்சுவார்த்தையிலும் எந்த வித தீர்வுகளும் எட்டப்படவில்லை.

இந்நிலையில் தலைநகர் டெல்லியில் மத்திய அரசின் 3 வேளாண் சட்டங்களுக்கு எதிர்ப்பு தெரிவித்து உயிரை உறைய வைக்கும் குளிரையும் பொருட்படுத்தாமல் 27-வது நாளாக விவசாயிகள் போராட்டம் நடத்தி வருகின்றனர்.

டெல்லியில் குளிரின் வீரியம் அதிகரித்து வருகிறது. இவ்வாறு கடுமையான குளிர் வாட்டியபோதும் விவசாயிகளின் மன உறுதியில் எவ்வித மாற்றமும் ஏற்படவில்லை. வேளாண் சட்டங்களைத் திரும்பப்பெற வேண்டும் என்பதில் உறுதியாக இருக்கும் அவர்கள், தங்கள் போராட்டத்தை தீவிரப்படுத்தி வருகின்றனர்.

விவசாயிகள் போராட்டம் நடத்தி வருவதும், மாற்றுவழிகளைப் பயன்படுத்தும் நிலை ஏற்பட்டிருப்பதும், போக்குவரத்து நெரிசல்கள் தொடர்வதும் டெல்லி மக்களை வேதனையில் ஆழ்த்தி உள்ளது. எப்போது இந்தப் போராட்டம் முடிவுக்கு வரும் என்று எதிர்பார்த்துக் காத்திருக்கிறார்கள்!

காஞ்சிபுரத்தில் தேர்தல் பிரசாரம் மேற்கொண்ட போது மக்கள் நீதி மய்ய தலைவர் கமல்ஹாசன்  தான் நிறைவேற்ற இருக்கும் திட்டங்களை அறிவித்தார்.

அதில், இல்லத்தரசிகளுக்கு அரசு ஊதியம் வழங்கப்படும் என அதிரடியாக அறிவித்தார்.

வீடுகளில் இல்லத்தரசிகள் செய்யும் பணிகள் மதிப்பிடவே முடியாதவை. எனவே அவர்களைக் கணக்கெடுத்து, வேலை இல்லாமல் இருக்கும் அனைத்து இல்லத்தரசிகளுக்கும் அரசு ஊதியம் வழங்கும் திட்டம் செயல்படுத்தப்படும் என்று அவர் குறிப்பிட்டார்.

மேலும், தமிழக மக்கள் சாக்கடையோரங்களிலும், நதிக்கரையோரங்களிலும் அவதிப்பட்டுக்கொண்டு வசிப்பதைத் தடுக்கும் வகையில், தற்சார்பு கிராமங்கள் உருவாக்கப்படும் என்றும், சுத்தத்தையும் சுகாதாரத்தையும் பேணிக்காக்கும் வகையில் நவீனமாக அக்கிராமங்கள் அமையும் என்றும் அவர் தெரிவித்துள்ளார்!

நீங்கள் நினைப்பது போல் அனைத்தும் விரைவில் நடைபெறும் என மக்கள் இயக்க அதிருப்தி நிர்வாகிகள் மற்றும் ரசிகர்களிடம் விஜய் தெரிவித்ததாக தகவல் வெளியாகியுள்ளது.

ரஜினி அரசியலுக்கு வருவாரா? வரமாட்டாரா? என்ற விவாதம் ஒருபுறம் 20 ஆண்டுகளாக வந்திருந்தாலும், அதற்கு மத்தியில் சமீப ஆண்டுகளாக நடிகர் விஜயும்  அரசியலுக்கு வருவாரா, மாட்டாரா' என்ற விவாதம் அவ்வவ்போது எழுந்த வண்ணம் இருக்கின்றது. ரஜினியே 20 ஆண்டுகள் காத்திருப்புக்கு பின் இப்போதுதான் அரசியல் வருகையை உறுதி செய்துள்ளார்.

இதனிடையே, சமீபத்தில் விஜயின் தந்தையும் இயக்குநருமான எஸ்.ஏ.சந்திரசேகரன் திடீரென ஒரு கட்சி தொடங்கினார். ஆனால் அதற்கு விஜய் தரப்பில் கடும் எதிர்ப்பு தெரிவித்ததால் கட்சி நடவடிக்கையையே கைவிட்டுவிட்டதாக எஸ்.ஏ.சி கூறிவிட்டது.

இந்நிலையில், தன்னுடைய மக்கள் இயக்கத்தில் அதிருப்தியில் உள்ள நிர்வாகிகள், ரசிகர்களை சென்னையை அடுத்த பனையூர் அலுவலகம் வரவழைத்து நடிகர் விஜய் காணொலி மூலமாக ஆலோசனை நடத்தியதாக தகவல் வெளியாகியுள்ளது. 

அப்போதுஇயக்க நிர்வாகிகள் யாரும் மாற்று கட்சியில் சேர வேண்டாம் என நிர்வாகிகளை நடிகர் விஜய் வலியுறுத்தியதாகவும் நீங்கள் நினைப்பது போல் அனைத்தும் விரைவில் நடைபெறும் என ரசிகர்களிடம் விஜய் தெரிவித்ததாக தகவல் வெளியாகியுள்ளது. இதன் காரணமாக விஜய் ரசிகர்கள், ரசிகர் மன்ற நிர்வாகிகள்  உற்சாகம் அடைந்துள்ளனர்!

இந்திய அரசின் புதிய வேளாண் சட்டங்களால்  ஆபத்து உள்ளதாகக் கூறி இந்திய விவசாயிகள் போராட்டத்தில் ஈடுபட்டு வருகின்றனர்.

இந்நிலையில் வேளாண் சட்டங்கள் விவசாயிகளின் நலனை மேம்படுத்தும் என பிரதமர் மோடி  உறுதியளித்தள்ளார்.

இந்த சீர்திருத்தங்கள் தொடர்பாக கடந்த 20 முதல் 22 ஆண்டுகளாக மத்திய அரசும், மாநில அரசுகளும் விரிவாக ஆலோசனை நடத்தி வந்ததாகவும், விவசாய அமைப்புகள், வேளாண் விஞ்ஞானிகள் மற்றும் விவசாயிகள் கூட இதற்காக தொடர்ந்து கோரிக்கை விடுத்ததாகவும் அவர் தெரிவித்துள்ளார்.

நாட்டில் தங்கள் அரசியல் தளத்தை இழந்தவர்கள் விவசாயிகளைத் தவறாக வழிநடத்துகிறார்கள். இந்த அரசியல் கட்சிகளை அம்பலப்படுத்த வேண்டும் என்பதே தமது விருப்பம் என அவர் தெரிவித்துள்ளார்!

புதுடெல்லி: வேளாண் துறையை சீர்திருத்தும் நோக்கில் 3 புதிய சட்டங்களை நிறைவேற்றிய இந்திய அரசு, அவை விவசாயிகளின் நலனைப் பாதுகாக்கும் என கூறி வருகிறது.

ஆனால் இந்தச் சட்டங்களால் குறைந்தபட்ச ஆதரவு விலை மற்றும் மண்டி (சந்தை) அமைப்பு உள்ளிட்டவை ஒழிந்து, வேளாண் துறை பெருநிறுவனங்களின் வசமாகி விடும் என விவசாயிகள் அச்சம் தெரிவித்துள்ளனர். எனவே இந்த சட்டங்களை திரும்பப்பெறக்கோரி அவர்கள் போராட்டத்தில் ஈடுபட்டு வருகின்றனர்.

குறிப்பாக பஞ்சாப், அரியானா, உத்தரபிரதேசம் உள்ளிட்ட மாநிலங்களைச் சேர்ந்த விவசாயிகள் டெல்லியில் போர்க்கோலம் பூண்டுள்ளனர்.

தலைநகரின் எல்லைகளை ஆக்கிரமித்து அவர்கள் நடத்தி வரும் போராட்டம் இன்று 23-வது நாளை எட்டியது.

இந்தப் போராட்டத்தை முடிவுக்கு கொண்டுவர விவசாயிகளுடன் மத்திய அரசு நடத்திய பேச்சுவார்த்தைகள் தோல்வியில் முடிந்தன.

எனவே போராட்டம் நாளுக்கு நாள் தீவிரமடைந்து வருகிறது. இதனால் டெல்லிவாசிகள் பெரும் சிரமத்துக்கு ஆளாகி வருகின்றனர்.

டெல்லியில் 23-வது நாளாக போராடி வரும் விவசாயிகள், பிரதமர் விவசாயிகளுடன் பேச வேண்டும்  மற்றும் மத்திய அரசு வேளாண் சட்டங்களை திரும்பப்பெறும் வரை எங்களது போராட்டத்தை நாங்கள் கைவிடமாட்டோம் என திட்டவட்டமாக அறிவித்துள்ளனர்.

மேலும் வேளாண் சட்டங்களுக்கு எதிரான எங்கள் போராட்டம் தொடரும் என்பதால், நாங்கள் நீண்ட காலம் தங்குவதற்குத் தயாராகி வருகிறோம். இது குளிர்காலம் என்பதால்  நாங்கள் அதிக கூடாரங்களை தயார் செய்து வருகிறோம் என்று போராட்டத்தில் ஈடுபட்டு வரும் விவசாயி ஒருவர் தெரிவித்துள்ளார்!

 

சீரமைப்போம் தமிழகத்தை என்று தமிழகம் முழுவதும் தேர்தல் பிரசாரத்தை ம.நீ.ம. தலைவர் கமல்ஹாசன் தொடங்கியுள்ளார். இதன் தொடர்ச்சியாக விருதுநகரில் நடைபெற்ற கூட்டத்தில் பேசிய கமல்ஹாசன், "ஒரே நாடு, ஒரே சட்டம், ஒரே தேர்வு, ஒரே மதம், ஒரே இந்தி, ஒரே சப்பாத்தி, ஒரே ஜிப்பா எனும் வரிசையில் ஒளிந்திருக்கும் உள்ளக்கிடக்கை ’ஒரே பிரதமர்’. எங்கெல்லாம் ‘ஒரே’ வருகிறதோ அங்கெல்லாம் சர்வாதிகாரமும் ஒடுக்குமுறையும் தலையெடுத்து விடும் என்பதே வரலாறு. சம நீதியும், சமூக நீதியும் இல்லாத, ஏற்றத்தாழ்வு சமூகத்தில் ‘ஒரே’ என்று சொல்வதே பெரும் அநீதி.

ஒரு மீனவர் அமைச்சராக வேண்டும், இல்லத்தரசிகளுக்கு ஊதியம் வழங்க வேண்டும். இவையெல்லாம் எங்களால் நடைமுறைப் படுத்த முடியும். குரல் கொடுக்கும் தாகம் இருந்தும் கொடுக்காமல் இருந்து விட்டேன் அதனை சரி செய்யவே தற்போது வந்துள்ளேன்.

சிலர் நிரந்தர முதல்வர் என்று கூறுகிறார்கள். எம்ஜிஆரின் அடுத்த வாரிசு நான்தான். நிரந்தரம் என்று எதுவும் கிடையாது, யாரும் கிடையாது. தண்ணீரை காசுக்கு விற்கும் அரசு நல்ல அரசே இல்லை. நடுநிலை என்பது என் முப்பாட்டன் வள்ளுவன் வழி அதுவே என் வழி. அதை நான் காப்பி அடிக்கவில்லை.

வேலை செய்யாமல் ஊதியம் பெறுபவர்கள் சோம்பேறிகள் என்றால் தற்போது ஆட்சியில் இருப்பவர்களும் சோம்பேறிகள்தான்" என்று கூறினார்!

சென்னையில் நடிகர் ரஜினிகாந்த் மனைவி லதா செயலாளராக இருந்து நிர்வகித்து வரும் ஆஸ்ரம் பள்ளி வாடகை பாக்கி விவகாரத்தில், அந்தப் பள்ளியை ஏப்ரல் 30-ஆம் தேதிக்குள் காலி செய்யவேண்டும் என்று சென்னை உயர் நீதிமன்றம் உத்தரவிட்டுள்ளது.

தவறினால், நீதிமன்ற அவமதிப்பு நடவடிக்கை எடுக்க நேரிடும் என்றும் நீதிமன்றம் எச்சரித்துள்ளது.

லதா ரஜினிகாந்த் செயலாளராக உள்ள ஸ்ரீ ராகவேந்திரா கல்விச் சங்கம் சென்னை கிண்டி பகுதியில் ஆஸ்ரம் என்ற பள்ளியை நடத்தி வருகிறது.

வெங்கடேஸ்வரலு, பூர்ணச்சந்திர ராவ் உள்ளிட்டோருக்கு சொந்தமான இந்த இடத்துக்கு இந்த சங்கம் வாடகை பாக்கி செலுத்தவில்லை என்பது குற்றச்சாட்டு. 2013-ஆம்ம் ஆண்டு மார்ச் வரையிலான வாடகை பாக்கி ஒரு கோடியே 99 லட்சத்தை செலுத்த உத்தரவிடக்கோரி இட உரிமையாளர்கள் 2014-ஆம் ஆண்டு சென்னை உயர் நீதிமன்றத்தில் வழக்கு தொடர்ந்தனர்.

இந்த வழக்கு நிலுவையில் இருந்த நிலையில், 2017 ஆகஸ்ட் 16-ஆம் தேதி இடத்தின் உரிமையாளர்கள் பள்ளியின் கேட்டை பூட்டியதால் பரபரப்பு ஏற்பட்டது. பின்னர் நீதிமன்ற உத்தரவுப்படி பள்ளி திறக்கப்பட்டு செயல்பட்டு வருகிறது.

வருமான வரி ஆவணங்களை வைத்து ரஜினி மீது விமர்சனம். அதன்பின்னரும் வாடகை பிரச்சினை நீடித்த நிலையில் 2018 ஆகஸ்ட் 3-ஆம் தேதி இரு தரப்புக்கும் உடன்பாடு ஏற்பட்டு இந்த ஆண்டு ஏப்ரல் மாதத்துக்குள் இடத்தை காலி செய்வது என ஸ்ரீ ராகவேந்திரா கல்வி சங்கம் ஒப்புக்கொண்டது.

இந்நிலையில், கொரோனா பரவல் காரணமாக தாங்கள் உறுதியளித்தப்படி காலி செய்ய முடியவில்லை என்று கூறி, மேலும் ஓர் ஆண்டு அவகாசத்தை நீட்டிக்க வேண்டும் என்று கோரி சங்கத்தின் சார்பில் அதன் செயலாளர் லதா ரஜினிகாந்த் சென்னை உயர் நீதிமன்றத்தில் இந்த வழக்கில் கூடுதல் மனுத்தாக்கல் செய்திருந்தார்.

இந்த வழக்கு விசாரணைக்கு வந்தபோது, இடத்தை காலி செய்வதற்கான ஒப்பந்தத்தில் உடன்பாடு ஏற்பட்டுள்ளதாகவும், மாத வாடகையாக டி.டி.எஸ். தொகை உட்பட 8 லட்ச ரூபாய் முறையாக செலுத்தி வருவதாகவும், எனவே கால அவகாசத்தை இந்த கல்வி ஆண்டு முடியும் வரை நீட்டிக்க வேண்டுமென்றும் லதா ரஜினிகாந்த் தரப்பில் வாதிடப்பட்டது.

இந்த மனுவை விசாரித்த நீதிபதி சதீஷ்குமார், கிண்டியில் ஆஸ்ரம் பள்ளி இயங்கி வரும் கட்டடத்தை காலிசெய்ய ஸ்ரீ ராகவேந்திரா கல்வி சங்கத்துக்கு ஏப்ரல் 30-ஆம் தேதி வரை அவகாசம் வழங்கி உத்தரவிட்டுள்ளார்.

அவ்வாறு காலி செய்யாவிட்டால், கல்வி சங்கம் நீதிமன்ற அவமதிப்பு நடவடிக்கையை எதிர்கொள்ள நேரிடும் என அதன் செயலாளர் லதா ரஜினிகாந்தை நீதிபதி எச்சரித்துள்ளார்.

மேலும், ஆஸ்ரம் பள்ளி தற்போது இயங்கும் முகவரியில் 2021-22ஆம் கல்வி ஆண்டுக்கான மாணவர் சேர்க்கையை நடத்தக்கூடாது எனவும் ஸ்ரீ ராகவேந்திரா கல்வி சங்கத்துக்கு நீதிபதி தடைவிதித்துள்ளார்!

"நான் அரசியலுக்கு வருவேன். எனது கட்சிக்குப் பெயர் புதிய பாதை" என்று இயக்குநரும், நடிகருமான பார்த்திபன் புதுச்சேரி விருது விழாவில் தெரிவித்துள்ளார்.

புதுச்சேரி அரசு சார்பில் கடந்த 2019-ஆம் ஆண்டுக்கான சிறந்த திரைப்படமாக இயக்குநர் பார்த்திபனின் 'ஒத்த செருப்பு' தேர்வு செய்யப்பட்டது.

சங்கரதாஸ் சுவாமிகள் பெயரிலான இந்த விருதினை இயக்குனர் பார்த்திபனுக்கு அமைச்சர் ஷாஜகான் வழங்கினார். விருதுக்கான பாராட்டுப் பத்திரத்துடன் ரூ.1 லட்சம் ரொக்கப் பரிசும் தரப்பட்டது.

விருதைப் பெற்றுக்கொண்ட இயக்குநர், நடிகர் பார்த்திபன் பேசியதாவது: , " சினிமாவை விட்டு அரசியலுக்குச் சென்றாலும் கலையின் மேல் எம்ஜிஆர், கருணாநிதி ஆகியோருக்கு ஈடுபாடு உண்டு.

சினிமாவில் இருந்து அரசியலுக்கு வந்து நல்லது செய்தோர் நிறைய பேர் உண்டு. இவர்கள் அரசியலுக்கு வந்துவிடுவார்களோ எனச் சிலர் பயப்படவும் வைக்கிறார்கள். புதிய கட்சியை நான்கூடத் தொடங்கலாமா என்று யோசிக்கிறேன். எனது கட்சிக்குப் பெயர் புதிய பாதை" என்று பேசினார்!

 

சென்னை: சின்னத்திரை நடிகை சித்ரா கடந்த 9-ஆம் தேதி நட்சத்திர ஹோட்டலில் தூக்கிட்டு தற்கொலை செய்து கொண்டார்.
இதனையடுத்து, அவரின் தற்கொலையில் பல்வேறு சந்தேகங்கள் எழுந்தன. ஆனால் பிரேதப் பரிசோதனை முடிவில் சித்ரா தற்கொலை செய்துகொண்டது உறுதி செய்யப்பட்டது. மேலும் அவரின் முகத்தில் இருந்த காயங்கள் அவரின் நகக்கீறல்கள் என்று மருத்துவர்கள் கூறியுள்ளனர்.

சித்ராவை தற்கொலைக்குத் தூண்டியது யார் என்று போலீசார் தீவிர விசாரணை நடத்தி வருகிறார்கள்.

இந்நிலையில் சித்ரா ஏற்கனவே ஒரு முறை தூக்க மாத்திரை சாப்பிட்டு தற்கொலைக்கு முயன்றதாகத் தகவல் வெளியாகியுள்ளது. சித்ரா ஆண்களுடன் நடிப்பதை விரும்பாத ஹேம்நாத், அவரை நடிக்க வேண்டாம் எனக் கூறியுள்ளார்.

அதுமட்டுமன்றி சந்தேக கண்ணோட்டத்துடன் அடிக்கடி சித்தியுடன் சண்டை இட்டுள்ளார். அதனால் சித்ரா தற்கொலைக்கு முயற்சி செய்துள்ளார். மேலும் ஹேம்நாத்திடம் இருந்து திருமணத்திற்கு எந்த உதவியும் கிடைக்காததால், சித்ரா அதிருப்தியில் இருந்ததாகக் கூறப்படுகிறது.

இதனை தொடர்ந்து சித்ராவை தற்கொலைக்குத் தூண்டியதாக ஹேம்நாத்தை நேற்று இரவு போலீசார் கைது செய்து சிறையில் அடைத்து இருக்கின்றனர்!

நடிகர் ரஜினி தொடங்க இருக்கும் புதிய கட்சியின் பெயர் 'மக்கள் சேவை கட்சி' என்று தகவல் வெளியாகியுள்ளது.

நடிகர் ரஜினிகாந்த் அடுத்த மாதம் கட்சி தொடங்குவதாக அறிவித்துள்ளார். இதற்கான அறிவிப்பை டிசம்பர் 31 ஆம் தேதி தெரிவிப்பேன் என்றும் கூறியுள்ளார். இதனால் அவரது ஆதரவாளர்கள் படு குஷியில் உள்ளனர்.

இந்நிலையில் நடிகர் ரஜினி 'மக்கள் சேவை கட்சி' என்ற பெயரில் புதிய கட்சியைத் தேர்தல் ஆணையத்தில் பதிவு செய்துள்ளதாகத் தகவல் வெளியாகியுள்ளது.

அதேபோல் பாபா முத்திரை சின்னத்தை கேட்ட நிலையில் 'மக்கள் சேவை கட்சி'க்கு ஆட்டோ சின்னம் ஒதுக்கப்பட்டுள்ளதாகவும் கூறப்படுகிறது.

ஏற்கனவே ரஜினியின் அண்ணன் சத்யநாராயணா ரஜினியின் கட்சியைப் பதிவு செய்யும் பணிகள் நடைபெற்று வருகிறது என்று கூறியது குறிப்பிடத்தக்கது!
 

அஜித் அடுத்ததாக பிரமாண்ட இயக்குனர் ஷங்கருடன் முதல் முறையாக இணைய உள்ளதாகவும், அது 'முதல்வன்-2' என்றும் தகவல்கள் வெளியாகியுள்ளன.

நடிகர் அஜித் தற்போது எச்.வினோத் இயக்கத்தில் 'வலிமை' எனும் படத்தில் நடித்து வருகிறார். தற்போது அந்தப் படத்தின் படப்பிடிப்பு நடந்து வரும் நிலையில், அஜித் அடுத்ததாக பிரமாண்ட இயக்குனருடன் முதல் முறையாக இணைய உள்ளதாக தகவல்கள் வெளியாகியுள்ளன. இதற்கான அறிவிப்பு விரைவில் வெளியாகும் என்று எதிர்பார்க்கப்படுகிறது.

இயக்குனர் ஷங்கர் இயக்கத்தில் 1999-ஆம் ஆண்டு அர்ஜூன் நடிப்பில் வெளியாகி வசூலில் சாதனை படைத்த `முதல்வன்` படத்தின் இரண்டாம் பாகம் என்று கூறப்படுகிறது.

அஜித் மற்றும் ஷங்கர் இணைந்தால் அது ரசிகர்களுக்குப் பெரிய விருந்தாக இருக்கும். இயக்குநர் ஷங்கர் கமல்ஹாசனின் 'இந்தியன்-2' படத்தை இயக்கி வந்த நிலையில், சில பல காரணங்களால் படத்தின் படப்பிடிப்பு நிறுத்தி வைக்கப்பட்டுள்ளது குறிப்பிடத்தக்கது!

கோதாவரி: ஆந்திர மாநிலம் மேற்கு கோதாவரி மாவட்டத்தில் மர்ம நோய் பரவி வருவது பெரும் அச்சத்தை ஏற்படுத்தியுள்ளது. அரிசி, காய்கறிகளில் கலந்திருக்கும் பூச்சிக் கொல்லிகளே இதற்குக் காரணம் என புதிய தகவல் வெளியாகியுள்ளது.

ஆந்திர மாநிலம் எலூரில் வேகமாகப் பரவி வரும் மர்ம நோயால் சாலையில் நடந்து செல்பவர்கள் திடீரென மயங்கி விழுகின்றனர். மருத்துவமனையில் அனுமதிக்கப்படுபவர்கள் வலிப்பு நோயுடன், நுரை நுரையாக வாந்தி எடுப்பதாகவும், விசித்திரமான குரலில் அலறுவதாகவும் கூறப்படுகிறது.

இதனால் மக்கள் பீதி அடைந்துள்ள நிலையில், இதுவரை மர்ம நோய்க்கு 3 பேர் உயிரிழந்துள்ளனர். மேலும், 600க்கும் மேற்பட்டோர் சிகிச்சை பெற்று வீடு திரும்பியுள்ளனர்.

இந்நிலையில், மாநில அரசால் ரத்த மாதிரிகளில் இருந்த ஈயம் மற்றும் நிக்கலின் தடயங்களை, டெல்லி எய்ம்ஸ் மற்றும் இந்திய வேதியியல் தொழில்நுட்ப நிறுவனத்திற்கு அனுப்பி வைக்கப்பட்டுள்ளது.

ஹைதராபாத் தேசிய ஊட்டச்சத்து நிறுவன வல்லுநர்கள் அரிசியில் கலந்திருக்கும் பாதரசமும், காய்கறிகளில் நிர்ணயிக்கப்பட்ட அளவை விட அதிக அளவில் இருந்த பூச்சிக்கொல்லிகள் தான் காரணம் என்று தெரிவித்துள்ளனர்.

ஆந்திர மாநில மாசு கட்டுப்பாட்டு வாரியத்தால் நடத்தப்பட்ட சுற்றுப்புற காற்றின் தரம் மற்றும் நீர் குறித்த ஆய்வில், தண்ணீரில் ஹெவி மெட்டல் இல்லை என்பது தெரியவந்துள்ளது!

 

வாழ்க்கையை தொடங்கும் முன்னே  பரிதாபமாக இறந்துவிட்டார் நடிகை சித்ரா. இந்நிலையில் தற்கொலைக்கான காரணங்கள் முதற்கட்ட விசாரணையில் தெரியவந்துள்ளது. அவரது கணவர் மற்றும் அவரது தாய் தரப்பிலிருந்து கொடுக்கப்பட்ட மனஅழுத்தமே என தெரியவந்துள்ளது.

மேலும் ஹேமநாத் குடித்துவிட்டு படப்பிடிப்பு தளத்திற்கு சென்று சண்டை போட்டுள்ளார். இது சித்ராவிற்கு மிகப்பெரிய அவமானத்தை கொடுத்துள்ளது. சித்ராவின் செல்போனில் உள்ள ஆதாரங்கள், குறுஞ்செய்திகள் அழிக்கப்பட்டுள்ளதால் சைபர் ஆய்வகத்திற்கு சித்ராவின் செல்போன் ஆய்விற்கு அனுப்பப்பட்டுள்ளது.

 

கட்சி தொடங்குவதற்கு முன்பு கமல் சென்று பார்த்தவர்களில் நாம் தமிழர் கட்சி தலைமை ஒருங்கிணைப்பாளர் சீமானும் ஒருவர். கொள்கை ஒத்துப்போனால் கூட்டணி அமையும் என்று கமலும் சீமானும் அப்போதே சொல்லி இருந்தனர்.

ரஜினியின் அரசியல் வருகைக்கு பின்னர், இப்போது இவர்களின் கொள்கை ஒத்துப்போயிருக்கிறது. வரும் சட்டமன்ற தேர்தலில் நாம் தமிழர் கட்சியும் மக்கள் மய்யம் கட்சியும் கூட்டணி அமைக்கின்றன.

