loader

All News

புத்ராஜெயா, ஜூலை 25: இன்று ஒரே நாளில் 17,045 புதிய கொரோனா சம்பவங்கள் பதிவாகி பெரும் அதிர்ச்சியை ஏற்படுத்தியுள்ளது. நாட்டில் இதுவரை பாதிக்கப்பட்டவர்களின் மொத்த எண்ணிக்கை 10,13,438 ஆக உயர்ந்துள்ளது.

இன்று ஒரே நாளில் மட்டும் 92 பேர் மரணம் அடைந்துள்ளனர். இதன் மூலம் மொத்த மரண எண்ணிக்கை 7,994 ஆக உயர்ந்துள்ளது.

இன்று ஒரே நாளில் 9,683 பேர் குணமடைந்து வீடு திரும்பியுள்ளனர்.
இதன் மூலம் நாட்டில் கொரோனா தொற்றால் பாதிக்கப்பட்டு குணமடைந்தவர்களின் மொத்த எண்ணிக்கை 844, 541ஆக உயர்ந்துள்ளது.

160, 903 பேர் சிகிச்சை பெற்று வருகின்றனர்.
தீவிர சிகிச்சைப் பிரிவில் 970 பேர், வெண்டிலேட்டர் ஆதரவில் 501 உள்ளனர்.

சிலாங்கூரில் மட்டும் இன்று அதிகபட்சமாக 8,500 சம்பவங்கள் பதிவாகி புதிய உச்சத்தை தொட்டுள்ளது!


கோலாலம்பூர், ஜூலை 25: பிப்ரவரி 24 -ஆம் தேதி தொடங்கப்பட்ட தேசிய கோவிட் -19 நோய்த்தடுப்பு திட்டத்தின் கீழ் மொத்தம் 16,904,896 தடுப்பூசி மருந்துகள் வழங்கப்பட்டுள்ளதாக சுகாதார அமைச்சர் டத்தோஸ்ரீ டாக்டர் ஆதாம் பாபா தெரிவித்தார்.

மலேசியாவில் 5,397,826 பேர் சனிக்கிழமை (ஜூலை 24) இரவு 11.59 மணி நிலவரப்படி முழு இரண்டு டோஸ்களையும் பெற்றுள்ளனர் என்று கூறினார்.

மொத்தம் 11,507,070 பேர் தங்கள் முதல் டோஸைப் பெற்றுள்ளனர் என்று அவர் கூறினார்.

தினசரி தடுப்பூசி விகிதத்தில், நேற்று 417,738 மருந்துகள் வழங்கப்பட்டுள்ளதாகவும், 284,672 நபர்கள் முதல் டோஸையும், 133,066 பேருக்கு இரண்டாவது டோஸையும் பெற்றுள்ளனர் என்றும் அவர் கூறினார்!

பினாங்கு, ஜூலை 23: பினாங்கு இந்து அறப்பணி வாரிய  நிர்வாக இயக்குநர் டத்தோ எம்.ராமச்சந்திரன் தாக்கப்பட்டதை அடுத்து பினாங்கு துணை முதல்வர் இராமசாமி தமது கண்டனத்தைப் பதிவு செய்துள்ளார்.

நேற்று இரவு 10 மணியளவில் மருத்துவமனைக்கு ராமச்சந்திரனைப் பார்க்கச் சென்றதாகவும் . அவர் தாக்கப்பட்டாரா இல்லையா என்று தன்னிடம் கேட்கும் அளவுக்கு அவர் சுயநினைவுடன் இருந்தார் என்றும் இராமசாமி தெரிவித்தார்.

நேற்று இரவு அவர் செபராங் ஜெயா மருத்துவமனைக்கு மாற்றப்பட்டார். இந்தச் சம்பவத்திற்கு பின்னர் நேற்று அவரது மனைவி மற்றும் மருமகனால் ஒரு போலீஸ் அறிக்கை செய்யப்பட்டது. கோழைத்தனமான தாக்குதலின் பின்னணியில் உள்ள சந்தேக நபர்களை போலீசார் விசாரிக்கின்றனர் என்று அவர் கூறினார்.

டத்தோ இராமா சிறந்த மனிதர், தொழிலாளர் விஷயங்களில் மிகவும் அறிவார்ந்தவர், முன்னாள் பிரபல தொழிற்சங்கவாதி மற்றும் மனிதவள மேலாளர். அவர் ஓய்வு பெற்றதும், டிஏபி தலைமையிலான அரசாங்கத்தின் கீழ் இரண்டு முறை எம்.பி.எஸ்.பி நகராண்மைக் கழக ஆட்சிமன்ற உறுப்பினராக நியமிக்கப்பட்டார்.

நகராண்மைக்கழகப் பதவியை ராஜினாமா செய்ததைத் தொடர்ந்து, டத்தோ இராமா,  இந்து அறப்பணி வாரிய நிர்வாக இயக்குநராக (ED) நியமிக்கப்பட்டார்.

பினாங்கு மாநிலத்தில் இந்தியர்களுக்கு சேவை செய்வதற்கான முன்னணி அமைப்பாக அறப்பணி வாரியத்தை வலுப்படுத்துவதில் அவர் தனது நிலைப்பாட்டில் சிறந்து விளங்கினார். டத்தோ இராமாவிற்கு எதிரான தாக்குதல் பினாங்கு அரசாங்கத்திற்கு எதிரான தாக்குதலாகும். பினாங்கு இந்து அறப்பணி வாரியத்தில் நானும் அதன் தலைவராக இருக்கிறேன். பினாங்கு அரசாங்கத்தின் பிரதிநிதியாக நான் இந்த விஷயத்தில் தீவிரம் காட்டுவேன் என்றும், தாக்குதலுக்குப் பின்னால் கோழைகளுக்கு பயப்படப்போவதில்லை என நான் பினாங்கு இந்தியர்களுக்கு உறுதியளிக்கிறேன் என்று இராமசாமி தெரிவித்துள்ளார்.

டத்தோ இராமா விரைவில் குணமடையவும், அவரது குடும்பத்தினருக்கு ஆதரவாக நாங்கள் முழு ஒத்துழைப்பு வழங்குவோம் என்றும் அவர் உறுதியளித்தார்.

 

பினாங்கு, ஜூலை 23: பினாங்கு இந்து அறப்பணி வாரிய  நிர்வாக இயக்குநர் டத்தோ எம்.ராமச்சந்திரன்,  நேற்று மாலை 7 மணியளவில் அவரது வீட்டின்முன் மூன்று அடையாளம் தெரியாத நபர்களால் தாக்கப்பட்டுள்ளார்.

நேற்று அவர் தனது காரில் இருந்து இறங்கியவுடன்,  அடையாளம் தெரியாத நபர்கள் கத்தியால் அவரைத் தாக்கியுள்ளனர்.

70 வயதான டத்தோ இராமாவின் உடலில் காயம் ஏற்பட்டதோடு, அவரது உடலில்  வெட்டுகள் பதிந்துள்ளன.

இதனையடுத்து அவர் நேற்று பி.எம் அரசு மருத்துவமனையின் அவசரப் பிரிவில் அனுமதிக்கப்பட்டார்!

பெட்டாலிங் ஜெயா, ஜூலை 23: கோவிட் -19 தடுப்பூசியை முழுமையாகப் போட்டுக்கொண்ட நபர்கள் அதிக நன்மைகளை அனுபவிப்பார்கள் என்று டான் ஸ்ரீ டாக்டர் நூர் ஹிஷாம் அப்துல்லா தெரிவித்துள்ளார்.

சுகாதார அமைச்சர் டத்தோஸ்ரீ டாக்டர் ஆதாம் பாபாவுடன் கலந்துகொண்ட ஒரு செய்தியாளர் சந்திப்பின் போது அவர் இதனைத் தெரிவித்தார்.

30% மற்றும் 40% முழு தடுப்பூசி கொண்ட நாடுகளைக் கொண்ட நாடுகள் பொதுவாக சில கட்டுப்பாடுகளை தளர்த்தத் தொடங்கியுள்ளதையும் அவர் சுட்டிக்காட்டினார்.

இது ஒரு முழு தளர்வு அல்ல என்றாலும், சில கட்டுப்பாடுகளை நீக்க முடியும். எடுத்துக்காட்டாக, டென்னிஸ் மற்றும் பூப்பந்து போன்ற விளையாட்டுத் துறைகளைச் சேர்ந்தவர்கள், இரண்டாவது டோஸ் பூர்த்தி செய்து, இரண்டு வார காலத்தை கடந்துவிட்டவர்கள் எனில், அவர்கள் பயிற்சியில் ஈடுபடலாம்.

முழுமையாகத் தடுப்பூசி போடப்பட்டவர்களுக்கான தளர்வுகளை பிரதமர் விரைவில் அறிவிப்பார் என்று சுகாதார அமைச்சர் டாக்டர் ஆதாம் கூறினார்!

 

புத்ராஜெயா, ஜூலை 23: இன்று ஒரே நாளில் 15,573 புதிய கொரோனா சம்பவங்கள் பதிவாகி பெரும் அதிர்ச்சியை ஏற்படுத்தியுள்ளது. நாட்டில் இதுவரை பாதிக்கப்பட்டவர்களின் மொத்த எண்ணிக்கை 980,491 ஆக உயர்ந்துள்ளது.

இன்று ஒரே நாளில் மட்டும் 144 பேர் மரணம் அடைந்துள்ளனர். இதன் மூலம் மொத்த மரண எண்ணிக்கை 7,718 ஆக உயர்ந்துள்ளது.

இன்று ஒரே நாளில் 10,094 பேர் குணமடைந்து வீடு திரும்பியுள்ளனர்.
இதன் மூலம் நாட்டில் கொரோனா தொற்றால் பாதிக்கப்பட்டு குணமடைந்தவர்களின் மொத்த எண்ணிக்கை 825,387 ஆக உயர்ந்துள்ளது.

147,386 பேர் சிகிச்சை பெற்று வருகின்றனர்.
தீவிர சிகிச்சைப் பிரிவில் 939 பேர், வெண்டிலேட்டர் ஆதரவில் 456 உள்ளனர்.

சிலாங்கூரில் மட்டும் இன்று அதிகபட்சமாக 7,672 சம்பவங்கள் பதிவாகி புதிய உச்சத்தை தொட்டுள்ளது!




 

பெட்டாலிங் ஜெயா ஜூலை 23: கோவிட் 19 தொற்றினால் இறந்தவர்களின் இறுதிச் சடங்கிற்கான கட்டணத்தை குறைக்க வேண்டும் என மலேசிய இந்து சங்கம் கோரிக்கை வைத்துள்ளது.

கோவிட் பெருந்தொற்றால் தற்போதைய சூழலில் மக்கள் பெரும் அவதியில் உள்ளனர். இந்நிலையில் இறப்பு என்பது தாங்க இயலாத சோகம் ஆகும். அந்த நிலையிலும் இறப்புச் சடங்குகளுக்கான கட்டணம் அதிகம் என்பது வேதனையானது என மலேசிய இந்து சங்கத் தலைவர் டத்தோ மோகன் ஷான் தெரிவித்துள்ளார்.

குறைந்த வருமானம் பெறும் குடும்பத்தினர் இதனால் பெரும் பாதிப்படைந்துள்ளனர்.  கோவிட் தொற்றால் மரணமடையும் இந்துக்களின் சடலங்கள் சுற்றப்பட்டு பிணப்பெட்டியில் வைத்து கிருமி நாசினி தெளித்த பிறகே மின் சுடலைக்குக் கொண்டு செல்லப்பட வேண்டும்.

இது குறித்து சுகாதாரத்துறை தலைமை இயக்குனர் டான்ஸ்ரீ டாக்டர் நூர் ஹிஷாம் அப்துல்லாவிற்கு தாம் கடிதம் எழுதியுள்ளதாக அவர் கூறினார்.

மேலும் இறுதிச் சடங்கு காரியம் செய்பவர்கள் 5000 வெள்ளி வரை கட்டணமாக வசூலிப்பதாகவும், இது வசதி குறைந்த குடும்பத்தினருக்குப் பெரும் சிரமமாக இருப்பதாக அவர்கல் முறையிட்டு வருவதாகவும் அவர் தெரிவித்தார்.
வழக்கமாக 2,500 முதல்  2,800 வசூலிப்பதே நடைமுறை.

பிணப்பெட்டிக்கு RM 500, போக்குவரத்துச் செலவுக்கு RM 500 மற்றும் அரசாங்கப் பராமரிப்பிலான மின் சுடலைக்கு RM 100 முதல் RM 200 வரைதான் செலவாகும்.

எனவே, கோவிட் தொற்றினால் மரணமடைகின்றவர்களுக்கான பிணப்பெட்டிகள் வாங்கவும் பிரேதங்களை மின் சுடலைக்குக் கொண்டு செல்லவும், இந்து சங்கத்தையும் சேர்த்துக் கொள்ளும்படி சுகாதார அமைச்சிடம் டத்தோ மோகன் ஷான் வலியுறுத்தினார்!

புத்ராஜெயா, ஜூலை 22: இன்று ஒரே நாளில் 13,034 புதிய கொரோனா சம்பவங்கள் பதிவாகியுள்ளன. நாட்டில் இதுவரை பாதிக்கப்பட்டவர்களின் மொத்த எண்ணிக்கை 964,918 ஆக உயர்ந்துள்ளது.

இன்று ஒரே நாளில் மட்டும் 134 பேர் மரணம் அடைந்துள்ளனர். இதன் மூலம் மொத்த மரண எண்ணிக்கை 7,574 ஆக உயர்ந்துள்ளது.

இன்று ஒரே நாளில் 8,436 பேர் குணமடைந்து வீடு திரும்பியுள்ளனர்.
இதன் மூலம் நாட்டில் கொரோனா தொற்றால் பாதிக்கப்பட்டு குணமடைந்தவர்களின் மொத்த எண்ணிக்கை 815,293 ஆக உயர்ந்துள்ளது.

142,051 பேர் சிகிச்சை பெற்று வருகின்றனர்.
தீவிர சிகிச்சைப் பிரிவில் 938 பேர், வெண்டிலேட்டர் ஆதரவில் 459 உள்ளனர்!




 

 

கோலாலம்பூர், ஜூலை 22 :  பெரிக்காத்தான் நேஷனலுக்கு ஆதரவு தர மறுப்பதால் தன் மீது வழக்கு பாய்ந்துள்ளதாக முன்னாள் இளைஞர் விளையாட்டுத் துறை அமைச்சர் சைட் சாடிக் அப்துல் ரஹ்மான் தெரிவித்துள்ளார். பெரிக்காத்தானுக்கு ஆதரவு தருவதை விட தாம் வழக்கைச் சந்திக்கத் தயார் என அவர் கூறியுள்ளார்.

இதற்கெல்லாம் நான் பின்வாங்க மாட்டேன். சத்தியம்  ஒருநாள் வெல்லும். அரசியலுக்காக என் என்னை விற்று விடமாட்டேன் என   சைட் அவர் தெரிவித்துள்ளார்.

நாடாளுமன்றம் எப்போதெல்லாம் கூடுகிறதோ, அப்போதெல்லாம் இது மாதிரியான நெருக்கடிகள் தமக்குத் தரப்படுவதாகவும்,  தற்போது ஜூலை 26-ஆம் தேதி நாடாளுமன்றம் கூடவிருக்கும் வேளையில் இந்த வழக்கு தொடுக்கப்பட்டிருப்பதாகவும் அவர் சுட்டிக்காட்டியுள்ளார்.


 

புத்ராஜெயா, ஜூலை 22: மயோர்கார்டிடிஸ் மற்றும் பெரிகார்டிடிஸ் அபாயங்களைத் தவிர்ப்பதற்காக,  17 வயதுக்கு உட்பட்டவர்களுக்கு கோவிட் -19 தடுப்பூசி கொடுக்க வேண்டாம் என்று அரசாங்கம் ஒப்புக் கொண்டுள்ளதாக கோவிட் -19 நோய்த்தடுப்பு பணிக்குழு (சிஐடிஎஃப்) தெரிவித்துள்ளது.

இருப்பினும்,  18 வயதை எட்டிய STPM மாணவர்கள் மற்றும்  STAM மாணவர்கள் இந்த ஆண்டு 18 வயதுக்குட்பட்டவர்கள் உட்பட, அவர்கள் சம்பந்தப்பட்ட தடுப்பூசி திட்டங்கள் நியமனம் தேதிகளுடன் திட்டமிடப்பட்டபடி தொடரும் என்று தெரிவிக்கப்பட்டுள்ளது.

பள்ளிகள் மீண்டும் திறக்கப்படுவதற்கான முன்னெடுப்பு நடவடிக்கையின் ஒரு பகுதியாக ஆசிரியர்கள், பள்ளி ஊழியர்கள் மற்றும் துணை ஊழியர்களுக்கு தடுப்பூசி போடுவதற்கான முயற்சிகள் நடைபெற்று வருவதாகவும், மாநில மற்றும் மாவட்ட கல்வி மற்றும் சுகாதார அதிகாரிகளால் கூட்டாக கண்காணிக்கப்படும் என்றும் சிஐடிஎஃப் தெரிவித்துள்ளது.

நீண்டகால நோய்கள் மற்றும் கோவிட் -19 நோய்த்தொற்று அபாயத்தில் உள்ள இளம் பருவத்தினருக்கு ஃபைசர் தடுப்பூசி நிர்வகிப்பது குறித்த மருத்துவ வழிகாட்டுதல்களையும் சுகாதார அமைச்சகம் இறுதி செய்யும்.

இந்தக் குழுவிற்கு தடுப்பூசி அமல்படுத்துவதற்கான தேதி முடிவு செய்யப்பட்டவுடன் சிஐடிஎஃப் இதை அறிவிக்கும் என்று அது கூறியது.

மேலும், கோவிட் -19 தடுப்பூசிக்கு பதிவு செய்த 12 வயதுக்கு மேற்பட்ட குழந்தைகளுக்கு, தடுப்பூசி போடுவதற்கான நியமனங்கள் வழங்கப்படவில்லை என்று கோவிட் -19 நோய்த்தடுப்பு பணிக்குழு (சிஐடிஎஃப்) தெரிவித்துள்ளது.

இப்போதைக்கு, தேசிய கோவிட் -19 நோய்த்தடுப்பு திட்டத்தின் முன்னுரிமை 2 ஆம் கட்டத்திற்கான தடுப்பூசியை முடிப்பதும், 3 ஆம் கட்டத்தை நாடு தழுவிய அளவில் மேம்படுத்துவதும் ஆகும் என்று தெரிவிக்கப்பட்டுள்ளது.

 

கோலாலம்பூர், ஜூலை 20: திங்கள்கிழமை (ஜூலை 19) முதல் நாடு தழுவிய அளவில் 5,594 வாகனங்கள் சாலைத் தடைகளில் திருப்பி அனுப்ப உத்தரவிடப்பட்டன.

சாலைத் தடைகளில் ஆய்வு செய்யப்பட்ட 456,019 வாகனங்களில் திரும்பிச் செல்ல உத்தரவிடப்பட்ட வாகனங்களின் எண்ணிக்கையும் அடங்கும் என்று புக்கிட் அமான் உள் பாதுகாப்பு மற்றும் பொது ஒழுங்குத் துறை இயக்குநர் கம் டத்தோ ஜைனல் அபிடின் காசிம் தெரிவித்தார்.

ஞாயிற்றுக்கிழமை (ஜூலை 18) தியாகத் திருநாள் கொண்டாட்டத்துடன் இணைந்து அனுமதியின்றி மாநிலங்களை கடக்க முயற்சிக்கும் வாகனங்களின்  எதிர்கொள்ள தயாராக இருக்குமாறு துணைப் பிரதமர் டத்தோஸ்ரீ இஸ்மாயில் சப்ரி யாகோப் பாதுகாப்பு படையினருக்கு உத்தரவிட்டார்.

 


கோலாலம்பூர், ஜூலை 20: ஹரி ராயா ஹாஜி எனும் ஹஜ்ஜுப் பெருநாளைக் கொண்டாடும் அனைத்து இஸ்லாமிய சகோதர சகோதரிகளுக்கும் தமது ஹாரி ராயா ஹாஜி வாழ்த்துகளை மனிதவள அமைச்சர் டத்தோஸ்ரீ எம்.சரவணன் தெரிவித்துள்ளார்.

இது குறித்து அவர் வெளியிட்டுள்ள வாழ்த்துச் செய்தியில்...

ஹரி ராயா ஹாஜி எனும் ஹஜ்ஜுப் பெருநாளைக் கொண்டாடும் அனைத்து இஸ்லாமிய சகோதர சகோதரிகளுக்கும் எனது இனிய ஹாரி ராயா ஹாஜி வாழ்த்துகள்.

பக்ரீத் பண்டிகை எனவும் அறியப்படும் இந்தத் தியாகத் திருநாள், தியாக விழாவாக உலகெங்கும் கொண்டாடப்படுகிறது. ஏழைகளுக்கும், அண்டை அயலாருக்கும், உறவுகளுக்கும்  பகிர்ந்து கொடுத்து, அவர்களுடனும் இணைந்து கொண்டாடுவதே இந்தப் பெருநாளின் உன்னதமாகும்.

“நீங்களும் உண்ணுங்கள், கஷ்டப்படும் ஏழைகளுக்கும் உண்ணக் கொடுங்கள்” எனும் கருப்பொருளைக் கொண்ட இந்தத் திருநாள் இன்றைய காலகட்டத்தில் அனைவருமே கடைப்பிடிக்க வேண்டிய ஓர் உயர்ந்த பண்பாகும்.

நாம் கொண்டாடும் ஒவ்வொரு கொண்டாட்டங்களுமே இதையே நிலைநிறுத்துகின்றன.
கடந்த ஒரு வருடங்களுக்கு மேலாகக் கொரோனாவின் பரவலால் மக்கள்  சுகாதார ரீதியாகவும், பொருளாதார ரீதியாகவும் அவதிப்பட்டு வருகின்றனர். சுதந்திரமாய் சுவாசித்த காற்று இன்று நமக்கு எதிரியாகி வருகிறது.  கொரோனாவின் பரவலைக் கட்டுப்படுத்த பல்வேறு யுக்திகள் கையாளப்பட்டாலும் தனிமனித ஒழுக்கமின்றி, சுய கட்டுப்பாடின்றி நம்மால் இதிலிருந்து மீள முடியாது.

முழுமையாக இந்தத் தொற்றிலிருந்து விடுபடாமல் பொருளாதாரத்திலும் மீட்சி அடைய இயலாது என்பதை நாம் உணர வேண்டும். எனவே எழைகளின் கண்ணீரை மனதில் நிறுத்திக் கட்டுப்பாடுடன் இருப்போம்.

ஹாரி ராயா ஹாஜி கொண்டாட்டத்தின் போது, கோவிட் 19 பாதுகாப்பு விதிகளைப் பின்பற்றவும், விழிப்புடன் இருக்கவும் அனைவரும் கேட்டுக் கொள்ளப்படுகின்றனர்.
அதே வேளையில் இந்தத் தியாகப் பெருநாளில் நம்மைச் சுற்றியுள்ளவர்கள் உண்ண உணவில்லாமல், வாழ வழியில்லாமல் தத்தளிப்பதைப் பார்த்தால் உதவிக்கரம் நீட்டுங்கள். மன உளைச்சலால் இன்று ஒரு சிலர் உயிரை மாய்த்துக் கொள்ளும் நிலைக்குத் தள்ளப்படுவதை நாம் காண்கிறோம். அதற்கு ஏதோ ஒரு வகையில் நாம் காரணமாக இருந்துவிடக் கூடாது. உறவுகளுடன், நண்பர்களுடன், அண்டை அயலாருடன், அறிமுகம் இல்லாதவர்களுடன் கூட ஆறுதலாகப் பேசுவோம்.  அவர்களின் நிலையைக் கண்டறிவோம். இயன்ற உதவிகளைச் செய்வோம்.

இன்றைக்குப் பிறருக்கு உதவும் இடத்தில் நீங்கள் இருந்தால் அது நீங்கள் செய்த புண்ணியம். எனவே கொடுத்து உதவுங்கள்.
உதவி தேவைப்படுபவர்களும் தயங்காமல் பிறரின் உதவியை நாடுங்கள். அதற்காக யாரும் வெட்கப்படத் தேவையில்லை.

உலகளவில் ஏற்பட்டுள்ள இந்தப் பாதிப்பில் நாம் மட்டும் விதிவிலக்கல்ல என்பதை நினைவில் கொள்வோம். அரசாங்கமும்,  பொது இயக்கங்களும், தன்னார்வலர்களும் ஆங்காங்கே தங்களால் இயன்ற உதவிகளைச் செய்து வருகின்றனர். குறிப்பாக உணவுப் பெட்டிகளும், உணவுப் பொருள்களும் வழங்கப்பட்டு வருகின்றன. ஒவ்வொரு நாடாளுமன்ற உறுப்பினருக்கும் அந்தந்த தொகுதி மக்களின் உணவுத் தேவையைப் பூர்த்தி செய்ய அரசாங்கம் மான்யம் வழங்கியுள்ளது.

எனவே தேவைப்படுபவர்கள் உங்களது தொகுதி பொறுப்பாளரிடம் தயங்காமல் கேட்டுப் பெற்றுக் கொள்ளுங்கள்.
புனித ஹஜ்ஜை நிறைவேற்றுவதற்காக மக்காவிற்கு செல்லும் சூழல் இந்த வருடம் இல்லை. ஆனால் இது நிரந்தரமல்ல. விரைவில் நிலை மாறும் என்ற நம்பிக்கையோடு இன்றைய ஹஜ்ஜுப் பெருநாளைக் கொண்டாடுவோம்.

இனிய தியாகத் திருநாள் வாழ்த்துகள்.
இவ்வாறு டத்தோஸ்ரீ எம்.சரவணன் தமது வாழ்த்துச் செய்தியில் குறிப்பிட்டுள்ளார்!
 

 

 

பெட்டாலிங் ஜெயா, ஜூலை 19: மலேசியாவில் திங்கள்கிழமை (ஜூலை 19) 10,972 புதிய கோவிட் -19 நோய்த்தொற்றுகள் பதிவாகியுள்ளன. இதன் மூலம் நாட்டில் கோவிட் பெருந்தொற்றால் பாதிக்கப்பட்டுள்ளவர்களின் மொத்த எண்ணிக்கை 927,533 ஆக உயர்ந்துள்ளதாக சுகாதார இயக்குநர் ஜெனரல் டான் ஸ்ரீ டாக்டர் நூர் ஹிஷாம் அப்துல்லா தெரிவித்துள்ளார்.

சிலாங்கூர் மாநிலம்  4,404 நோய்த்தொற்றுகளுடன்  அதிக எண்ணிக்கையில் உள்ளது என்று அவர் கூறினார்.

மேலும், 129 பேர் உயிரிழந்தனர்
இதனால் இறப்பு எண்ணிக்கை 7,148 ஆக உயர்ந்துள்ளது.

6,439 பேர் இன்று குணமடைந்து வீடு திரும்பியுள்ளனர்.  நாடு முழுவதும் 791,388 பேர் நோயிலிருந்து மீண்டுள்ளனர்.

தீவிர சிகிச்சைப் பிரிவுகளில் இன்னும் 915 நோயாளிகள் உள்ளனர். 435 பேருக்கு வென்டிலேட்டர் ஆதரவு தேவைப்படுகிறது!

கோலாலம்பூர், ஜூலை 19: ஹரி ராயா  கொண்டாட்டத்திற்கு முன்னதாக இன்று திங்கள்கிழமை (ஜூலை 19) மதியம் அசாதாரண போக்குவரத்து வெளிப்பாடு எதுவும் கண்டறியப்படவில்லை.

புக்கிட் அமான் போக்குவரத்து விசாரணை மற்றும் அமலாக்கத் துறை இயக்குனர் டத்தோ அஜிஸ்மான் அலியாஸ் இது குறித்துக் கூறுகையில்,  தற்போது நடைமுறையில் உள்ள மாநிலங்களுக்கு இடையேயான மற்றும் மாவட்டங்களுக்கு இடையேயான பயணத் தடையை பொதுமக்கள் பின்பற்றுவார்கள் என்று தனது துறை நம்புவதாகத் தெரிவித்துள்ளார்.

மக்கள் வீட்டிலேயே இருப்பார்கள், அவசர விஷயங்கள் இல்லாவிட்டால் வெளியே செல்லமாட்டார்கள் என்று நாங்கள் நம்புவதாக பெர்னாமாவிடம்  அவர் கூறினார்.

இதற்கிடையில், மலேசிய நெடுஞ்சாலை ஆணையத்தின் செய்தித் தொடர்பாளர் ஒருவர், காவல்துறையினரால் அமைக்கப்பட்ட சாலைத் தடைகள் இருந்த சில இடங்களில் மட்டுமே நெரிசல் ஏற்பட்டுள்ளதாகத் தெரிவித்துள்ளார்.

கோலாலம்பூர் சிரம்பன்-நெடுஞ்சாலையில், சுங்கை பெசி டோல் பிளாசாவில் தெற்கே செல்லும் 400 மீட்டர் தொலைவில் சாதாரண நெரிசல் ஏற்பட்டது.

கிழக்குக் கடற்கரையை நோக்கிய போக்குவரத்து நிலைமை கட்டுப்பாட்டில் உள்ளது. அங்கு சாலை தடை உள்ள இடங்களில் மட்டுமே நெரிசல் ஏற்பட்டுள்ளது. கிழக்கு கடற்கரை நோக்கி பெந்தோங் டோல் பிளாசா மற்றும் தலைநகர் நோக்கி கோம்பக் டோல் பிளாசா செல்லும் பாதைகளில் நெரிசல் சுமார் 200 மீ  நெதிசல் ஏற்பட்டது.

கோலாலம்பூர்,  ஜூலை 18: தொடர்ந்து அதிகரித்து வரும் covid-19 சம்பவங்களினால் அதனை கட்டுப்படுத்துவதற்கு அரசு தீவிர நடவடிக்கைகளை மேற்கொண்டு வருகிறது. இந்நிலையில், ஆபத்தான உருமாறிய

தொற்றுகளும் அடையாளம்
காணப்படுவதைத் தொடர்ந்து தேசிய
தடுப்பூசி திட்டம் விரைவுப்படுத்தப்படுகிறது.

ஆகஸ்ட் மாத இறுதிக்குள் அனைத்து மாநிலங்களிலும் தடுப்பூசி செலுத்தும் விகிதத்தை 50 விழுக்காட்டுக்கும் அதிகமாகப் பதிவு செய்ய முடியும் என்று பிரதமர் டான் ஸ்ரீ முகிடின் யாசின் தெரிவித்திருக்கிறார்.

நாட்டு மக்களிடையே தடுப்பூசி
செலுத்தப்படுபவர்களின் எண்ணிக்கையை அதிகரிக்கச் செய்வதில் அரசாங்கம் சில ஆக்கப்பூர்வமான நடவடிக்கைகளை மேற்கொண்டிருப்பதாக அவர் தெரிவித்தார்.

 

பெட்டாலிங் ஜெயா, ஜூலை 18: மலேசியாவில் 10,710 புதிய சம்பவங்கள் பதிவாகியுள்ளன, இது நாட்டின் மொத்த மொத்த எண்ணிக்கையை 916, 561 ஆகக் கொண்டு வந்துள்ளது.

மேலும், இன்று ஒரே நாளில் 153 இறப்புகள் பதிவாகியுள்ளன. இதனால் இறப்பு எண்ணிக்கை 7,019 ஆக அதிகரித்து உள்ளது.

5,778 பேர் வீடு திரும்பியுள்ளனர். நாடு முழுவதும் 784,949 பேர் நோயிலிருந்து மீண்டுள்ளனர்.

தீவிர சிகிச்சை பிரிவுகளில் இன்னும் 909 நோயாளிகள் உள்ளனர், 445 பேருக்கு வெண்டிலேட்டர் ஆதரவு தேவைப்படுகிறது.