இவ்விரு கட்சிகளுமே கணிசமான வாக்குகளை பெற்று வருகின்றன. அந்த வகையில் இரண்டு கட்சிகளும் இணைந்தால் கூடுதல் பலம் என்று இணைய முடிவெடுத்துள்ளதாக தகவல்.

மேலும், சிறு,சிறு கட்சிகளையும் தங்களது கூட்டணியில் இணைக்க தான் பேசுவதாக சீமான் சொல்ல, வாக்கு வங்கி அதிகமுள்ள ஒரு பெரிய கட்சியை கூட்டணிக்குள் இழுத்து வருகிறேன் என்று சீமானுக்கு வாக்கு கொடுத்திருக்கிறாராம் கமல்.

சினிமாவில்தான் கமல் சீனியர். அரசியலில் நான் தான் சீனியர் என்று சொல்லி வரும் சீமானிடம், சட்டசபைக்குள் நமது பங்களிப்பு இருக்க வேண்டும். அதற்காக என்னவெல்லாம் செய்வது என்ற தீவிர ஆலோசனையில் இருக்கிறார் கமல் என்கிறார்கள் நாம் தமிழர் வட்டாரத்தினர்.

மக்கள் மய்யத்தில் இருந்து நீக்கப்பட்ட சில நிர்வாகிகளும் இதை உறுதிப்படுத்துகின்றனர்!

 

பிக் பாஸ் நிகழ்ச்சியில் எந்த குரூப்பிலும் சேரமால் தனியாளாக விளையாடி ரசிகர்களைல் கவர்ந்தவர் சனம். இந்நிலையில் கடந்த ஞாயிற்றுக்கிழமை பிக்பாஸ் வீட்டிலிருந்து வெளியேற்றப்பட்டார் சனம் எவிக்ஷன், ரசிகர்கள் மட்டுமின்றி ஹவுஸ்மேட்ஸ்களையும் அதிர்ச்சியடையச் செய்தது.

மனசே இல்லாமல் பிக்பாஸ் வீட்டில் இருந்து வெளியேறினார் சனம் ஷெட்டி. மேலும் வார்த்தைக்கு வார்த்தை பாலாஜியிடம் நீங்கள்தான் போக வேண்டியது, உங்களுக்கு பதில் நான் போகிறேன் என்று கூறிக்கொண்டே இருந்தார்.

இந்நிலையில் சனம் ஷெட்டி வரும் 12 ஆம் தேதி நடைபெறும் ஈவன்ட் ஒன்றில் பங்கேற்க உள்ளதாகவும் அதற்காகதான் அவர் பிக்பாஸ் வீட்டில் இருந்து வெளியேறியதாகவும் தகவல்கள் பரவின. மேலும் அதற்கான இன்விடேஷனும் வைரலானது.

இது குறித்து முக்கிய தகவல் ஒன்று வெளியாகியுள்ளது. அதாவது சனம் ஷெட்டியின் மொபைல் நம்பர் இன்னமும் நாட் ரீச்சபிளிலேயே இருப்பதாகவும் கூறப்படுகிறது. இதனால் அவர் பிக்பாஸ் வீட்டுக்குள் வைல்டு கார்ட் என்ட்ரியாக நுழையலாம் என்று கூறப்படுகிறது.

அவர் நம்பர் நாட் ரீச்சபிளில் இருப்பதை சுரேஷ் சக்கரவர்த்தியும் நடிகை வனிதாவும் உறுதி செய்துள்ளனர்.

சனம் ஷெட்டி வெளியேற்றப்பட்டது ரசிகர்கள் மத்தியில் அதிருப்தியை ஏற்படுத்திய நிலையில் அவரை மீண்டும் பிக்பாஸ் வீட்டுக்குள் வைல்டு கார்ட் என்ட்ரியாக உள்ளே அனுப்ப திட்டமிட்டிருப்பதாகவும் கூறப்படுகிறது. இதற்காகதான் சனம் ஷெட்டியை மீண்டும் நிகழ்ச்சி குழு குவாரண்டைனில் வைத்துள்ளதாகவும் தகவல் பரவி வருகிறது!

 

டெல்லி: டெல்லியில் போராடும் விவசாயிகளுக்கு ஆதரவாக நாடு தழுவிய அளவில் நடைபெற்று வரும் பாரத் பந்த்-ன் ஒரு பகுதியாக பல மாநிலங்களில் ரயில் மறியல் போராட்டம் நடத்தப்பட்டது. இதனால் பல இடங்களில் ரயில் சேவைகள் பாதிக்கப்பட்டன.

இந்திய அரசின் 3 விவசாய சட்டங்களை திரும்பப் பெறக் கோரி டெல்லியில் விவசாயிகள் போராட்டம் நடத்தி வருகின்றனர். 13-வது நாளாக நீடிக்கும் விவசாயிகள் போராட்டத்தின் ஒரு பகுதியாக இன்று நாடு தழுவிய பாரத் பந்த் போராட்டம் நடத்தப்பட்டு வருகிறது.

இதனை அடுத்து, தமிழகத்தில் பெரும்பாலான மாவட்டங்களில் கடைகள், வர்த்தக நிறுவனங்கள் அடைக்கப்பட்டுள்ளன. பல இடங்களில் மறியல் போராட்டங்கள் நடைபெற்றன. மகாராஷ்டிரா, ஒடிஷா, மேற்கு வங்க மாநிலங்களில் ரயில் மறியல் போராட்டத்தை இடதுசாரிகள் நடத்தினர்.

இதனால் பல பகுதிகளில் ரயில் சேவைகள் பாதிக்கப்பட்டன. குஜராத்தில் தேசிய நெடுஞ்சாலைகளில் டயர்களை எரித்து வாகனப் போக்குவரத்து தடுக்கப்பட்டது. உத்தரப்பிரதேசத்தின் லக்னோவில் அனைத்து வகையான போராட்டங்களுக்கும் தடை விதித்து 144 தடை உத்தரவு அமல்படுத்தப்பட்டுள்ளது!
 

சமத்துவ மக்கள் கட்சியின் தலைவரும், நடிகருமான சரத்குமாருக்கு கொரோனா தொற்று உறுதி செய்யப்பட்டுள்ளது

நடிகர் சரத்குமாருக்கு மருத்துவப் பரிசோதனை செய்யப்பட்டதில், அவருக்கு கொரோனா தொற்று இருப்பது உறுதியாகியுள்ளதாகத் தெரிவிக்கப்பட்டுள்ளது.

இதையடுத்து அவர் ஹைதராபாத்தில் உள்ள மருத்துவமனையில் சிகிச்சைக்காக அனுமதிக்கப்பட்டுள்ளார்.

அங்கு அவருக்கு மருத்துவர்கள் சிகிச்சை அளித்து வருகின்றனர். கொரோனா அறிகுறி இல்லாத நிலையில் அவர் நல்ல உடல் நலத்துடன் இருப்பதாகவும், கொரோனாவிலிருந்து குணமடைந்து வருவதாகவும் ராதிகா சரத்குமார் மற்றும் வரலட்சுமி சரத்குமார் தங்களது ட்விட்டர் பக்கத்தில் தெரிவித்துள்ளனர்!

சென்னை: புதிய வேளாண் சட்டங்களை கண்டித்து டெல்லியில் போராடி வரும் விவசாயிகளுக்கு நாம் தமிழர் கட்சி இறுதிவரை துணை நிற்கும் என சீமான் அறிவித்துள்ளார்.

மேலும், விவசாயிகள் போராட்டம் வெற்றிபெற வேண்டி துணை நிற்க வேண்டியது ஒவ்வொரு குடிமகனின் வரலாற்றுப்பெருங்கடமை என அவர் குறிப்பிட்டுள்ளார்.

இது தொடர்பாக அவர் விடுத்துள்ள அறிக்கையில் கூறியிருப்பதாவது;

உழவர் பெருங்குடிகளை வேளாண்மையைவிட்டே அகற்றும் வகையில் தனிப்பெருமுதலாளிகளுக்கு ஆதரவாக மத்தியில் ஆளும் பாஜக அரசு கொண்டுவந்துள்ள வேளாண் சட்டங்களைத் திரும்பப் பெறக்கோரி கடந்து பத்து நாட்களுக்கும் மேலாக டெல்லியில் வேளாண் பெருமக்கள் ஒன்றுகூடி வரலாறு காணாத மாபெரும் புரட்சிப்போரினை முன்னெடுத்து வருவது, நாடெங்கிலும் பெரும் அதிர்வலைகளை ஏற்படுத்தியிருக்கிறது. அப்போராட்டத்திற்கு ஆதரவு தெரிவிக்கும் விதமாக விவசாயச்சங்கங்கள் நாளை முன்னெடுக்கவிருக்கும் நாடு தழுவிய பொது அடைப்புப் போராட்டத்தை முழுமையாக ஆதரிக்கிறேன்.

அவர்களது பக்கமிருக்கும் நியாயத்தையும், தார்மீகத்தையும் உணர்ந்து அப்போராட்டத்தின் நோக்கம் வெற்றிபெற துணை நிற்க வேண்டியது ஒவ்வொரு குடிமகனின் வரலாற்றுப்பெருங்கடமையாகும். உயிரைப் பிசைந்தெடுக்கும் கடுங்குளிரையும் பொருட்படுத்தாமல் அமைதி வழியில் மண்ணின் உரிமைக்காக அல்லும் பகலும் அயராது போராடிவரும் விவசாயிகளின் ஈகமானது போற்றுதலுக்குரியது. அதேநேரத்தில், கொரோனா கொடுந்தொற்று காலத்தில்கூட ஒட்டுமொத்த நாட்டிற்கும் உணவளித்த விவசாயிகளை நடுச்சாலையில் போராடவிட்டது மட்டுமின்றி, அவர்கள் மீது ஈவு இரக்கமின்றித் தாக்குதல் நடத்தியிருக்கும் மோடி அரசின் கொடுங்கோன்மை செயல் வன்மையான கண்டனத்திற்குரியது.

மத்திய அரசு கொண்டு வந்துள்ள இப்புதிய வேளாண் சட்டங்கள் வேளாண்மையை முழுக்க முழுக்கத் தனியார்மயமாக்கி, நாட்டிலுள்ள விவசாயிகளைப் பெருநிறுவனங்களின் கூலிகளாக மாற்றும் கொடிய சதித்திட்டமின்றி வேறில்லை. இதை எதிர்த்துத்தான், வேளாண்மையைப் பாதுகாக்கும் பொருட்டு உழவர்கள் ஒன்றுதிரண்டு போராடி வருகின்றனர். ஆனால், வேளாண் பெருங்குடி மக்களின் நியாயமான கோரிக்கைகளுக்குச் செவிமடுக்காமல், அலட்சியம் செய்வதுடன் போராடும் விவசாயிகள் மீது அடக்குமுறையை ஏவுவது எதேச்சதிகாரபோக்கின் உச்சமாகும்.

எனவே, நாடு தழுவிய அளவில் உழவர் பெருமக்கள் நாளை முன்னெடுக்கும் முழு அடைப்புப் போராட்டத்திற்கு நாம் தமிழர் கட்சி தனது முழு ஆதரவை அளிக்கும் எனவும், அவர்களின் நியாயமான போராட்டம் வெல்ல இறுதிவரை துணை நிற்கும் எனவும் பேரறிவிப்புச் செய்கிறேன்.

இவ்வாறு அந்த அறிக்கையில் கூறப்பட்டுள்ளது.

ஆந்திரா மாநிலத்தின் மேற்கு கோதாவரி பகுதியில் அமைந்துள்ளது எள்ளுரு மாவட்டம். இம்மாவட்டத்திலுள்ள மக்கள் திடீரென மர்ம நோயால் பாதிக்கப்பட்டு மயங்கி விழும் சம்பவம் பெரும் பரபரப்பை ஏற்படுத்தியுள்ளது.

இந்த மர்ம நோயால், இதுவரை 315 பேர் பாதிக்கப்பட்டுள்ளனர். ஒருவர் உயிரிழந்துள்ளார். இந்தநோயால் பாதிக்கப்பட்டவர்கள் வாயில் நூரை தள்ளுவதோடு மயக்கமடைந்து விடுகிறார்கள். இவர்களுக்கு மருத்துவமனைகளில் சிகிச்சையளிக்கப்பட்டு வருகிறது.

இதுவரை, நூற்றுக்கும் மேற்பட்டோர் குணமடைந்து வீடு திரும்பியுள்ளனர்.

இந்த மர்மநோய் எதனால் ஏற்பட்டது என இதுவரை கண்டுபிடிக்கப்படவில்லை. இந்த நோயினால் பாதிக்கப்பட்டவர்களுக்கு குமட்டல், வலிப்பு மற்றும் மயக்கம் ஆகிய அறிகுறிகள் இருப்பதாக அதிகாரப்பூர்வ தகவல்கள் தெரிவிக்கின்றன.

மேலும் அவர்களில் சிலர் திடீர், திடீரென ஒலி எழுப்புவதாகவும் தெரிவிக்கப்பட்டுள்ளது.

இந்த விவகாரம் தொடர்பாக, ஆந்திரா முதல்வர் ஜெகன் மோகன் ரெட்டி அம்மாநிலத்தின் சுகாதாரத்துறை அமைச்சரோடு விவாதித்துள்ளதொடு, எள்ளுரு மாவட்ட மருத்துவமனையில் பாதிக்கப்பட்டவர்களைச் சந்தித்து ஆறுதல் கூறினார்.

இம்மாவட்டத்தில், வீடு வீடாகச் சென்று ஆய்வு செய்வதற்கு குழு ஒன்றும் நியமிக்கப்பட்டுள்ளது!

 

ரஜினி ஜனவரியில் எந்தத் தேதியில் கட்சி ஆரம்பிக்க உள்ளார் என்பது ரசிகர்கள் மத்தியில் எதிர்பார்ப்பை ஏற்படுத்தியுள்ள நிலையில், அதைவிட கட்சிக்கு என்ன பெயர் வைக்கப்பட உள்ளது? கொடி எவ்வாறு வடிவமைக்கப்பட உள்ளது? என்ற விவாதம் தற்போது கிளம்பியுள்ளது.

தமிழகத்தைப் பொறுத்தவரை பெரும்பாலான கட்சிகள் ‘கழகம்’ என்றே பெயரை அமைத்துள்ளன. திமுகவின் பாதிப்பிலிருந்தே அதிமுக உட்பட பல கட்சிகளின் பெயர்களில் ‘கழகம்’ என்பது இணைந்தது. புதிதாக கட்சி தொடங்குபவர்கள், ஆட்சியமைக்கத் துடிப்பவர்கள் திமுக, அதிமுகவுக்கு மாற்று என தங்களைக் கூறிவருகின்றனர். பாஜக, பாமக ஆகிய கட்சிகள் கழகங்கள் இல்லாத ஆட்சி என்ற கோஷத்தை அடிக்கடி முன்வைக்கின்றன. அண்மையில் கட்சி தொடங்கிய கமல்ஹாசன் கழகம், கட்சி ஆகியவற்றிலிருந்து சற்று விலகி ‘மய்யம்’ என்று வைத்துக் கொண்டார்.

அந்தவகையில் ரஜினிகாந்தும் கழகங்களுக்கு மாற்றாகத் தன்னை முன்னிலைப்படுத்துவதால் கட்டாயம் கழகம் இருக்காது என அடித்துக் கூறுகின்றனர். அதேசமயம் வேறு என்ன இடம்பெறலாம் என்ற பரிசீலனையும் நடைபெற்று வருகிறது.

ரஜினிகாந்த் சைவ சமயம் மேல் தீவிர ஈடுபாடு கொண்டவர். தனது படங்களிலேயே அண்ணாமலை, அருணாச்சலம், படையப்பா எனப் பெயர்கள் வைத்து வெற்றிப் படங்களாக்கியவர். அந்த வகையில் ‘படை’ என்று முடியும் வகையில் கட்சி பெயர் அமையவுள்ளதாக கூறுகின்றனர் விவரம் அறிந்தவர்கள்.

அதே போல் கட்சிக் கொடி வடிவமைக்கும் பணிகளும் வேகமெடுத்துள்ளன. ரஜினி ரசிகர்கள் தற்போது நீலம், வெள்ளை, சிவப்பு ஆகிய வண்ணங்களிலும் நடுவில் ஸ்டார் சின்னத்தில் ரஜினிகாந்த் படத்தை பொறித்தும் கொடி பிடிக்கின்றனர். இது சூப்பர் ஸ்டார் ரஜினி என்பதை பொருள்படுத்தும் விதமாக அமைந்துள்ளது. ஆனால் ரஜினியின் கட்சிக் கொடி இதிலிருந்து முற்றிலும் வேறுபட்டிருக்கும் என்கின்றனர்.

கட்சிக்கும் ஆட்சிக்கும் இடையே இடைவெளி இருக்கும். கட்சியின் தலையீடு ஆட்சியில் இருக்காது. முதல்வர் வேட்பாளராக நான் இருக்க மாட்டேன் என ரஜினிகாந்த் கூறிவந்துள்ளதால், கட்டாயம் ரஜினியின் புகைப்படம் கொடியில் இடம்பெறாது என அடித்துக் கூறுகின்றனர்.

வேறு என்ன சின்னம் கொடியில் இடம்பெறும் என்கிற ஊகங்களும் எழுந்துள்ளன. ரஜினிகாந்த் 2017-ஆம் ஆண்டு ரசிகர்களைச் சந்தித்த போது அமைக்கப்பட்ட மேடையின் புகைப்படத்தை உதாரநம் காட்டுகிறார்கள் சிலர். அதில் தாமரை மீது பாபா முத்திரை இடம் பெற்றிருக்கும். கொடியில் தாமரை இருக்கிறதோ இல்லையோ பாபா முத்திரை இருக்கலாம் என்கிறார்கள்!

புதுடெல்லி: இந்திய அரசின் 3 புதிய வேளாண் சட்டங்களை திரும்பப் பெறக்கோரி டெல்லியில் இன்று 10 வது நாளாக விவசாயிகள் போராட்டத்தை தொடர்ந்து வருகின்றனர்.

புதிய வேளாண் சட்டங்களை திரும்பப் பெறக்கோரி பஞ்சாப், அரியானா, உத்தரபிரதேசம் உள்ளிட்ட மாநிலங்களை சேர்ந்த விவசாயிகள் டெல்லியில் கடந்த 26-ஆம் தேதி முதல் மிகப்பெரிய போராட்டங்களை நடத்தி வருகின்றனர். டெல்லி எல்லைகளில் மக்கள் திரண்டு போராடுவதால் தலைநகர் முழுவதும் ஸ்தம்பித்து வருகிறது.

திக்ரி, சிங்கு, காஜிப்பூர் போன்ற எல்லைகளைப் பல்லாயிரக்கணக்கான விவசாயிகள் ஆக்கிரமித்து இருப்பதால் அண்டை மாநிலங்களுடனான தொடர்பை டெல்லி இழந்து வருகிறது. குறிப்பாக அரியானா, உத்தரபிரதேசம் போன்ற மாநிலங்களுக்குச் செல்லும் பிரதான சாலைகள் மூடப்பட்டுள்ளன.

வேளாண் சட்டங்களை திரும்பப் பெறுவதற்காகவும், குறைந்தபட்ச ஆதரவு விலைக்கு சட்ட பாதுகாப்பு அளிப்பதற்காகவும் நாடாளுமன்ற சிறப்புக் கூட்டத்தொடரை உடனடியாக கூட்டுமாறும் மத்திய அரசுக்கு விவசாயிகள் கோரிக்கை விடுத்து வருகின்றனர்.

இந்த நிலையில் விவசாய அமைப்புகளின் பிரதிநிதிகள் நேற்று கூடி ஆலோசனை நடத்தினர். இதில் தங்கள் கோரிக்கைகளை அரசு ஏற்காவிட்டால், போராட்டத்தைத் தீவிரப்படுத்துவது என முடிவு செய்யப்பட்டது.

இது குறித்து விவசாய அமைப்புகளின் பிரதிநிதிகள் கூறுகையில், இன்று நடைபெறும் பேச்சுவார்த்தையில், எங்களது கோரிக்கையை மத்திய அரசு ஏற்காவிட்டால், போராட்டத்தை தீவிரப்படுத்துவோம். குறிப்பாக டிசம்பர் 8-ஆம் தேதி நாடு தழுவிய வேலை நிறுத்தத்துக்கு அழைப்பு விடுக்க முடிவு செய்திருக்கிறோம்’ என்று தெரிவித்தனர்.

அன்றைய தினம் அனைத்து சாலைகளின் சுங்கச்சாவடிகளையும் நாங்கள் முற்றுகையிடுவோம் என கூறிய விவசாயிகள், வேளாண் சட்டங்களைத் திரும்பப் பெறாவிட்டால் டெல்லிக்கு வரும் அனைத்து சாலைகளையும் வருகிற நாட்களில் அடைப்போம் எனவும் எச்சரிக்கை விடுத்தனர்.

இதற்கிடையே டெல்லி எல்லைகளில் குழுமியிருக்கும் விவசாயிகளால் தினந்தோறும் சாலைகள் மூடப்பட்டு போக்குவரத்து முடங்கி வருகிறது. இதனால் போக்குவரத்து அடைக்கப்பட்டுள்ள சாலைகள், மாற்று ஏற்பாடுகள் போன்றவை குறித்து டெல்லி போலீசார் தினமும் தங்கள் டுவிட்டர் தளத்தில் மக்களுக்கு வழிகாட்டுதல்கள் வழங்கி வருகின்றனர்.

இந்தப் போராட்டத்தால் டெல்லி முழுவதும் குழப்பமும், பரபரப்பும் நிலவி வரும் நிலையில், இன்று நடைபெறும் பேச்சுவார்த்தையில் முடிவு எட்டப்படுமா? என்ற எதிர்பார்ப்பு நாடு முழுவதும் நிலவி வருகிறது!

 

அரசியலில் நேற்று அதிசயம் நடந்தது, இன்றும் அதிசயம் நடக்கிறது, வரும் 2021-ஆம் ஆண்டு தேர்தலிலும் அதிசயம் நடக்கும் என்றும், தான் முதல்வர் ஆவேன் என்றும் சூசகமாக ரஜினி கருத்து தெரிவித்திருந்தார்.

இதையடுத்து நாம் தமிழர் கட்சியின் தலைமை ஒருங்கிணைப்பாளர் சீமான் தனது டுவிட்டர் பக்கத்தில் தனது கருத்தைப் பதிவு செய்துள்ளார்.

அதில், ஆம்! அதிசயம் நிகழும். 'தான் என்ன பேசினாலும் அது செய்தியாகும்' என்கிற நினைப்பிலும், மிதப்பிலும் செய்தி அரசியல் செய்து, அதிகமாக ஊடகவெளிச்சம் மூலம் ஊதிப் பெரிதாக்கப்பட்ட ரஜினிகாந்த் எனும் வெற்றுப்பிம்பம், இனமானத்தமிழர்களால் தூள் தூளாகும் அதிசயம், அற்புதம் 2021-ல் நடக்கும், நடந்தே தீரும் என்று விமர்சித்துள்ளார்!

புதுடெல்லி: இந்திய அரசின் 3 புதிய வேளாண் சட்டங்களை திரும்பப் பெறக்கோரி டெல்லியில்  இன்றோடு 9-வது நாளாகப் போராட்டம் நீடித்து வருகிறது. இந்தச் சூழலில், அண்மையில்,  டெல்லி விவசாயிகள் போராட்டம் குறித்து  கனடா பிரதமர் ஜஸ்டீன் ட்ரூடோ கருத்து தெரிவித்து இருந்தார்.

அதில்,  இந்தியாவில் நடைபெறும் விவசாயிகளின் போராட்டம் கவலை அளிக்கிறது. உரிமைகளைப் பாதுகாக்க நடைபெறும் அமைதியான போராட்டத்திற்கு கனடா எப்போதும் ஆதரவளிக்கும் எனக் கூறியிருந்தார். 

டெல்லி விவசாயிகளின் போராட்டங்கள் குறித்து கருத்து தெரிவித்த முதல் உலகத் தலைவர்  ஜஸ்டின் ட்ரூடோ என்பது குறிப்பிடத்தக்கது.

இதனையடுத்து, கனடா பிரதமரின் கருத்துக்கு இந்திய வெளியுறவுத்துறை கடும் கண்டனம் தெரிவித்திருந்தது. இந்நிலையில் இந்திய வெளியுறவுத்துறை சார்பில், கனடா நாட்டுத் தூதருக்கு சம்மன் அனுப்பப்பட்டது. 

தொடர்ந்து கனடா தூதர்  நதிர் படேலை நேரில் அழைத்து இந்தியா தனது கண்டனத்தை பதிவு செய்துள்ளது.

இத்தகைய கருத்துக்களைத் தொடர்ந்து தெரிவித்தால் இருநாட்டு உறவில் பாதிப்பு ஏற்படும் எனவும்  இந்திய வெளியுறவுத்துறை தரப்பில் எச்சரிக்கை விடுக்கப்பட்டுள்ளது!

இந்தியாவை இந்து தேசமாக அறிவியுங்கள் என வலியுறுத்தி அயோத்தி மடத்தின் சாது, குடியரசுத் தலைவர் ராம்நாத் கோவிந்திற்குக் கடிதம் எழுதியுள்ளார். இதை செய்யாவிட்டால் தன் உயிரை மாய்த்துக்கொள்ள அனுமதிக்கும்படியும் அக்கடிதத்தில் அவர் வேண்டியுள்ளார்.

அயோத்தியின் தபஸ்வீ மடத்தின் சாதுவாக இருப்பவர் மஹந்த பரமஹன்ஸ் தாஸ். இவர் நேற்று குடியரசு தலைவர் ராம்நாத் கோவிந்த்திற்கு ஒரு கடிதம் எழுதியுள்ளார்.

இதன் நகலை, பிரதமர் நரேந்திர மோடி, மத்திய உள்துறை அமைச்சர் அமித்ஷா மற்றும் உபி முதல்வர் யோகி ஆதித்யநாத் ஆகியோருக்கும் அனுப்பியுள்ளார்.

தனது கடிதத்தில் சாது மஹந்த் பரமஹன்ஸ் தாஸ் கூறியிருப்பதாவது: இந்தியாவை இந்து தேசமாக அறிவிக்க வேண்டும்.

மதத்தின் அடிப்படையில் நம் நாடு பிரிந்த பின்பும் இங்கு முஸ்லிம்கள் வாழ்வது தொடர்கிறது.

இதில் மக்கள்தொகையைக் கட்டுப்படுத்த அவசர சட்டம் இயற்ற வேண்டும். நாட்டில் வாழும் அனைத்து சமூகத்தினர்களுக்காகவும் பொது சிவில் சட்டம் அமலாக்கப்பட வேண்டும்.

பசுக்களை தேசப் பாரம்பரியச் சின்னமாக்கி ராமச்சந்திர மானஸ் நூலை தேசிய நூலாக்கப்பட வேண்டும். பெண் குழந்தைகளுக்கு இலவச கல்வி அளிக்கப்பட வேண்டும்.

மேற்கண்ட எனது கோரிக்கைகளை மத்திய அரசு ஏற்கவில்லை எனில், எனது உயிரை மாய்த்துக்கொள்ள எனக்கு அனுமதி அளிக்க வேண்டும்.' எனக் குறிப்பிட்டுள்ளார்!