4,828 சம்பவங்களை  சிலாங்கூர் பதிவு செய்துள்ளது. தொடர்ந்து கோலாலம்பூர்  (945 வழக்குகள்), ஜோகூர் (808), நெகிரி செம்பிலன் (771), கெடா (696), சரவாக் (666) ஆகப் பதிவகியுள்ளன!

பெட்டாலிங் ஜெயா, ஜூலை 17: மலேசியா இன்று சனிக்கிழமை (ஜூலை 17) 138 இறப்புச் சம்பவங்களைப் பதிவு செய்துள்ளது. இது வரை இல்லாத உச்ச எண்ணிக்கை இதுவாகும்.  இது மொத்த இறப்பு எண்ணிக்கையை 6,866 ஆகக் கொண்டு வந்துள்ளது.

சுகாதார இயக்குநர் ஜெனரல் டான் ஸ்ரீ டாக்டர் நூர் ஹிஷாம் அப்துல்லா உறவுகளைப் பார்க்கச் செல்வதோ,   மாநில எல்லைகளுக்கு அப்பால் பயணிப்பதோ அவசியமற்ரது என்று எச்சரித்துள்ளார்.

ஏற்கெனவே கவனக்குறைவான நடத்தை காரணமாக வந்த பல கோவிட் -19 கிளஸ்டர்களை மக்களுக்கு அவர் நினைவுபடுத்தினார்ர். 

செவ்வாய்க்கிழமை (ஜூலை 20) கொண்டாடப்படும் ஹரி ராயா  கொண்டாட்டத்தின் போது கவனமாக இருக்குமாறும்,  மாநிலங்களுக்கு இடையேயான பயணத் தடைகள் இன்னும் நடைமுறையில் உள்ளன என்பதை சமூகம் நினைவில் வைத்துக்கொள்ள வேண்டும் என்றும் கேட்டுக்கொள்ளப்பட்டுள்ளது. ஹரி ராயா கொண்டாடும் உற்சாகத்தை  கோவிட் -19-க்குத் 'தியாகம்' செய்ய விடாதீர்கள் என்று அவர் ஓர் அறிக்கையில் தெரிவித்துள்ளார்!

கோலாலம்பூர், ஜூலை 17: சமூகச் சேவையாளரான டத்தோ டாக்டர் மூர்த்தி நடேசன், 40 அடி நீளம் கொண்ட கொள்கலனை மருத்துவமனையின்  பிணவறைக்கு இலவசமாக வழங்கினார். இதன் மதிப்பு 34,000ஆகும்.

கோவிட் மரண எண்ணிக்கை அதிகரித்ததன் காரணத்தால் செலாயாங் மருத்துவமனைக்குக் கொள்கலன் பிணவறை தேவைப்படுவதாக அதன் தடயவியல் பிரிவு விடுத்த கோரிக்கைக்குச் செவிமடுத்து இந்த உதவி நல்கப்பட்டுள்ளது.

செலாயாங் மருத்துவமனைக்குப் பிணங்களை வைப்பதற்கான கொள்கலன் தேவை என்ற செய்தி அறிந்ததும், நண்பர்களுடன் இணைந்து இதற்கான நடவடிக்கையை முன்னெடுத்ததாக டத்தோ டாக்டர் மூர்த்தி கூறினார். மேலும், இந்த இக்கட்டான சூழலில் மருத்துவம் சார்ந்த நடவடிக்கைகளுக்கு உதவிகள் தொடரப்பட வேண்டும் என்றும், மக்களும் தங்களால் முடிந்த உதவிகளைச் செய்ய முன்வர வேண்டும் என்றும் அவர் அழைப்பு விடுத்தார்.

செலாயாங் மருத்துவமனைக்குக் கொள்கலன் தேவை என்ற செய்தியை அறிந்தவுடன்,  உடனடியாகச் சுகாதார அமைச்சின் தலைமைச் செயலாளர் டத்தோ ஷாபியை தொடர்பு கொண்டு, அதனை வழங்குவதற்கு உறுதியளித்தாக அவர் கூறினார்.

இன்று மதியம் 2 மணியளவில் செலாயாங் மருத்துவமனை நிர்வாகத்திடம் டத்தோ டாக்டர் மூர்த்தி கொள்கலனை ஒப்படைத்தார். உடன் சமூகச் சேவையாளர் டத்தோஶ்ரீ ஜெயந்திரனும் உடனிருந்தார்!

பெட்டாலிங் ஜெயா, ஜூலை 16:

தற்போது ஜெர்மனியில் இருந்துகொண்டு மலேசியா நாட்டு அரசியல், அரசியல் தலைவர்கள், சமூகம், அரச சபை எனப் பல  சர்சைக்குரிய அவதூறு வீடியோவை வெளியிட்டு வரும், மலேசியப் பிரஜையான கணேஸ் நடராஜா என்பவர் மீது நடவடிக்கை எடுக்கக் கோரி, சமூக ஆர்வலரான ரூபன்ராஜ்  மற்றும்  நந்தகுமார் ஆகியோர் போலீஸ் புகார் செய்துள்ளனர்.

ஏற்கனவே சில சர்ச்சைக்குரிய வீடியோவை அவர் வெளியிட்டது தொடர்பாக, போலீஸ் அவர் மீது விசாரணை மேற்கொண்டு வரும்நிலையில்,  மீண்டும் ஒரு சர்ச்சைக்குரிய காணொளியை வெளியிட்டுள்ளார்.

வெளிநாட்டில் இருந்துக்கொண்டு வாய்க்கு வந்ததை எல்லாம் பேசி அவதூறு பரப்பி வருகிறார். எனவே, கணேஸ் நடராஜா மீது அரச மலேசிய போலீஸ் படை விரைந்து நடவடிக்கை எடுக்க வேண்டும். வெளிநாட்டில் இருக்கும் அவரைப் பிடித்து வந்து மலேசிய சட்டத்திற்கு முன் நிறுத்தவேண்டும் என தங்களது புகாரில் ரூபன்ராஜ் மற்றும் நந்தகுமார் தெரிவித்துள்ளனர்.

அவருக்கு மலேசியாவிலும் யாரோ உதவி செய்து வருவதோடு, அவருடை வீடியோக்களை பகிர்ந்து கலக்கத்தை ஏற்படுத்துகின்றனர். எனவே, சம்பந்தப்பட்டவர்கள் மீது போலீஸார்  நடவடிக்கை எடுக்க வேண்டும் என்று அவர்கள் கேட்டுக்கொண்டனர்.

மேலும், புலனம் வழி ஒரு குழுவாகவும் அவர்கள் செயல்படுவதாக இருவரும் தெரிவித்தனர்!

 

புத்ராஜெயா, ஜூலை 15: மலேசியாவின் கோவிட் -19 எண்ணிக்கை இன்று இதுவரை இல்லாத அளவுக்கு புதிய உச்சத்தை தொட்டுள்ளது.

இன்று வியாழக்கிழமை (ஜூலை 15) 13,215 நோய்த்தொற்றுகள் பதிவாகியுள்ளன. இதன்மூலம் நாட்டின் மொத்த நோய்தொற்று சம்பவங்களின்  எண்ணிக்கை 880,782 ஆக உயர்ந்துள்ளதாக சுகாதாரத்துறை இயக்குனர் டான்ஸ்ரீ டாக்டர் நூர் ஹிஷாம் அப்துல்லா தெரிவித்துள்ளார்.

சிலாங்கூரில் மட்டும் 6,120 சம்பவங்கள் பதிவாகி உள்ளன.

1,603 சம்பவங்களுடன் நெகிரி செம்பிலான் இரண்டாவது இடத்தில் உள்ளது. கோலாலம்பூரில் 1,499 சம்பவங்கள் பதிவாகி உள்ளன.

 


கோலாலம்பூர், ஜூலை 15: இன்று  ஜூலை 15 முதல் தேசிய பாதுகாப்பு இயக்குநர் ஜெனரலாக 57 வயதான டத்தோ ரோட்ஸி பின் மொஹமட் சாத் நியமிக்கப்பட்டுள்ளார்.

இந்த நியமனத்தை ஒரு கடிதம் வாயிலாக நாட்டின் தலைமைச் செயலாளர்
டான் ஸ்ரீ மொஹமட் ஸூகி பின் அலி தெரிவித்துள்ளார்.

மலாயா பல்கலைக்கழகத்தில் இளங்கலை பட்டம் பெற்றவரான டத்தோ ரோட்ஸி,  சிவில் சேவையில் 31 ஆண்டுகள் பணியாற்றியுள்ளார்.

பாதுகாப்பு மற்றும் பல்வேறு துறைகளில் விரிவான அனுபவம் கொண்டவர்.

பாதுகாப்பு கவுன்சிலை வழிநடத்தும் திறன் கொண்டவர் டத்தோ ரோட்ஸி என்று தாம் நம்புவதாக அக்கடிதத்தில் மொஹமட் ஸூகி பின் அலி குறிப்பிட்டுள்ளார்!

 

கோலாலம்பூர், ஜூலை 15: ஸ்பைடர்மேன், சூப்பர்மேன் எந்தச் சக்தி மிக்க 'மேன்'களா இருந்தாலும், அமெரிக்க அதிபரோ அல்லது நம்ம நாட்டுப் பிரதமரோ யாராக  இருந்தாலும், இயற்கையின் சக்திக்கு முன்னால் ஒன்றுமே செய்ய இயலாது என்பதே நிஜம்.

எனவே, நிகழ்கால கொரோனாவிலிருந்து தப்பிக்க கட்டாயம் தடுப்பூசி போட்டுக்கொள்வதே சிறந்தது.

'என்னையெல்லாம் ஒன்றும் செய்யாது' என்று வெட்டிப் பந்தா இல்லாமல் ஒழுங்காய் ஊசி குத்திக்கொள்ளுங்கள் என்பதை வலியுறுத்தும் விதமாக, இதோ 'ஸ்பைடர் மேனே' ஊசி போட்டுவிட்டார். 

சுங்கைப்பட்டாணியைச் சேர்ந்த புஸ்பநாதன் செல்லய்யா என்பவர் 'ஸ்பைடர் மேன்' கெட்டப்பில் வந்து அண்மையில் ஊசி போட்டுக்கொண்டார்.

மக்களே நீங்களும் ஊசி போட்டுக்கோங்க!





 

கோலாலம்பூர் ஜூலை -14: இப்போது மலேசியாவை அச்சுறுத்தி வரும் கோவிட்-19 சூழலில், டெல்டா என்கிற புதிய வகை உருமாறிய வைரஸ் தாக்கம் மிகப் பெரிய அளவில் பாதிப்பை ஏற்படுத்தியுள்ளது.

இந்தியா மிகப் பெரிய ஜனத்தொகை உடைய நாடு. அந்த நாட்டில்  கடந்த மார்ச் மாதம் டெல்டா தாக்கம் தலைதூக்கியது. ஆனால், குறுகிய காலத்தில் இந்திய அரசு அந்தத் தாக்கத்தைக் கட்டுக்குள்  கொண்டுவந்திருக்கிறது என முன்னாள் பிரதமர் டத்தோ ஸ்ரீ நஜீப் தெரிவித்துள்ளார்.

தற்போது மலேசியாவும் அதே தாக்கத்தை எதிர்கொள்கின்றது. வீரியமாகப் பரவும் இந்த வகை டெல்டா வைரஸைக் கட்டுப்படுத்த முயற்சித்து, முன்களப் பணியாளர்கள் சோர்வடைந்துவிட்டனர். மருத்துவ  வசதியும் அபாய நிலையில் உள்ளது.

இந்தியாவின் மருத்துவக் குழு டெல்டா ரக  கோவிட்டை  கட்டுப்படுத்திய அனுபவம் கொண்டவர்கள்.

நான் அரசாங்கத்தில் இருந்திருந்தால், முதலில் இந்தியாவின் உதவியை நாடியிருப்பேன். அவர்களுக்கு இது தொடர்பான அனுபவம் உண்டு. அங்குள்ள நிபுணுத்துவ மருத்துவக் குழுவை மலேசியா வரவழைக்க அரசாங்கத்துடன் பேச்சுவார்த்தை நடத்தியிருப்பேன். அதைச் சாத்தியப் படுத்தியிருப்பேன் என டத்தோ ஸ்ரீ நஜீப் சமூகவலைத்தளத்தில்  பதிவிட்டுள்ளார்.

இங்கு என்ன பலவீனம்?  இந்தியாவில் எப்படிச் சாத்தியமானது? அதே போல் சீனா, அமெரிக்கா போன்ற நாடுகள் இதை எப்படிக் கையாண்டார்கள் என்பதை அரசாங்கம் கண்டறிய வேண்டும்.

இக்காலக்கட்டதில் நான் அரசாங்கத்தில் இருந்தால், தற்காலிக ஊழியர்களாக அந்நாட்டு மருத்துவ நிபுணர்களை  இங்கு வரவழைப்பேன். காரணம், கடந்த கால அரசாங்கத்தில்  சீன, ஜப்பான் இன்னும் பல நாடுகள்  இயற்கைச் சீற்றத்திற்கு ஆளாகியபோது, மலேசியா மருத்துவக் குழு அனுப்பியதோடு,  பல உதவிகளைச் செய்த்துள்ளது.

மலேசியாவிற்கு ஒன்று என்றால், பல நாடுகள் உதவி செய்யும். காரணம்  கடந்த கால அரசாங்கத்தில் மலேசியா உலக நாடுகளுடன் நல் உறவு வைத்திருந்தது. குறிப்பாக எனது அரசாங்கத்தில்  இந்தியா, சீனா, அமெரிக்கா இன்னும் பல நாடுகளுடன் நல் உறவை வைத்திருந்தேன் என நஜீப் தெரிவித்துள்ளார்.

நாம் ஈகோவை கைவிட்டு அண்டை நாடுகளிடம் இருந்து உதவியை வாய் திறந்து கேட்கவேண்டும். நாடு எதிர்நோக்கிவரும் டெல்டா ரக வைரஸைக் கட்டுப்படுத்த, இந்தியாவின் உதவி அவசியமானது.

இதிலிருந்து நம் நாடு மீண்டு வந்த பிறகு, நமது அனுபவத்தைக் கொண்டு நாம் மற்ற நாடுகளுக்கு உதவி செய்வோம். இப்படித்தான் நாம் ஒருவருக்கு ஒருவர் உதவி செய்து அனைத்துலக உறவை வலுப்படுத்த முடியும்  என டத்தோ ஸ்ரீ நஜீப் பதிவிட்டுள்ளார்!

 

பெட்டாலிங் ஜெயா, ஜூலின்14:  செவ்வாய்க்கிழமை (ஜூலை 13) நிலவரப்படி மலேசியா மொத்தம் 12,212,730 கோவிட் -19 தடுப்பூசி டோஸ்கல் வழங்கப்பட்டுள்ளதாக கோவிட் -19 தடுப்பூசி வழங்கல் சிறப்புக் குழு (ஜே.கே.ஜே.வி) தெரிவித்துள்ளது.

கோவிட் -19 தடுப்பூசியின் முதல் டோஸ் 8,364,354 மருந்துகள் இன்றுவரை வழங்கப்பட்டுள்ளதாகவும், தேசிய கோவிட் -19 நோய்த்தடுப்பு திட்டம் தொடங்கியதில் இருந்து 3,848, 376 பேர் தங்களது இரண்டாவது தடுப்பூசி டோஸைப் பெற்றுள்ளதாகவும் ஜே.கே.ஜே.வி தெரிவித்துள்ளது.

நேற்று செவ்வாயன்று 424,541 டோஸ் கோவிட் -19 தடுப்பூசிகள் வழங்கப்பட்டதாகவும், 260,286 பேர் முதல் டோஸைப் பெற்றதாகவும், மேலும் 164,255 பேர் இரண்டாவது டோஸைப் பெற்றதாகவும் ஜே.கே.ஜே.வி தெரிவித்துள்ளது.

 

கோலாலம்பூர், ஜூலை 14: அம்னோ தேர்தல் இயக்குநராகக் கட்சியின் துணைத் தலைவர் முகமட் ஹசான் நியமனம் செய்யப்பட்டுள்ளார்.