 

திருவனந்தபுரம்: சபரிமலையில் மண்டல, மகர விளக்கு சீசனை முன்னிட்டு அய்யப்பன் கோவில் நடை கடந்த மாதம் 15 ஆம் தேதி திறக்கப்பட்டது.

கொரோனா கட்டுப்பாடு காரணமாக சபரிமலை அய்யப்பன் கோவிலில் சாமியைத் தரிசனம் செய்ய வார நாட்களில் தினசரி 1,000 பக்தர்களும், சனிக்கிழமை மற்றும் ஞாயிற்றுக்கிழமை ஆகிய தினங்களில் 2 ஆயிரம் பக்தர்களும் ஆன்லைன் முன்பதிவு அடிப்படையில் அனுமதிக்கப்பட்டு வந்தனர்.

இந்நிலையில் சாமி தரிசனத்திற்கு கூடுதல் பக்தர்களை அனுமதிப்பது தொடர்பான உத்தரவை கேரள அரசு வெளியிட்டு உள்ளது. இதன்படி வார நாட்களில் திங்கள் முதல் வெள்ளி வரை தினமும் 2 ஆயிரம் பக்தர்களும், சனி, ஞாயிறு ஆகிய நாட்களில் 3 ஆயிரம் பக்தர்கள் சாமி தரிசனத்திற்கு அனுமதிக்கப்படுவார்கள்.

மண்டல பூஜை நடைபெறும் டிசம்பர் 26 ஆம் தேதி மற்றும் மகர விளக்கு பூஜை நடைபெறும் அடுத்த வருடம் ஜனவரி 14 ஆம் தேதி ஆகிய 2 நாட்கள் 6 ஆயிரம் பக்தர்கள் வீதம் தரிசனத்திற்கு அனுமதிக்கப்படுவார்கள். இதற்கான ஆன்லைன் முன்பதிவு இன்று (புதன்கிழமை) தொடங்கியது.

சன்னிதானத்தில் பணியில் உள்ள ஊழியர்களுக்கு கொரோனா தொற்று வேகமாக பரவி வந்ததால், சுகாதாரத் துறை சார்பில் கூடுதல் பக்தர்களை தரிசனத்திற்கு அனுமதிக்க எதிர்ப்பு தெரிவித்த வந்த நிலையில், கூடுதலாக தினமும் 1,000 பக்தர்கள் சாமியை தரிசனம் செய்ய அனுமதி அளித்த அரசின் உத்தரவு, பக்தர்களிடையே மகிழ்ச்சியை ஏற்படுத்தி உள்ளது!

வீரர்களைச் சமைக்கும் சீனாவின் தந்திர ஆயுதம்!

கத்தியின்றி, ரத்தமின்றி யுத்தம்!
   
இந்திய எல்லையில் ராணுவ வீரர்களை உயிருடன் சமைக்கக் கூடிய ரகசிய ஆயுதங்களை சீனா பயன்படுத்திய அதிர்ச்சி தகவல் வெளிவந்துள்ளது.

லடாக்கில் கல்வான் பள்ளத்தாக்கு பகுதியில் கடந்த ஜூன் மாதம் 15-ந் தேதி ஊடுருவ முயன்ற சீன ராணுவ வீரர்களுக்கும், இந்திய வீரர்களுக்கும் இடையே பயங்கர மோதல் ஏற்பட்டது. இதில் இந்திய தரப்பில் 20 பேரும், சீன தரப்பில் 35 பேரும் உயிர் இழந்தனர்.

இது தொடர்பாக இரு நாட்டு ராணுவ அதிகாரிகள் மட்டத்தில் நடைபெற்ற பேச்சுவார்த்தையின்போது, லடாக் எல்லையில் இருந்து படைகளை வாபஸ் பெற இரு தரப்பிலும் ஒப்பு கொள்ளப்பட்டது.  எனினும், எல்லைப் பகுதியில் தொடர்ந்து பதற்ற நிலை நீடித்தது.

இந்நிலையில் சீன படையினர் இந்திய வீரர்களை பின்னோக்கிச் செல்லப் பயன்படுத்திய யுத்த முறைகள் பற்றிய அதிர்ச்சி தகவல் வெளியாகியுள்ளது. 

சீன படைகள் இமயமலை பகுதியில், இந்திய ராணுவ வீரர்களைப் பின்னோக்கி செல்ல வைக்க தந்திர யுத்த முறையை கையாண்டுள்ளது.

இதுபற்றி பீஜிங் நகரில் சர்வதேச படிப்புக்கான நிபுணர் ஜின் கேன்ராங் தனது மாணவர்களிடையே கூறும்பொழுது, சீன படைகள் மைக்ரோவேவ் ஆயுதங்களை பயன்படுத்தியதாகத் தெரிவித்துள்ளார்.

இந்த மின்காந்த (எலெக்ட்ரோமேக்னடிக்) ஆயுதங்கள் எதிரி படைகளில் உள்ள மனிதர்களின் திசுக்களை சமைக்க கூடிய சக்தி படைத்தது.  இதனால் மலை முகடானது மைக்ரோவேவ் ஓவனாக மாற்றப்பட்டு உள்ளது.  ஆயுதங்களை குவித்த 15 நிமிடங்களில் அவை வாந்தி உண்டு பண்ணும்.

இதனால், மலை உச்சியில் திரண்ட வீரர்கள் அனைவரும் வாந்தியெடுக்க தொடங்கி, நிற்க முடியாமல் தப்பியோடி விட்டனர்.  நிலம் மீண்டும்  கட்டுக்குள் வந்தது எனக் கூறியுள்ளார்.

மைக்ரோவேவ் ஆயுதங்கள், சமையலறையில் பயன்படுத்தும் ஓவன்களின் செயலை ஒத்தது.  அவை நீர் மூலக்கூறுகளை வெப்பமடைய செய்யும்.  இதன்படி, தோலின் அடிப்புறம் உள்ள நீரானது இலக்காக கொள்ளப்பட்டு, 0.6 மைல்கள் தொலைவில் உள்ள நபருக்கும் பெருத்த வலியை உண்டு பண்ணும்.  பின்னர் வலி அதிகரிக்கும்.

சர்ச்சைக்குரிய எல்லை பகுதியில் ஒப்பந்தத்தின்படி, துப்பாக்கி சூடு நடத்த தடை விதிக்கப்பட்டு உள்ளது.  இதனை குறிப்பிட்ட ஜின், விதிகளை மீறாமல், இந்திய வீரர்களை மிக அழகாக சீன படையினர் வெளியேற்றி விட்டனர் என மாணவர்களிடம் புகழ்ந்து கூறியுள்ளார்.

இந்த ஆயுதங்களை பயன்படுத்தும் யுத்த தந்திரம், ஆகஸ்டு இறுதியில் நடத்தப்பட்டு உள்ளது.

இவ்வகை ஆயுதங்கள், ஒரு சூடான பல்பை தொட்டால் ஏற்படும் உணர்வை தரும்.  இந்த தாக்குதலில் நீண்டநேரம் இருக்கும்பொழுது, கதிர் வீச்சினால் தலைவலி, மூச்சு திணறல் மற்றும் வாந்தி ஆகியவை ஏற்படும்.

இதனால், உலகில் எதிரி படைகளுக்கு எதிராக முதன்முறையாக இந்த வகை ஆயுதங்களை பயன்படுத்திய நாடாக சீனா அறியப்படுகிறது!

 

 

கோலாலம்பூர்  நவம்பர்-29

உலகப் பிரசித்திபெற்ற திருவண்ணாமலை திருக்கோயில் தீபத் திருவிழா இம்மாதம் 29- ஆம் தேதி நடைபெறவுள்ளது.

இந்நிலையில், கோவிட் -19 தாக்கத்தின் காரணமாகத் தீபத்திருவிழாவை நேரடியாகச்  சென்று தரிசனம் பெற  முடியாத பக்தர்களுக்கு மாற்று வழியாக,  இணையம் வழி நேரலை ஒளிபரப்பாகவுள்ளது.

வரு. 29 ஆம் தேதி ஞாயிற்றுக்கிழமை, மலேசிய நேரப்படி இரவு 8.25 மணியளவில் பரணி தீபம் ஏற்றப்பட்டு, 8.29 மணியளவில் திருவண்ணாமலை மகா தீபம் ஏற்றப்படும் என, சத்குரு ஸ்ரீ அன்பே அருணாச்சலநந்தா சுவாமிகள் இணையம் வழி நடத்திய செய்தியாளர் சந்திப்பில், மலேசிய மக்களுக்கு இந்த அறிவிப்பினை வழங்கினார்.

மகா தீபம் ஏற்றும்போது முக்கோடி தேவர்களும் அண்ணாமலையை நோக்கி வருவார்கள் எனக் கூறப்படுகிறது.

ஆகையால், அந்தக் காட்சியை மலேசிய பக்தர்களும் நேரலை வாயிலாகக் கண்டு ஆசி பெற  இந்த நேரலை ஏற்பாடு செய்யப்பட்டுள்ளது.

மகா தீபம் ஏற்றப்பட்ட பின்னர்,  இரவு 8.30 மணி முதல் 10.30 மணி வரை சிறப்பு விசேஷ தியானமும் உண்டு.

இணையம் வழி நடத்தப்படும் இந்தச் சிறப்பு தியான நிகழ்ச்சிக்கு எந்தவித கட்டணமும் வசூலிக்கப்படாது என மலேசிய ஒருங்கிணைப்பாளர் பிரேமி மைக்கல் மற்றும் லிங்கேஸ்வரன் தெரிவித்தனர்.

இந்தத் தீபத் திருவிழாவை
MULAVARGA SIDDHA PARAMPARA என்னும் முகநூல் அகபக்கத்தில் பக்தர்கள் கண்டுகளிக்கலாம்.

தீபத் திருவிழாவில் கலந்துகொள்ளும் பக்தர்கள் அன்றைய தினம் சைவமாக இருக்கவேண்டும். அதோடு தியானத்திற்கு அரை மணி நேரத்திற்கு முன்பு, ஆகாரம் உண்ணவோ,  நீர் அருந்தவோ கூடாது. தியானம் முடிந்து அரை மணி நேரம் கழித்துதான் உணவு உட்கொள்ளவேண்டும் என ஏற்பாட்டாளர்கள் கேட்டுக்கொண்டுள்ளனர்!

 

சென்னை: ரஜினி பாஜகாவில் இணைவார் என்ற நம்பிக்கையில் கட்சியின் முக்கிய தலைவர்கள் பலரும் ரஜினியை எதிர்பார்த்துக் காத்துக்கொண்டிருக்கின்றனர்.
இந்நிலையில் தமிழகத்திற்கு 2 நாள் சுற்றுப்பயணம் மேற்கொண்டார் மத்திய அமைச்சர் அமித்ஷா. தமிழக அரசு விழாவில் கலந்துகொண்டபின், 
தமிழக பாஜக நிர்வாகிகளுடன் அமித்ஷா ஆலோசனை நடத்தினார்.

இதனைத்தொடர்ந்து மத்திய உள்துறை அமைச்சர் அமித் ஷாவை சந்தித்து ஆடிட்டர் குருமூர்த்தி ஆலோசனை நடத்தினார்.

சுமார் 3 மணி நேரத்திற்கும் மேலாக இருவரும் ஆலோசனை நடத்தினர். அப்போது தமிழக அரசியல் நிலவரம் குறித்தும், நடிகர் ரஜினிகாந்த்தின் அரசியல் நிலைப்பாடு தொடர்பாகவும் ஆலோசிக்கப்பட்டதாகக் கூறப்படுகிறது.

குருமூர்த்தியுடன், மத்திய அமைச்சர் அமித்ஷா விடியவிடிய ஆலோசனை நடத்தியது அரசியல் வட்டாரத்தில் பரபரப்பை ஏற்படுத்தி உள்ளது!

இன்று  காலை நிலவரப்படி, இந்தியாவில் கொரோனாவால் பாதிக்கப்பட்டவர்களின் எண்ணிக்கை 89,58,484- லிருந்து 90,04,366 ஆக உயர்ந்துள்ளது. இதில் உயிரிழந்தவர்களின் எண்ணிக்கை 1,31,578- லிருந்து 1,32,162 ஆக அதிகரித்துள்ளது.

அதேபோல், இந்தியாவில் கொரோனா பாதிப்பிலிருந்து குணமடைந்தோர் எண்ணிக்கை 83 லட்சத்திலிருந்து 84  லட்சமாக அதிகரித்துள்ளது. குறிப்பாக ஒரேநாளில் 44,807 பேர் கொரோனா பாதிப்பிலிருந்து குணமடைந்துள்ளனர். 

நேற்று ஒரே நாளில் 45,882 பேருக்கு கொரோனா கண்டறியப்பட்டுள்ள நிலையில், ஒரேநாளில் கொரோனாவுக்கு 584 பேர் உயிரிழந்துள்ளனர்!

பாஜக சார்பில் கடலூரில் நடத்தப்படும் யாத்திரையில் பங்கேற்பதற்காக நடிகை குஷ்பு சென்னையில் இருந்து காரில் புறப்பட்டு சென்றார். அவர் மதுராந்தகம் அருகே காரில் சென்று கொண்டிருந்த போது, கார் முன்னாள் சென்ற கண்டெய்னர் லாரி மீது மோதி விபத்துக்குள்ளானது. இந்த விபத்தில் குஷ்பு காரின் முன்பகுதி முற்றிலுமாக சேதம் அடைந்த நிலையில், குஷ்பு லேசான காயத்துடன் உயிர் தப்பியுள்ளார்.

தகவல் அறிந்து சம்பவ இடத்துக்கு சென்ற போலீசார், இந்த விபத்து தொடர்பாக விசாரணை மேற்கொண்டு வருகின்றனர். மேலும், குஷ்புவின் கார் பலத்த சேதம் அடைந்ததால் மாற்று கார் ஏற்பாடு செய்து கடலூர் புறப்பட்டு சென்றார்.

இது தொடர்பாக குஷ்பு தனது ட்விட்டர் பக்கத்தில் வெளியிட்டுள்ள பதிவில், லாரி தனது கார் மீது மோதிவிட்டதாகவும் கடவுள் முருகன் தன்னைக் காப்பாற்றி விட்டதால் வேல் யாத்திரையில் பங்கேற்க கடலூருக்கு சென்று கொண்டிருப்பதாகவும் குறிப்பிட்டுள்ளார். மேலும், முருகன் மீது தனது கணவன் வைத்த நம்பிக்கை வீண்போகவில்லை என்றும் தெரிவித்துள்ளார்!

 

சென்னை: பிக்பாஸ் நிகழ்ச்சியில் கமல் ஒரு சைடாக நடந்து கொள்கிறார் என்று விமர்சித்த அனிதா சம்பத்தின் பேச்சுதான் இப்போது வைரல்.

பிக்பாஸ் நிகழ்ச்சியில் பேசியதையே மீண்டும் பேச முயன்றார் அனிதா சம்பத். ஆனால் இதை ஏற்கனவே சொல்லி விட்டீர்கள் என்று முற்றுப்புள்ளி வைத்தார் கமல்.

இதனால் கடுப்பான அனிதா சம்பத், கமல் ஒரு சார்பாக நடந்து கொள்கிறார். என்னைப் பேசவே விடவில்லை. முதல் வாரத்தில் இருந்தே இப்படிதான் செய்கிறார் என சனம் ஷெட்டியிடம் குற்றம் சாட்டினார்.

இதனைப் பார்த்த கமல் ரசிகர்கள் கோபமாகி திட்டித் தீர்க்கின்றனர். கடைசியில் தனக்கு ஸ்பேஸ் கொடுக்கவில்லை என அனிதா சம்பத் கமல் மீதே குற்றம்சாட்ட தொடங்கிவிட்டார் என விளாசி வருகின்றனர்.

சமூக வலைதளங்களில் # AnithaSampath என்ற ஹேஷ்டேக் ட்ரெண்டாகி வருகிறது.

ஜூலி கூட கமல் சாரை பற்றி குற்றம் சொல்லவில்லை. ஆனால் கமல் சாரையே விமர்சித்து விட்டு வேற லெவலுக்கு போய்விட்டீர்கள், என கடுமையாக சாடி வருகின்றனர்.

மேலும் அனிதாவின் கணவருக்கு கோயில்தான் கட்ட வேண்டும் என்றும் கூறி வருகின்றனர்!

 

மின்னல் வேகத்தில் தாக்கும் புதிய ஏவுகணை!
இந்தியா வெற்றி!

இந்தியாவின் ஒடிசா மாநிலம் பாலாசோரில் உள்ள பாதுகாப்பு மற்றும் ஆராய்ச்சி நிறுவனத்தின் தளத்தில் தரையில் இருந்து வான் இலக்கை துல்லியமாக தாக்கி அழிக்கும் விரைவுஏவுகணை பரிசோதனையை இந்தியா நடத்தியது.

ஏவிய பின்னர் மின்னல் வேகத்தில் இலக்கை தாக்கும் ஏவுகணை சோதனை வெற்றி என்று இந்தியா அறிவித்துள்ளது.

8 முறையாக நடைபெற்ற இந்த சோதனையில் ஏவப்பட்ட ஏவுகணை சுமார் மணிக்கு 5803 கிலோ மீட்டர் வேகத்தில் பாய்ந்து சென்று இலக்கைத் தாக்கியதாக செய்தி குறிப்பில் கூறப்பட்டுள்ளது.

இந்த ஏவுகணை அனைத்து காலநிலைகளிலும், அனைத்து இடங்களிலும் இருந்து ஏவக்கூடியது. லடாக் எல்லையில் இந்த ஏவுகணைகள் தயார் நிலையில் உள்ளது குறிப்பிடத்தக்கது!

 

4 கோடி கோவிட் தடுப்பூசிகள் தயார்!
இந்திய நிறுவனம் அறிவிப்பு!

புதுடெல்லி: இங்கிலாந்து நாட்டின் பிரபல ஆக்ஸ்போர்டு பல்கலைக்கழகமும், அஸ்ட்ரா ஜெனேகா என்ற மருந்து நிறுவனமும் இணைந்து கூட்டாக கோவிஷீல்டு என்ற தடுப்பூசியை உருவாக்கி உள்ளன.

இந்தியாவில் இந்தத் தடுப்பூசியை புனேயை சேர்ந்த சீரம் இன்ஸ்டிடியுட் தயாரித்து, வினியோகிக்கும் உரிமையைப் பெற்றுள்ளது.

தற்போது சீரம் இன்ஸ்டிடியுட்டும், இந்திய மருத்துவ ஆராய்ச்சி கவுன்சிலும் இந்தியாவில் 15 இடங்களில் கோவிஷீல்டு தடுப்பூசியின் 2-வது மற்றும் 3-வது கட்ட மருத்துவ பரிசோதனையை நடத்துகின்றன.

1,600 பேருக்கு இந்த மருத்துவப் பரிசோதனையை நடத்துவதற்கான பதிவு இப்போது முடிந்து விட்டது.

இந்தத் தடுப்பூசி குறித்து இந்திய மருத்துவ ஆராய்ச்சி கவுன்சில் கூறும்போது, “மருத்துவ பரிசோதனையின் நம்பிக்கைக்குரிய முடிவுகள், கோவிஷீல்டு தடுப்பூசி, கொரோனா வைரஸ் தொற்று நோய்க்கு யதார்த்தமான ஒரு தீர்வாக இருக்கக்கூடும் என்ற நம்பிக்கையை அளிக்கிறது. இந்தத் தடுப்பூசி இந்தியாவில் மனித பரிசோதனையில் மிகவும் மேம்பட்ட தடுப்பூசி ஆகும்” என தெரிவித்தது.

மேலும், “2-வது மற்றும் 3-வது கட்ட மருத்துவ பரிசோதனை முடிவுகளின் அடிப்படையில், இந்திய மருத்துவ ஆராய்ச்சி கவுன்சில் உதவியுடன் சீரம் இன்ஸ்டிடியுட், இந்தத் தடுப்பூசியை விரைவில் இந்தியாவில் கிடைக்கச்செய்யும். ஏற்கனவே இந்திய மருந்து கட்டுப்பாட்டு அமைப்பின் அபாயகரமான உற்பத்தி மற்றும் கையிருப்பு உரிமத்தின்கீழ் 4 கோடி டோஸ் தடுப்பூசியை சீரம் இன்ஸ்டிடியுட் ஏற்கனவே தயாரித்து முடித்துள்ளது” எனவும் இந்திய மருத்துவ ஆராய்ச்சி கவுன்சில் தெரிவிக்கிறது.

இங்கிலாந்தில் தயாரிக்கப்பட்டுள்ள இந்த தடுப்பூசியை இங்கிலாந்து, பிரேசில், தென் ஆப்பிரிக்கா, அமெரிக்கா ஆகிய நாடுகளும் பரிசோதித்து வருவது குறிப்பிடத்தக்கது.

இதற்கு மத்தியில் அமெரிக்காவின் நோவாவேக்ஸ் நிறுவனம், கோவோவேக்ஸ் என்ற தடுப்பூசியை உருவாக்கி உள்ளது.

இந்தத் தடுப்பூசியின் மருத்துவ வளர்ச்சிக்கும் சீரம் இன்ஸ்டிடியுட்டும், இந்திய மருத்துவ ஆராய்ச்சி கவுன்சிலும் ஒத்துழைக்கின்றன.

இந்தத் தடுப்பூசியின் இறுதிக்கட்ட பரிசோதனை தென் ஆப்பிரிக்காவிலும், இங்கிலாந்திலும் தொடங்கப்பட்டுள்ளது. சீரம் இன்ஸ்டிடியுட், நோவாவேக்ஸ் நிறுவனத்திடம் இருந்து தடுப்பூசி மருந்தையும், அதற்கான குப்பிகளையும் பெற்றுள்ளது. இவற்றைக் குப்பிகளில் நிரப்பும் பணி விரைவில் முடிக்கப்படும் என தெரிய வந்துள்ளது.

இந்தத் தடுப்பூசியின் 3-வது இறுதிக்கட்ட மருத்துவ பரிசோதனையும் இந்தியாவில் நடத்தப்படும்.

இதுபற்றி சீரம் இன்ஸ்டிடியுட்டின் தலைமை செயல் அதிகாரி பூனவாலா கூறுகையில், “கொரோனா வைரஸ் பெருந்தொற்றுக்கு எதிரான இந்தியாவின் போராட்டத்தை வலுப்படுத்துவதற்கு இந்திய மருத்துவ ஆராய்ச்சி கவுன்சில் முக்கிய பங்காற்றி உள்ளது. நோய் எதிர்ப்பு மற்றும் செயல்திறன் மிக்க தடுப்பூசியை உருவாக்குவதில் இந்தியாவை முன்னணியில் வைப்பதற்கு இந்த ஒத்துழைப்பு மேலும் உதவும்” என குறிப்பிட்டார்!

 

புதுடெல்லி:  இந்தத் தீபாவளி பண்டிகைக்கு அனைவரும் உள்நாட்டு பொருட்களையே வாங்குங்கள். ‘தீபாவளிக்கு உள்நாட்டு பொருட்கள்’ என்ற இந்த கோஷம் எங்கும் எதிரொலிக்க வேண்டும். உள்நாட்டு பொருட்கள் வாங்குவதால், உள்நாட்டு அடையாளம் வலுப்படுவதுடன், அப்பொருட்களை உற்பத்தி செய்பவர்களுக்கு தீபாவளி ஒளிமயமாகும்.

உள்நாட்டு பொருட்களுடன் தீபாவளி கொண்டாடும்போது, பொருளாதாரமும் வலுவடையும். எனவே, பெருமையுடன் உள்நாட்டு பொருட்களை வாங்குங்கள் என இந்திய பிரதமர் மோடி நேற்று அறிவித்துள்ளார்.

ஒவ்வொருவரும் உள்நாட்டு பொருட்களை வாங்கும்போது, அவை நன்றாக இருப்பதாக மற்றவர்களிடம் சொல்லுங்கள். அதன்மூலம் இந்த செய்தி பரவும்.

வெறும் விளக்கு மட்டுமல்ல, தீபாவளிக்கு என்னென்ன பொருட்களை பயன்படுத்துவீர்களோ, அவற்றை உள்நாட்டு பொருட்களாக வாங்கினால், அவற்றை தயாரிப்பவர்கள் மகிழ்ச்சி அடைவார்கள். அதற்காக ஏற்கனவே உள்ள பொருட்களை கங்கை ஆற்றில் வீசி எறிய வேண்டும் என்று அர்த்தம் அல்ல என்று மோடி தெரிவித்துள்ளார்!

 

சென்னை: ரஜினிகாந்த் அரசியலுக்கு வரவில்லை என்றால் தமிழகத்திற்குத்தான் நஷ்டம் என துக்ளக் இதழின் ஆசிரியர் குருமூர்த்தி தெரிவித்துள்ளார்.

செய்தி தொலைக்காட்சி ஒன்றுக்கு அவர் அளித்துள்ள நேர்காணலில் ரஜினிகாந்த் அரசியலுக்கு வந்தால் அவர் நிச்சயம் ஆட்சியைப் பிடிப்பார் என்றும், தமிழகத்தில் தற்போது மக்களை ஈர்க்கக் கூடிய தலைவர்கள் என்று யாருமில்லை எனக் குறிப்பிட்டார்.

தமிழகத்திற்கு நிறைய செய்ய வேண்டிய கடமை ரஜினிக்கு உள்ளதாகவும் அவர் மீது மக்கள் பெரியளவில் எதிர்பார்ப்பு வைத்திருப்பதாகவும் அவர் தெரிவித்தார். கடந்த 60 ஆண்டுகளாக தேசிய நீரோட்டத்தில் இருந்து தமிழகம் விலகியிருப்பதாகவும் ரஜினி வந்தால் இந்த நிலைமை மாறக்கூடும் எனவும் தெரிவித்தார்.

தமது நம்பிக்கை ஒரு போதும் பொய்யானதில்லை என்று கூறிய குருமூர்த்தி, ரஜினிகாந்த் முடிவு குறித்து தாம் கூறுவது சரியாக இருக்காது எனத் தெரிவித்தார்!


 

புதுடெல்லி: கிழக்கு லடாக்கில் இந்திய எல்லைக்குள் சீன படைகள் அத்துமீற முயன்றதால் ஏற்பட்ட மோதல் மற்றும் உயிரிழப்புகளால் கடந்த மே மாதம் முதல் இரு நாட்டு எல்லையில் பதற்றம் நீடித்து வருகிறது. இரு நாடுகளும் தலா 50 ஆயிரத்துக்கு மேற்பட்ட வீரர்களையும், ராணுவ தளவாடங்கள் மற்றும் ஆயுதங்களையும் குவித்துள்ளன. இந்த மோதலை தடுத்து பதற்றத்தை தணிப்பதற்கு இரு தரப்பிலும் தொடர் பேச்சுவார்த்தைகள் நடந்து வருகின்றன. குறிப்பாக ராணுவ அதிகாரிகள் மட்டத்திலான பேச்சுவார்த்தை தொடர்ந்து நடந்து வருகிறது. அந்தவகையில் கடந்த மாதம் வரை 7 கட்ட பேச்சுவார்த்தைகள் நடத்தப்பட்டன.

இதைத்தொடர்ந்து இரு நாட்டு ராணுவ அதிகாரிகள் மட்டத்திலான 8-வது சுற்று பேச்சுவார்த்தை கடந்த 6-ஆம் தேதி நடந்தது. லடாக்கின் சுசுல் பகுதியில் நடந்த இந்த பேச்சுவார்த்தையில் இந்திய தரப்புக்கு 14-வது படைப்பிரிவு கமாண்டர் லெப்டினன்ட் ஜெனரல் பி.ஜி.கே. மேனன் தலைமை தாங்கினார். வெளியுறவுத்துறை அதிகாரி நவீன் ஸ்ரீவத்சவாவும் இந்த பேச்சுவார்த்தையில் பங்கேற்றார்.

இந்த சந்திப்பின்போது எல்லையில் இருதரப்பும் படைகளை விலக்குவது குறித்து ஆலோசனை நடத்தப்பட்டன. குறிப்பாக அங்கு சர்ச்சைக்குரிய பகுதிகள் அனைத்தில் இருந்தும் படைகளை வாபஸ் பெறுமாறு இந்தியா வலியுறுத்தியது.

இந்த பேச்சுவார்த்தையை தொடர்ந்து இந்தியா-சீனா சார்பில் கூட்டறிக்கை ஒன்று வெளியிடப்பட்டது. அதில், ‘இந்தியா-சீனா இடையே மேற்கு செக்டாரில், அசல் எல்லைக்கட்டுப்பாட்டுக்கோடு பகுதியில் இருந்து படைகளை வாபஸ் பெறுவது தொடர்பாக இருதரப்பும் நேர்மையான, ஆழமான மற்றும் ஆக்கபூர்வமான முறையில் கருத்துகளை பரிமாறிக்கொண்டன. இரு நாட்டு தலைவர்களுக்கு இடையே எட்டப்பட்டு இருந்த ஒருமித்த முடிவுகளை ஆர்வமாக அமல்படுத்த இருதரப்பும் ஒப்புக்கொண்டன. மேலும் எல்லையில் எந்தவித தவறான புரிந்துணர்வு, தவறான கணக்கீடுகள் ஏற்படுவதை தவிர்க்கவும், தங்கள் முன்கள படையினர் கட்டுப்பாட்டுடன் நடந்து கொள்வதை உறுதி செய்யவும் இருநாடுகளும் ஒப்புக்கொண்டன’ என்று கூறப்பட்டு உள்ளது.

இதைப்போல ராணுவம் மற்றும் தூதரகம் வழியாக பேச்சுவார்த்தைகளை தொடர இரு நாடுகளும் ஒப்புக்கொண்டதாகவும், மேற்படி கூட்டத்தில் மேற்கொள்ளப்பட்ட விவாதங்களை முன்னெடுத்துச் சென்று நீண்டகால பிரச்னைகளுக்கு தீர்வு காணவும், எல்லையில் அமைதி மற்றும் நிலைத்தன்மையை பராமரிக்கவும் முடிவு செய்ததாகவும் அந்த கூட்டறிக்கையில் குறிப்பிடப்பட்டு உள்ளது!

பின்னணி பாடகரும் பிரபல நடிகருமான திரு. எஸ்.பி. பாலசுப்பிரமணியம் அவர்கள் கடந்த செப்டம்பர் மாதம் 25-ஆம் தேதி காலமானார்.

நடிகர் கமல் ஹாசனுக்கும் பாடகர் எஸ்.பி.பி-க்கும் இடையிலான உறவு பல ஆண்டுகளைக் கடந்தவை. அந்த உறவிற்கு மரியாதை சேர்க்கும் வகையில் எஸ்.பி.பி, கமலின் ஒவ்வொரு பிறந்தநாள் அன்றும் அவருக்கு நேரில் அல்லது தொலைபேசி மூலமாகவோ வாழ்த்தை கூறி விடுவாராம்.

அப்படி கடைசியாக எஸ்.பி.பி கூறிய வாழ்த்துச் செய்தியை ஆடியோவாக வைத்துள்ள கமல் ஹாசன் அதனை பிக் பாஸ் மேடையில் போட்டுக் காட்டினார்.

அப்போது தம்பி என்று கமல் ஹாசனை எஸ்.பி.பி கூறும் பொழுது  கமல்  கண்கலங்கி விட்டார். மேலும் போட்டியாளர்களும் எஸ்.பி.பியின் குரலை கேட்டவுடன் கண்கலங்கத் துவங்கிவிட்டனர்!

அகில இந்திய தளபதி விஜய் மக்கள் இயக்கம் என்ற பெயரில் அரசியல் கட்சி ஆரம்பிக்கப்பட்டுள்ளது. அதில் பொதுச் செயலாளர் என்ற இடத்தில் விஜய் தந்தை எஸ்.ஏ.சந்திரசேகரின் பெயரும், பொருளாளர் என்ற இடத்தில் தாயார் ஷோபா பெயரும் இடம்பெற்றிருந்தது.


இதனால் விஜய் அரசியல் கட்சி ஆரம்பித்துவிட்டதாகத் தகவல் பரவ, அக்கட்சிக்கும் தனக்கும் எவ்வித சம்பந்தமுமில்லை என மறுத்த விஜய், தனது பெயர், புகைப்படம் உள்ளிட்டவற்றை பயன்படுத்தினால் நடவடிக்கை எடுக்கப்படும் என எச்சரித்தார். இதுதொடர்பாக எஸ்.ஏ.சந்திரசேகரும் விளக்கம் அளித்திருந்தார்.

இந்த நிலையில் சென்னையில் ஒரு தனியார் தொலைக்காட்சிக்கு நேற்று (நவம்பர் 6) பேட்டியளித்த விஜய்யின் தாயார் ஷோபா சந்திரசேகர், “என்னிடம் ஒரு மாதத்திற்கு முன்பு அசோசியேஷன் ஒன்று ஆரம்பிக்கவுள்ளதால் கையெழுத்து வேண்டும் என்று எஸ்.ஏ.சி கேட்டார். சரி நல்ல விஷயம்தானே என்று நானும் கையெழுத்திட்டேன். ஒரு வாரத்திற்கு முன்பு மீண்டும் கையெழுத்து கேட்டபோது, அது கட்சி ஆரம்பிக்கத்தான் என்பதை புரிந்துகொண்டேன். விஜய்க்குத் தெரியாமல் செய்வதால் அதில் கையெழுத்திடமாட்டேன் எனத் தெரிவித்துவிட்டேன். முதலில் நான் போட்ட கையெழுத்தையும் வாபஸ் வாங்கிக் கொள்கிறேன்” என்று தெரிவித்துள்ளார்.

அரசியல் கட்சி தொடர்பாக மீடியாக்களில் பேச வேண்டாம் என பலமுறை விஜய் சொல்லியும் கேட்காமல் எஸ்.ஏ.சி பேசிக்கொண்டு இருக்கிறார். அதனால் விஜய் இப்போது அவரிடம் பேசுவதில்லை என்று கூறினார் ஷோபா.

விஜய் அரசியலுக்கு வருவது தொடர்பாக அவர்தான் சொல்ல வேண்டும் என்றவர், “கட்சியின் பொருளாளர் பதவியில் இருந்து ஏற்கனவே விலகிவிட்டேன்” என்றும் விளக்கம் அளித்துள்ளார்!

தற்போது கமல் வழங்கி வரும் பிக்பாஸ் 4  நிகழ்ச்சியில், இது வரைக்கும் பொதுவான கருத்துகளுடன் நிகழ்ச்சியை நடத்தி வந்த கமல்ஹாசன் இப்போது அரசியல் மேடையாக அதைப் பயன்படுத்தி வருவது கண்கூடாகத் தெரிகிறது.

கொஞ்சம் கொஞ்சமாக தனது கட்சி பிரச்சார களமாக மாற்றி வருகிறார் மேடையை. தனது உடையில் அவரது அரசியல் கட்சியான மக்கள் நீதி மய்யத்தின் லோகோ அணிந்து பங்கேற்றார் அன்மையில். இது சர்ச்சையை கிளப்பியது. பொதுவான நிகழ்ச்சியல் கமல் தன் கட்சியை புகுத்துவதா என்ற கேள்வி எழுந்தது.

 

இதுப்பற்றி பத்திரிகையாளர் கேட்ட கேள்விக்கு பதிலளித்த கமல், இந்தக் கேள்வியை என்னிடம் மட்டுமே கேட்கிறீர்களே ஏன்? நான் என்ன புதிதாகச் செய்து விட்டேன். நான் ஆணையிட்டால் அது நடந்து விட்டால் என்று எம்.ஜி.ஆர் திரைப்படத்தில் தன் கட்சிக் கொள்கையைச் சொல்லவில்லையா. அந்த படம்கூட எம்.ஜி.ஆர் பிக்சர்ஸ் தயாரிக்கவில்லை. நாகிரெட்டி தயாரித்தது. அண்ணாத்துரை தனது சினிமாவில், நாடகத்தில் அரசியல் பேசவில்லையா? அதுபோலத்தான் இதுவும். எனக்கு கிடைத்த மேடைகளில் எனது கட்சியை மக்களிடம் கொண்டு செல்கிறேன். கொள்கையை கொண்டு செல்கிறேன். இனி கிடைக்கிற ஒவ்வொரு நிகழ்ச்சியிலும், மேடையிலும் இதைச் செய்வேன் என்று கூறியுள்ளார்!

புதுடெல்லி: பப்ஜி விளையாட்டிற்கு இந்தியாவில் தடை விதித்து கடந்த மாதம் இந்திய அரசு உத்தரவு பிறப்பித்திருந்தது. ஆனால் பிற சீன ஆப்களைப் போல் இல்லாமல் ஏற்கனவே ப்பஜி ஆப்ஸை தனது மொபைல் மற்றும் கணினியில் பதிவிறக்கம் செய்து வைத்தவர்கள் அதனைத் தொடர்ந்து  உபயோகித்து வந்தனர்.

இந்தியாவில் மட்டும் பப்ஜி விளையாட்டில் சுமார் 5 கோடி பேர் ஆக்டிவ் பயனாளிகளாக இருந்தனர். ப்பஜி விளையாட்டிற்கு அடிமையானவர்கள் தற்கொலை செய்துகொள்ளும் சம்பவங்கள் அதிகரித்து வந்த நிலையில், மீண்டும் பப்ஜி விளையாட்டை இந்தியாவிற்குள் கொண்டு வரும் முயற்சியில் தென் கொரிய நிறுவனம் ஈடுபட்டதாகக் கூறப்பட்டது.

இந்நிலையில்,  இன்று முதல் இந்தியாவில் உள்ள பயனாளிகளுக்கான அனைத்து சேவைகளும் நிறுத்தப்படும்  என பப்ஜி  மொபைல் அப் கேம் நிறுவனம் தெரிவித்துள்ளது!

இன்று வெளியான பிக் பாஸ் புரோமோ வீடியோவில் பாடகி சுசித்ரா பிக்பாஸ் வீட்டுக்குள் நுழையும் காட்சிகள் உள்ளன.

இந்த சீசன் குறித்து கமல்ஹாசனிடம் சுசித்ரா கூறும்போது, ‘ஒவ்வொரு சீசனை விட இந்த தடவை போட்டி ரொம்ப கடுமையாக இருப்பது போல் எனக்குத் தோன்றுகிறது என்று கூறி பிக்பாஸ் வீட்டுக்குள் செல்கிறார் சுசித்ரா.

சுசித்ராவின் வருகையை அனைவரும் மகிழ்ச்சியுடன் வரவேற்கும் நிலையில், அர்ச்சனாவிற்கு ஏதோ வருத்தம் போல் தெரிகிறது. ஏற்கனவே அர்ச்சனா குழுவினருக்கு எதிராக ஆரி தலைமையில் ஒரு குரூப் தோன்றிவிட்டதாக கூறப்படும் நிலையில், சுசித்ராவின் ஆட்டம் எப்படி இருக்கும் என்பதைப் பார்ப்பதற்காக காத்திருக்கின்றனர் மக்கள்!






 

சென்னை: தமிழக வேளாண்துறை அமைச்சராக இருந்து வந்தவர், துரைக்கண்ணு. இவர் கொரோனா தொற்றால் பாதிக்கப்பட்டார்.

சென்னை தனியார் மருத்துவமனையில் சிகிச்சையில் இருந்த அவர், நேற்று நள்ளிரவு 11.15 மணிக்கு மரணம் அடைந்தார். அவருக்கு வயது 71.

அமைச்சர் துரைக்கண்ணு, முதல்-அமைச்சர் எடப்பாடி பழனிசாமியின் தாயார் மறைவுக்கு அஞ்சலி செலுத்துவதற்காக கடந்த மாதம் 13-ந்தேதி காரில் சேலம் புறப்பட்டார். அப்போது திடீரென அமைச்சர் துரைக்கண்ணுவுக்கு மூச்சுத் திணறல் ஏற்பட்டது. இதையடுத்து அவர் உடனடியாக விழுப்புரம் அரசு மருத்துவமனைக்கு அழைத்துச் செல்லப்பட்டார். அங்கு முதற்கட்ட சிகிச்சை அளிக்கப்பட்டது.

இதையடுத்து அமைச்சர் துரைக்கண்ணு மேல் சிகிச்சைக்காக, சென்னை ஆழ்வார்பேட்டையில் உள்ள தனியார் மருத்துவமனையில் அனுமதிக்கப்பட்டார். அங்கு அவருக்கு கொரோனா பரிசோதனை மேற்கொள்ளப்பட்டது. இந்தப் பரிசோதனையின் முடிவில் அவருக்கு கொரோனா நோய் தொற்று இருப்பது தெரியவந்தது. இதையடுத்து அவருக்கு அங்கு தொடர்ந்து தீவிர சிகிச்சை அளிக்கப்பட்டு வந்தது.

இதனையடுத்து அமைச்சர் துரைக்கண்ணுவுக்கு நுரையீரலில் 50 சதவீதம் தொற்று இருப்பது தெரியவந்தது. இதனால், திடீரென அவருக்கு மூச்சுத்திணறல் அதிகரித்ததால், செயற்கை சுவாசம் மற்றும் எக்மோ கருவி மூலம் தொடர்ந்து சிகிச்சை அளிக்கப்பட்டு வந்தது.

இந்த நிலையில் அவரது உடல்நிலை மேலும் மோசம் அடைந்ததாக மருத்துவமனை நிர்வாகம் தெரிவித்த நிலையில் நேற்று இரவில் அவர் சிகிச்சை பலனின்றி மரணம் அடைந்தார். அவரது மறைவுக்கு பல்வேறு கட்சியினரும் இரங்கல் தெரிவித்து வருகிறார்கள்!


கொரோனா தடுப்பூசி வரும்வரை நடிகர் ரஜினிகாந்த் அரசியல் கட்சித் தொடங்கப்போவதில்லை என சமீபத்தில் அறிக்கை வெளியானது. அந்த அறிக்கையில் உடல்நிலை காரணமாக சுற்றுப் பயணங்களை தவிர்க்கவும், மக்களைச் சந்தித்து அரசியலில் ஈடுபடுவதைத் தவிர்க்கவும் ரஜினியை மருத்துவர்கள் அறிவுறுத்தியதாகத் தெரிவிக்கப்பட்டிருந்தது.

இந்த நிலையில் நடிகர் ரஜினிகாந்த், 'எனது பெயரில் சமூக ஊடகங்களில் பரவுவது என் அறிக்கை அல்ல; ஆனால் எனது உடல்நிலை குறித்து வெளியான தகவல் உண்மையே' என்று விளக்கமளித்துள்ளார்.

இது தொடர்பாக நடிகர் ரஜினிகாந்த் தனது அதிகாரப்பூர்வ ட்விட்டர் பக்கத்தில் அறிக்கை வெளியிட்டுள்ளார். அந்த அறிக்கையில் "என் அறிக்கை போல ஒரு கடிதம் சமூக வலைதளங்களிலும், ஊடகங்களிலும் தீவிரமாகப் பரவிக் கொண்டு வருகிறது. அது என்னுடைய அறிக்கை அல்ல என்பது அனைவருக்கும் தெரியும். இருப்பினும் அதில் வந்திருக்கும் என் உடல்நிலை மற்றும் எனக்கு மருத்துவர்கள் அளித்த அறிவுரைகள் குறித்த தகவல்கள் அனைத்தும் உண்மை.

இதைப் பற்றி தகுந்த நேரத்தில் என் 'ரஜினி மக்கள் மன்ற' நிர்வாகிகளோடு கலந்தாலோசித்து எனது அரசியல் நிலைப்பாட்டைப் பற்றி மக்களுக்குத் தெரிவிப்பேன்" என்று குறிப்பிட்டுள்ளார்!
 

 


 

விஜய் திடீர் என விஜய் மக்கள் மன்ற நிர்வாகிகளுடன், சந்தித்துப் பேசியுள்ளதால் விரைவில் அவர் அரசியலில் குதிக்கலா. என்கிற சந்தேகத்தை எழுப்பியுள்ளது.

விஜய் மக்கள் இயக்கம் என்ற அமைப்பு கடந்த சில ஆண்டுகளாக தமிழகத்தில் இயங்கி வருகிறது. இந்த இயக்கம் விரைவில் அரசியல் கட்சியாக மாறும் என்று கூறப்பட்டு வருகிறது.

இந்த நிலையில் சென்னையில் நடிகர் விஜய் தனது அலுவலகத்தில் நேற்று திடீரென  மக்கள் இயக்கத்தின் நிர்வாகிகளுடன் ஆலோசனை நடத்தியதாகச் செய்திகள் வெளியாகி உள்ளது

முதல்கட்டமாக மதுரை, திருச்சி, குமரி மாவட்ட விஜய் மக்கள் இயக்க நிர்வாகிகளை நேற்று விஜய் சந்தித்ததாகவும் இது குறித்த புகைப்படங்களும் சமூக வலைத்தளத்தில் வெளியாகி வைரலாகி வருகிறது.

<தமிழகத்தில் சட்டமன்ற தேர்தலுக்கு இன்னும் ஒரு சில மாதங்களே இருக்கும் நிலையில், விஜய் மக்கள் இயக்க நிர்வாகிகளுடன் விஜய் ஆலோசனை நடத்தி இருப்பது பெரும் பரபரப்பை ஏற்படுத்தியுள்ளது.

கடந்த சில வருடங்களாகவே விஜய் தன்னுடைய திரைப்படங்களில் மட்டும் அல்லாமல், ஆடியோ ரிலீஸ் நிகழ்ச்சிகளில் கூட அரசியல் பேசி இருந்தார் என்பது குறிப்பிடத்தக்கது!

நடிகர் ரஜினிகாந்த் அரசியலுக்கு வருவது உறுதி என கூறிய நாள் முதலே கடுமையாக எதிர்த்து வருபவர் நாம்தமிழர் கட்சி ஒருங்கிணைப்பாளர் சீமான். தமிழகத்தை தமிழன் தான் ஆள வேண்டும் எனவும் கூறி ரஜினிக்கு எதிர்ப்புத் தெரிவித்து வருகிறார். 

சீமானின் கருத்துக்குப் பல்வேறு தரப்பினர் ஆதரவு தெரிவிக்கின்றனர். ஆனால் அவரது ரசிகர்கள் சீமானுக்கு எதிராக விமர்சனம் செய்து வருகின்றனர். இந்நிலையில் அண்மையில் நான் அரசியலுக்கு வந்தாலும் முதலமைச்சர் வேட்பாளராக வேறு ஒருவரை தான் அறிவிப்பேன் என ரஜினிகாந்த் கூறியிருந்தார். இதற்கு சீமான் ஆதரவு அளித்துள்ளார். 

சென்னை அம்பத்துரில் செய்தியாளர்களைச் சந்தித்த சீமான், நடிகர் ரஜினிகாந்த் அரசியலுக்கு வரவேண்டாம் என கேட்டு கொண்டார். புகழ்ச்சியை மட்டுமே பார்த்த ரஜினிகாந்தால் தாங்கள் சந்திப்பது போன்ற அவச்சொற்களை தாங்க முடியாது என்றும் சீமான் குறிப்பிட்டார்.

நன்றாகப் புத்தகம் படியுங்கள், இமயமலை செல்லுங்கள், பேரன் பேத்தியுடன் விளையாடுங்கள்., அரசியலுக்கு வந்தால் களத்தில் இறக்கி விட்டவர்களே வசைபாடுவார்கள் என ரஜினி காந்திற்கு சீமான் அறிவுரை வழங்கினார். 

வேறு ஒருவரை முதலமைச்சராக அறிவிப்பேன் என அறிவித்ததில் இருந்து ரஜினியுடனான முரண்பாடு நீங்கி விட்டதாகவும்  சீமான் தெரிவித்துள்ளார். 

(வெற்றி விக்டர்)

'பிக் பாஸ் சீசன் 4' நேற்று  தொடங்கப்பட்ட நிலையில்... யார் போட்டியளார்கள் என ரசிகர்கள் காத்திருந்த  தருணத்தில், தமிழைக் காக்கவும், தமிழ் எழுத்தாளர்களை ஊக்குவிக்கவும இந்தத் தலைமுறையினரிடம் வாசிக்கும் பழக்கத்தை உயிர்ப்பிக்கவும் உலக நாயகன் கமல் ஹாசன் எடுத்துள்ள முயற்சி பாராட்டுக்குரியது.

அதிலும்  வாரம் ஒரு புத்தகத்தை மக்களுக்கு அறிமுகப்படுத்தவுள்ளதாக  கமல் ஹாசன் கூறியுள்ளது உண்மையில் எழுத்துத் துறையினரை ஊக்கப்படுத்தும்.

மலேசியாவிலும்  நிறையபேர் 'பிக் பாஸ்'  நிகழ்ச்சியைக் கண்டுக்களிக்கின்றனர். இந்த நவீன தொழில்நுட்பம் இங்கு  உள்ள மக்களிடையிலும் வாசிப்புப் பழக்கத்தை குறைத்துவிட்டது. பல எழுத்தாளர்களின் எழுத்தும் வாசகர் இன்றி  மெலிந்து விட்டது. வாசிப்புப் பழக்கம் அவசியமானது.  அதை வளர்ப்போம் எழுத்துத் துறையைக் காப்போம்!

 

சென்னை: மறைந்த பாடகர் எஸ்.பி.பாலசுப்பிரமணியத்தின் உடல் சென்னை செங்குன்றத்தை அடுத்த தாமரைப்பாக்கத்தில் உள்ள அவருடைய பண்ணை இல்ல வளாகத்தில் வைக்கப்பட்டு, அவரது குடும்பத்தினர் சார்பில் அங்கு இறுதிச் சடங்குகள் செய்யப்பட்டன. பல்வேறு ஊர்களில் இருந்து வந்திருந்த அவரது ரசிகர்கள் எஸ்.பி.பாலசுப்பிரமணியத்திற்கு கண்ணீர் அஞ்சலி செலுத்தினர்.

திரைத்துறையைச் சேர்ந்த பிரபலங்கள், பாடகர்கள் மற்றும் அரசியல் பிரமுகர்கள் பலர் நேரில் வந்து எஸ்.பி.பி. உடலுக்கு அஞ்சலி செலுத்தினர். மேலும் எஸ்.பி.பி.யின் புகழுக்கு பெருமை சேர்க்கும் வகையில், காவல்துறை மரியாதையுடன் அவரது உடல் அடக்கம் செய்யப்படும் என்று முதல்வா் எடப்பாடி பழனிசாமி நேற்று அறிவித்திருந்தார்.

அதன்படி குடும்பத்தினரின் இறுதிச்சடங்குகள் நிறைவு பெற்ற பிறகு, காவல்துறை சார்பில் அரசு மரியாதை செலுத்துவதற்கான ஏற்பாடுகள் செய்யப்பட்டன. இதற்கிடையில் எஸ்.பி.பி.யின் பண்ணை தோட்டத்தில் அவரது உடலை புதைப்பதற்கான முன்னேற்பாடுகள் நேற்று தொடங்கி நடைபெற்று வந்தது. நடிகர் விஜய் நேரில் வந்து எஸ்.பி.பியின் உடலுக்கு அஞ்சலி செலுத்தினார்.

எஸ்.பி.பி.யை இறுதியாக ஒருமுறை காண்பதற்காக வந்திருந்த அவரது ரசிகர்கள், அவரது உடலை, காவல்துறை அணிவகுப்புடன் சுமந்து சென்ற போது, எஸ்.பி.பி.யின் புகழை போற்றும் விதமாக முழக்கங்கள் எழுப்பியபடி சென்றனர். 

இதன் பின்னர் காவல்துறை சார்பில், 24 போலீசார் 3 முறை குண்டுகளை முழங்க அரசு மரியாதையுடன், அவரது உடல் நல்லடக்கம் செய்யப்பட்டது!

 

பின்னணிப் பாடகர் எஸ்.பி.பாலசுப்பிரமணியம், கடந்த ஆகஸ்ட் 5- ஆம் தேதி சென்னையில் உள்ள தனியார் மருத்துவமனையில், கரோனா தொற்று காரணமாக தீவிர சிகிச்சை பெற்றுவந்த நிலையில், நேற்று (25.09.2020) மதியம் 1.04 மணிக்கு சிகிச்சை பலனின்றி காலமானார். இதனால் அவரது ரசிகர்கள் பெரும் சோகத்தில் மூழ்கினர். இந்நிலையில் பொதுமக்கள் அஞசலிக்காக அவரது உடல் நுங்கம்பாக்கத்தில் இருக்கும் அவரின் இல்லத்தில் வைக்கப்பட்டது.

திருவள்ளூர் அருகே உள்ள தாமரைப்பாக்கத்தில் அவருக்கு சொந்தமான இடத்தில் அவரின் உடல் இன்று (26.09.2020) நல்லடக்கம் செய்யப்படும் என்று அவர் குடும்பத்தினர் தெரிவித்திருந்தனர். இதற்காக நேற்று இரவு அவரது உடல் தாமரைப்பாக்கத்திற்கு எடுத்துச்செல்லப்பட்டது. தாமரைப்பாக்கத்தில் அவரின் பண்ணை வீட்டில் அவரது உடல் காவல்துறை மரியாதையுடன் நல்லடக்கம் செய்யப்படுகிறது.

அங்கேயும் ஏராளமான பொதுமக்களும் ரசிகர்களும் அஞ்சலி செலுத்தினர். பின் அவரது இறுதிசடங்கு நடைபெறும்போது பொதுமக்கள் அனுமதி நிறுத்தப்பட்டது.

இந்த இறுதிசடங்கில் குடும்பத்தினரும் உறவினர்களும் கலந்துக்கொண்டனர். அவரது உடல் நல்லடக்கம் செய்வதற்கான பணிகள் தற்போது நடந்துவருகிறது!

 


 

 

பாடகர் எஸ்பி பாலசுப்ரமணியம் மறைவுக்கு முன்னணி நட்சத்திரங்கள் பலரும் உருக்கமான இரங்கல் தெரிவித்து வருகிறார்கள்.

கவிஞர் வைரமுத்து எஸ்பிபி பாடிய பல ஹிட் பாடல்களுக்கு வரிகள் எழுதியவர். இந்நிலையில் எஸ்பிபி மறைவுக்கு கண்ணீருடன் அவர் தமது இரங்கலைப் பதிவு செய்துள்ளார்.