அண்மையில் நடைபெற்ற அம்னோ உச்ச மன்றக் கூட்டத்தில், கட்சியின் தலைமைத்துவத்தை அம்னோ தேர்தல் இயக்குநராக இருந்த தஜுடின் அப்துல் ரஹ்மான் கடுமையாகத் தாக்கிப் பேசியதைத் தொடர்ந்து, அம்னோ தலைவர் டத்தோஸ்ரீ அகமட் ஸாஹிட் ஹமிடி, முகமட் ஹசானை அம்னோ தேர்தல் இயக்குநராக நியமனம் செய்துள்ளதாகக் கூறப்படுகிறது.

பிரதமர் டான்ஸ்ரீ முகைதீன் யாசின் தலைமையிலான பெரிக்காத்தான் நேஷனல் அரசாங்கத்திற்கான ஆதரவை  அகமட் ஸாஹிட் ஹமிடி மீட்டுக்கொண்டதில், அதற்கு எதிர்ப்புத் தெரிவித்தவர்களில் தஜுடினும்  ஒருவர் என்பது குறிப்பிடத்தக்கது!

 

புத்ராஜெயா, ஜூலை 13:
மனிதவள அமைச்சு கோவிட்-19 பெருந்தொற்றுக் காலத்தில் பயன்படுத்தக் கூடிய  வழிகாட்டியை உருவாக்கியுள்ளது.

காற்று வழி கோவிட்-19 பெருந்தொற்றைத் தடுக்க இந்த முறைகளைக் கையாள முன்மொழியப்படுகிறது.

காற்று வழி கோவிட்-19 பெருந்தொற்றுப் பரவலைத் தடுக்க வேலை இடங்கள், சுகாதாரப் பகுதிகள், குடியிருப்புப் பகுதிகள் மற்றும் பொது இடங்களில் காற்றின் தரத்தையும் காற்றோட்டத்தையும் மேம்படுத்தும் வழிகாட்டி உருவாக்கப்பட்டுள்ளதாக மனிதவள அமைச்சு செய்தி வெளியிட்டுள்ளது.

குளிரூட்டியைப் பயன்படுத்தும் இடங்களுக்கு 4 முக்கியமான முறைகள் இந்த வழிகாட்டியில் குறிப்பிடப்பட்டுள்ளது.

இந்தக் காற்றுத் தர வழிமுறைகளுடன் எஸ்.ஓ.பி விதிமுறைகளும் கடைபிடிக்கப்பட வேண்டும் எனவும் மனித வள அமைச்சு தெரிவித்துள்ளது!

கோலாலம்பூர் ஜுலை-13: தற்போது கோவிட்-19 தாக்கத்தால் நாட்டில் பாதிக்கப்பட்டவர்களின் எண்ணிக்கை அதிகரித்து வரும் நிலையில், இந்த எண்ணிக்கை உயர்வுக்குச் சுகாதார இயக்குனர் டாக்டர் நோர் ஹிஷாம்தான் காரணம் என்பது போல்,  அவரால் நடப்பு கோவிட் சூழலைச் சரியான முறையில் கையாளத் தெரியவில்லை என்ற ரீதியில், அவரைப் பதவி விலக வேண்டும் என  அமைச்சர் அஸ்மின் அலியின் சிறப்பு அதிகாரி அட்லின் சப்ரி டுவீட் செய்துள்ளார்.

இதனையடுத்து அவருக்குப் பொதுமக்கள் இடையே பெரும் எதிர்ப்பு அலை எழுந்துள்ளது. அமைச்சர் அஸ்மின் அலி அதிகாரியின் இந்த  டுவிட்டால் அஸ்மினையும் விமர்சித்து வருகின்றனர் பொதுமக்கள்!


கோலாலம்பூர், ஜூலை 13: :  ஷா ஆலமில் உள்ள ஐடிசிசி தடுப்பூசி மையத்தில் (பிபிவி) 204 ஊழியர்களுக்கு கோவிட் -19 தொற்று உறுதிசெயப்பட்டுள்ளதாக அமைச்சர் கைரி ஜமாலுடீன் தெரிவித்துள்ளார்.

இதனால் இன்று செவ்வாய்க்கிழமை (ஜூலை 13) அந்த மையம் மூடப்பட்டது.

கடந்த ஜூலை 10-ஆம் தேதி வெகுஜன திரையிடல் இந்த மையத்தில் மேற்கொள்ளப்பட்டதாக கோவிட் -19 நோய்த்தடுப்பு திட்ட ஒருங்கிணைப்பு அமைச்சருமான கைரி தெரிவித்தார்.

அங்குள்ள 453 தொழிலாளர்களிடமிருந்து 204 சம்பவங்கள் கண்டறியப்பட்டுள்ளன.

மேலும்,  இன்று செவ்வாய்க்கிழமை தடுப்பூசி பெற திட்டமிடப்பட்டவர்களுக்கு புதிய சந்திப்பு தேதிகள் அறிவிக்கப்படும் என்று கைரி  கூறினார்.

ஜூலை 9 முதல் ஜூலை 12 வரை ஐ.டி.சி.சி பிபிவி-க்கு வந்தவர்கள், 10 நாட்களுக்குத் தங்களைத் தனிமைப்படுத்திக்கொள்ள வேண்டும் என்று அவர் கூறினார்.

நாட்டின் மெகா தடுப்பூசி மையங்களில் ஐ.டி.சி.சியும் ஒன்றாகும். மேலும் ஒரு நாளைக்கு சுமார் 6,000 அளவுகளை நிர்வகிக்கும் திறன் கொண்டது!

 


கோலாலம்பூர், ஜூலை 13: மலேசிய சிவாஜி கணேசன் கலை மன்றத்தின் ஏற்பாட்டில்  எதிர்வரும் 25.07.2021 ஞாயிற்றுக்ககிழமை இரவு 8.00 மணிக்கு  மன்றத்தின் தலைவர் இயக்குனர் விஜயசிங்கம் கந்தசாமி தலைமையில், நடிகர் திலகம்  சிவாஜி கணேசனின் 20 -ஆம் ஆண்டு நினைவு நாள் நிகழ்ச்சி இயங்கலை வழி மிகச் சிறப்பாக நடைபெற உள்ளது.

அகில இந்திய சிவாஜி கணேசன் ரசிகர் சங்கத்தின் தலைவர் ராம்குமார் ஆய்வாளர் முனைவர் மருது மோகன், திரைப்பட நாடக நடிகர் ஒய்.ஜி. மகேந்திரன், இயல் இசை நாடக இலக்கியப் பேச்சாளர் பாண்டிதுரை  ஆகிய நால்வரும் உரை நிகழ்த்துகிறார்கள்.

இனிமையான சிவாஜி படப் பாடல்களும் நிகழ்வில் இடம்பெறும். நடிகர் திலகம் நடித்து உங்களுக்குப் பிடித்த 10 சிறந்த திரைப்படங்களைத் தேர்வு செயும் போட்டியும் நடைபெறும்.

திரைப்படங்களைத் தேர்வு செய்து  1 முதல் 10 வரை வரிசைப்படுத்தி அதற்கான காரணங்களை ஒரு பக்கத்திற்கு மேல் போகாமல் கட்டுரையாக டைப் செய்து எதிர்வரும் 19.7.21 ஆம் தேதிக்குள் பின் வரும் மின் அஞ்சல் முகவரிக்கு அனுப்பி வைத்துவிட வேண்டும்.

மின் அஞ்சல் முகவரி:
sivajimandrammalaysia@gmail.com

எதிர்வரும் 25.7.21 ஞாய்றுகிழமை  இரவு 8.00 மணிக்கு நடிகர் திலகம் சிவாஜியின் நினைவு நாள் இயங்கலையில் நடைபெறும். தேர்வு பெரும் உங்கள் கட்டுரைகளை நீங்கள் கலந்து கொண்டு  வாசிக்கலாம். வெற்றி பெறும் கட்டுரையாளருக்கு அக்டோபர் மாதம் நடைபெறும் சிவாஜி கணேசன் பிறந்த நாள் நிகழ்ச்சியில் கேடயம், வழங்கி சிறப்பு செய்யப்படும். நிகழ்ச்சியில் கலந்து கொள்வதற்கான அடையாள எண் பின்னர் அறிவிக்கப்படும். 

நடிகர் திலகம் சிவாஜி கணேசன் ரசிகர்கள், பொதுமக்கள் அனைவரும் இந்தப் போட்டியில் கலந்து கொள்வதுடன், இயங்கலை நிகழ்ச்சியில் கலந்து சிறப்பிக்கும்படியும் மலேசிய சிவாஜி கணேசன் கலை மன்றம்  கேட்டுக் கொள்கிறது.
மேல் விவரங்களுக்கு இயக்குனர் விஜயசிங்கத்தை 012-3728081 என்ற எண்களில் அழைக்கலாம்.

 

கோலாலம்பூர், ஜூலை 12: வெளிநாடுகளில் படிக்கும் இந்திய மாணவர்கள் கோவிட் 19 தாக்கத்தால் நாடு திரும்பிய நிலையில், அவர்கள் மீண்டும் தங்களின் கல்வியைத் தொடர ஏதுவாக, அவர்களுக்கான தடுப்பூசியை விரைந்து செலுத்தக் கோரி,  அமைச்சர் கைரி ஜமாலுடினை, ம.இ.கா தேசியத் தலைவர் டான்ஸ்ரீ விக்னேஸ்வரன்  வலியுறுத்தியுள்ளார்.

அமைச்சர் கைரி ஜமாலுடின் உடனான இதற்கான சந்திப்பை ம.இ.கா தலைவர் மேற்கொண்டார்.

இதனை அடுத்து,  அமைச்சர் கைரி ஜமாலுடின் ம.இ.கா தலைவரின் கோரிக்கையை ஏற்றுக் கொண்டதோடு, அதற்கான நடவடிக்கை மேற்கொள்ளப்படும் என உறுதியளித்துள்ளதாக ம.இ.கா தேசிய உதவித் தலைவர் டத்தோ சிவராஜ் சந்திரன் தெரிவித்துள்ளார்!

 

 

 

கோலாலம்பூர், ஜூலை 12 : நாட்டில் இன்று  8,574 புதிய கோவிட் -19 சம்பவங்கள் பதிவாகியுள்ளன.

மூன்று நாட்களுக்குப் பிறகு முதல் முறையாக 9,000 சம்பவங்களுக்குக் கீழ் குறைந்தது. ஆனால், தீவிர சிகிச்சை பிரிவுகளில் (ஐ.சி.யூ) நோயாளிகளின் எண்ணிக்கை மிக உயர்ந்த எண்ணிக்கையை எட்டியுள்ளது.  964 பேர் ஐயூவில் உள்ளதாக சுகாதாரத்துறை தலைமை இயக்குனர் டான் ஸ்ரீ டாக்டர் நூர் ஹிஷாம் அப்துல்லா தெரிவித்துள்ளார்.

தொற்றுநோய் தொடங்கியதில் இருந்து நாட்டில் ஒட்டுமொத்த நோயாளிகளின் எண்ணிக்கை 844,870 -ஐ எட்டியுள்ளது.

சிலாங்கூரில் மட்டும் 4,308 சம்பவங்கள் பதிவாகி, தொடர்ந்து உச்சத்தில் உள்ளது.

கோலாலம்பூர் (609) மற்றும் கெடா (415) சம்பவங்கள் பதிவாகியுள்ளன!

பெட்டாலிங் ஜெயா, ஜூலை 12: இன்று திங்கட்கிழமை (ஜூலை 12) 16 புதிய கோவிட் -19 கிளஸ்டர்கள் உருவாகியுள்ளன.

16 புதிய கிளஸ்டர்களில் எட்டு சமூகக் கொத்துகள், ஐந்து பணியிடங்களிலிருந்து வந்தவை, மீதமுள்ள மூன்று ஆபத்தான குழுக்களிலிருந்து வந்தவை என்று சுகாதார இயக்குநர்  டான் ஸ்ரீ டாக்டர் நூர் ஹிஷாம் அப்துல்லா ஓர் அறிக்கையில் தெரிவித்துள்ளார்.

இதற்கிடையில், ஐந்து பணியிடக் கொத்துகள் சிலாங்கூரில் உள்ள இண்டஸ்ட்ரி ஜலான் உட்டாஸ் பகுதியில் உருவானவை.

ஒட்டுமொத்த 16 புதிய கிளஸ்டர்களில், இண்டஸ்ட்ரி ஜலான் உட்டாஸ் கிளஸ்டரில் அதிகபட்சமாக 35 நோய்த்தொற்றுகள் உள்ளதாக அடையாளம் காணப்பட்டுள்ளது.

 

கோலாலம்பூர், ஜூலை 12: EPF I-Citra  திட்டத்தின் கீழ் EPF சந்தாதாரர்கள் தங்களின் சேமிப்பிலிருந்து மாதம் தோறும் 1000 வெள்ளியைத் திரும்பப் பெறுவதற்கான விண்ணப்பம் இன்று ஜூலை 12 -ஆம் தேதி பொதுமக்களுக்கு திறக்கப்பட்டது.

புதிய தொடக்க தேதியைக் கடந்த மாதம் பிரதமர் முஹைதீன் யாசின் அறிவித்திருந்தார் என்பது குறிப்பிடத்தக்கது.

பெமுலே-வின் கீழ் அறிமுகப்படுத்தப்பட்ட பல திட்டங்களில் ஈபிஎஃப் ஐ-சிட்ராவும் ஒன்றாகும். இதில் இலவச 1 ஜிபி தினசரி தரவு நீட்டிப்பு மற்றும் டிஎன்பியின் மின்சார கட்டணத்தில் தள்ளுபடி ஆகியவை அடங்கும்.  

ஐ-சிட்ரா மூலம், ஈபிஎஃப் உறுப்பினர்கள் அடுத்த 5 மாதங்களுக்கு மாதத்திற்கு RM 1,000 வரை திரும்பப் பெற அனுமதிக்கப்படுகிறார்கள். 

உறுப்பினர்கள் 55 வயதுக்கு குறைவானவர்களாக இருக்க வேண்டும் மற்றும் அவர்களின் ஈபிஎஃப் கணக்கில் குறைந்தது RM 150 இருக்க வேண்டும்!

 

கோலாலம்பூர், ஜூலை 12: EPF I-Citra  திட்டத்தின் கீழ் EPF சந்தாதாரர்கள் தங்களின் சேமிப்பிலிருந்து மாதம் தோறும் 1000 வெள்ளியைத் திரும்பப் பெறுவதற்கான விண்ணப்பம் இன்று ஜூலை 12 -ஆம் தேதி பொதுமக்களுக்கு திறக்கப்பட்டது.

புதிய தொடக்க தேதியைக் கடந்த மாதம் பிரதமர் முஹைதீன் யாசின் அறிவித்திருந்தார் என்பது குறிப்பிடத்தக்கது.

பெமுலே-வின் கீழ் அறிமுகப்படுத்தப்பட்ட பல திட்டங்களில் ஈபிஎஃப் ஐ-சிட்ராவும் ஒன்றாகும். இதில் இலவச 1 ஜிபி தினசரி தரவு நீட்டிப்பு மற்றும் டிஎன்பியின் மின்சார கட்டணத்தில் தள்ளுபடி ஆகியவை அடங்கும்.  

ஐ-சிட்ரா மூலம், ஈபிஎஃப் உறுப்பினர்கள் அடுத்த 5 மாதங்களுக்கு மாதத்திற்கு RM 1,000 வரை திரும்பப் பெற அனுமதிக்கப்படுகிறார்கள். 

உறுப்பினர்கள் 55 வயதுக்கு குறைவானவர்களாக இருக்க வேண்டும் மற்றும் அவர்களின் ஈபிஎஃப் கணக்கில் குறைந்தது RM 150 இருக்க வேண்டும்!


 

பெட்டாலிங் ஜெயா, ஜூலை 11: கோவிட் -19 இறப்பு எண்ணிக்கை தொடர்ந்து அதிகரித்து வருகிறது. இன்று மட்டும் 91 பேர் உயிரிழந்துள்ளனர் என்று சுகாதார அமைச்சகம் தெரிவித்துள்ளது.