ஆயிரம் காதல் கவிதைகள்
பாடிய உனக்குக்
கண்ணீர்க் கவிதை வடிக்க
வைத்துவிட்டதே காலம்;
இசையை இழந்த மொழியாய்
அழுகிறேன்....
என வைரமுத்து டுவிட்டரில் இரங்கல் தெரிவித்த்துள்ளார்.

மறைந்தனையோ மஹா கலைஞனே
சுரப்பதை நிறுத்துக்கொண்டதா
உன் தொண்டை அமுதம்

காற்றுவெளியை கட்டிப்போட்ட உன் நாவை ஒட்டிப்போட்டதா உன் மரணப் பசை
பாட்டுக் குயில் போனதென்று
காட்டுக் குயில்கள் கதறுகின்றன

ஒளிப்பதிவுக் கூடங்கள் எல்லாம்
ஓசை கொன்று எழுந்து நின்று,
மௌனம் அனுஷ்டிக்கின்றன.

மனிதகுலத்தின் அரை நூற்றாண்டின் மீது ஆதிக்கம் செலுத்தியவனே

மண் தூங்க பாடினாய், மலர் தூங்க பாடினாய் கண் தூங்க பாடினாய், கடல் தூங்க பாடினாய் நீ தூங்க ஒரு தாலாட்டை யார் பாடியது?

எனத் துவங்கி கலங்கியபடி  கண்ணீர் கவிதை யாத்திருக்கிறார் கவிப்பேரரசு!

சென்னை, செப் 25: உடல்நலம் பாதிக்கப்பட்டு சிகிச்சை பெற்றுவந்த பாடகர் எஸ்.பி.பாலசுப்ரமணியம் இன்று சிகிச்சை பலனின்றி உயிரிழந்தார்.

புகழ்பெற்ற சினிமா பின்னணி பாடகர் எஸ்.பி.பாலசுப்ரமணியம் கடந்த ஆகஸ்ட் 5-ந்தேதி கொரோனா தொற்றினால் பாதிக்கப்பட்டு சென்னையில் உள்ள தனியார் ஆஸ்பத்திரியில் சிகிச்சைக்காக அனுமதிக்கப்பட்டார். அனுமதிக்கப்பட்ட சில நாட்களில் அவரது உடல்நிலை மோசம் அடைந்தது. இதனால் அவரை அவசர சிகிச்சை பிரிவுக்கு மாற்றி செயற்கை சுவாச கருவிகள் பொருத்தி சிகிச்சை அளித்தனர். தொடர்ந்து அவருக்கு தீவிர சிகிச்சை அளிக்கப்பட்டு வந்தது.

பின்னர் படிப்படியாக உடல்நிலை தேறி வந்த நிலையில், நேற்று அவர் மிகவும் கவலைக்கிடமாக இருப்பதாக மருத்துவமனை அறிக்கை வெளியிட்டது.

இந்நிலையில், கடந்த 51 நாட்களாக ஆஸ்பத்திரியில் சிகிச்சை பெற்றுவந்த எஸ்.பி.பி. இன்று பிற்பகல் 1.04 மணிக்கு காலமானதாக இயக்குனர் வெங்கட் பிரபு டுவிட்டரில் பதிவிட்டுள்ளார்.

அவரது மறைவு திரையுலகினரிடையே பெரும் சோகத்தை ஏற்படுத்தி உள்ளது.

எஸ்.பி.பாலசுப்ரமணியம், கடந்த 1946-ம் ஆண்டு ஆந்திர மாநிலம் நெல்லூரில் பிறந்தார். பாடகர், இசையமைப்பாளர், நடிகர், தயாரிப்பாளர் என பன்முகத்திறமை கொண்டவர். எஸ்.பி.பி. நாற்பதாயிரத்துக்கும் மேற்பட்ட பாடல்களை பாடி கின்னஸ் சாதனை படைத்துள்ளார். பலமுறை தேசிய விருதும் வென்றுள்ளார்!

பிரபல பாடகர் எஸ்.பி. பாலசுப்ரமணியத்திற்கு கடந்த ஆகஸ்ட் 5-ஆம் தேதி கொரோனா தொற்று உறுதி செய்யப்பட்டது. இதையடுத்து சென்னையில் உள்ள தனியார் மருத்துவமனையில் அனுமதிக்கப்பட்டார்.

சிகிச்சைக்கு நல்லபடியாக ஒத்துழைத்து வந்த அவருடைய உடல்நிலை ஆகஸ்ட் 14-ஆம் தேதி மோசமடைந்தது.

பின்னர் வென்டிலேட்டர் மற்றும் எக்மோ கருவிகள் மூலம் எஸ்பிபிக்குத் தீவிர சிகிச்சை அளிக்கப்பட்டு வந்தது. சில நாட்களில் கொரோனாவில் இருந்து மீண்டார். உடல் நிலையில் முன்னேற்றம் இருப்பதாக அவரது மகன் சில தினங்களுக்கு முன்பு கூறினார்.

தற்போது எஸ்.பி.பாலசுப்பிரமணியம் உடல்நிலையில் திடீர் பின்னடைவு ஏற்பட்டுள்ளது என்றும், மிகவும் கவலைக்கிடமாக இருப்பதாகவும் மருத்துவமனை அறிக்கை வெளியிட்டுள்ளது!


பிக் பாஸ் நிகழ்ச்சியின் 4-வது சீசன் அடுத்த மாதம் துவங்கவிருக்கிறது. நிகழ்ச்சி துவங்கும் நாள் குறித்து இன்னும் அதிகாரப்பூர்வ அறிவிப்பு வெளியாகவில்லை. இந்நிலையில் பிக் பாஸ் 4 நிகழ்ச்சியில் இவர்கள் தான் கலந்து கொள்ளப் போகிறார்கள் என்று கூறி சிலரின் பெயர்கள் சமூக வலைதளங்களில் வலம் வந்து கொண்டிருக்கிறது.

விஜய்யின் பிகில் படத்தில் தென்றலாக நடித்த அம்ரிதா ஐயர் பிக் பாஸ் 4 நிகழ்ச்சியில் கலந்து கொள்ளப் போவதாகப் பேச்சு கிளம்பியுள்ளது.
சிலரோ, அம்ரிதா சும்மா நம்மிடம் விளையாடுகிறார். பிக் பாஸ் வீட்டிற்கு அவர் செல்லவில்லை. சஸ்பென்ஸ் என்று சொல்லி நம்மை எல்லாம் ஏமாற்றப் பார்க்கிறார் என்று தெரிவித்துள்ளனர். இதற்கிடையே லக்ஷ்மி மேனன் பிக் பாஸ் 4 வீட்டிற்கு செல்வதாக கூறப்படுகிறது. இதை அவர் உறுதி செய்யவில்லை.
குண்டானதால் கொஞ்சம் ஓய்வு எடுத்த லக்ஷ்மி மேனன் தன் உடல் எடையை வெகுவாக குறைத்து ஸ்லிம்மாகிவிட்டார். மீண்டும் படங்களில் நடிக்க வந்திருக்கும் லக்ஷ்மி மேனன் பிக் பாஸ் வீட்டிற்கு செல்வது சந்தேகம் தான் என்று அவருக்கு நெருக்கமானவர்கள் தெரிவித்துள்ளனர்.

பிக் பாஸ் 4 நிகழ்ச்சியில் ரியோ ராஜ் கலந்து கொள்கிறார் என்றும் சமூக வலைதளங்களில் பேசப்படுகிறது. இதற்கிடையே சிலர் சாண்டி மாஸ்டரையும், வனிதா விஜயகுமாரையும் மீண்டும் பிக் பாஸ் வீட்டிற்கு அழைத்து வருமாறு நிகழ்ச்சி ஏற்பாட்டாளர்களுக்கு கோரிக்கை விடுத்துள்ளனர். சாண்டி மாஸ்டர் வந்தால் பொழுது போகும், வனிதா அக்காவை அழைத்து வந்தால் பிக் பாஸ் வீடு தீயாக இருக்கும் என்று தெரிவித்துள்ளனர்.

டிக்டாக் புகழ் இலக்கியா, பகல் நிலவு தொடர் புகழ் ஷிவானி, விஜே மணிமேகலை, புகழ் ஆகியோர் பிக் பாஸ் 4 நிகழ்ச்சியில் கலந்து கொள்ளப் போவதாகக் கூறப்படுகிறது. அதிகாரப்பூர்வ பட்டியில் வெளியாகும் வரை இது போன்று யார் பெயராவது அடிபட்டுக் கொண்டே இருக்கும் என்பது குறிப்பிடத்தக்கது!

திருவனந்தபுரம்: கேரளாவின் பத்தனம்திட்டா மாவட்டத்தை சேர்ந்த ஒரு தாயும், அவரது 19 வயது மகளும் கொரோனா தொற்றால் பாதிக்கப்பட்டு இருந்தனர். அவர்கள் அடூரில் உள்ள மருத்துவமனையில் சிகிச்சைக்காக அனுமதிக்கப்பட்டு இருந்தனர். பின்னர் அந்த இளம்பெண்ணை அங்குள்ள கொரோனா சிகிச்சை மையத்துக்கு மருத்துவர்கள் நேற்று முன்தினம் மாற்றினர்.

இதற்காக அவர் ஆம்புலன்ஸ் மூலம் கொண்டு செல்லப்பட்டார். செல்லும் வழியில் அந்த ஆம்புலன்ஸ் டிரைவரான நவுபல் (வயது 29), வண்டியை அரன்முழா பகுதியில் ஆள் நடமாட்டம் இல்லாத பகுதியில் நிறுத்தினார். பின்னர் அந்த இளம்பெண்ணை கொரோனா நோயாளி என்றும் பாராமல் வலுக்கட்டாயமாக கற்பழித்தார்.

இதனால் பெரும் அதிர்ச்சியடைந்த இளம்பெண், மருத்துவமனை சென்றபின் நடந்த சம்பவம் குறித்து தனது தாயிடம் தெரிவித்து உள்ளார். அவர், உடனே மருத்துவமனை நிர்வாகம் மற்றும் போலீசாருக்குத் தகவல் கொடுத்தார். அதன்பேரில் போலீசார் வழக்குப்பதிவு செய்து ஆம்புலன்ஸ் டிரைவர் நவுபலைக் கைது செய்தனர்.

இந்தப் பரபரப்பு அடங்குவதற்குள் கேரளாவில் மற்றொரு பாலியல் வன்கொடுமை சம்பவம் பரபரப்பு ஏற்படுத்தி உள்ளது.  40 வயதுடைய பெண் ஒருவர் மலப்புரத்தில் இருந்து குளத்துப்புழாவுக்கு வீட்டில் தங்கி செவிலியர் பணிபுரிய சென்றுள்ளார்.  அவரை சிகிச்சை மையத்தில் வைத்து பரிசோதனை செய்துள்ளனர்.

இதில் அவருக்கு கொரோனா பாதிப்பு இல்லை என தெரிய வந்தது.  இந்நிலையில், அவரை குளத்துப்புழா முதன்மை சுகாதார மைய இளநிலை சுகாதார ஆய்வாளர் பிரதீப் (வயது 44) என்பவர் தனது தொலைபேசி எண்ணை கொடுத்து, தனது வீட்டிற்கு வந்து கொரோனா நெகடிவ் சான்றிதழை பெற்றுக் கொள்ளும்படி கூறியுள்ளார்.

இதனை நம்பி அந்தப் பெண்ணும் சென்றுள்ளார்.  இந்நிலையில், அந்த ஆய்வாளர் பெண்ணை பாலியல் வன்கொடுமை செய்துள்ளார்.  இதுபற்றி போலீசில் புகார் அளிக்கப்பட்டு உள்ளது.  இதனைத் தொடர்ந்து போலீசார் அந்த அதிகாரியை கைது செய்து விசாரணை நடத்தி வருகின்றனர்.  ஆய்வாளர் இன்று மாலை நீதிமன்றத்தில் ஆஜர்படுத்தப்படுகிறார்.

அவரை சுகாதார மந்திரி சைலஜா உத்தரவின் பேரில் அதிகாரிகள் சஸ்பெண்ட் செய்துள்ளனர்.  ஆம்புலன்ஸ் டிரைவர் விவகாரத்தில் மந்திரி சைலஜா பதவி விலக கோரி பா.ஜ.க., காங்கிரஸ் ஆகிய கட்சிகள் போராட்டம் நடத்தி வரும் நிலையில் மற்றொரு சம்பவம் கேரளாவில் அதிர்வை ஏற்படுத்தி உள்ளது!

சென்னை: கொரோனா பாதித்து சிகிச்சை பெற்று வந்த கன்னியாகுமரி நாடாளுமன்ற உறுப்பினர் வசந்தகுமார் நேற்று மாலை, சிகிச்சை பலனின்றி உயிரிழந்தார்.

கன்னியாகுமரி மக்களவை உறுப்பினா் ஹெச். வசந்தகுமாருக்கு ஆகஸ்ட் 10-ஆம் தேதி கொரோனா தொற்று பாதிப்பு உறுதிசெய்யப்பட்ட நிலையில், சென்னையில் உள்ள தனியார் மருத்துவமனையில் அனுமதிக்கப்பட்டு தொடர்ந்து சிகிச்சை பெற்று வந்தார். தொடர்ந்து கவலைக்கிடமாக இருந்த அவரது உடல்நிலை  மோசமடைந்து, நேற்று மாலை உயிரிழந்தார். அவருக்கு வயது 70.

காங்கிரஸ் கட்சியைச் சோ்ந்த ஹெச். வசந்தகுமாா் (70), கன்னியாகுமரி மக்களவைத் தொகுதி உறுப்பினராக இருந்தார். இவரது நோ்முக உதவியாளா் போத்திராஜுக்கு கொரோனா இருப்பது உறுதி செய்யப்பட்டதை அடுத்து, வசந்தகுமாா் எம்.பி., அவரது மனைவி தமிழ்ச்செல்வி (61) ஆகியோருக்கு கொரோனா பரிசோதனை நடத்தப்பட்டது.

இதில், அவா்கள் இருவருக்கும் கொரோனா இருப்பது 10-ஆம் தேதி உறுதிப்படுத்தப்பட்டது. இதையடுத்து, இருவரும் சென்னையில் உள்ள தனியாா் மருத்துவமனையில் அனுமதிக்கப்பட்டனா். வசந்தகுமாரின் உடல்நிலை தொடர்ந்து மோசமடைந்ததை அடுத்து, செயற்கை சுவாசக் கருவியின் உதவியுடன் சிகிச்சை அளிக்கப்பட்டு வந்தது. அவரது உடல்நிலை கவலைக்கிடமாக இருப்பதாக மருத்துவமனை தரப்பில் தகவல்கள் தெரிவிக்கப்பட்ட நிலையில், நேற்று மாலை அவர் உயிரிழந்தார்!

கொரோனாவிற்காக  சிகிச்சை பெற்றுவரும் பாடகர் எஸ்.பி.பியின் உடல்நிலை சீராக உள்ளதாகத் தனியார் மருத்துவமனை நிர்வாகம் தற்போது அறிக்கை வாயிலாகத் தெரிவித்துள்ளது.

கொரோனாவுக்குச் சிகிச்சை பெற்றுவரும் பாடகர் எஸ்.பி.பி.யின் உடல்நிலை சீராக உள்ளது. அமெரிக்கா இங்கிலாந்து மருத்துவர்களுடன் ஆலோசித்து சிகிச்சை அளிக்கப்பட்டு வருகிறது. ஐ.சியூவில் உள்ள எஸ்.பி.பிக்கு வென்டிலேட்டர் மற்றும் எக்மோ கருவி உதவியுடன் தொடர்ந்து சிகிச்சை அளிக்கப்பட்டு வருவதாகவும் மருத்துவமனை நிர்வாகம் தெரிவித்துள்ளது.

சிகிச்சையில் உள்ள பாடகர் எஸ்.பி.பி. உடல்நலம் பெற்று திரும்பவர வேண்டும் எனத் திரையுலகினர், இசையமைப்பாளர்கள், இசைப் பிரியர்கள் என அனைவரும் கூட்டு வழிபாடு நடத்தி வருகின்றனர் என்பது குறிப்பிடத்தக்கது. மலேசியாவிலும் கூட்டுப் பிரார்த்தனை நடைபெற்றது என்பது குறிப்பிடத்தக்கது!

புதுடெல்லி: உலக அளவில் ஜான்ஸ் ஹாப்கின்ஸ் பல்கலைக்கழக கொரோனா தரவு மைய புள்ளி விவரங்கள்படி, நேற்று மதியம் வரை கொரோனாவில் இருந்து குணம் அடைந்தோர் எண்ணிக்கை 1 கோடியே 41 லட்சத்து 21 ஆயிரத்து 178 ஆக உள்ளது. முதல் இடத்தில் பிரேசில் உள்ளது. அங்கு 27 லட்சத்து 51 ஆயிரத்து 246 பேர் கொரோனாவில் இருந்து மீண்டிருக்கிறார்கள். 2-ஆம் இடத்தில் இந்தியா உள்ளது. இங்கு குணம் அடைந்தோர் எண்ணிக்கை நேற்று காலை நிலவரப்படி 20 லட்சத்து 37 ஆயிரத்து 870 ஆக உள்ளது.

நேற்று ஒரே நாளில் 60 ஆயிரத்து 91 பேர் கொரோனாவில் இருந்து நலம் பெற்று, பல்வேறு ஆஸ்பத்திரிகளில் இருந்து வீடு திரும்பி இருக்கிறார்கள் என்ற தகவலை மத்திய சுகாதார அமைச்சகம் வெளியிட்டுள்ளது.

இதன்மூலம் இந்தியாவில் கொரோனாவில் இருந்து மீட்கப்பட்டோர் விகிதம் என்பது 73.64 சதவீதமாக உயர்ந்துள்ளது. குணம் அடைந்தோர் எண்ணிக்கை உயர்ந்ததின் காரணமாக இறப்புவிகிதம் 1.91 சதவீதமாக சரிந்துள்ளது.

நாட்டில் தற்போது கொரோனாவில் இருந்து மீள்வதற்காக பல்வேறு ஆஸ்பத்திரிகளில் சிகிச்சை பெறுவோரின் எண்ணிக்கை 6 லட்சத்து 75 ஆயிரத்து 514 ஆக உள்ளது. இது மொத்த பாதிப்பில் 4-ல் ஒரு பங்கை விட குறைவு (24.45 சதவீதம்) என்பது குறிப்பிடத்தக்கது!

சென்னை: பிரபல பின்னணி பாடகர் எஸ்பி பாலசுப்ரமணியத்தை தொடர்ந்து அவரது மனைவி சாவித்ரிக்கும் கொரோனா தொற்று உறுதியாகி உள்ளது.

எம்.ஜி.எம் மருத்துவமனை நேற்று வெளியிட்டுள்ள அறிக்கையைத் தொடர்ந்து எஸ்.பி. பாலசுப்ரமணியம் விரைவில் குணமடைந்து வீடு திரும்ப வேண்டும் என பாரதிராஜா, இளையராஜா, ஏ.ஆர். ரஹ்மான் என பல திரைத்துறை ஜாம்பவான்களும், ரசிகர்களும் பிரார்த்தனை செய்து ட்வீட்களை பதிவிட்டு வருகின்றனர்.

எஸ்.பி. பாலசுப்ரமணியத்தின் உடல்நிலை குறித்து செய்திகள் பரவிய நிலையில், தனது தந்தையின் உடல் நிலை சீராகவே உள்ளது. அவர் விரைவில் குணமடைந்து வீடு திரும்புவார். வீண் வதந்திகளை யாரும் பரப்ப வேண்டாம் என அவரது மகன் எஸ்.பி.பி. சரண் நேற்று அறிவித்து இருந்தார்.

எஸ்.பி. பாலசுப்பிரமணியத்தைத் தொடர்ந்து அவரது மனைவி சாவித்ரிக்கும் கொரோனா தொற்று உறுதி செய்யப்பட்ட நிலையில், அவரையும் மருத்துவர்கள் தனிமைப்படுத்தி சிகிச்சை அளித்து வருகின்றனர்.

எஸ்.பி. பாலசுப்ரமணியமும் அவரது மனைவியும் விரைவில் குணமடைந்து வீடு திரும்ப வேண்டும் என்று ரசிகர்களும் பிரபலங்களும் தொடர்ந்து பிரார்த்தனை செய்து வருகின்றனர்!

பாடகர் எஸ்.பி.பாலசுப்பிரமணியம் கொரோனா தொற்றால் பாதிக்கப்பட்டிருந்த நிலையில், தீவிர சிகிச்சைப் பிரிவில் தற்போது அனுமதிக்கப்பட்டுள்ளார்.

பிரபல பாடகர் எஸ்.பி. பாலசுப்பிரமணியம் கொரோனா வைரஸால் பாதிக்கப்பட்டு சென்னையில் உள்ள தனியார் மருத்துவமனைக்குச் சிகிச்சைக்காக அழைத்துச் செல்லப்பட்டார். முதலில் அவரது உடல்நிலை குறித்து மருத்துவமனை நிர்வாகம் வெளியிட்ட அறிக்கையில், அவரது உடல்நலம் சீராக இருப்பதாகத் தெரிவித்தது.

அதேபோல எஸ்.பி.பி தனது ஃபேஸ்புக் பக்கத்தில் வெளியிட்ட வீடியோவிலும், தனக்கு லேசான கொரோனா தொற்றுதான் எனவும் யாரும் கவலை கொள்ள வேண்டாம் என்றும் தெரிவித்தார்.

இந்நிலையில், அவரது உடல்நலம் குறித்து இன்று மருத்துவமனை வெளியிட்டுள்ள அறிக்கையில், "எஸ்.பி.பாலசுப்ரமணியத்தின் உடல்நிலையில் பின்னடைவு ஏற்பட்டுள்ளது. ஆகஸ்ட் 13-ஆம் தேதி இரவு அவரது உடல்நிலை மோசமடைந்தது.

அவருக்குச் சிகிச்சை அளித்த மருத்துவ நிபுணர்கள் குழுவின் அறிவுரைகளின்படி அவர் தீவிர சிகிச்சைப் பிரிவில் அனுமதிக்கப்பட்டுள்ளார்.

தற்போது உயிர்காக்கும் கருவிகளுடன் இருந்து வரும் அவரது உடல் நிலை ஆபத்தான கட்டத்தில் உள்ளது" எனத் தெரிவிக்கப்பட்டுள்ளது!




 

புதுடெல்லி: இந்தியாவின் முன்னாள் அரிபர் பிரணாப் முகர்ஜி (வயது 84) கடந்த 9-ஆம் தேதி டெல்லியில் உள்ள தனது வீட்டுக் குளியல் அறையில் தவறி விழுந்தார். இதனையடுத்து ஆர்.ஆர்.ராணுவ ஆஸ்பத்திரியில் அவர் அனுமதிக்கப்பட்டார்.

அவருக்கு மூளையில் ரத்தம் உறைந்து இருப்பது தெரியவந்ததால், டாக்டர்கள் ஆபரேஷன் செய்து அந்த ரத்தக் கட்டியை அகற்றினர். ஆபரேஷனுக்குப் பிறகு பிரணாப் முகர்ஜியின் உடல்நிலை கவலைக்கிடமானதால் அவருக்கு வென்டிலேட்டர் கருவி உதவியுடன் டாக்டர்கள் தீவிர சிகிச்சை அளித்து வருகிறார்கள். இதற்கிடையே, பிரணாப் முகர்ஜிக்கு கொரோனா நோய்த் தொற்று இருப்பதும் பரிசோதனையில் உறுதி செய்யப்பட்டது.

அவரது உடல்நிலை நேற்று முன்தினம் மிகவும் மோசம் அடைந்தது. ராணுவ மந்திரி ராஜ்நாத் சிங் ஆஸ்பத்திரிக்கு சென்று, பிரணாப் முகர்ஜியின் உடல்நிலை குறித்து கேட்டு அறிந்தார்.

பிரணாப் முகர்ஜி நேற்று காலை நினைவிழந்து ஆழ்ந்த கோமா நிலையை அடைந்தார்!

சென்னை: டோலிவுட் சூப்பர்ஸ்டார் மகேஷ் பாபுவின் சவாலை ஏற்ற நடிகர் விஜய், செடிகளை நட்டு அசத்தியுள்ளார்.

டோலிவுட் சூப்பர்ஸ்டார் மகேஷ் பாபு, தனது பிறந்தநாளை முன்னிட்டு நடிகர்கள் விஜய், ஜூனியர் என்.டி.ஆர் மற்றும் ஸ்ருதி ஹாசனுக்கு செடி நடும் சவாலை விடுத்திருந்தார்.

இந்நிலையில், தளபதி விஜய் அந்த சவாலை ஏற்று செடி நடும் புகைப்படங்களை வெளியிட்டுள்ளார்.

மகேஷ் பாபு விடுத்துள்ள சவாலை ஏற்று தளபதி விஜய் வீடியோ வெளியிடுவாரா? என ரசிகர்கள் மிகவும் ஆவலுடன் காத்திருந்தனர்.. எப்போதுமே ரசிகர்கள் பக்கம் இருக்கும் நடிகர் விஜய், நிச்சயம் இந்த சவாலை ஏற்பார் என்றும் மகேஷ் பாபுவுக்கு இதற்காக நன்றி தெரிவித்தும், விஜய் ரசிகர்கள் மகேஷ் பாபுவுக்கு பிறந்தநாள் வாழ்த்துகளைத் தெரிவித்தனர்.

இந்நிலையில், தளபதி விஜய் தனது ட்விட்டர் பக்கத்தில் செடி நடும் புகைப்படங்களை பதிவிட்டு, இது உங்களுக்காக மகேஷ் பாபு காரு என பதிவிட்டு, தனது ரசிகர்களை உற்சாகப்படுத்தி உள்ளார். ரசிகர்கள் எதிர்பார்க்காத நிலையில், தளபதி விஜய்யின் லேட்டஸ்ட் லுக் புகைப்படங்கள் வெளியான நிலையில், அதனை தளபதி ரசிகர்கள் டிரெண்ட் செய்து வருகின்றனர்.

ரொம்ப நன்றி பிரதர், இந்த பசுமை இந்தியா சவாலை முன்னெடுத்து சென்றதற்கு என நடிகர் மகேஷ் பாபு, உடனடியாக விஜய்க்கு பதில் போட்டுள்ளார். விஜய் ரசிகர்களும், மகேஷ் பாபு ரசிகர்களும் தளபதி விஜய்யின் போட்டோக்களை #Thalapathy என்ற ஹாஷ்டேக் போட்டு டிரெண்ட் செய்து வருகின்றனர்!


 

திருமலை: ஆந்திராவில் கொரோனா பாதிப்பு அதிகரித்த சூழலில் கடந்த மார்ச் 19 -ஆம் தேதி திருப்பதி ஏழுமலையான் கோவில் மூடப்படும் என அறிவிக்கப்பட்டது. 

அலிபிரியில் இருந்து திருமலை செல்லும் இரு மலைப்பாதைகளும், ஸ்ரீவாரி மெட்டு நடைபாதையும் மூடப்பட்டு பக்தர்கள் வருகை நிறுத்தப்பட்டது.  பக்தர்கள் யாரும் கோவிலுக்குச் செல்ல அனுமதிக்கப்படவில்லை.