சுகாதார இயக்குநர் ஜெனரல் டான் ஸ்ரீ டாக்டர் நூர் ஹிஷாம் அப்துல்லா மலிது குறித்துக் கூறுகையில், மலேசியாவில் 9,105 நோய்த்தொற்றுகள் மற்றும் 5,194 மீட்டெடுப்புகள் பதிவாகியுள்ளதால், புதிய தினசரி கோவிட் -19 சம்பவங்கள் மீட்புகளை விட அதிகமாக உள்ளன.

இன்றுவரை, மலேசியாவில் தொற்றுநோய் தொடங்கியதிலிருந்து 6,158 பேர் பலியாகியிருக்கின்றனர். நாட்டின் இறப்பு விகிதம் 0.74% ஆக உள்ளது.

சமீபத்திய இறப்புகளில் 34 பேர் சிலாங்கூரில், 21 கோலாலம்பூரில், நெகிரி செம்பிலன் (12), மலாஜ்கா (8), ஜொகூர் (6) எனப் பதிவாகி உள்ளன.

9,105 புதிய சம்பசங்களில் 4,682 சம்பவங்களுடப் சிலாங்கூர் தொடர்ந்து முதலிடத்தில் உள்ளது, கோலாலம்பூர் (1,247), நெகிரி செம்பிலன் (541), ஜொகூர் (392), கெடா (382) மற்றும் பஹாங் (300) ஆக உள்ளன.

தற்போது, ​​961 நோயாளிகள் தீவிர சிகிச்சை பிரிவுகளில் சிகிச்சை பெற்று வருகின்றனர், 455 பேர் வென்டிலேட்டர் ஆதரவுடன் உள்ளனர்.

செயலில் உள்ள கோவிட் -19 நோயாளிகலுன் மொத்த எண்ணிக்கை 87,841 ஆக உயர்ந்துள்ளது!

 


கோலாலம்பூர், ஜூலை 10: கோவிட் 19 அதிகரிப்பின் காரணமாக அரசு மருத்துவமனைகளில் உள்ள பயிற்சி மருத்துவர்களின் வீடுகள் மற்றும் வெளிநோயாளிகள் பகுதிகள் அனைத்தும் தற்போது நோயாளிகளின் வார்டுகளாக மாற்றப்பட்டுள்ளன.

கிள்ளான் தெங்கு அம்புவான் ரஹிமா மருத்துவமனையும் இதில் அடங்கும் என டாக்டர் நூர் ஹிஷாம் தெரிவித்துள்ளார்.

நோயாளிகளின் வருகை அதிகரிப்பின் காரணமாக தெங்கு அம்புவான் ரஹிமா மருத்துவமனை முன்பு, மருத்துவமனைக்கு வெளியே தற்காலிகப் படுக்கைகளை அமைத்துள்ளனர். தற்போது படுக்கைகள் கட்டிடத்திற்குள் நகர்த்தப்பட்டுள்ளது.

இந்நிலையில் வங்சா மாஜுவில் உள்ள துவாங்கு மிஸான் இராணுவ மருத்துவமனையின் வாகன நிறுத்துமிடத்தில் அவசர வார்டு அமைக்கப்பட்டுள்ளது!

 

பெட்டாலிங் ஜெயா, ஜூலை 10: மலேசியாவில் இன்று ஒரே நாளில் 9,353 கோவிட் -19 சம்பவங்கள் பதிவாகியுள்ளதாக சுகாதார அமைச்சகம்  இன்று சனிக்கிழமை (ஜூலை 10) டுவீட் செய்துள்ளது.

இது ஒட்டுமொத்த சம்பவங்களின்  எண்ணிக்கையை 827,191 ஆக உயர்த்தியுள்ளது.

நேற்று வெள்ளிக்கிழமை (ஜூலை 9)  9,180 சம்பவங்களாக இருந்த நிலையில், இன்று அதை விட அதிகரித்திருப்பது அச்சத்தை ஏற்படுத்தியுள்ளது. இது இதுவரை இல்லாத புதிய உச்சமாகும். கடந்த மே 29 அன்று  9,020 சம்பவங்கள் பதிவு செய்யப்பட்ட பிறகு, தற்போது தொடர்ந்து இரு நாள்களாக 9 ஆயிரத்தில் இருப்பது நிலைமையை மோசமாக்கியுள்ளது.

சிலாங்கூரில் அதிக எண்ணிக்கையிலான சம்பவங்கள் பதிவு பெற்றுள்ளன. சிலாங்கூரில் மட்டும் 4,277 ஆகவும், கே.எல் (1,398), மலக்கா (835) ஆகவும் பதிவாகியுள்ளன!

 

கோலாலம்பூர், ஜூலை 9: அம்னோவின் முடிவு பொருத்தமான ஒன்று என மலேசிய மக்கள் கட்சியின் தேசியத் தலைவர் டத்தோஸ்ரீ ஆர்எஸ் தனேந்திரன் தெரிவித்துள்ளார்.

மக்களின் நம்பிக்கையை இழந்துவிட்ட பிரதமர் முகைதீன் யாசின் தலைமையிலான பெரிக்காத்தான் நேஷனல் அரசாங்கத்திற்கு வழங்கிய ஆதரவை, அம்னோ மீட்டுக் கொண்ட செயல் வரவேற்கத்தக்கது என்று அவர் கூறியுள்ளார்.

மக்களின் நலன்களை பேண இந்த அரசு தவறிவிட்டது என்றும், சுயநலம் கருதியே அவர்கள் செயல்படுவதாகவும் அவர் குறிப்பிட்டார்.

வெற்று அறிக்கைகளை மட்டுமே சொல்லி, அரசியல் செய்கிறது இந்த அரசு. நிர்வாகச் செயலின்மையால் மக்கள் சிக்கலுக்குள்ளாகியுருக்கிறார்கள். நடப்பு கொரோனா பிரச்னைக்கும், பொருளாதாரச் சிக்கல்களுக்கும் சரியான தீர்வினை இந்த அரசால் ஏற்படுத்த இயலவில்லை என்று டத்தோஸ்ரீ ஆர்.எஸ்.தனேந்திரன் குற்றம்சாட்டியுள்ளார்.
 

 

 

 

புத்ராஜெயா,  ஜூலை 9: நாட்டில் அரசியல் சூறாவளி சுழன்றடிக்கும் இச்சூழலில், புதிய துணைப் பிரதமராக நியமிக்கப்பட்டுள்ளார், பாதுகாப்புதுறை அமைச்சருமான டத்தோஸ்ரீ இஸ்மாயில் சப்ரி யாக்கோப்.

அவரின் இந்த நியமனத்தை பல்வேறு கண்ணோட்டத்தோடு நோக்கும் அரசியல் விமர்சகர்களுக்கு மத்தியில், தமது புதிய துணைப் பிரதமர் பதவிக்கான பணியை இஸ்மாயில் சப்ரி இன்று தொடங்கினார்.

இன்று கால 10 மணியளவில் புத்ரா பெர்டானா வந்தடைந்த அவர், பிற்பகல் வரை தமக்கு அதிகமான பணிகள் இருப்பதாக அதிரடியாக அறிவித்தார்!

 

(வெற்றி விக்டர்)

கோலாலம்பூர், ஜூலை-8:

தேசிய முன்னணி தலைவரும், அம்னோ கட்சியின் தலைவருமான டத்தோ ஸ்ரீ  அகமட் ஸாஹிட் ஹமிடி,  நேற்று டான் ஸ்ரீ முகைதீன் யாசினுக்கு அம்னோ வழங்கிய ஆதரவை உடனடியாக மீட்டுக்கொள்வதாகவும், டான் ஸ்ரீ முகைதீன் யாசின் கவுரமாகப் பதவி விலகவேண்டும் என்றும் வலியுறுத்தினார்.

இந்த விவகாரம் தொடர்பாகக் கருத்துரைத்த ம.இ.கா தலைவர் டான் ஸ்ரீ விக்னேஸ்வரன், முகைதீன் விலகுவதற்கு முன், அம்னோ அமைச்சர்களை விலகச்சொல்லி வலியுறுத்தாலமே என்ற கருத்தை முன் வைத்தார். அதோடு பல அம்னோ அமைச்சர்கள் இதற்கு சம்மதிக்க மாட்டார்கள் என்ற கருத்தையும் முன்வைத்தார்.

இதனிடையே அம்னோவின் கூட்டணிக் கட்சியாக பல ஆண்டுகள் இருக்கும் ம.இ.கா, அம்னோவிற்கு எதிர்ப்பாகவும், பெரிக்காத்தான் நேஷனல் அரசாங்கத்திற்குச் சாதகமாகவும் கருத்துத் தெரிவித்துவருவதாக அம்னோ ஆதரவாளர்கள் பலர்  ம.இ.கா மற்றும் ம.சீ.ச ஆகிய இரு கட்சிகளையும் விமர்சித்து வருகின்றனர்.

இந்நிலையில், ம.இ.காவின் தேசியத் துணைத்தலைவர் டத்தோ ஸ்ரீ சரவணன்  அம்னோவின் முடிவை மதிப்பதாகவும், ஆனால், தேசிய முன்னணியில் இடம்பெற்றுள்ள கட்சிகளுடன் கலந்து பேசி ஒரு நல்ல முடிவை எடுப்போம் என்றும், நாடு இருக்கும் நிலையில், அவசரமாக ஒரு முடிவு வேண்டாம் எனவும் வலியுறுத்தி உள்ளார்.

சமீப காலமாக ஒரே கூட்டணியில் உள்ள அம்னோ, ம.இ.கா,  ம.சீ.ச ஆகிய கட்சிகள், அரசியல் விவகாரம் தொடர்பாகக் கூட்டம் போட்டு ஒரு மனதாக முடிவு எடுத்து நிறைவேற்றும் கலாச்சாரம் குறைந்து, கட்சி ரீதியில் முரண்பாடான கருத்துக்கள் தேசிய முன்னணி கூட்டணியில் அரங்கேறி வருகிறது.

இதனால் இந்தப் பாரம்பரிய கூட்டணி நிலைக்குமா? அல்லது உடைப்படுமா? என்ற கேள்வியும் எழுந்து வருகிறது.

அப்படி இந்தக் கூட்டணி உடைந்தால், அம்னோ யாரோடு கூட்டணி வைக்கும்? இல்லை தனித்துப் போட்டியிடுமா?  ம.இ.கா - ம.சீ.ச கட்சிகள் முகைதீன் கூட்டணியில், பெரிக்காத்தான் நேஷனலாக வலம் வருமா?  தேசிய முன்னணி கலைக்கப்படுமா? போன்ற கேள்விகளே மக்கள் மத்தியிலும், அரசியல் விமர்சகர்கள் மத்தியிலும் எழுந்திருக்கின்றன இப்போது.

இதனிடையே, "நான் கட்சி ஆதரவாளர்... கட்சி எடுக்கும் முடிவுக்குக் கட்டுப்படுவேன்" என்று முன்னாள் பிரதமரும், பெக்கான் நாடாளுமன்ற உறுப்பினருமான டத்தோ ஸ்ரீ நஜீப், அம்னோ உச்ச மன்ற முடிவு தொடர்பாகத் தனது நிலைப்பாட்டைத் தெரிவித்துள்ளார்!

 

கோலாலம்பூர் ஜூலை 8

அம்னோ தலைவர் டத்தோ ஸ்ரீ அகமட் ஷாஹிட் ஹமிடி பிரதமர் டான் ஸ்ரீ முகைதீன் யாசினை விலச் சொல்வதற்கு முன், அமைச்சரவையில் உள்ள அம்னோ தலைவர்களைப் பதவியை விட்டு விலக வலியுறுத்தியிருக்க வேண்டும் என ம.இ.காவின் தேசியத் தலைவர் டான் ஸ்ரீ விக்னேஸ்வரன் தெரிவித்துள்ளார்.

தற்போது உள்ள சூழ்நிலையில், அம்னோ தலைவரின் முடிவு சாத்தியப்படாது. காரணம் அமைச்சரவையில் உள்ள தலைவர்கள் பதவியை இழக்கத் தயார் நிலையில் இல்லை எனவும் டான் ஸ்ரீ விக்னேஸ்வரன் கருத்துத் தெரிவித்துள்ளார்

அப்படிச் சம்மதம் தெரிவிக்காத அம்னோ தலைவர்கள் மீது அம்னோ உச்சமன்ற செயலவை என்ன நடவடிக்கை எடுக்கப் போகிறது என்பதைப் பொறுத்திருந்து பார்ப்போம்.

அம்னோ ஒரு முதிர்ச்சி அடைந்த கட்சி. முன்பு அதன் தலைவர்கள் பிரதமர் பதவியில் இருந்த போது எதிர்க்கட்சிகள்  அவர்களைப் பதவி விலகச்சொல்லி பல முறை வலியுறுத்தியுள்ளனர். அது வலியுறுத்தலாகவே இருந்தது. இப்போதும்  அதே சூழல்தான் என டான் ஸ்ரீ விக்னேஸ்வரன் தெரிவித்தார்!

 

(வெற்றி விக்டர்)

கோலாலம்பூர் ஜூன் -8

நாட்டின் பிரதமர்  டான் ஸ்ரீ முகைதீன் யாசின் தலைமையிலான பெரிக்காத்தான் நேஷனல் அரசாங்கத்திற்கு அம்னோ வழங்கிய ஆதரவை உடனடியாக மீட்டுக்கொள்வதாக, அம்னோ கட்சியின் தேசியத் தலைவர்  டத்தோ ஸ்ரீ அகமட் ஸாஹிட் ஹமிடி  தெரிவித்தார். 

நேற்று, புதன்கிழமை சுமார் 4 மணிநேரத்திற்கு  மேல் நடைபெற்ற அம்னோ உச்சமன்றக் கூட்டத்திற்குப் பிறகு, இரவு 1 மணிக்கு டத்தோஸ்ரீ  அகமட் ஸாஹிட் ஹமிடி இந்த அறிவிப்பை வழங்கியுள்ளார்.

இதனிடையே இந்த விவகாரத்தில் தேசிய முன்னணியின் உறுப்புக் கட்சிகளான ம.இ.கா, ம.சீ.ச தலைமையின் நிலைப்பாடு என்ன? அவர்கள் யாரை ஆதரிக்கப் போகிறார்கள்?  என்பது அந்தக் கட்சிகளின் தலைவர்கள்தான் சொல்லவேண்டும்.

நடந்து முடிந்த ம.இ.கா ஆண்டுக்கூட்டத்தில், பிரதமர் முகைதீன் மற்றும்  டத்தோ ஸ்ரீ அகமட் ஸாஹிட் ஹமிடி  இருவரும் கலந்துக்கொண்டு இயங்கலை வாயிலாக உரையாற்றினர்.

அந்று நடைபெற்ற செய்தியாளர் சந்திப்பில்,  'தமிழ் லென்ஸ்' ஆசிரியர் வெற்றி விக்டர் ஆகிய நான்,  ம.இ.கா தலைவர் டான் ஸ்ரீ விக்னேஸ்வரனிடம் ஒரு கேள்வியை முன் வைத்தேன்.  

பெரிக்காத்தான் நேஷனல் அரசாங்கத்திற்கு வழங்கிய ஆதரவை அம்னோ மீட்டுக்கொண்டால் ...  ம.இ.கா பல ஆண்டு கூட்டணி அமைப்பான அம்னோவுக்கு ஆதரவு வழங்குமா? இல்லை டான் ஸ்ரீ முகைதீனுக்கு ஆதரவுகொடுக்குமா? எனக் கேள்வி எழுப்பினேன்.

அதற்கு அவர், "முதலில் அம்னோ அப்படி சொல்லட்டும்,  பிறகு நாங்கள் ம.இ.கா நிலைப்பாட்டைச் சொல்கிறோம்" என்று பதிலளித்தார்.

இப்போது தனது ஆதரவை மீட்டுக்கொள்வதாக அம்னோ சொல்லிவிட்டது. ம.இ.கா தலைவர் என்ன சொல்லப் போகிறார்?