எனினும், கோவிலில் சுவாமிக்கு தினமும் நடைபெறும் அனைத்து ஆராதனைகள், பூஜைகள், வழக்கம் போல் நடைபெற்றன.  திருப்பதி ஏழுமலையான் கோவிலில் 120 ஆண்டுகளுக்குப் பிறகு பக்தர்களின் வருகை நிறுத்தப்பட்டது.

இதன்பின்னர், நாடு முழுவதும் கடந்த ஜூன் மாதம் 8-ஆம் தேதி முதல் கோவில்களைத் திறக்க பல்வேறு நிபந்தனைகளுடன் மத்திய அரசு அனுமதி அளித்தது.

ஏறக்குறைய இரண்டரை மாதங்களாக மூடியிருந்த திருப்பதி ஏழுமலையான் கோவில் கடந்த ஜூன் 11-ஆம் தேதி மீண்டும் சாமி தரிசனத்திற்காக திறக்கப்பட்டது.  இதன்படி, 83 நாட்களுக்கு பிறகு திருப்பதி ஏழுமலையான் கோவிலில் பக்தர்கள் சாமி தரிசனத்துக்கு அனுமதிக்கப்பட்டனர்.

எனினும், கோவிலில் அர்ச்சகர்கள் சிலருக்கு கொரோனா பாதிப்பு ஏற்பட்டது.  அவர்கள் சிகிச்சை பெற்ற நிலையில், தொற்று பலருக்கும் பரவத் தொடங்கியது.  இதுபற்றி திருமலை திருப்பதி தேவஸ்தான செயல் அதிகாரி அனில் குமார் சிங்கால் செய்தியாளர்களிடம் கூறும்பொழுது, திருப்பதி ஏழுமலையான் கோவிலின் அர்ச்சகர்கள் சிலர் உள்பட திருமலை திருப்பதி தேவஸ்தான பணியாளர்கள் 743 பேருக்கு கொரோனா பாதிப்பு உறுதி செய்யப்பட்டு உள்ளது.

இவர்களில் 3 பேர் உயிரிழந்து உள்ளனர்.  402 பேர் பாதிப்பில் இருந்து குணமடைந்து உள்ளனர்.  338 பேர் பல்வேறு நல மையங்களில் சிகிச்சை பெற்று வருகின்றனர் என தெரிவித்து உள்ளார்.

இதேபோன்று கோவிலின் உண்டியலை நிரப்புவதற்காக கோவில் திறக்கப்பட்டு உள்ளது என சில ஊடகங்களில் வந்துள்ள செய்திக்கு மறுப்பு தெரிவித்துள்ள சிங்கால், பக்தர்கள் கேட்டு கொண்டதற்காகவே கோவில் திறக்கப்பட்டது.  கொரோனா தடுப்பு நடவடிக்கைகளை கடுமையாக பின்பற்றியே தரிசன அனுமதி வழங்கப்பட்டது என கூறியுள்ளார்!

புதுடெல்லி; ஆகஸ்ட் 7: கொரோனா வைரஸ் தொற்றை தடுப்பதற்காக உலகமே போராடிக்கொண்டிருக்கிறது.

கொரோனா வைரஸ் வராமல் தடுப்பதற்காக விஞ்ஞானிகள் தடுப்பூசி கண்டுபிடிப்பதற்காகவும், கொரோனா வைரஸ் நோயாளிகளுக்கு சிகிச்சை அளிக்க உரிய மருந்து கண்டுபிடிக்கவும் இரவு, பகலாக ஆய்வுக்கூடங்களில் ஆராய்ச்சி செய்து கொண்டிருக்கிறார்கள்.

இந்தநிலையில் இந்தியாவில் கொரோனா வைரஸ் தொற்று நோயைத் தடுத்து நிறுத்துவதற்காக உள்நாட்டில் 2 தடுப்பூசிகள் உருவாக்கப்பட்டுள்ளன. அவை ஆமதாபாத்தை தலைமையிடமாக கொண்டு செயல்படும் ஜைடஸ் கேடிலா நிறுவனத்தின் ஜைகோவ்-டி, ஐதராபாத்தை தலைமையகமாக கொண்டு இயங்கும் பாரத் பயோடெக் நிறுவனத்தாரின் கோவேக்சின் ஆகும்.

மற்றொரு தடுப்பூசியான இங்கிலாந்தின் ஆக்ஸ்போர்டு பல்கலைக்கழகம், அஸ்ட்ரா ஜெனேகா நிறுவனத்துடன் இணைந்து உருவாக்கி, இந்தியாவில் கோவிஷீல்டு என்று அழைக்கப்படுகிற தடுப்பூசியின் 2-வது மற்றும் 3-வது கட்ட சோதனைகளை புனேயை சேர்ந்த இந்திய சீரம் இன்ஸ்டிடியுட் அடுத்த சில நாட்களில் நடத்த உள்ளது. 18 வயதுக்கு மேற்பட்ட 1,600 பேருக்கு 17 இடங்களில் இந்த தடுப்பூசி போட்டு சோதிக்கப்படுகிறது.

இந்நிலையில், பரிசோதனைகளுக்கு பின்னர் அக்டோபர் மாதம் கோவிஷீல்டு தயாரிப்பு துவங்கும் என எதிர்பார்க்கப்படுகிறது.

இதன்படி 2021-ஆம் ஆண்டின் தொடக்கத்தில் இந்தியாவில் வசிக்கும் பத்து கோடி பேருக்கு தடுப்பு மருந்து கிடைக்க ஏற்பாடு செய்யப்பட்டு வருவதாகவும், உலக வங்கியால் குறைந்த மற்றும் நடுத்தர வருமானம் (LMIC) கொண்ட நாடுகளாக வரையறுக்கப்பட்ட நாடுகளுக்கு, தடுப்பூசியின் விலையை RM 12.50 (ரூபாய் மதிப்பில் 225) என்ற அளவில் விலை நிர்ணயம் செய்யும் பணி துரிதப்படுத்தப்பட்டுள்ளதாக சீரம் இன்ஸ்டிடியூட் தெரிவித்துள்ளது!

சென்னை: கொரோனா வைரஸ் நோய்க்கான மருந்தை கண்டுபிடிக்கும் முயற்சியில் பல்வேறு நாடுகள் தீவிரமாக ஈடுபட்டு வருகின்றன. தற்போது கொரோனா நோயாளிகளுக்கு ஹைட்ராக்ஸிக்லோரோகுவின் உள்ளிட்ட மருந்துகள் சில நாடுகளில் வழங்கப்பட்டு வருகின்றன.

இந்தியாவில் மருத்துவர்களின் பரிந்துரையின்படி, சில மாநிலங்களில் கொரோனா சிகிச்சைக்கு சித்த மருந்துகள் வழங்கப்பட்டு வருகின்றன.

தமிழகத்தில் கபசுர குடிநீர் உள்ளிட்ட சில சித்த மருந்துகள் கொரோனா தடுப்பிற்காக பரவலாக பயன்படுத்தப்பட்டு வருகிறது. இந்நிலையில் சென்னையில் அனைத்து கொரோனா மருத்துவமனைகளிலும், சித்த மருத்துவத்தை வழங்க முடிவு செய்துள்ளதாக சென்னை மாநகராட்சி நிர்வாகம் தெரிவித்துள்ளது. சித்த மருந்துகள் நல்ல பயனளிப்பதால், இந்த முடிவு எடுக்கப்பட்டுள்ளதாக தெரிவிக்கப்பட்டுள்ளது.

ஏற்கனவே, சென்னை சாலிகிராமத்தில் உள்ள ஜவஹர் கல்லூரி மற்றும் வியாசர்பாடியில் உள்ள அம்தேகர் கலை மற்றும் அறிவியல் கல்லூரியில் சித்த மருத்துவ சிகிச்சை மையம் செயல்பட்டு வருவது குறிப்பிடத்தக்கது. இது குறித்த வீடியோவை அமைச்சர் எஸ்.பி.வேலுமணி வெளியிட்டுள்ளார்!

சென்னை: நடிகர் ரஜினிகாந்த் சீட் பெல்ட் அணியாமல் சென்றதற்காக சென்னை போக்குவரத்து போலீசாரிடம் 100 ரூபாய் அபராதம் கட்டி உள்ளார்.

நடிகர் ரஜினிகாந்தின் இ பாஸ் விவகாரம் பெரிய அளவில் சர்ச்சையாகி உள்ளது. அவர் கடந்த 21-ஆம் தேதி கேளம்பாக்கத்திற்கு தனது சொகுசு காரில் சென்றார். ஆனால் இவர் கடந்த 21-ஆம் தேதி சென்னையில் இருந்து கேளம்பாக்கம் செல்ல இ பாஸ் பெற்றாரா என்று பலரும் கேள்வி எழுப்பி இருந்தனர்.

இது தொடர்பாக ஆவணங்களைச் சரி பார்த்து வருகிறோம் என்று சென்னை மாநகராட்சி தெரிவித்து இருந்தது. அதன்பின் ரஜினி கடந்த 23-ஆம் தேதி வாங்கிய இ பாஸ் இணையத்தில் வெளியானது.

தேனாம்பேட்டையில் இருக்கும் ராகவேந்திரா இல்லத்தில் இருந்து கேளம்பாக்கத்தில் இருக்கும் ஆர் கே பார்ம் ஹவுஸ் செல்ல அவர் இ பாஸ் பெற்று இருக்கிறார். இதற்கு மெடிக்கல் எமர்ஜென்சி என்று காரணம் கூறியுள்ளார். அவரின் இந்த இ பாஸ் இணையத்தில் வைரலாகி உள்ளது. இதில் அவரின் கார் எண் தொடங்கி போன் எண் வரை எல்லாம் இருந்ததும், அந்த விவரங்கள் இணையத்தில் வெளியானதும் குறிப்பிடத்தக்கது .

இந்த கார் எண் மூலம், இவரின் காருக்கு சென்னை டிராபிக் போலீஸ் 100 ரூபாய் அபராதம் விதித்தது கண்டுபிடிக்கப்பட்டது. இந்த அபராதத்திற்கான ரசீது நேற்று இணையத்தில் வெளியானது. இந்த ரசீது விவரமும் அவரின் இன்னோவா கார் நம்பர் மூலம் கண்டுபிடிக்கப்பட்டுள்ளது குறிப்பிடத்தக்கது. இதைப் பலரும் நேற்று இணையத்தில் கடுமையாக விமர்சனம் செய்து இருந்தனர்.

இந்த நிலையில் நடிகர் ரஜினிகாந்த் சீட் பெல்ட் அணியாமல் சென்றதற்காக சென்னை போக்குவரத்து போலீசாரிடம் 100 ரூபாய் அபராதம் கட்டி உள்ளார். நேற்று செல்லானில் இருந்த அந்த 100 ரூபாய் அபராதம் இதற்காகத்தான் விதிக்கப்பட்டது என்று கண்டுபிடிக்கப்பட்டுள்ளது. சீட் பெல்ட் அணியாமல் கார் ஓட்டியதால் இந்த அபராதம் விதிக்கப்பட்டுள்ளது. தாழம்பூர் காவல்துறையினர் இந்த நடவடிக்கையை எடுத்துள்ளனர்!

கனடாவிலிருந்து சென்னை திரும்பிய விஜய் மகன் சஞ்சய், 14 நாட்கள் தனிமைப்படுத்திக் கொண்டு, 2 நாட்களுக்கு முன் வீடு திரும்பினார். இத்தகவல் தற்போது தெரியவந்துள்ளது.

கொரோனா ஊரடங்கால் விஜய்யின் மகன் சஞ்சய் கனடாவிலிருந்து சென்னைக்குத் திரும்ப முடியாத சூழல் ஏற்பட்டது. இதனால் கனடாவிலேயே நண்பர்களுடன் தங்கியிருந்தார். இதனால் விஜய் வேதனையில் இருப்பதாகச் செய்திகள் வெளியாகின. இதை விஜய் தரப்பும் மறுத்தது. தினமும் விஜய் அவருடைய மகன் சஞ்சயிடம் பேசி வருவதாகவும் தகவல் வெளியானது.

இதனிடையே  கனடாவிலிருந்து சென்னை திரும்பினார் விஜய் மகன் சஞ்சய். அப்போது வெளிநாட்டிலிருந்து சென்னை வருபவர்களுக்கு என்ன விதிமுறைகள் பின்பற்றப்படுகிறதோ, அதையே பின்பற்றி இருக்கிறார். அதாவது ஹோட்டலில் 14 நாட்கள் தனிமையில் தங்கியிருந்துவிட்டு, 2 நாட்களுக்கு முன் வீடு திரும்பினார். இத்தகவல் தற்போது தெரியவந்துள்ளது.

சஞ்சய் பத்திரமாக வீடு திரும்பியிருப்பதால், விஜய்யின் குடும்பத்தினர் நிம்மதியுடன் இருக்கிறார்கள்!

அயோத்தி: உத்தரப்பிரதேசத்தின் அயோத்தி மாவட்டத்தில் கட்டப்பட்டு வரும் ராமர் கோயிலில் தரை தளம், முதல் தளம், இரண்டாவது மாடி கொண்ட மூன்று தளங்கள் இருக்கும். ராமர் கோயில் 10 ஏக்கரில் கட்டப்படும், மீதமுள்ள 57 ஏக்கர் ராமர் கோயில் வளாகமாக உருவாக்கப்படும்.

அயோத்தியில் பிரமாண்டமான ராமர் கோயில் கட்டும் பணியை  மேற்கொண்டுள்ள ஸ்ரீ ராம ஜென்ம பூமி தீர்த்த க்ஷேத்ரா அறக்கட்டளை ஒப்புதல் அளித்த திட்டத்தின் படி, கோயில் வளாகத்தில் நட்சத்திர தோட்டம் கட்டப்படும்.

கோயில் வளாகத்தில் 27 நட்சத்திர மரங்களும் நடப்படும். நட்சத்திர தோட்டம் செய்வதன் நோக்கம் என்னவென்றால், மக்கள் தங்கள் பிறந்தநாளுக்கு ஏற்ற நட்சத்திர மரத்தின் அடியில் அமர்ந்து கோயில் வளாகத்தில் உள்ள தெய்வத்திற்கு பிரார்த்தனை செய்யலாம்.

இதற்கிடையில், வால்மிகி ராமாயணத்தில் குறிப்பிடப்பட்டுள்ள மரங்களும் ராமர் கோயில் வளாகத்தில் நடப்படும், மேலும் முழு பகுதிக்கும் வால்மிகி ராமாயணத்தின் பெயரிடப்படும்.

மேலும், ராமர் கோயிலின் அடித்தள தளத்தை தயாரிக்க கான்கிரீட் மற்றும் மோராங் (ஒரு கட்டுமானப் பொருள்) பயன்படுத்தப்படும். இருப்பினும், கோயில் கட்டுமானத்தில் இரும்பு பயன்படுத்தப்படாது.

ராமர் கோயிலின் அஸ்திவாரம் 15 அடி ஆழத்தில் இருக்கும். இது 8 அடுக்குகளைக் கொண்டிருக்கும், ஒவ்வொரு அடுக்கு 2 அடி அகலமும் இருக்கும்.

ராமர் கோயிலின் ‘பூமி பூஜைக்கு’ பிறகு ராமர் கோயில் வளாகத்தில் ஷேஷாவதர் கோயிலை தற்காலிகமாக நிறுவவும் அறக்கட்டளை முன்மொழிந்துள்ளது.

ராமர் கோயிலின் கட்டுமானப் பணிகள் முடிந்ததும், கோயில் வளாகத்தில் பகவான் அவதாரத்திற்கு அர்ப்பணிக்கப்பட்ட நிரந்தர கோயில் கட்டப்படும்.
ராமர் கோயில் வளாகத்தில் அகழ்வாராய்ச்சியின் போது கண்டுபிடிக்கப்பட்ட புராண பொருட்களை கொண்டு  அருங்காட்சியகமும் கட்டப்படும். கோஷாலா, தர்மஷாலா மற்றும் வேறு சில கோயில்கள் போன்ற பிற கட்டுமானங்களும் ராமர் கோயில் வளாகத்தில் கட்டப்படும்.

ராமர் கோயிலின் பூமி பூஜைக்காக ஒரு செப்புத் தகடு தயாரிக்கப்பட்டு வருகிறது, அதில் ராமர் கோயில் தொடர்பான முக்கியமான தகவல்கள் சமஸ்கிருத மொழியில் பொறிக்கப்பட்டுள்ளது. கோயிலின் பெயர், இடம், நட்சத்திரம், நேரம் ஆகியவை செப்புத் தகட்டில் எழுதப்படும், அவை கோயிலின் அஸ்திவாரத்தில் போடப்படும்.

அயோத்தியின் பிரம்மாண்டமான ராமர் கோயிலின் உயரம் 161 அடியாக இருக்கும், இது 1988 ஆம் ஆண்டில் தயாரிக்கப்பட்ட முந்தைய வடிவமைப்பிலிருந்து 20 அடி அதிகமாகும் என்று கோயிலின் கட்டிடக் கலைஞரும், சி சோம்புராவின் மகனுமான நிகில் சோம்புரா கூறுகிறார்.

வடிவமைப்பில் இரண்டு மண்டபங்கள் சேர்க்கப்படும். முந்தைய வடிவமைப்பின் அடிப்படையில் செதுக்கப்பட்ட தூண்கள் மற்றும் கற்கள் கோயில் கட்டுமானத்திலும் பயன்படுத்தப்படும்.

சங்கத்திலிருந்து வரும் மண்ணும் நீரும் - கங்கை, யமுனா மற்றும் புராண சரஸ்வதியின் சங்கமம் - ஆகஸ்ட் 5 ஆம் தேதி உத்தேச ராமர் கோயிலின் "பூமி பூஜை" க்காக அயோத்திக்கு கொண்டு செல்லப்படும்!
 

புதுடெல்லி: இந்தியாவில் கொரோனா பாதிப்பு 3 நாட்களில் 8 லட்சத்தில் இருந்து 9 லட்சம் ஆக உயர்ந்து உள்ளது என அதிர்ச்சி தகவல் வெளியாகி உள்ளது.

கடந்த 24 மணி நேரத்தில் கொரோனா தொற்றில் இருந்து 20,572 பேர் குணமடைந்து வீடு திரும்பியுள்ளனர். கடந்த 24 மணி நேரத்தில் ஒருநாள் பாதிப்பு 29,429 ஆக உயர்ந்து 30 ஆயிரத்தை நெருங்கி உச்சத்தை தொட்டது.

இதனால், பாதிப்பு எண்ணிக்கை 9,06,752ல் இருந்து 9,36,181 ஆக அதிகரித்து உள்ளது என தெரிவிக்கப்பட்டுள்ளது.

நாட்டில் மராட்டியம் மற்றும் தமிழகம் கொரோனா பாதிப்புகளுக்கு அதிக இலக்காகி உள்ளன.  மொத்த பாதிப்பு எண்ணிக்கையில் 50 சதவீதம் இந்த மாநிலங்களில் உள்ளன.  நாட்டின் மொத்த சிகிச்சை பெறுவோரின் எண்ணிக்கையான 3,11,565 பேரில் 1,54,134 பேர் இந்த இரு மாநிலங்களிலும் உள்ளனர்.

இதுதவிர கர்நாடகா, டெல்லி, ஆந்திர பிரதேசம், உத்தர பிரதேசம், தெலுங்கானா, மேற்கு வங்காளம், குஜராத் மற்றும் அசாம் ஆகிய மாநிலங்கள் அதிகம் சிகிச்சை பெறுவோரை கொண்ட பிற மாநிலங்கள் ஆகும்.  இவை 1,11,068 என்ற எண்ணிக்கையுடன் 36 சதவீதம் அளவுக்கு உள்ளன.

இந்தியாவில் கொரோனா பாதிப்பு எண்ணிக்கை நேற்று 9 லட்சத்து 6 ஆயிரத்து 752 ஆக உயர்ந்தது.  இது, 8 லட்சம் என்ற எண்ணிக்கையைத் தொட்டு 3 நாட்களில் 9 லட்சம் ஆக உயர்ந்து உள்ளது என சுகாதார அமைச்சகம் தெரிவித்து உள்ளது.

இதனால், பல மாநிலங்கள் ஊரடங்கை மீண்டும் அறிவித்து உள்ளன.  கர்நாடகா, தமிழகம், கேரளா, உத்தரகாண்ட், உத்தர பிரதேசம், மராட்டியம், அசாம், மேற்கு வங்காளம், அருணாசல பிரதேசம் மற்றும் மேகாலயா ஆகிய மாநிலங்களில் பல்வேறு கால கட்டங்களில் பகுதிவாரியாக ஊரடங்கு முன்பே அறிவிக்கப்பட்டு விட்டது!

அடுத்த 5 முதல் 7 ஆண்டுகளில் இந்தியாவை டிஜிட்டல் மயமாக்க 75 ஆயிரம் கோடி ரூபாய் முதலீடு செய்யப்படும் என்று கூகுள் நிறுவனத்தின் தலைமைச் செயல் அதிகாரி சுந்தர் பிச்சை தெரிவித்துள்ளார்.

2020-ஆம் ஆண்டுக்கான கூகுள் இந்தியா நிகழ்ச்சியில் பேசிய அந்நிறுவனத்தின் தலைமை செயல் அதிகாரி சுந்தர் பிச்சை, கூட்டு முதலீடு மற்றும் செயல்பாட்டு, உள்கட்டமைப்பு மற்றும் சுற்றுச்சூழல் முதலீடுகள் ஆகியவற்றின் மூலம் இதைச் செய்வோம் என்று தெரிவித்துள்ளார்.

அடுத்த 5 முதல் 7 ஆண்டுகளில் இந்தியாவை டிஜிட்டல் மயமாக்க 75 ஆயிரம் கோடி ரூபாய் முதலீடு செய்யப்படும் என்றும் அவர் கூறினார். இந்தியாவை டிஜிட்டல் மயமாக்குவதில் முக்கிய நான்கு பகுதிகளில் இந்த முதலீடு இருக்கும் என்றும் அவர் கூறினார்.

முன்னதாக பிரதமர் மோடி உடன் சுந்தர் பிச்சை உரையாடினார். அப்போது, தகவல் மற்றும் இணைய பாதுகாப்பு குறித்து உரையாடியதாக பிரதமர் ட்வீட் செய்துள்ளார்.

சுமார் 2.6 கோடி சிறுகுறு தொழில் நிறுவனங்களை ஆன்லைன் பிஸினஸ்-க்கு கொண்டு வருவதை இலக்காக கொண்டுள்ளதாகவும் கூகுள் நிறுவனம் தெரிவித்துள்ளது!

புனே: இந்தி திரையுலகில் பிரபல நடிகரான அமிதாப்பச்சன் மற்றும் அவரது மகன் அபிஷேக் பச்சன் ஆகிய இருவருக்கும் கொரோனா பாதிப்பு இருப்பது நேற்று உறுதி செய்யப்பட்டது.  இதனைத் தொடர்ந்து அவர்கள் இருவரும் மும்பை நானாவதி மருத்துவமனையில் சிகிச்சைக்காக அனுமதிக்கப்பட்டுள்ளனர்.

இதுபற்றி இன்று காலை மும்பை நானாவதி மருத்துவமனை வெளியிட்டுள்ள அறிக்கையில், “அமிதாப்பச்சனுக்கு லேசான அறிகுறிகளே தென்படுகின்றன. அவரது உடல் நிலை சீராக உள்ளது” என்று தெரிவிக்கப்பட்டுள்ளது.

நடிகர் அமிதாப்பச்சனின் மனைவி ஜெயா பச்சன், மருமகள் ஐஸ்வர்யா ராய் ஆகியோருக்கும் கொரோனா பரிசோதனைகள் செய்யப்பட்டுள்ளன.  இந்தப் பரிசோதனையின் முடிவுகள் இன்று வெளியாகும் என்று  மராட்டிய சுகாதாரத்துறை மந்திரி கூறினார்.

அவர்கள் குணமடைந்து திரும்ப வேண்டும் என அரசியல் கட்சி பிரமுகர்கள் மற்றும் திரையுலக பிரபலங்கள் வேண்டி கொண்டுள்ளனர்.   நடிகர் ரஜினி காந்த் அமிதாப்பச்சனை தொலைப்பேசி வாயிலாக தொடர்பு கொண்டு, அவரது உடல்நிலை குறித்து கேட்டறிந்தார்.

நடிகர் கமல்ஹாசன் தன்னுடைய டுவிட்டர் பதிவில், அமிதாப் பச்சனும் அவரது மகனான அபிஷேக் பச்சனும் கொரோனாவில் இருந்து விரைவில் மீண்டு வர வேண்டும். நான் இந்திய மருத்துவர்களை நம்புகிறேன். இருவரும் உடல் நல பிரச்சினைகளை கடந்து விடுவார்கள் என தெரிவித்து உள்ளார்.

இந்த நிலையில், அமிதாப் பச்சனின் மருமகள் மற்றும் அபிஷேக் பச்சனின் மனைவியான நடிகை ஐஸ்வர்யா ராய்க்கும் கொரோனா பாதிப்பு இன்று உறுதி செய்யப்பட்டுள்ளது.  அவர்களது மகள் ஆரத்யாவுக்கும் கொரோனா பாதிப்பு இருப்பது உறுதி செய்யப்பட்டு உள்ளது.  இதனை மராட்டிய சுகாதாரத்துறை மந்திரி உறுதிப்படுத்தி உள்ளார்!

சென்னை: தமிழகத்தில் கொரோனா தொற்று நாளுக்கு நாள் அதிகரித்து வருகிறது. கொரோனா தொற்றால் மக்கள் பிரதிநிதிகளும் அடுத்தடுத்து  பாதிக்கப்பட்டு வருகின்றனர். தமிழகத்தில் இதுவரை 2 அமைச்சர்கள் 8 எம்.எல்.ஏக்கள் என மொத்தம் 10 பேர் கொரோனா தொற்றால் பாதிக்கப்பட்டுள்ளனர்.

இந்த நிலையில், தமிழக கூட்டுறவுத்துறை அமைச்சர் செல்லூர் ராஜூவுக்கு கொரோனா தொற்று உறுதி செய்யப்பட்டுள்ளது. கடந்த 4 ஆம் தேதி செல்லூர் ராஜூவின் மனைவி ஜெயந்திக்கு கொரோனா தொற்று உறுதி செய்யப்பட்டது குறிப்பிடத்தக்கது.

செல்லூர் ராஜூ மணப்பாக்கத்தில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டுள்ளதாகவும் அவரது உடல் நிலை சீராக உள்ளதாகவும் தகவல்கள் தெரிவிக்கின்றன!

புதுடெல்லி: இந்தியாவில் மின்னல் வேகத்தில் கொரோனா தொற்று பரவி வருகிறது. கடந்த சில தினங்களாக இந்தியாவில் தினசரி பாதிப்பு சராசரியாக 20 ஆயிரத்தை தாண்டி பதிவாகி வருகிறது. இந்த நிலையில், கடந்த 24 மணி நேரத்தில் மட்டும் இந்தியாவில் 22,542 பேருக்கு கொரோனா தொற்று உறுதி செய்யப்பட்டுள்ளது. அதேபோல், 467 பேர் உயிரிழந்துள்ளனர்.

இதன் மூலம், இதுவரை கொரோனா தொற்றால் பாதிக்கப்பட்டவர்கள் எண்ணிக்கை 7,19,665- ஆக உயர்ந்துள்ளது. உயிரிழந்தவர்கள் எண்ணிக்கை 20,160 ஆக உயர்ந்துள்ளது. கொரோனாவில் இருந்து மீண்டவர்களின் எண்ணிக்கை 4,39, 948 ஆக உயர்ந்துள்ளது.  கொரோனா பாதிப்புடன் இந்தியா முழுவதும் 2,59, 557 பேர் சிகிச்சை பெற்று வருகின்றனர்.

ஜூலை 6 ஆம் தேதி வரை 1 கோடியே 2 லட்சம் மாதிரிகள் பரிசோதிக்கப்பட்டுள்ளதாக இந்திய மருத்துவ ஆராய்ச்சி கவுன்சில் தெரிவித்துள்ளது!

 

சீன எல்லையில் உள்ள இந்திய படை வீரர்களுக்கு படைமாட்சி என்ற அதிகாரத்திலுள்ள திருக்குறள் ஒன்றை மேற்கோள்காட்டி பிரதமர் மோடி இந்திய ராணுவவீரர்கள் மத்தியில் உரையாற்றினார்.

இந்தியா, சீனா இடையே பதட்டமான சூழல் நிலவிவரும் நிலையில், இருநாட்டு அதிகாரிகளும் பேச்சுவார்த்தைகளில் ஈடுபட்டு வருகின்றனர். இருப்பினும் சீனா இப்பகுதியில் ஆயுத பலத்தை அதிகரித்து வருவதால், இந்தியாவும் பதிலடி தரும் வகையில் ஆயுத பலத்தை அதிகரித்து வருகிறது. இந்நிலையில் இன்று திடீர் பயணமாக 'லடாக்' சென்ற பிரதமர் மோடி அப்பகுதியில் நிலவும் சூழல் குறித்து ஆய்வு மேற்கொண்டார். அதன்பின்னர் எல்லைப்பகுதியில் பணியில் ஈடுபட்டுள்ள ராணுவ வீரர்கள் மத்தியில் பேசிய பிரதமர் மோடி 'படைமாட்சி' என்ற அதிகாரத்திலுள்ள திருக்குறள் ஒன்றை மேற்கோள்காட்டி ராணுவவீரர்கள் எவ்வாறு செயல்பட வேண்டும் என்பது குறித்து விளக்கினார்.

வீரர்கள் மத்தியில் பேசிய பிரதமர், "படை வீரருக்கான பண்புகள் பற்றி திருவள்ளுவர் எழுதிய திருக்குறளை இங்குக் குறிப்பிட விரும்புகிறேன்.

'மறமானம் மாண்ட வழிச்செலவு தேற்றம்,
எனநான்கே ஏமம் படைக்கு'

எனத் திருவள்ளுவர் கூறியுள்ளார். அதாவது, வீரம், மான உணர்வு, முன்னோர் சென்ற வழியில் நடத்தல், தலைவனின் நம்பிக்கையைப் பெறுதல் ஆகிய நான்கும் படை வீரனுக்குத் தேவையான பண்புகள் எனத் திருக்குறளில் குறிப்பிடப்பட்டுள்ளது" எனத் தெரிவித்தார்!

 

புதுடெல்லி: சுகாதார அமைச்சர் டாக்டர் ஹர்ஷ் வர்தன் சிங் இந்தியாவில் 14 கொரோனா தடுப்பூசிகள் மீது சோதனைகள் நடந்து வருவதாகத் தெரிவித்திருந்தார். அதன்படி 4 தடுப்பூசிகளின் பணிகள் அடுத்த 3 முதல் 5 மாதங்களில் மருத்துவ பரிசோதனைகளின் கட்டத்தை எட்டும் என்று எதிர்பார்க்கப்படுகிறது.

கோவாக்சின் கொரோனா வைரஸ் தடுப்பூசி குறித்த மனித பரிசோதனையை இந்தியா ஜூலை மாதம் நடத்த உள்ளது.
இந்தியாவின் மருந்து கட்டுப்பாட்டு அதிகாரிகள் பாரத் பயோடெக்கின் தடுப்பூசிக்கு மருத்துவ மனித சோதனைகளின் கட்டம் 1 மற்றும் 2 ஐ நடத்த அனுமதித்துள்ளனர்.

இந்த கோவாக்சின் இந்தியாவின் தேசிய வைராலஜி நிறுவனம் மற்றும் இந்திய மருத்துவ ஆராய்ச்சி கவுன்சிலுடன் இணைந்து உள்நாட்டில் உருவாக்கப்பட்டுள்ளது என்று பாரத் பயோடெக் தலைவர் டாக்டர் கிருஷ்ணா எலா தெரிவித்துள்ளார்.

பாதுகாப்பு மற்றும் நோய் எதிர்ப்பு சக்தியை இந்த தடுப்பூசி நிரூபிக்கிறது என்று நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளது.

கொரோனா வைரஸ் புதிய வகையான வைரஸ் என்பதால், இதற்கு தடுப்பு மருந்து கண்டுபிடிப்பது கடும் சவாலான பணியாக உள்ளது என்று மருத்துவ நிபுணர்கள் கூறுகின்றனர். இதுவரை உலக அளவில் 17 தடுப்பு மருந்துகள் மனிதர்களிடையே பரிசோதிக்கப்பட்டுள்ளது.

உலகில் செயல்பட்டு வரும் 148 தடுப்பூசி சோதனைகளில் 5 இந்திய நிறுவனங்களிடமிருந்தோ அல்லது இந்திய நிறுவனங்களின் பங்களிப்பில் முயற்சியிலோ நடந்து வருகிறது. இதில் குஜராத்தின் ஜைடஸ் காடிலா நிறுவனமும் உள்ளது. அதே நிறுவனம் 2010 இல் நாட்டில் பன்றிக்காய்ச்சலுக்கான முதல் தடுப்பூசியை தயாரித்தது.

கூடுதலாக, பாரத் பயோடெக் மற்ற நோய்த்தடுப்பு மருந்துகள், இந்தியன் இம்யூனோலாஜிக்கல்ஸ் லிமிடெட் மற்றும் சீரம் இன்ஸ்டிடியூட் ஆப் இந்தியா  மற்ற நாடுகளைச் சேர்ந்த நிறுவனங்களுடன் சேர்ந்து தடுப்பூசி கண்டுபிடிக்கும் முயற்சியில் ஈடுபட்டு வருகிறது.

இந்த நிலையில், ஜைடஸ் கடிலா என்ற நிறுவனமும் கொரோனாவுக்கான தடுப்பு மருந்தை கண்டறியும் முயற்சியில் தீவிரமாக ஈடுபட்டுள்ளது. இந்நிறுவனத்தின் தயாரிப்பு மருந்துக்கும் மனிதர்களிடையே முதல் மற்றும் இரண்டாம் கட்ட பரிசோதனைகளை  தொடங்க இந்திய மருந்து கட்டுப்பாட்டு அமைப்பு அனுமதி கொடுத்துள்ளது.

ஆகஸ்ட் 15 ஆம் தேதிக்குள் முதல் உள்நாட்டு கொரோனா  தடுப்பூசியை வெளியிட இந்தியா திட்டமிடுகிறது. ஆகஸ்ட் 15 முதல் கொரோனா தடுப்பு மருந்து கோவாக்சின் பயன்பாட்டுக்கு வர வாய்ப்பு உள்ளது என தகவல் வெளியாகி உள்ளது.

மருத்துவ பரிசோதனைகள் நாடு முழுவதும் 12 நிறுவனங்களில் நடைபெறுகிறது. ஐ.சி.எம்.ஆர் இந்த நிறுவனங்களை தடுப்பூசியின் விரைவான மருத்துவ பரிசோதனைகளை செய்யுமாறு கேட்டுக் கொண்டுள்ளது. ஏனெனில் இது அரசாங்கத்தின் மிக உயர்ந்த மட்டத்தில் கண்காணிக்கப்படும் முன்னுரிமை திட்டங்களில் ஒன்றாகக் கருதப்படுகிறது.

இந்த நிறுவனங்களுக்கு எழுதிய கடிதத்தில், அனைத்து மருத்துவ பரிசோதனைகளும் முடிந்தபின், ஆகஸ்ட் 15 ஆம் தேதிக்குள் பொது சுகாதார பயன்பாட்டிற்கான தடுப்பூசியை அறிமுகப்படுத்த திட்டமிட்டுள்ளதாக ஐசிஎம்ஆர் தெரிவித்துள்ளது.

இருப்பினும், இறுதி முடிவு இந்த திட்டத்தில் ஈடுபட்டுள்ள அனைத்து மருத்துவ சோதனை தளங்களின் ஒத்துழைப்பைப் பொறுத்தது என்று அந்த கடிதத்தில் மேலும் தெரிவிக்கப்பட்டுள்ளது!

 

நமது நாட்டைப் பொருத்தவரை சானிடைசர் நடுத்தர அளவிற்கு 17 வெள்ளியிலிருந்து 20 வெள்ளி, 25 வெள்ளியாக விற்பனையாகிறது. கையடக்க சானிடைசர்கூட 8 வெள்ளி வரை விற்கப்படுகிறது. ஆனால், இந்தியாவில் 1 லிட்டர் சானிடைசர் விலை வெறும் 17 காசுதான் என்று அதிரடி காட்டியுள்ளது அரசு.

இந்திய மின் வேதியியல் ஆய்வக விஞ்ஞானிகள் , சாதாரண உப்பைப்  பயன்படுத்தி வைரஸ் தடுப்புக்காக பயன்படுத்தக்கூடிய சோடியம் ஹைப்போ குளோரைட் கிருமிநாசினியைத் தயாரிக்கும் தொழில்நுட்பத்தை உருவாக்கியுள்ளனர். கிருமிநாசினியைப் பயன்படுத்துவதால் வைரஸ், பாக்டீரியா, டெங்கு கொசு மற்றும் பூஞ்சை ஆகியவற்றை அழிக்க முடிகிறது.

பெரும்பாலும் மருத்துவமனைகள், வீதிகள் மற்றும் மக்கள் அதிகம் கூடும் இடங்களில் அடிக்கடி கிருமிநாசினி பயன்படுத்தப்பட்டு வருகிறது. தற்போது சந்தையில் விற்கப்படும் கிருமிநாசினிகள் ஆல்கஹால் (ALCOHOL) சேர்த்து உற்பத்தி செய்யப்படுவதால் விரைவில் ஆவியாகி விடுகிறது. அவற்றைக் கொண்டு தரையைச் சுத்தம் செய்வதால் உடல்நலப் பிரச்சனை ஏற்பட வாய்ப்புள்ளது.

இதற்கு மாற்று வழியாக இந்த கிருமிநாசினி கண்டுபிடிக்கப்பட்டுள்ளது.

மூன்று கிராம் கல் உப்பை (சோடியம் குளோரைடு) 100 மி.லி. தண்ணீரில் கரைத்து நேர்மின்வாய் (Anode), எதிர்மின்வாய் (Cathode) பயன்படுத்தி எலக்ட்ரோ கெமிக்கல் முறையில் மின்சாரத்தைப் பாய்ச்சும் போது ஒரு மணிநேரத்தில் 50 மி.லி. சோடியம் ஹைப்போ குளோரைட் கிருமிநாசினி கிடைக்கிறது. இந்த முறையில் ஒரு லிட்டர் கிருமிநாசினியை 17 காசுகளில் உற்பத்தி செய்யலாம்.

கல் உப்பை பயன்படுத்தி தயாரிக்கும் கிருமிநாசினியில், நறுமணம் தேவைப்பட்டால் வாசனை திரவியங்களை சேர்த்துக் கொள்ளலாம். குளோரினை தண்ணீரில் கலந்து வீதிகளில் தெளித்து சுத்தம் செய்யும் போது அடர்த்தியான வாயு வெளியேறும். அதே போல், குளோரின் தயாரிக்கும் தொழிலாளர்களுக்கு உடல் ஆரோக்கியம் பாதிக்கக் கூடும்.

ஆனால் இதில் குளோரின் வாயுவின் பயன்பாடு இல்லாததால் மாசற்ற மற்றும் ஆபத்து இல்லாத ஆரோக்கியமான பணிச்சூழலை வழங்குகிறது!

டிக் டாக் உட்பட சீனாவின் 59 செயலிகள் முடக்கம்!
இந்தியா அதிரடி முடிவு!

இந்திய இறையாண்மை, ஒற்றுமை, பாதுகாப்பு மற்றும் பொது ஒழுங்குக்கு ஊறு விளைவிப்பதாக சீனாவின் 59 மொபைல் செயலிகளைத் தடை செய்து இந்திய அரசு உத்தரவு பிறப்பித்துள்ளது.

இந்திய தகவல் தொழில்நுட்ப அமைச்சகம் தகவல் தொழில்நுட்பச் சட்டம் பிரிவு 69-ஏ-யின் கீழ் தன் அதிகாரத்தைச் செயல்படுத்தியுள்ளதாக அமைச்சக அறிவிப்பு ஒன்றில் தெரிவிக்கப்பட்டுள்ளது.

இது தொடர்பாக மத்திய தகவல் தொழில்நுட்பத் துறை வெளியிட்டுள்ள அறிக்கை:

''கடந்த சில ஆண்டுகளாக இந்தியா தொழில்நுட்ப முன்னேற்றங்களில் புதுமையைப் புகுத்துவதில் முன்னோடியாக உள்ளது. டிஜிட்டல் வெளியில் இந்தியா ஒரு முதன்மைச் சந்தையாகவும் திகழ்கிறது.

ஆனால், அதே சமயத்தில் 130 கோடி இந்தியர்களின் தரவுப் பாதுகாப்பு, மற்றும் தனியுரிமைக் கொள்கையைப் பாதுகாப்பது ஆகியவை பற்றிய கவலைகளும் அதிகரித்துள்ளன. சமீபத்தில் இத்தகைய கவலைகள் நம் நாட்டின் இறையாண்மைக்கும், பாதுகாப்புக்கும் அச்சுறுத்தல் விளைவிக்கும் நிலைக்கும் சென்றிருப்பதாக பலராலும் கவலை வெளியிடப்பட்டது.

இந்நிலையில் ஆண்ட்ராய்ட் மற்றும் ஐ.ஓ.எஸ். பிளாட்பார்ம்களில் மொபைல் செயலிகள் துஷ்பிரயோகம் செய்யப்படுவதாக பல தரப்பிலிருந்தும் எங்களுக்குப் புகார் வந்தவண்ணம் இருந்தன. அதாவது பயனாளர்கள் தரவுகள் திருடப்படுவதாகவும் அனுமதியின்றிப் பயனாளர்கள் தரவுகள் இந்தியாவுக்கு வெளியே உள்ள சர்வர்களுக்கு மாற்றப்படுவதாகவும் எங்களுக்குப் புகார்கள் வந்தன.

இந்தத் தரவுகள் சேகரிப்பு , புதிய தகவல்களைப் பெறுவதற்காக முந்திய தரவுகளை அலசுவது ஆகியவற்றை தேசப் பாதுகாப்புக்கு ஊறு விளைவிக்கும் சக்திகள் தேச ஒற்றுமைக்கும், இறையாண்மைக்கும் குந்தகம் விளைவிப்பதற்காகப் பயன்படுத்தலாம் என்ற அச்சுறுத்தல் மிகவும் ஆழமான கவலைகளை உருவாக்கவல்லது.

இந்திய சைபர் கிரைம் ஒருங்கிணைப்பு மையம், மத்திய உள்விவகார அமைச்சகம் ஆகியவையும் இந்த தீங்கு விளைவிக்கும் செல்போன் செயலிகளை முடக்கப் பரிந்துரைத்தன.

இதனடிப்படையிலும் இது தொடர்பான நம்பகமான தகவல்களின் அடிப்படையிலும் இத்தகைய செயலிகள் இந்திய இறையாண்மைக்கும் ஒற்றுமைக்கும் அச்சுறுத்தல் ஏற்படுத்துவதாகத் தெரிவிக்கப்பட்டுள்ளது. ஆகவே, இந்திய அரசு செல்பேசி மற்றும் செல்பேசி அல்லாத இணையதளச் செயலிகளின் பயன்பாட்டுக்கு அனுமதி மறுக்கும் முடிவை எடுத்துள்ளது.

இந்தத் தடையினால் கோடிக்கணக்கான இந்திய செல்பேசி மற்றும் இணையதளப் பயன்பாட்டாளர்களைப் பாதுகாக்கும். இந்திய சைபர்வெளியின் இறையாண்மையையும் பாதுகாப்பையும் இலக்காகக் கொண்டு மேற்கொள்ளப்படுகிறது''.

இவ்வாறு அந்த அறிக்கையில் கூறப்பட்டுள்ளது.

தடை செய்யப்பட்ட 59 செயலிகளின் பட்டியல்

1. TikTok 2. Shareit 3. Kwai 4. UC Browser 5. Baidu map 6. Shein 7. Clash of Kings 8. DU battery saver 9. Helo 10. Likee 11. YouCam makeup 12. Mi Community 13. CM Browers 14. Virus Cleaner 15. APUS Browser 16. ROMWE 17. Club Factory 18. Newsdog 19. Beutry Plus 20. WeChat 21. UC News 22. QQ Mail 23. Weibo 24. Xender 25. QQ Music 26. QQ Newsfeed 27. Bigo Live 28. SelfieCity 29. Mail Master 30. Parallel Space 31. Mi Video Call — Xiaomi 32. WeSync 33. ES File Explorer 34. Viva Video — QU Video Inc 35. Meitu 36. Vigo Video 37. New Video Status 38. DU Recorder 39. Vault- Hide 40. Cache Cleaner DU App studio 41. DU Cleaner 42. DU Browser 43. Hago Play With New Friends 44. Cam Scanner 45. Clean Master - Cheetah Mobile 46. Wonder Camera 47. Photo Wonder 48. QQ Player 49. We Meet 50. Sweet Selfie 51. Baidu Translate 52. Vmate 53. QQ International 54. QQ Security Center 55. QQ Launcher 56. U Video 57. V fly Status Video 58. Mobile Legends 59. DU Privacy

சமூகவலைத்தளங்களில் தற்போது பரபரப்பான விஷயம் என்றால் அது வனிதாவின் திருமணம் தான்.

ஏற்கனவே இரு முறை திருமணமாகி விவாகரத்தான நிலையில்  வனிதா மூன்றாவது முறையாக பீட்டர் பால் என்பவரைக் கரம்பிடித்தார்.

அவரது பிள்ளைகள் முன்னிலையில் குடும்ப நண்பர்கள், உறவுகள் சூழ கிறிஸ்தவ முறைப்படி திருமணம் நடந்து முடிந்தது.

வீட்டிலேயே மிகவும் பிரம்மாண்டமான முறையில் செட் அமைக்கப்பட்டிருந்தது, மகள் ஜோவிகா அழைத்து வரும் போதே கண்கலங்கிய படியே வனிதா வந்தார்.

பின்னர் இருவரும் மோதிரம் மாற்றிக்கொண்டு கேக் வெட்டி கொண்டாடினர், அதன் பின்னர் நடந்த பார்ட்டியில் பீட்டர் பால் நடனமாடும் காட்சிகள் வெளியாகியுள்ளது.

அதில், மிகவும் சந்தோஷத்தில் துள்ளிக்குதித்து கணவர் ஆடும் காட்சிகளை ரசித்துக் கொண்டிருக்கிறார் வனிதா!

நெல்லை: தமிழகத்தில் புகழ்பெற்ற திருநெல்வேலி இருட்டுக் கடை அல்வா உரிமையாளர் ஹரிசிங், கொரோனா பாதித்திருந்த நிலையில், தற்கொலை செய்து கொண்டார்.

உடல்நிலை பாதிக்கப்பட்டு தனியார் மருத்துவமனையில் அனுமதிக்கப்பட்டிருந்த ஹரிசிங் மருத்துவமனையிலேயே தற்கொலை செய்து கொண்டதாகக் கூறப்படுகிறது.

கொரோனா உறுதி செய்யப்பட்ட நிலையில், பாளையங்கோட்டையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வந்தார் ஹரிசிங். இந்த நிலையில் மன உளைச்சல் காரணமாக அவர் இன்று தற்கொலை  செய்து கொண்டதாகத் தெரிய வந்துள்ளது!

அமெரிக்காவில் உள்ள ஹார்வர்டு கென்னடி பள்ளியின் அறிவியல் மற்றும் சர்வதேச பெல்பர் மையம் இந்தியா-சீனாவின் படை பலத்தை ஆய்வு செய்துள்ளது.

அதில் இரு நாடுகளிலும் உள்ள படை வீரர்களின் எண்ணிக்கை, விமானங்கள் மூலம் தாக்கும் திறன் போன்றவை விரிவாக அலசி ஆராயப்பட்டுள்ளது. அதில் இறுதியாக போர் வந்தால் இந்தியாவிற்கே வெற்றி வாய்ப்பு அதிகம் என்று கூறியுள்ளது. அதற்கான காரணங்களும் பட்டியலிடப்பட்டுள்ளன.

அதன்முக்கிய அம்சம் வருமாறு:-

கடந்த 2017-ஆம் ஆண்டு டோக்லாமில் ஏற்பட்ட பிரச்சினையைத் தொடர்ந்து இந்தியாவும், சீனாவும் எல்லையில் வீரர்களை குவித்து வருகிறது. இரு நாடுகளும் சமரச பேச்சுவார்த்தை நடத்தினாலும் எல்லையில் பதற்றம் குறையவில்லை. சீனாவின் அச்சுறுத்தல்கள் எல்லாம் இந்தியாவிற்கு நன்மை பயக்கும். ஏனென்றால் உலக அரங்கில் இந்தியா வெளிப்படைத்தன்மையுடன் செயல்படுகிறது. சீன விவகாரத்தில் இந்தியா துணிவதற்கு தனது நாட்டின் ராணுவ நிலைப்பாட்டில் இந்தியா மிகுந்த நம்பிக்கை வைத்துள்ளதுதான் முக்கிய காரணம்.

சீன படை பலத்தின் முன் இந்தியா சாதாரணமானது என்று ஒரு மாயை உருவாக்கப்பட்டு உள்ளது. இது முற்றிலும் தவறு. ராணுவ கட்டமைப்பு, தளவாடங்கள், விமானங்கள், கப்பல்கள் என்ற ஒட்டு மொத்த கணக்கீட்டில் சீனா முன்னணியில் இருக்கிறது என்பதனை யாரும் மறுக்க முடியாது. ஆனால் இந்தக் கட்டமைப்புகள் அனைத்தும் பரந்து விரிந்த சீனாவின் எல்லையைப் பாதுகாக்க போதாது.

போரில் வெற்றி என்பது வீரர்கள், ஆயுதங்களின் எண்ணிக்கையில் மட்டும் கிடைத்து விடுவதில்லை. மாறாக களத்தில் செயல்படும் திறனின் அடிப்படையில் அமைந்துள்ளது. அதன்படி சீனாவுடன் ஒப்பிடும்போது இந்தியாவின் திறன், மிக சிறப்பாக உள்ளது. இந்திய-சீன போர் ஏற்பட்டால் அதில் தரைப்படை மற்றும் விமானப்படைதான் முக்கிய பங்கு வகிக்கும். இரு நாடுகளிலும் கடல் வழி தாக்குதல்கள் சாத்தியமில்லை.

தரைப்படை வீரர்களின் மொத்த எண்ணிக்கையைப் பொறுத்தவரை இரு நாடுகளும் சம எண்ணிக்கையில் தான் உள்ளன. ஆனால் இந்திய-சீன எல்லையில் இருக்கும் வீரர்களின் எண்ணிக்கையில் இந்தியாதான் முன்னணியில் இருக்கிறது. அதாவது சீனா தனது நாட்டைப் பாதுகாக்க 5 படைப்பிரிவுகளை ஏற்படுத்தி உள்ளது. அதில் இந்திய எல்லை அருகே நிலைகொண்டு இருக்கும் படை மேற்கு திடேட்டர் கமாண்டட் ஆகும்.

இந்தப் படைப்பிரிவில் இருக்கும் சீன வீரர்களின் எண்ணிக்கை வெறும் 2 லட்சத்து 30 ஆயிரம்தான் உள்ளது. இவர்கள் மட்டுமே மலைப் பாங்கான அந்தப் பகுதிகளில் போரிடும் திறன் பெற்று இருக்கிறார்கள். ஆனால், இந்தியாவைப் பொறுத்தவரை வடக்கு, மத்திய மற்றும் கிழக்கு பகுதிகளில் உள்ள ராணுவம் அனைத்தும் இந்திய-சீன எல்லையில்தான் உள்ளது. அதாவது மொத்தம் 20 லட்சம் இந்திய வீரர்கள் இங்கு நிலைநிறுத்தப்பட்டுள்ளனர். இவர்கள் அனைவரும் இந்திய-சீன எல்லையில் இருக்கும் இடங்களை நன்கறிந்தவர்கள். மலைப் பகுதிகளில் போரிடும் திறன் பெற்றவர்கள். எனவே தரைப்படையில் இந்தியாவே பலம் பொருந்தி உள்ளது.

சீனாவின் மேற்கு திடேட்டர் கமாண்ட் பகுதியில் மொத்தம் 157 போர் விமானங்கள் உள்ளன. ஆனால் இந்தியாவிடம் இந்தப் பகுதியில் மட்டும் 270 போர் விமானங்கள் மற்றும் நிலப்பரப்பை அழிக்கும் 68 சிறிய ரக விமானங்களும் உள்ளன. அதன்படி விமானப்படையின் எண்ணிக்கையில் இந்த பகுதியில் இந்தியாவின் ஆதிக்கமே அதிகம் உள்ளது. சீனாவின் ஜே-10 போர் விமானத்திற்கு இணையாக இந்தியாவில் மிராஜ் விமானங்கள் உள்ளன. போர் என்றால் இரு நாடுகளும் முதலில் விமான தளங்களை குறி வைத்தே தாக்குதல்களைத் தொடங்கும்.

அதன்படி இந்தியா தனது பகுதியில் உள்ள அனைத்து விமான நிலையங்களில் இருந்தும் சீனாவின் எல்லை பகுதிகளில் உள்ள அனைத்து விமான நிலையங்களையும் மிக எளிதாகத் தாக்கி விடும். அந்தச் சூழ்நிலையில் சீனாவின் உட்பகுதியில் உள்ள விமான நிலையங்களில் இருந்து இந்திய பகுதிகளைத் தாக்குவது சீனாவிற்கு பெரும் பிரச்சினையாக இருக்கும். ஒரு வேளை தாக்குதலை தொடங்கினால் கூட இந்தியா அதனை எளிதாக முறியடிக்கும் வாய்ப்புகள் உள்ளது.