அன்றைய கேள்விக்கு இப்போது ம.இ.கா தலைவரிடம் இருந்து ஒரு திடமான பதில் வருமா? எதிர்பார்ப்போம்!

 

(வெற்றி விக்டர்)

கோலாலம்பூர், ஜூன் 8: பரபரப்பான சூழலில் அம்னோ  உச்சமன்ற செயலவைக் கூட்டம் இன்று நடைபெற்றது. இக்கூட்டத்தில், அம்னோ  தனது நிலைப்பாட்டை வெளிப்படுத்தியுள்ளது.

பிரதமர் டான் ஸ்ரீ முகைதீன் யாசின் அரசாங்கத்திற்கு  அம்னோ வழங்கிய ஆதரவை, அம்னோ உச்சமன்றம் உடனடியாக மீட்டுக்கொள்வதாகவும், டான் ஸ்ரீ முகைதீன் யாசின் பதவி விலகி, புதிய பிரதமர் நியமிக்கப்படவேண்டும் என்று அம்னோ தனது நிலைப்பாட்டை வெளிப்படுத்தியுள்ளதாகவும் அதன் தலைவர் டத்தோஸ்ரீ அகமட் ஸாஹிட் ஹமிடி தெரிவித்தார்.

இதன் அடிப்படையில் டான் ஸ்ரீ முகைதீனின் பெரிக்காத்தான் நேஷனல் அரசாங்கம் கவிழும் நிலை தற்போது ஏற்பட்டு உள்ளது.

கடந்த 2020 மார்ச் மாதம் அம்னோ உச்சமன்ற செயலவை  டான் ஸ்ரீ முகைதீ  தலைமையிலான அரசாங்கத்திற்கு  ஆதரவு கொடுத்ததற்குக் காரணம், நாட்டின்  பொருளாதாரம் மற்றும் மக்கள் நலன் காக்கப்படவேண்டும் என்பதன் அடிப்படையில்தான்.  அதோடு கோவிட்-19 தொற்றைக் கையாள வேண்டும் என்பது முதன்மை நோக்கமாக இருந்தது.

ஆனால், டான் ஸ்ரீ முகைதீன் தலைமையிலான அரசு நல்லாட்சியைக் கொடுக்கத் தவறிவிட்டது. முகைதீன் ஆட்சி தோல்வியடைந்துவிட்டது. இதனால், மக்கள் அவதிப்படுகிறார்கள் என ஸாஹிட் தெரிவித்தார்.

அதோடு, நிலையில்லாத முடிவுகள் மக்களை வாட்டி எடுத்ததே தவிர, கோவிட்-19 குறைந்த பாடில்லை. பொருளாதர மந்த நிலை ஏற்பட்டுள்ளது.  கடந்த ஆண்டு மார்ச் முதல் இந்த ஆண்டு மே வரை சுமார் 1099 பேர் தற்கொலை செய்து கொண்டனர்.

இனியும் இந்த அரசை நம்பினால்  இன்னும் மோசமான நிலைக்கு நாடும் மக்களும் சென்று விடுவார்கள். ஆகையால், மாமன்னரின் ஆலோசனைப் படி, ஜூலை 26 -ஆம் தேதி நாடாளுமன்றம் கூட்டப்பட வேண்டும். புதிய தலைமை வரவேண்டும்...  முகைதீன் பதவி விலகி, ஆடுத்த பிரதமர் வரவேண்டும் என  டத்தோ ஸ்ரீ  அஹமட் ஸாஹிட் ஹமிடி தெரிவித்தார்!

 

புத்ராஜெயா, ஜூலை 6: மலேசியாவில் இன்று, 7,643 புதிய கோவிட் -19 சம்பவங்கள் பதிவாகியுள்ளன. இதனால் மொத்த கொரோனா சம்பவங்கள் 792, 693 ஆக உயர்ந்துள்ளது.

இன்று 103 பேர் மரணமடைந்துள்ளனர். நாட்டின் மொத்த மரண எண்ணிக்கை  5,677 ஆக உயர்ந்துள்ளது.

இன்று குணமடைந்து வீடு திரும்பியவர்களின் எண்ணிக்கை 4,797 இதுவரை குணமடைந்தவர்களின் மொத்த எண்ணிக்கை 714,815.

தற்போது சிகிச்சை பெற்று வருபவர்களின் எண்ணிக்கை 72,201 பேர். தீவிர சிகிச்சைப் பிரிவில் உள்ளவர்கள் 943 பேர். வெண்டிலேட்டர் வசதி தேவைப்படுகிறவர்கள் 450.

சிலாங்கூரில் அதிகபட்சமாக 3,260 புதிய சம்பவங்கள் பதிவாகியுள்ளன. இது எல்லா மாநிலங்களை விடவும் மிக உயர்ந்த எண்ணிக்கை ஆகும்! 

புத்ராஜெயா, ஜூன் 6: மலேசியா ஒரு நாளைக்கு 300,000 க்கும் அதிகமான டோஸ் தடுப்பூசி விகிதத்தை வெற்றிகரமாக அடைந்துள்ளது என்று பிரதமர் டான் ஸ்ரீ முஹைதீன் யாசின் கூறுகிறார்.

நேற்று திங்களன்று (ஜூலை 5) மொத்தம் 313,761 டோஸ் பேர் முதல் டோஸைப் பெற்றுள்ளதாகவும், மேலும் 2,735,474 நபர்கள் இரண்டாவது டோஸை முடித்துள்ளதாகவும் பிரதமர் கூறினார்.

இந்த வளர்ச்சியைப் பார்க்கும்போது, ​​திட்டமிடப்பட்ட முயற்சிகள் சரியான பாதையில் உள்ளது என்றும்,  அரசாங்கம் நம்பிக்கையுடன் இருப்பதாகவும் அவர் இன்று செவ்வாயன்று (ஜூலை 6) ஒரு பேஸ்புக் பதிவில் தெரிவித்தார்.

ஜூன் 15 -ஆம் தேதி தேசிய மீட்புத் திட்டத்தை அறிவிக்கும்போது, ​​தடுப்பூசி விகிதத்தை ஜூலை முதல் ஒரு நாளைக்கு 300,000 க்கும் அதிகமான அளவுகளாக உயர்த்தியதாக முஹைடதீன் கூறினார்.

தேசிய கோவிட் -19 நோய்த்தடுப்பு திட்ட ஒருங்கிணைப்பு அமைச்சர் கைரி ஜமாலுதீன் மற்றும் சுகாதார அமைச்சர் டத்தோஸ்ரீ டாக்டர் ஆதாம் பாபா ஆகியோருக்கும் பிரதமர் நன்றி தெரிவித்தார்.

தடுப்பூசி திட்டத்தில் பங்கேற்று அதை வெற்றிகரமாக மாற்றியமைத்த முன்களப் பணியாளர்கள், தன்னார்வலர்கள் மற்றும் அனைத்து மலேசியர்களுக்கும் தமது நன்றியை என்று முஹைதீன் தெரிவித்துள்ளார்!

கோலாலம்பூர், ஜூன் 6: இந்து ஆலயங்களுக்கான அரசாங்கத்தின் உதவித்தொகை, முறையான வங்கிக் கணக்கைக் கொண்ட பதிவுபெற்ற ஆலயங்களுக்கு மட்டுமே வழங்கப்படும் என்பதை ஒற்றுமைத்துறை அமைச்சு உறுதி செய்துள்ளது.

சங்கப்பதிவு இலாகாவிலும், ஒற்றுமைத்துறை அமைச்சிலும் பதிவுபெற்ற ஆலயங்களுக்கு மட்டுமே இந்தச் சலுகை வழங்கப்படும். எனவே ஆலய நிர்வாகங்கள், ஒற்றுமைத்துறை அமைச்சில் தங்கள் ஆலயங்களைப் பதிவுசெய்து கொள்ளும்படி கேட்டுக் கொள்ளப்படுகின்றனர்.

முறையாகப் பதிவு பெற்று, வங்கிக் கணக்குகள் கொண்டு, ஆலயங்களைச் செவ்வனே வழிநடத்தி வரும் ஆலய நிர்வாகங்கள் ஒற்றுமை அமைச்சின் கீழ் பதிவு செய்வது குறித்து அச்சப்படத் தேவையில்லை. 'மடியில் கனமில்லை என்றால், வழியில் பயம் எதற்கு?' இதன்வழி ஆலயங்களின் எண்ணிக்கை, அதற்கான மானியம் போதுமானதா என்பதைக் கண்டறிய ஏதுவாக இருக்கும். மேலும் முறையான நிர்வாகமும், வரவு செலவும் கொண்ட ஆலய நிர்வாகத்திற்குப் பணம் போய்ச் சேர்வதையும் உறுதிப்படுத்த முடியும். இதனால், இடைத்தரகர்கள் இல்லாமல் நேரடியாக உதவி தேவைப்படும் ஆலயங்களுக்கு உதவி சென்றடையும்.

ஆலயப் பராமரிப்பு, பழுதுபார்த்தல் தவிர, இயற்கைப் பேரிடர் போன்ற காரணங்களுக்காக நிதியுதவிக்கான விண்ணப்பங்களை ஆலயங்கள் முன் வைக்கலாம்.

சாயம் பூசுதல், கட்டுமானப்பணி போன்ற ஆலயப் பராமரிப்பிற்காக ஒரு லட்சத்திற்கும் மேல் போகாமல் நிதியுதவி பெறலாம். மின்சாரம், நீர் விநியோகிப்புத் தொடர்புடைய இதர பணிகளுக்காக 50 ஆயிரம் வெள்ளிக்கும் மேல் போகாமல் நிதியுதவி வழங்கப்படும்.

இது தவிர இயற்கைப் பேரிடரால் பாதிப்பு அடைந்த ஆலயங்களுக்கும் ஒற்றுமை அமைச்சின் சிறப்புக்குழு பரிந்துரையின் பேரில் பிரத்தியேக நிதியுதவி கிடைக்க வாய்ப்புண்டு.

வழிபாட்டுத் தலங்களுக்கான இந்த உதவிகள் தொடர்பான விவரங்கள் மற்றும் அதற்கான பாரம் அனைத்தும் ஒற்றுமை அமைச்சின் https://perpaduan.gov.my எனும் அகப்பக்கத்தில் காணலாம். பாரத்தைப் பதிவிறக்கம் செய்து, முழுமையாகப் பூர்த்தி செய்து, தேவைப்படும் ஆவணங்களை இணைத்து, இணையத்தில் வழங்கப்பட்டிருக்கும் முகவரிக்கு அனுப்பி வைக்க வேண்டும்.

எனவே, உண்மையாக உதவி தேவைப்படும் ஆலய நிர்வாகங்கள் முறையான ஆவணங்களுடன் இந்த வாய்ப்பைப் பயன்படுத்திக் கொள்ளவேண்டும்!


கோலாலம்பூர், ஜூன் 6: லொஜிஸ்டிக் மற்றும் போக்குவரத்துத் துறையைச் சேர்ந்தவர்கள் 2021 ஜூன் 1 முதல் தேதியிட்ட SMILE (Sistem Maklumat Industri Logistik) அமைப்பின் கீழ் வழங்கப்பட்ட பயண ஒப்புதல் கடிதங்களை சாலைத் தடைகளில். பயன்படுத்தலாம்.

ஜூலை 3-16 முதல் சிலாங்கூர் மற்றும் கோலாலம்பூரில் உள்ள பல துணை மாவட்டங்கள் மற்றும் வட்டாரங்களில் மேம்படுத்தப்பட்ட இயக்கக் கட்டுப்பாட்டு ஆணையை அமல்படுத்தியதோடு, தேசிய மீட்புத் திட்டம் (என்ஆர்பி) அறிவிக்கப்பட்டதையும் பின்பற்றி இதைப் போக்குவரத்து அமைச்சகம் தெரிவித்துள்ளது.

இருப்பினும், MCO கட்டத்திலிருந்து NRP க்கு மாறுவதைக் கணக்கில் கொண்டு திருத்தங்களுடன் சமீபத்திய கடிதத்தை இன்று SMILE அமைப்பிலிருந்து https://application.mot.gov.my என்ற வலைத்தளம் வழியாக பதிவிறக்கம் செய்யலாம்.

தற்போதுள்ள நிலையான இயக்க நடைமுறை (எஸ்ஓபி) அடிப்படையில் அத்தியாவசியமற்ற பொருட்களின் ஏற்றுதல் மற்றும் இறக்குதல் நடவடிக்கைகள் MCO அல்லாத பகுதிகளில் (நாடு தழுவிய அளவில்) அனுமதிக்கப்படும் என்று அமைச்சின் அறிக்கையில் கூறப்பட்டுள்ளது!

 

கோலாலம்பூர் ஜூலை-5

மிகப் பெரிய அளவில் எதிர்வரும் ஜூலை 10-ஆம் தேதி  இசை நிகழ்ச்சியுடன்   அறிமுகம்  காணவிருந்த  நாதஸ்வர தவில் நுண்கலை அகாடமி,  கோவிட்-19 காரணமாக ஒத்திவைக்கப்பட்டுள்ளதாக அகில மலேசிய நாதஸ்வரம் தவில் கலைஞர்கள் இயக்கத் தலைவர்  கணேசன் பிள்ளை தெரிவித்தார்.

இந்த அறிமுக விழா ஜனவரி மாதம் நடத்தப்படும் என தெரிவித்த கணேசன் பிள்ளை, ஆகஸ்ட் மாதம் தொடங்கி இளங்கலை வாயிலாக நாதஸ்வர தவில் நுண்கலை கல்வி ஆரம்பிக்கப்படும் என்றும் தெரிவித்தார். 

70 வருடங்களாகச் செயல்பட்டுவரும் சென்னை தமிழ் இசை சங்கத்தின் ஒத்துழைப்புடன், இந்த அகாடெமி  இளங்கலை வாயிலாக நடத்தப்படும் என தெரிவித்த கணேசன் பிள்ளை, நம் நாட்டு கலைஞர்கள் அதிலும் அடுத்த தலைமுறையை இந்தக் கலையில் ஈடுபடுத்தும் முயற்சியில் சங்கம் தீவிரமாக செயல்பட்டுவருவதாகவும் தெரிவித்தார்!

(பினாங்கு மாநில தகவல் இலாகாவின் முன்னாL இயக்குனரும், தகவல் அமைச்சின் ஊடகத்துறையின் முன்னால் தலைமை அதிகாரியும், அரசியல் ஆய்வாளருமான டத்தோ மு.பெரியசாமி)

மலேசியாவில் பல்லின மக்களைப் பிரதிநிதிக்கும் முதன்மை அரசியல் கட்சிகளாக பி.கே.ஆரும், டி.ஏ.பியும் விளங்குகிறது என்றால் மிகையாகாது. கடந்த 2018 ஆம் ஆண்டு மே மாதம் நடந்த 14-வது பொதுத் தேர்தலில் நாட்டிலுள்ள 222 நாடாளுமன்ற தொகுதிகளில்  இவ்விரு கட்சிகளும் 90 இடங்களில் வெற்றிப் பெற்று இதர இன ரீதியிலான ஒரு சில கட்சிகளுடன் கூட்டுச் சேர்ந்து, நாட்டின் முதல் பொதுத் தேர்தலிலிருந்து தொடர்ந்து 60 ஆண்டு காலம் ஆட்சி செய்து வந்த பரிசான் நேசனல் அரசாங்கத்தைத் தோற்கடித்துப் பக்கத்தான் ரக்யாட் என்ற பல்லின மக்களைப் பிரதிநிதிக்கும் அரசாங்கத்தை அமைத்தது அனைவரும் அறிந்ததே.

    அதே வேளையில்  இன ரீதியிலான குறிப்பாக மலாய்க்காரர் சமூகத்தைப் பிரதிநிதிக்கின்ற கட்சிகள் எனக் கருதப்படும் அம்னோ வெறும் 54 தொகுதிகளையும், பாஸ் 18 தொகுதிகளையும்  ஆக மொத்தம் 72 தொகுதிகளில்தான் வெற்றிப் பெற முடிந்தது. 