சீனா இந்தியாவின் அனைத்து முக்கிய பகுதிகளையும் தாக்க 104 தாக்குதல்களை நடத்த வேண்டும். ஆனால் இந்தியாவின் 10 எண்ணிக்கையிலான அக்னி 3 ஏவுகணை மூலம் சீனாவின் அனைத்து முக்கிய பகுதிகளையும் இந்தியாவால் தாக்க முடியும். அதேபோல் அக்னி-2 ஏவுகணைகள் மூலம் இந்தியா மத்திய சீன பகுதி முழுவதையும் தாக்கும் திறன் கொண்டது. மிக முக்கியமாக 51 அணுகுண்டுகளை வீசும் திறன் கொண்ட ஜாக்குவார் விமானங்கள் மூலம் ஒட்டுமொத்த சீனாவின் திபெத் பகுதியை இந்தியா எளிதாக அழித்து விடும்.

இந்தியாவுடன் மோதல் ஏற்பட்டால் சீனா தனது நீளமான எல்லையில் உள்ள அனைத்து படைகளையும் ஒன்று திரட்ட வேண்டும். ஆனால் இந்தியாவிற்கு அப்படியல்ல, எளிதாக தனது படைகளை சீன எல்லையில் சேர்த்து விடும். ஏனென்றால் இந்தியாவின் படைகளில் அதிக சதவீதம் ஏற்கனவே சீன மற்றும் பாகிஸ்தான் எல்லைகளில் தான் நிலை நிறுத்தப்பட்டுள்ளது. இது இந்தியாவின் மிகப்பெரிய பலம். இந்தியா சீனாவை விட வலுவான நிலையில் உள்ளது. எனவே வெற்றி வாய்ப்பு இந்தியாவுக்கு அதிகம் என்றுதான் சொல்ல வேண்டும்.

இவ்வாறு அந்த ஆய்வு தெரிவிக்கிறது!

சென்னை: நடிகை நயன்தாரா மற்றும் அவரின் காதலரும் இயக்குநருமான விக்னேஷ் சிவன் இருவருக்கும் கொரோனா தொற்று இருப்பதாக செய்தி வெளியாகியுள்ளது.

இருப்பினும், இதனை மறுத்து செய்தி வெளியிட்டுள்ளார் இயக்குநர் விக்னேஷ் சிவன்.

தாங்கள் இருவரும் நலமுடன் இருப்பதாகவும், கொரோனா தொற்று இல்லை என்றும், தற்போது ஒரு படத்தை இயக்கவிருப்பதால், அந்தப் படம் குறித்த விவாதத்தில் இருப்பதாகவும் அவர் தெரிவித்துள்ளார்.

மேலும் நயன் தினமும் தவறாமல் உடற்பயிற்சி மேற்கொண்டு வருகிறார். அவர் முழு ஆரோக்கியத்துடன் இருக்கிறார் என விக்னேஷ் சிவன் தெரிவித்துள்ளார்!

புதுடெல்லி: சீனாவில் உருவாகி உலக நாடுகள் அனைத்தையும் அச்சுறுத்தி வரும் கோவிட்-19 என்ற கொரோனா வைரசை ஒழிக்க இதுவரை தடுப்பு மருந்துகள் எதுவுமே கண்டுபிடிக்கப்பட்டு பயன்பாட்டுக்கு வராத நிலையில், அதன் ஆட்டம் நாளுக்குநாள் அதிகரித்துக் கொண்டே செல்கிறது.

உலகை அச்சுறுத்தி கொண்டிருக்கும் இந்த ஆட்கொல்லி வைரசின் பிடியில் இந்தியாவும் சிக்கியுள்ளது. இதனால் நாட்டில் பாதிக்கப்படுபவர்களின் எண்ணிக்கை தொடர்ந்து அதிகரித்த வண்ணம் இருக்கிறது.

அதன்படி நேற்று காலை 8 மணி வரையிலான 24 மணி நேரத்துக்குள் இந்தியாவில் 11,502 பேருக்கு கொரோனா தொற்று உறுதியாகி உள்ளதாகவும், 325 பேர் உயிரிழந்துள்ளதாகவும் மத்திய சுகாதாரத்துறை அமைச்சகம் தெரிவித்துள்ளது.

இதனால் நாட்டில் கொரோனாவால் பாதிக்கப்பட்டவர்கள் எண்ணிக்கை 3 லட்சத்து 32 ஆயிரத்து 424 ஆகவும், பலியானவர்கள் எண்ணிக்கை 9520 ஆகவும் உயர்ந்துள்ளது. நாட்டில் கொரோனாவால் பாதிக்கப்பட்டவர்களில் 1,69,798 பேர் சிகிச்சையின் மூலம் குணமடைந்து ‘டிஸ்சார்ஜ்’ ஆகி வீடு திரும்பிவிட்ட நிலையில், 1,53,106 பேர் மட்டுமே ஆஸ்பத்திரிகளில் சிகிச்சை பெற்று வருவது குறிப்பிடத்தக்கது.

இந்த கொரோனாவில் கோரப்பிடியில் சிக்கி தவித்து வரும் மராட்டிய மாநிலத்தில் மட்டும் ஒரே நாளில் 3,390 பேருக்கு நோய்த்தொற்று உறுதியாகி உள்ளது. இதனால் அங்கு பாதிக்கப்பட்டவர்கள் எண்ணிக்கை 1,07,958 ஆக அதிகரித்துள்ளது. பாதிப்பில் 2-வது இடத்தில் உள்ள தமிழகத்தில் நேற்று இந்த வைரஸ் தொற்று உறுதி செய்யப்பட்டவர்களின் எண்ணிக்கை 1,843 ஆகும். இதனால் பாதிப்பு எண்ணிக்கை 46,504 ஆக உயர்ந்து இருக்கிறது.

தேசிய தலைநகரான டெல்லியில் புதிதாக 2224 பேர் நோய்த்தொற்றுக்கு ஆளாகி இருக்கின்றனர். இதனால் அங்கு பாதிப்பு 41,182 ஆக உயர்ந்து உள்ளது. 4-வது இடத்தில் உள்ள குஜராத்தில் 23,544 பேரை கொரோனா பாதிப்புக்கு உள்ளாக்கி இருக்கிறது.

இதற்கு அடுத்த இடங்களில் உள்ள உத்தரபிரதேசம், ராஜஸ்தான், மேற்குவங்காளம் மற்றும் மத்தியபிரதேசம் ஆகிய மாநிலங்களில் பாதிக்கப்பட்டவர்கள் எண்ணிக்கை 10 ஆயிரம் முதல் 14 ஆயிரத்துக்குள் உள்ளது. அரியானா, கர்நாடகா, பீகார், ஆந்திரா மற்றும் ஜம்மு காஷ்மீரில் இந்த எண்ணிக்கை 5 ஆயிரம் முதல் 7,300-க்கு கீழே இருக்கிறது. தெலுங்கானாவில் கொரோனா தொற்றுக்கு ஆளானவர்களின் எண்ணிக்கை 5 ஆயிரத்தை நெருங்கியுள்ள நிலையில், அசாமில் 4 ஆயிரத்தை கடந்துள்ளது.

ஒடிசா, பஞ்சாப், கேரளா, உத்தரகாண்ட், ஜார்கண்ட், சத்தீஸ்கார் மற்றும் திரிபுராவில் பாதிக்கப்பட்டவர்கள் எண்ணிக்கை ஆயிரம் முதல் 4 ஆயிரத்துக்குள் இருக்கிறது. மற்ற மாநிலங்களில் பாதிக்கப்பட்டவர்களின் எண்ணிக்கை ஆயிரத்துக்கும் குறைவாக உள்ளது.

இந்த வைரஸ் பிடியில் சிக்கி நாடு முழுவதும் உயிரிழந்த 9,520 பேரில், 3,950 பேர் மராட்டிய மாநிலத்தை சேர்ந்தவர்கள் ஆவார்கள்!

புதுடெல்லி: எல்லை பிரச்சினையில் இந்தியாவுடன் சீனா தொடர்ந்து மோதல் போக்கை கடைபிடிக்கிறது.

லடாக் எல்லையில் சீன ராணுவம் கடந்த மாதம் அத்துமீறலில் ஈடுபட்டதால் ஏற்பட்ட பதற்றத்தை தணிக்க, இந்திய-சீன ராணுவ அதிகாரிகள் மட்டத்தில் பல சுற்றுகளாக பேச்சுவார்த்தை நடைபெற்றது.

இதைத்தொடர்ந்து, அங்கு ஓரளவு நிலைமை சீரடைய தொடங்கியது. இரு தரப்பிலும் படைகளை குறைக்கும் நடவடிக்கைகள் தொடங்கின.

இந்த நிலையில் கிழக்கு லடாக்கில் கல்வான் பள்ளத்தாக்கு பகுதியில் கடந்த திங்கட்கிழமை இரவு இரு நாட்டு வீரர்களுக்கும் இடையே திடீரென்று பயங்கர மோதல் ஏற்பட்டது. சீன வீரர்கள் கற்கள் மற்றும் கம்பிகளால் தாக்கினார்கள். பதிலுக்கு இந்திய வீரர்களும் திருப்பி தாக்கினார்கள். நேற்று முன்தினம் காலை வரை இந்த மோதல் நீடித்தது.

இதில் இந்திய தரப்பில் ஒரு ராணுவ அதிகாரி (கர்னல்) உள்பட 20 பேர் வீர மரணம் அடைந்தனர். அவர்களில் தமிழகத்தைச் சேர்ந்த வீரர் பழனியும் ஒருவர் ஆவார். சிலர் காயம் அடைந்தனர்.

சீனா தரப்பில் 40-க்கும் மேற்பட்ட வீரர்கள் பலியாகி இருப்பதாக தகவல் வெளியாகி உள்ளது. ஆனால் இதுபற்றி சீனா அதிகாரபூர்வமாக எதுவும் அறிவிக்கவில்லை.

இதனால் லடாக் எல்லையில் பதற்றம் மேலும் அதிகரித்து உள்ளது. சீனாவின் அடாவடித்தனத்துக்கு இந்தியா தனது கண்டனத்தை தெரிவித்து உள்ளது.

இந்த நிலையில், கொரோனா பரவலை கட்டுப்படுத்துவது தொடர்பாக பிரதமர் மோடி நேற்று 2-வது நாளாக மாநில முதல்-மந்திரிகளுடன் காணொலி காட்சி மூலம் ஆலோசனை நடத்தினார்.

இதில் கொரோனாவால் அதிகம் பாதிக்கப்பட்டுள்ள மராட்டியம், தமிழ்நாடு, குஜராத், மேற்கு வங்காளம், பீகார், உத்தரபிரதேசம், ராஜஸ்தான், ஒடிசா, மத்திய பிரதேசம், கர்நாடகம்,ஆந்திரா, தெலுங்கானா, அரியானா ஆகிய மாநிலங்களின் முதல்- மந்திரிகள் மற்றும் டெல்லி, காஷ்மீர் ஆகிய யூனியன் பிரதேசங்களின் துணை நிலை கவர்னர்கள் கலந்து கொண்டனர்.

கூட்டம் தொடங்கியதும், பிரதமரும், முதல்-மந்திரிகளும் எழுந்து நின்று, கிழக்கு லடாக் கல்வான் பள்ளத்தாக்கு பகுதியில் சீன ராணுவத்துடன் நடந்த மோதலில் வீரமரணம் அடைந்த ராணுவ வீரர்களுக்கு மவுன அஞ்சலி செலுத்தினார்கள்.

அதன்பிறகு இந்த மோதல் விவகாரம் தொடர்பாக, சீனாவுக்கு எச்சரிக்கை விடுக்கும் வகையில் பிரதமர் மோடி பேசினார்.

அவர் பேசுகையில் கூறியதாவது:-

இந்தியா அமைதியை விரும்பும் நாடு. நாம் எப்போதும் அமைதியையே விரும்புகிறோம். அண்டை நாடுகளுடன் நட்புறவுடனும், கூட்டுறவு மனப்பான்மையுடனும் இருப்பதற்காகவே எப்போதும் பாடுபடுகிறோம். அந்த நாடுகளும் வளர்ச்சி அடைய வேண்டும் என்றுதான் விரும்புகிறோம்.

நாம் யாரையும் சீண்டுவது கிடையாது. ஆனால் நம்மை யாராவது சீண்டினால் அவர்களுக்கு தக்க பதிலடி கொடுக்கப்படும். அதற்கான திறன் நமக்கு உள்ளது. அத்துமீறினால் திருப்பி அடிக்க தயங்கப் போவது இல்லை. இந்தியாவுக்கு கோபமூட்டும் நடவடிக்கையில் ஈடுபட்டால் பதிலடி கொடுக்க ஒருபோதும் தயங்கமாட்டோம்.

கருத்து வேறுபாடுகள் சர்ச்சைகளாக மாறி விடக்கூடாது என்பதில் நாம் உறுதியாக இருக்கிறோம். அதற்காக எப்போதும் முயற்சி செய்கிறோம். அதேசமயம் நாட்டின் ஒருமைப்பாட்டிலும், இறையாண்மையிலும் ஒருபோதும் சமரசம் செய்து கொள்ள முடியாது. இந்தியாவின் துணிச்சலையும், வீரத்தையும் பற்றி உலகத்துக்கே தெரியும். தேவைப்படும் போதெல்லாம் அதை நாம் நிரூபித்துக் காட்டி இருக்கிறோம்.

கல்வான் பள்ளத்தாக்கு பகுதியில் தாய்நாட்டை பாதுகாக்கும் முயற்சியில் இந்திய வீரர்கள் தீரத்துடன் போரிட்டு உயிர்த்தியாகம் செய்து இருக்கிறார்கள். இந்த சமயத்தில் ஒட்டுமொத்த தேசமும் அவர்களுடைய குடும்பங்களுக்கு ஆதரவாக இருக்கிறது. அவர்களுடைய குடும்பத்தினருக்கு ஆழ்ந்த இரங்கலை தெரிவித்துக் கொள்கிறேன்.

நமது ராணுவ வீரர்கள் செய்த உயிர்த்தியாகம் வீண் போகாது என நாட்டு மக்களுக்கு உறுதி அளிக்கிறேன். எந்த சூழ்நிலையானாலும் நாட்டின் ஒவ்வொரு அங்குல நிலத்தையும், சுயமரியாதையையும் பாதுகாப்போம் என்று உறுதி அளிக்கிறேன். இதில் யாருக்கும் எந்த குழப்பமோ, சந்தேகமோ வேண்டாம்.

இவ்வாறு பிரதமர் மோடி கூறினார்.

புதுடெல்லி: இந்தியாவுடன் எல்லைகளைப் பகிரும் முக்கியமான நாடுகளான பாகிஸ்தான் மற்றும் சீனாவுடன், இந்தியா எப்போதும் நட்பு பாராட்டவே விரும்புகிறது. ஆனால் இந்த நாடுகள் ஒருபோதும் இந்தியாவை நண்பனாக கருதியது இல்லை.

வடமேற்கு எல்லையைப் பகிரும் பாகிஸ்தான் இந்தியாவுடன் போர் தொடுத்து வெற்றி பெற முடியாததால் எல்லை தாண்டிய பயங்கரவாதத்தை ஊக்குவித்து அன்றாடம் இந்தியாவுக்கு குடைச்சல் கொடுத்து வருகிறது. அது சர்வதேச அளவில் அம்பலப்பட்டு அடிக்கடி மூக்குடைபட்டு போகிறது.

மறுபுறம் வடகிழக்கு எல்லையை பகிரும் சீனாவோ இந்திய பகுதிகளை ஆக்கிரமித்து தனது எல்லையை விரிவுபடுத்த கங்கணம் கட்டிக்கொண்டு காத்திருக்கிறது. அருணாசல பிரதேசத்தை தெற்கு திபெத் என சொந்தம் கொண்டாடும் அந்த நாடு, இந்திய எல்லைக்குள் நுழைவதற்கு தக்க தருணத்தை தேடிக்கொண்டு இருக்கிறது.

இதனால் அருணாசல பிரதேசம், லடாக், சிக்கிம் என இருநாட்டு எல்லைப்பகுதிகளில் இந்திய-சீன வீரர்கள் அடிக்கடி கைகலப்பில் ஈடுபட்டு வருகின்றனர். இரு நாடுகளுக்கு இடையேயான 3,488 கி.மீ. எல்லைப்பகுதி எப்போதும் பதற்றம் நிறைந்ததாகவே காணப்படுகிறது.

டோக்லாம் பிரச்சினை

கடந்த 2017-ம் ஆண்டு கூட சிக்கிம் எல்லையில் உள்ள டோக்லாம் பகுதியில் இரு நாட்டு படைகள் இடையே திடீர் மோதல் ஏற்பட்டது. அங்கு சீன ராணுவம் சட்ட விரோதமாக மேற்கொண்ட சாலைப்பணிகளை இந்திய வீரர்கள் தடுத்து நிறுத்தியதால் இரு நாட்டு படைகளும் மோதல், கைகலப்பில் ஈடுபட்டன.

சர்வதேச அளவில் கவனம் பெற்ற இந்த விவகாரம் இரு நாடுகளுக்கு இடையே நடத்தப்பட்ட பேச்சுவார்த்தை மூலம் முடிவுக்கு கொண்டு வரப்பட்டது. டோக்லாம் பகுதியில் 2 மாதங்களுக்கு மேலாக நீடித்த பதற்றம் இதன் மூலம் முடிவுக்கு வந்ததுடன், இரு நாடுகளும் தங்கள் படைகளையும் அங்கிருந்து விலக்கிக்கொண்டன.

லடாக்கில் ஊடுருவல்

இந்த சம்பவத்துக்குப்பின் இரு நாடுகளுக்கு இடையேயான உறவு சுமுக நிலைக்கு திரும்பிய நிலையில், சீன ராணுவம் மீண்டும் தனது வேலையை காட்டியுள்ளது. இந்த முறை அவர்களது கவனம் லடாக்கில் இருந்தது. லடாக்கின் கிழக்கு பகுதியில் உள்ள பங்கோங் சோ ஏரி பகுதியில் சீன வீரர்கள் சட்ட விரோதமாக ஊடுருவினர்.

கடந்த மாத தொடக்கத்தில் நடந்த இந்த ஊடுருவலை கண்டறிந்த இந்திய வீரர்கள் சீன ராணுவத்தினரை திரும்பி செல்லுமாறு வலியுறுத்தினர். இதில் இரு தரப்புக்கும் இடையே கைகலப்பு ஏற்பட்டது. கடந்த மாதம் 5 மற்றும் 6-ந்தேதிகளில் நடந்த இந்த மோதலில் இரு தரப்பிலும் பல வீரர்கள் காயமடைந்தனர். மேலும் கிழக்கு லடாக்கின் கல்வான் பள்ளத்தாக்கு, டெம்சோக், தவுலத் ஓல்டி போன்ற பகுதிகளிலும் இரு நாட்டு வீரர்களும் நேருக்குநேர் மோதும் சூழல் உருவானது.

படைகள் குவிப்பு

இதைத்தொடர்ந்து அந்த பகுதியில் சீனா ஆயுதங்களுடன் 5 ஆயிரத்துக்கும் மேற்பட்ட வீரர்களை குவித்தது. இதனால் இந்தியாவும் கூடுதல் படைகளை லடாக்கில் களமிறக்கியது. மேலும் உத்தரகாண்ட், அருணாசல பிரதேசம், சிக்கிம் என இந்தியா-சீனா எல்லையில் இரு நாடுகளும் படைகள் குவித்தன. இதனால் இரு நாட்டு எல்லையில் பெரும் பதற்றம் நிலவி வந்தது.

ஒருபுறம் படைகள் குவிக்கப்பட்டாலும், மறுபுறம் இந்த பதற்றத்தை தணிக்க இரு நாடுகளும் தீவிரம் காட்டின. அதன்படி ராணுவ கமாண்டர்கள் மட்டத்திலும், மேஜர்கள் மட்டத்திலும் பலகட்ட பேச்சுவார்த்தைகள் நடத்தப்பட்டன. இதில் உடன்பாடு ஏற்படவில்லை.

எனவே இரு தரப்பிலும் ராணுவ உயர் அதிகாரிகள் சந்தித்து பேசினர். இதில் இரு நாடுகளும் கல்வான் பள்ளத்தாக்கு உள்ளிட்ட பகுதிகளில் இருந்து படைகளை விலக்கிக்கொள்ள ஒப்புக்கொண்டன. இதை அறிவித்த ராணுவ தளபதி மனோஜ் முகுந்த் நரவானே, கல்வான் பள்ளத்தாக்குக்கு வடக்கில் இருந்து இந்தியா படைகளை விலக்கி வருவதாக தெரிவித்தார்.

கற்கள், கம்பிகளால் தாக்கினர்

இந்த பணிகள் நடந்து வந்த நிலையில் கல்வான் பள்ளத்தாக்கு பகுதியில் நேற்று முன்தினம் இரவு இரு நாட்டு வீரர்களுக்கு இடையே திடீரென பயங்கர மோதல் ஏற்பட்டது. இரு தரப்பினரும் ஒருவரையொருவர் சரமாரியாக தாக்கிக்கொண்டனர். சீன வீரர்கள் இந்திய படையினர் மீது கற்களை வீசி தாக்கினர்.

கற்களாலும், கம்பிகளாலும் தாக்கிக்கொண்டதில் பலருக்கு காயம் ஏற்பட்டது. நேற்று காலைவரை பல மணி நேரம் நீடித்த இந்த மோதலில் இந்தியா தரப்பில் ராணுவ அதிகாரி (கர்னல்) ஒருவரும், 2 வீரர்களும் பலியானதாக முதற்கட்ட தகவல்கள் வெளியாகின.

வீரமரணம் அடைந்த வீரர்களில் ஒருவர் ராமநாதபுரம் மாவட்டத்தின் கடுக்கலூர் கிராமத்தை சேர்ந்த பழனி (வயது 40) என்பது குறிப்பிடத்தக்கது.

பலி எண்ணிக்கை உயர்வு

ஆனால் இந்த மோதலில் இந்திய வீரர்கள் மொத்தம் 20 பேர் பலியாகி விட்டதாக இரவில் தெரியவந்தது. கடல் மட்டத்தில் இருந்து பல ஆயிரம் மீட்டர் உயரத்தில் பூஜ்ஜிய டிகிரி வெப்ப நிலையில் நடந்த இந்த இருதரப்பு மோதலில் பலத்த காயமடைந்த மேலும் 17 வீரர்கள் பலியாகி விட்டனர்.

இந்த மோதலில் சீனா தரப்பிலும் பலத்த உயிர்ச்சேதம் ஏற்பட்டு உள்ளது. அங்கு 43 வீரர்கள் பலியானதாக தகவல்கள் வெளியாகி உள்ளன. இதன் மூலம் லடாக் எல்லையில் இரு நாடுகளுக்கு இடையே பலத்த மோதல் நடந்திருப்பதும், அங்கு நிலைமை மோசமாக இருப்பதும் தெரியவந்துள்ளது.

ராஜ்நாத் சிங் அவசர ஆலோசனை

லடாக் எல்லையில் படைகள் வாபஸ் பெறப்பட்டு, பதற்றம் குறைப்பதற்கான நடவடிக்கைகள் நடந்து கொண்டிருந்தபோது இரு நாடுகளுக்கும் இடையே ஏற்பட்டுள்ள இந்த திடீர் மோதல், அங்கு மேலும் பதற்றத்தை அதிகரித்து உள்ளது. எனவே அங்கு மீண்டும் இயல்பு நிலையை கொண்டு வருவதற்கான நடவடிக்கைகளை மத்திய அரசு தீவிரப்படுத்தி உள்ளது.

இதற்காக முப்படை தலைவர் பிபின் ராவத், முப்படை தளபதிகள் ஆகியோருடன் ராணுவ மந்திரி ராஜ்நாத் சிங் நேற்று அவசர ஆலோசனை நடத்தினார். இந்த கூட்டத்தில் வெளியுறவு மந்திரி ஜெய்சங்கரும் கலந்து கொண்டார். லடாக் எல்லையில் தற்போதைய நிலவரம் குறித்து இந்த கூட்டத்தில் விரிவாக விவாதிக்கப்பட்டது.

பிரதமரிடம் விளக்கம்

பின்னர் பிரதமர் நரேந்திர மோடியை ராஜ்நாத் சிங் சந்தித்து பேசினார். அப்போது லடாக்கில் நேற்று முன்தினம் நடந்த மோதல் மற்றும் அங்கு தற்போது நிலவும் சூழல் உள்ளிட்டவை குறித்து பிரதமரிடம் ராஜ்நாத் சிங் எடுத்துரைத்தார். மேலும் எல்லையில் அமைதியை ஏற்படுத்த மேற்கொள்ள வேண்டிய நடவடிக்கைகள் குறித்தும் இருவரும் ஆலோசனை நடத்தினர்.

காஷ்மீர் எல்லையில் பாகிஸ்தானின் அத்துமீறிய தாக்குதலால் இந்தியா தரப்பில் உயிர்ப்பலிகள் நிகழ்வது வாடிக்கையாகி வந்த நிலையில், சீனாவின் அத்துமீறலாலும் இந்திய வீரர்கள் பலியாகி இருக்கும் சம்பவம் நாடு முழுவதும் பெரும் அதிர்ச்சியை ஏற்படுத்தி உள்ளது!

(நன்றி: தந்தி)

"Kai Po Che" என்ற படம் மூலம் பாலிவுட்டில் அறிமுகமானவர் சுசாந்த் சிங் ராஜ்புத். இதையடுத்து இந்திய முன்னாள் கேப்டன் தோனியின் சுயசரிதையில் தோனியாக நடித்து இந்தியா முழுவதும் பிரபலமானார். இவருக்கு வயது 34.

மும்பையின் பாந்த்ரா பகுதியில் உள்ள தன்னுடைய வீட்டில்  ஊரடங்கு காலத்தில் அவர்  தனியாக வசித்து வந்துள்ளார். இந்தச் சூழ்நிலையில் அவர் வீட்டில் தற்கொலை செய்து கொண்டதாக செய்திகள் வெளியாகி உள்ளது.

சுசாந்த் சிங் ராஜ்புத்தின் தற்கொலை செய்தி கேட்டு போலீசார் அவரது வீட்டிற்கு விரைந்தனர். வீட்டில் தூக்கில் தொங்கி அவர் தற்கொலை செய்து கொண்டதாகப் போலீசார் தகவல் தெரிவித்துள்ளனர்.

நடிகரின் தற்கொலைக்கான காரணம் இன்னும் தெளிவாக தெரியவில்லை. சில நாட்களாக அவருக்கு உடல்நிலை சரியில்லை என்று கூறப்படுகிறது. மேலும் அவர் கடந்த சில மாதங்களாகவே மன அழுத்தம் காரணமாக பாதிக்கப்பட்டிருந்தார் என்று போலீசாரின் முதற்கட்ட விசாரணையில் தெரிய வந்துள்ளது. பிரேதப் பரிசோதனை அறிக்கை வெளியான பிறகே முழு விவரமும் தெரிய வரும்.

சுசாந்த் சிங் ராஜ்புத்தின் தற்கொலை செய்தி கேட்டு பாலிவுட் நட்சத்திரங்கள், அவருடைய ரசிகர்கள் அனைவரும் துயரத்தில் ஆழ்ந்துள்ளனர்.

#SushantSinghRajput என்ற ஹேஷ்டேக்கைப் பயன்படுத்தி அனைவரும் தங்களுடைய இரங்கலை தெரிவித்து வருகின்றனர்!