கடந்த 14-வது பொதுத்தேர்தலில் பக்கத்தான் ஹராப்பான் கூட்டணியிலுள்ள கட்சிகளுக்கு  95 % சீன வாக்காளர்களும், 70 முதல் 75 சதவிகித இந்திய வாக்காளர்களும் இதுநாள் வரை அம்னோவுக்கு ஆதரவாக இருந்தவர்களில் 25 முதல் 30 சதவிகித மலாய் வாக்காளர்களும் பக்காத்தானுக்கு வாக்களித்தனர் என்று ஆய்வறிக்கை காட்டுகின்றது. இவ்வாய்வின் முடிவுகள் மலேசியர்கள் இன ரீதியிலான அரசியலை விட்டு விலகி மெல்ல  பல்லின அரசியலுக்கு நகருவதைக் காட்டியது எனலாம். நடந்தேறிய பொதுத் தேர்தலில் டி.ஏ.பியும், பி.கே.ஆரும் பெரும்பாலான தொகுதிகளில் வென்றதால் இக்கட்சியைச் சார்ந்தவர்களே பெரும்பாலான அரசாங்கப் பதவிகளுக்கு நியமிக்கப்பட்டனர். இந்த நியமனங்கள் பொதுவாகத் தேர்தலில் முதன்மை இடத்தில் வெற்றிப் பெறுகின்ற அல்லது பெரும்பாலான தொகுதிகளை வென்ற கட்சிகளுக்கு வழங்கப்படுவது ஓர் அரசியல் மரபு. இருப்பினும் இந்தப் பெரும்பாலான அரசு நியமனங்களில் மலாய் சமூகத்தின் ஆதிக்கம் குறைந்து விட்டதாக மலாய் சமூகம் கருதியது. அதனால்  கட்சி வேறுபாடின்றி பெரும்பாலான மலாய்க்காரர்கள் நாட்டின் அரசியலில் தொன்றுதொட்டு பசுமரத்தாணிபோல் வேரூன்றி வந்த  மலாய் ஆதிக்கம் குறைவதாகவும்  கருதத் தொடங்கினர். இந்த  உணர்வின் தொடர்பாக நாட்டின் அரசியலிலே மலாய் ஆதிக்கத்தை மீண்டும் நிலை நிறுத்தும் நோக்கத்தில் இன ரீதியில் இயங்கி வருகின்ற அம்னோவும் பாஸ் கட்சியும் முவபக்கட் (muafakat) என்ற அரசியல் கூட்டணியைத் தொடக்கியது.  மலாய் சமூகத்தை ஒன்றுபடுத்தி அவர்களின் அரசியல் ஆதிக்கத்தை மீண்டும் நிலைநிறுத்தும் நோக்கத்தில் துன் டாக்டர் மஹதீர் முகமதுவும் மலாய் டிக்னிடி காங்கிரஸைக் கூட்டினார். இம்மாபெரும் கூட்டத்திற்கு இன ரீதியில் இயங்கி வருகின்ற மலாய் அரசியல் கட்சிகளே அழைக்கப்பட்டன. இக்கூட்டத்திற்குப்   பல்லின கட்சி எனக் கருதப்படும் பி.கே.ஆர். அழைக்கப்படவில்லை. மேற்கூறிய நடவடிக்கைகள் டி.ஏ.பி.க்குப் பெரும் அதிர்ச்சியைத் தந்தது. பக்கத்தான் ஹராப்பான் தலைமைத்துவத்தில் ஒரு சலசலப்புத் தோன்ற ஆரம்பித்தது. 

இதைத் தொடர்ந்து, 21.2. 2020 -ல் நடந்த பக்கத்தான் ஹராப்பானின் தலைமை நிர்வாகக்குழுக் கூட்டத்தில் துன்  மகாதீர் ஏற்கெனவே வாக்குறுதியளித்த  பிரதமர் பதவி தொடர்பான பிரச்சனையைப் பி.கே.ஆர் தலைவர்கள் கொண்டு வந்து துன் மகாதீருக்கு பெரும் நெறுக்குதல் தந்தனர். இச்சம்பவம் மேலும் பக்காத்தான் கட்சிகளிடையே ஓர் இக்கட்டான அரசியல் சூழ்நிலையை உருவாக்கியது. இதனால், பக்கத்தான் ஹராப்பான்ஆட்சி ஒரு புதிய திருப்பத்தை எதிர் நோக்கியது எனலாம். மேலும், 23.2.2020-ல் அம்னோ கட்சியும், பெர்சத்து கட்சியும் தனது மத்தியச் செயலவைக்  கூட்டத்தைத் தனித்தனியே கூட்டி, மலாய் சமூகத்தை உண்மையாகப் பிரதிநிதிக்கின்ற ஒரு மாற்று அரசாங்கத்தை அமைக்கக் கருத்துப்பறிமாற்றம் செய்தன. பெர்சத்து கட்சியும் மலாய்க்காரர்களின் எண்ண ஓட்டங்களுக்கு ஏற்ப ஒரு புதிய அரசாங்கத்தை அமைக்கவும், அந்தப் புதிய அரசாங்கத்தை அறிவிக்கும் திகதியையும் அப்புதிய அரசாங்கத்திற்குத் துன் டாக்டர் மகாதீரே பிரதமராக இருக்க வேண்டுமெனவும் கேட்டுக் கொண்டன.

இதற்கிடையே துன் மகாதீர் ஏதோ ஒரு சில காரணங்களுக்காகத்  திடீரெனத் தனது பெர்சத்து கட்சியின் தலைவர் (chairman ) பதவியையும் பிரதமர் பதவியையும் ராஜினாமா செய்தது நாட்டையும் பக்காத்தான் ஹராப்பான் கூட்டணிக் கட்சியையும் அதிர்ச்சிக்குள்ளாக்கியது. இவ்வேளையில் பெர்சாத்து கட்சியின் பிரசிடனாக இருந்த முஹைதீன் யாசின் காலியான பெர்சத்து கட்சியின் தலைமைப் பொறுப்பை ஏற்றதோடு, பெர்சத்து கட்சி பக்கத்தான் ஹராப்பான் கூட்டணியிலிருந்து   விலகுவதாக அதிரடி அறிவிப்புச் செய்தார். இந்த அறிவிப்புப் பக்கத்தான் கூட்டணியின் சிதைவுக்குக் காரணமாக அமைந்ததோடு, பி.கே.ஆர் கட்சிக்குப் பேரிடியாக அமைந்தது. பக்காத்தான் கூட்டணியிலிருந்து பெர்சத்து விலகியதால் பக்காத்தான் ஹராப்பான் கட்சி நாடாளுமன்றத்தில் பெரும்பன்மையை  இழந்தது. இது ஓர் ஆட்சி மாற்றம் உருவாகும் சூழ்நிலையை உருவாக்கியது. 

இவ்வேளையில், பிரதமர் பதவியிலிருந்து மகாதீர் விலகியதால் அந்தப் பதவிக்கு முஹைதின் யாசினைப் பரிந்துரை செய்தன மலாய்க்கார ஆதிக்கத்தை மீண்டும் கொண்டுவர நினைக்கும்  அம்னோ, பாஸ் மற்றும்  இதர பரிசான் நேசனல் கட்சிகள். மேலும் இதே மலாய் மனோபாவத்துடன் இயைந்த  பி.கே.ஆர் கட்சியைச் சேர்ந்த 11 உறுப்பினர்கள் திடீரென கட்சியிலிருந்து விலகி முஹைதினுக்கு ஆதரவு தந்தனர். இந்தக் கூட்டுச் சேர்க்கையால் பெர்சத்து கட்சியைத் தலைமை தாங்கிய முஹைதீன் யாசினுக்கு நாடாளுமன்றத்தில் பெரும்பான்மை ஆதரவு கிட்டியது.

 

நாடாளுமன்றத்தில் முஹைதீனுக்குப் பெரும்பான்மை ஆதரவு உள்ளதாகக் கண்டறிந்தப் பேரரசர் முஹைதீனை 8-வது பிரதமராக  நாட்டின் அரசியல் அமைப்புச் சட்டத்திற்கு உட்பட்டு  அறிவித்தார். பிரதமர் பதவியை ஏற்றுக் கொண்ட முஹைதீன் பெரிக்கத்தான் நேசனல் என்ற புதிய அரசாங்கத்தைக் கடந்த மார்ச் 2020-ல் அமைத்தார். அதோடு பல்லின அரசியல் கட்சிகளால் அமைக்கப்பட்ட பக்கத்தான் அரசாங்க ஆட்சியும் ஒரு முடிவுக்கு வந்தது. 

ஆகவே,   இந்நாட்டில் பெரும்பான்மை மக்களும் வாக்காளர்களுமாகிய  மலாய் சமூகத்தின் ஆதிக்கத்தைப் பிரதிபலிக்காத எந்த அரசாங்கமும் நிலைப்பது எளிதல்ல என்பதை மேற்கூறிய ஆட்சி மாற்றம் தெளிவாகக் காட்டுகிறது. 

மலேசியாவில் இன ரீதியான அரசியல் தவிர்க்கப்பட்டு பல்லின அரசியலைக் கொண்ட ஒரு முதிர்ச்சியடைந்த ஒரு ஜனநாயகம் மலர இன்னும் பல காலம் ஆகலாம்!

(கட்டுரையாளர் : டத்தோ மு.பெரியசாமி)






 

 

புத்ராஜெயா, ஜூலை 5: மேம்படுத்தப்பட்ட இயக்கம் கட்டுப்பாட்டு ஆணை EMCO பகுதியில் வசிப்பவர்கள் தடுப்பூசிகள் செலுத்துவதற்கு பயணிக்க அனுமதிக்கப்படுவார்கள் என்று டத்தோஸ்ரீ இஸ்மாயில் சப்ரி யாகோப் தெரிவித்தார்.

தடுப்பூசி நியமனங்களுக்காக, குடும்ப உறுப்பினர்களை அழைத்துச் செல்வதற்காக தனது சொந்த ஊருக்குச் செல்ல அனுமதிக்கப்படுவதாகவும் அவர் தெரிவித்தார்.

அவர்கள் செய்ய வேண்டியது மைசெஜ்தேராவில் கூறப்பட்ட சந்திப்பைக் காட்டி, காவல்துறையிடம் அனுமதி பெற வேண்டும்.

தடுப்பூசி தொடர்பான பயணத்திற்கு டிரைவர் உட்பட மூன்று பேர் வரை வாகனத்தில்  அனுமதிக்கப்படுகிறார்கள்!

புத்ராஜெயா, ஜூலை 5: மலேசியாவில் இன்று, 6,387 புதிய கோவிட் -19 சம்பவங்கள் பதிவாகியுள்ளன. இதனால் மொத்த கொரோனா சம்பவங்கள் 785,039 ஆக உயர்ந்துள்ளது.

இன்று  77 பேர் மரணமடைந்துள்ளனர். நாட்டின் மொத்த மரண எண்ணிக்கை  5,574 ஆக உயர்ந்துள்ளது.

இன்று குணமடைந்து வீடு திரும்பியவர்களின் எண்ணிக்கை 4,532 இதுவரை குணமடைந்தவர்களின் மொத்த எண்ணிக்கை 710, 018.

தற்போது சிகிச்சை பெற்று வருபவர்களின் எண்ணிக்கை 69,447 பேர். தீவிர சிகிச்சைப் பிரிவில் உள்ளவர்கள் 923 பேர். வெண்டிலேட்டர் வசதி தேவைப்படுகிறவர்கள் 433.

சிலாங்கூரில் அதிகபட்சமாக 2,610 புதிய சம்பவங்கள் பதிவாகியுள்ளன. இது எல்லா மாநிலங்களை விடவும் மிக உயர்ந்த எண்ணிக்கை ஆகும்! 

 

கோயானியா: கோபா அமெரிக்கா கோப்பை கால்பந்து தொடரின் அரை இறுதியில் விளையாட அர்ஜென்டினா அணி தகுதி பெற்றுள்ளது. தென் அமெரிக்க நாட்டு அணிகளிடையே பிரேசிலில் நடைபெற்று வரும் இந்த தொடரின் லீக் சுற்று முடிவில், ஏ பிரிவில் இருந்து அர்ஜென்டினா, உருகுவே, பராகுவே, சிலி அணிகள் நாக் அவுட் சுற்றுக்கு முன்னேறின. பி பிரிவில் முதல் 4 இடங்களைப் பிடித்த பிரேசில், பெரு, கொலம்பியா, ஈக்வடார் அணிகளும் காலிறுதிக்குள் நுழைந்தன.
முதல் காலிறுதியில் பெரு - பராகுவே அணிகள் மோதின. விறுவிறுப்பான ஆட்டம் 3-3 என்ற கோல் கணக்கில் டிரா ஆனதை அடுத்து பெனால்டி ஷூட் அவுட் கடைப்பிடிக்கப்பட்டது. அதில் பெரு அணி 4-3 என்ற கோல் கணக்கில் வென்று அரை இறுதிக்கு முன்னேறியது.

மற்றொரு கால் இறுதியில் பிரேசில் அணி 1-0 என்ற கோல் கணக்கில் சிலி அணியை போராடி வென்று அரை இறுதிக்கு தகுதி பெற்றது. இந்த நிலையில், 3வது கால் இறுதியில் உருகுவே - கொலம்பியா அணிகள் மோதின. இப்போட்டியில் இரு அணிகளும் கோல் அடிக்கத் தவறியதால் 0-0 என சமநிலை வகித்தன. இதைத் தொடர்ந்து வெற்றியாளரை தீர்மானிக்க பெனால்டி ஷூட் அவுட்டில் தலா 5 வாய்ப்புகள் வழங்கப்பட்டது. அதில் சிறப்பாக செயல்பட்ட கொலம்பியா அணி 4-2 என்ற கோல் கணக்கில் வென்று செமி பைனலுக்குள் நுழைந்தது.

கடைசி காலிறுதியில் நேற்று அர்ஜென்டினா - ஈக்வடார் அணிகள் பலப்பரீட்சையில் இறங்கின. இதில் நட்சத்திர வீரர் லியோனல் மெஸ்ஸி தலைமையிலான அர்ஜென்டினா அணி துடிப்புடன் விளையாடி ஈக்வடார் கோல் பகுதியை முற்றுகையிட்டு நெருக்கடி கொடுத்தது. எனினும், ஈக்வடார் தற்காப்பு ஆட்டத்தில் தீவிர கவனம் செலுத்தியதால் அர்ஜென்டினா அணியால் முதல் 40 நிமிடங்களுக்கு கோல் அடிக்க முடியவில்லை. மெஸ்ஸி அடித்த ஒரு ஷாட் கோல் கம்பத்தில் பட்டு வெளியேறியது, அந்த அணி ரசிகர்களுக்கு பெருத்த ஏமாற்றத்தை கொடுத்தது.

ஆனால், 40வது நிமிடத்தில் மெஸ்ஸி கொடுத்த அருமையான பாஸில் ரோட்ரிகோ டி பால் முதல் கோல் அடித்து அர்ஜென்டினாவுக்கு 1-0 என முன்னிலை ஏற்படுத்தினார். பதில் கோல் அடிக்க ஈக்வடார் வீரர்கள் கடுமையாக முயற்சித்தும் பலன் கிடைக்கவில்லை. இடைவேளை வரை இதே நிலை நீடித்தது. இரண்டாவது பாதியில் மெஸ்ஸி பந்தை லாவகமாகக் கடத்திச் சென்று மீண்டும் ஒரு அற்புதமான பாஸ் கொடுக்க, லாடாரோ மார்டினஸ் அதில் துல்லியமாக கோல் அடித்து அசத்தினார். இதைத் தொடர்ந்து, 90'+3வது நிமிடத்தில் கிடைத்த பிரீ கிக் வாய்ப்பில் மெஸ்ஸி அமர்க்களமாக கோல் போட்டார்.

விறுவிறுப்பான ஆட்டத்தின் முடிவில் அர்ஜென்டினா அணி 3-0 என்ற கோல் கணக்கில் அபாரமாக வென்று அரை இறுதிக்கு முன்னேறியது. 1993ம் ஆண்டுக்குப் பிறகு கோபா அமெரிக்கா கோப்பையை கைப்பற்ற முடியாமல் தவித்து வரும் அர்ஜென்டினா அணி, 2வது அரையிறுதியில் கொலம்பியா அணியை சந்திக்கிறது. இப்போட்டி, பிரேசிலியாவில்  நாளை மறுநாள் தொடங்கி நடைபெற உள்ளது. முதல் அரை இறுதியில் பிரேசில் - பெரு அணிகள் மோதுகின்றன!

கோலாலம்பூர், ஜூன் 4:  மக்கள் பசி தீர்க்க அரசாங்கத்தோடு இணைந்து ஆலயங்களும் உதவ முன் வர வேண்டும் என மனிதவள அமைச்சர் டத்தோஸ்ரீ எம்.சரவணன் கேட்டுக்கொண்டுள்ளார்.

"உலக வரலாற்றின் மிக மோசமான காலகட்டத்தில் நாம் வாழ்ந்து கொண்டிருக்கிறோம். குறிப்பாக அடிமட்டத்தில் வாழும் மக்கள் அவர்களின் அன்றாட தேவைகளுக்கே சிரமப்படும் சூழ்நிலைக்குத் தள்ளப்பட்டுள்ளனர்.  இதனை உணர்ந்த நமது பிரதமர் அவர்கள் ஒவ்வொரு நாடாளுமன்ற உறுப்பினர்களுக்கும் ரி.ம 3 லட்சம் கொடுத்து, அந்தந்த நாடாளுமன்றத்தைச் சேர்ந்த மக்களுக்கு உணவுப்பொட்டலங்கள் வழங்கும்படி பணித்துள்ளார்.

இருந்த போதிலும் இந்த உதவி போதாது என்பதை நாம் அறிவோம். எனவே இயன்றவர்கள் குறிப்பாக ஆலயங்கள் இம்மாதிரியான உதவிகளுக்கு முன் வரவேண்டும். வசதியும், வாய்ப்பும் நிறைந்த ஆலயங்கள் மக்கள் பசி தீர்க்க ஆவன செய்ய வேண்டும்.

ஆலயங்களில் சிரமப்படும் ஆலயங்களும் உண்டு என்பதை நாம் அறிவோம். பக்தர்களின் நன்கொடை மற்றும் அன்றாட அர்ச்சனைகளை நம்பி செயல்படும் ஆலயங்கள் உள்ளன. ஆனால் வசதிபடைத்த ஆலயங்களும் பல உண்டு என்பதை மறுப்பதற்கில்லை. ஆக இது போன்ற ஆலயங்கள் தாங்கள் இருக்கும் பகுதியில் உள்ள மக்களுக்கு உணவுகளையும், அடிப்படை உணவுத் தேவைகளையும் பூர்த்தி செய்யும் நடவடிக்கையில் உடனடியாக இறங்க வேண்டும்.

இதுநாள் வரை பொது மக்கள் ஆலயத்திற்கு நன்கொடை, அர்ச்சனை, பூஜைகள், வேண்டுதல் என பல்வேறு வழிகளில் பணத்தை வழங்கி வந்துள்ளனர். பொது மக்கள் கொடுத்ததை அவர்களுக்கே திருப்பித் தரும் காலகட்டம் இது என்பதை ஆலய நிர்வாகம் உணரவேண்டும்.

மனிதாபிமானத்தோடு உங்கள் ஆலயத்தைச் சுற்றி உள்ள வசதியற்ற மக்களுக்கு நீங்கள் இந்த உதவியைச் செய்ய வேண்டும் எனும் வேண்டுகோளை முன் வைக்கிறேன். இதற்கு முன்பாகவே ஒரு சில ஆலயங்கள் சுற்றுவட்டார மக்களுக்கு உணவு வழங்கும் நடவடிக்கைகளில் ஈடுபட்டுள்ளன என்பதை அறிவேன். அந்த ஆலயங்களுக்கும், இந்த சேவையை மேற்கொண்ட நல் உள்ளங்களுக்கும் இவ்வேளையில் நன்றி.

நாளுக்கு நாள் கொரோனா தொற்று பெருகி வருகிறது. அதனால் நடமாட்டக் கட்டுப்பாடு இன்னும் தீவிரமாக்கப்பட்டுள்ளது. கொரோனா எனும் இந்த சர்வதேச தொற்றுப் பரவலால் உலக மக்களில் இதுவரை கிட்டத்தட்ட  4 மில்லியின் மக்கள் இறந்துள்ளனர். இந்த நிலை மாறி நாம் வழக்க நிலைக்குத் திரும்ப வேண்டும் என்றால் பொது மக்களின் ஒத்துழைப்பு மிகமிக முக்கியம். நடமாட்டக் கட்டுப்பாட்டை முழுமையாகக் கடைப்பிடித்து அரசாங்கத்தின் முயற்சிகளுக்குக் கை கொடுக்க வேண்டும். நமக்கு வரும்வரை ஆபத்தில்லை என்ற மனப்போக்கை விட்டொழிக்க வேண்டும்.
இயன்றவர்களும், முடிந்தவர்களும் வருமானம் இல்லாதவர்களுக்கும், வருமானத்தை இழந்தவர்களுக்கும் உதவ முன் வரவேண்டும். 'தனி ஒருவனுக்கு உணவில்லையேல் ஜகத்தினை அழித்திடுவோம்' என்றான் பாரதி. அந்த நிலை எழாமல் இருக்க அனைவரும் ஒத்துழைப்போம்.
மக்கள் தொண்டே மகேசன் தொண்டு" இவ்வாறு தமது அறிக்கையில் டத்தோ ஸ்ரீ எம்.சரவணன் தெரிவித்துள்ளார்!

புத்ராஜெயா, ஜூலை 4: மலேசியாவில் இன்று, 6,045 புதிய கோவிட் -19 சம்பவங்கள் பதிவாகியுள்ளன. இதனால் மொத்த கொரோனா சம்பவங்கள் 778,652 ஆக உயர்ந்துள்ளது.

இன்று 63  பேர் மரணமடைந்துள்ளனர். நாட்டின் மொத்த மரண எண்ணிக்கை  5,497 ஆக உயர்ந்துள்ளது.

இன்று குணமடைந்து வீடு திரும்பியவர்களின் எண்ணிக்கை 5,271 இதுவரை குணமடைந்தவர்களின் மொத்த எண்ணிக்கை 705,486.

தற்போது சிகிச்சை பெற்று வருபவர்களின் எண்ணிக்கை 67,669 பேர். தீவிர சிகிச்சைப் பிரிவில் உள்ளவர்கள் 917 பேர். வெண்டிலேட்டர் வசதி தேவைப்படுகிறவர்கள் 443.

சிலாங்கூரில் அதிகபட்சமாக 2,262 புதிய சம்பவங்கள் பதிவாகியுள்ளன. இது எல்லா மாநிலங்களை விடவும் மிக உயர்ந்த எண்ணிக்கை ஆகும்! 

கோலாலம்பூர், ஜூன் 4: செரிமான பிரச்னை மற்றும் நோய்த்தொற்றுடன் மருத்துவமனையில் அனுமதிக்கப்பட்ட பிரதமர் டான் ஸ்ரீ முஹைதீன் யாசின் உடல்நிலை தற்போது சீராக இருப்பதாகத் தெரிவிக்கப்பட்டுள்ளது.

பிரதம மந்திரி அலுவலகம் (பி.எம்.ஓ) இன்று வெளியிட்டுள்ள ஓர் அறிக்கையில் பிரதமரிடம் நடத்தப்பட்ட ஒரு விரிவான சுகாதார பரிசோதனையில், அவரது கட்டி மீண்டும் வருவதற்கான அறிகுறிகள் எதுவும் இல்லை என்று தெரிவிக்கப்பட்டுள்ளது

டாக்டர்களின் ஆலோசனையைப் பின்பற்றி, முஹைதீன் மருத்துவமனையில் தங்கியிருக்கிறார். மருத்துவமனையில் சிகிச்சை பெறும்போது அவர் தனது கடமைகளைச் செய்ய அனுமதிக்கப்பட்டுள்ளார்.

இன்னும் சில நாட்களில் மருத்துவமனையில் இருந்து திரும்புவார் என்று எதிர்பார்க்கப்படுகிறது என்று அந்த அறிக்கையில் தெரிவிக்கப்பட்டுள்ளது.

தாம் குணமடைவதற்குப் பிரார்த்தனை செய்த பொதுமக்களுக்கு பிரதமர் நன்றி தெரிவித்ததாகவும் அந்த அறிக்கையில் கூறப்பட்டுள்ளது.

கடந்த ஜூன் 30 அன்று பிரதமர் மருத்துவமனையில் அனுமதிக்கப்பட்டார்!

ஜொகூர் பாரு, ஜூலை 3: தொழிலாளர் தொடர்பான  புகார்களை மனிதவள அமைச்சகம் தனது தொழிலாளர்களுக்கான (WFW) செயலி மூலம் பெற்றுள்ளது.

இந்த ஆண்டு மே மாதம் தொடங்கப்பட்டதிலிருந்து நாடு முழுவதிலுமிருந்து உள்ளூர் மற்றும் வெளிநாட்டு தொழிலாளர்கள் தொடர்பான புகார்களைப் பதிவு செய்துள்ளதாக அதன் துணை அமைச்சர் டத்தோ அவாங் ஹாஷிம் தெரிவித்தார்.

தொழிலாளர்கள் வீட்டிலிருந்து வேலை செய்ய அனுமதிக்காத முதலாளிகள் மீது அதிக எண்ணிக்கையிலான புகார்கள் உள்ளன.  சுமார் 1,878 முதலாளிகள் மீது இது தொடர்பாகப் புகார் செய்யப்பட்டுள்ளது.

இதைத் தொடர்ந்து சம்பளம் தாமதம் அல்லது சம்பளம் செலுத்தாதது தொடர்பான புகார்கள் 1,013 -ஆகப் பதிவாகியுள்ளன.

மற்ற புகார்களில் குறைந்தபட்ச ஊதியத்திற்கு கீழே சம்பளம் செலுத்துதல், நோட்டீஸ் கொடுக்காமல் தொழிலாளர்களைப் பணிநீக்கம் செய்தல், கூடுதல் நேரத்திற்கான பணம் செலுத்தாதது மற்றும் தொழிலாளர்களை பணிநீக்ககுறிப்பிட்டார்.ரிய நிதியை வழங்காதது, தொழிலாளர்களுக்கு வருடாந்திர விடுப்பு வழங்காதது மற்றும் பணி ஒப்பந்தங்களை வழங்காதது என்று அவர் கூறினார்.

ஜொகூர் பாருவில் ஒரு தொழிற்சாலை மற்றும் தொழிலாளர் விடுதி ஒன்றின் செயல்பாட்டிற்குப் பிறகு இன்று சனிக்கிழமை (ஜூலை 3) ஒரு செய்தியாளர் கூட்டத்தில் அவர் இதனைக் கூறினார்.

இந்த ஆண்டு தொழிலாளர் தினத்துடன் இணைந்து மே 3 அன்று WFW மொபைல் பயன்பாட்டை அமைச்சகம் அறிமுகப்படுத்தியது.

தொழிலாளர்கள் தொடர்பான புகார்களைத் தெரிவிப்பதற்கும், அவர்களின் உரிமைகள் மற்றும் நலன்களைப் பாதுகாப்பதில் பரிந்துரைகள் மற்றும் பரிந்துரைகளை வழங்குவதற்கும் WFW பயன்பாடு தொழிலாளர்களுக்கு உதவுகிறது.

இதுதொடர்பான விஷயத்தில், நாடு முழுவதும் 20,371 முதலாளிகள் சம்பந்தப்பட்ட மொத்தம் 109,809 தொழிலாளர் விடுதிகளை அமைச்சகம் சோதனை செய்துள்ளது என்றும் அவாங் குறிப்பிட்டார்!

 

புத்ராஜெயா, ஜூலை 3: மலேசியாவில் இன்று, 6,658 புதிய கோவிட் -19 சம்பவங்கள் பதிவாகியுள்ளன. இதனால் மொத்த கொரோனா சம்பவங்கள் 772, 607 ஆக உயர்ந்துள்ளது.

இன்று 107  பேர் மரணமடைந்துள்ளனர். நாட்டின் மொத்த மரண எண்ணிக்கை  5,434 ஆக உயர்ந்துள்ளது.

இன்று குணமடைந்து வீடு திரும்பியவர்களின் எண்ணிக்கை 5,677 இதுவரை குணமடைந்தவர்களின் மொத்த எண்ணிக்கை 700,215.

தற்போது சிகிச்சை பெற்று வருபவர்களின் எண்ணிக்கை 66,958  பேர். தீவிர சிகிச்சைப் பிரிவில் உள்ளவர்கள் 892 பேர். வெண்டிலேட்டர் வசதி தேவைப்படுகிறவர்கள் 443.

சிலாங்கூரில் அதிகபட்சமாக 3,047 புதிய சம்பவங்கள் பதிவாகியுள்ளன. இது எல்லா மாநிலங்களை விடவும் மிக உயர்ந்த எண்ணிக்கை ஆகும்! 

புத்ராஜெயா, ஜூலை 2: மலேசியாவில் இன்று, 6,982 புதிய கோவிட் -19 சம்பவங்கள் பதிவாகியுள்ளன. இதனால் மொத்த கொரோனா சம்பவங்கள் 765,949 ஆக உயர்ந்துள்ளது.

இன்று 73 பேர் மரணமடைந்துள்ளனர். நாட்டின் மொத்த மரண எண்ணிக்கை  5,327 ஆக உயர்ந்துள்ளது.

இன்று குணமடைந்து வீடு திரும்பியவர்களின் எண்ணிக்கை 6,278 இதுவரை குணமடைந்தவர்களின் மொத்த எண்ணிக்கை 694,538.

தற்போது சிகிச்சை பெற்று வருபவர்களின் எண்ணிக்கை 66,084  பேர். தீவிர சிகிச்சைப் பிரிவில் உள்ளவர்கள் 905 பேர். வெண்டிலேட்டர் வசதி தேவைப்படுகிறவர்கள் 443.

சிலாங்கூரில் அதிகபட்சமாக 2,907  புதிய சம்பவங்கள் பதிவாகியுள்ளன. இது எல்லா மாநிலங்களை விடவும் மிக உயர்ந்த எண்ணிக்கை ஆகும்! 

புத்ராஜெயா, ஜூன் 2: அத்தியாவசியச் சேவைகளில் பணிபுரியும் தொழிலாளர்கள் மட்டுமே மேம்பட்ட இயக்க கட்டுப்பாட்டு ஒழுங்கு பகுதிகளில் (EMCO) தங்கள் வீடுகளை விட்டு வெளியேற அனுமதிக்கப்படுகிறார்கள் என்று டத்தோஸ்ரீ எம் சரவணன் தெரிவித்துள்ளார்.

கோலாலம்பூரின் சில பகுதிகளிலும், சிலாங்கூரின் பெரும்பாலான பகுதிகளும், ஜூலை 3 முதல் ஜூலை 16 வரை EMCO இன் கீழ் இருக்கும் என்று அறிவித்ததைத் தொடர்ந்து, மனிதவள அமைச்சர் இவ்வாறு இன்று தெரிவித்தார்.

எனவே, முதலாளிகள் இந்த உத்தரவைக் கடைப்பிடிக்க வேண்டும் என்றும், அவர்களின் தொழிலாளர்கள் (அத்தியாவசியமற்ற சேவைகளில்) வீட்டிலிருந்து (WFH) வேலை செய்ய அனுமதிக்க வேண்டும் என்று அவர் கூறினார்.

அலுவலகத்தில் இருந்து வேலை செய்ய மறுத்தால் பணிநீக்கம் செய்வதாக தங்கள் முதலாளிகள் அச்சுறுத்தியதாக மனிதவள அமைச்சகம் தொழிலாளர்களிடமிருந்து பல புகார்களைப் பெற்றுள்ளதாகவும் அவர் தெரிவித்தார்.

பணிபுரியும் (WFW) விண்ணப்பத்தைப் பயன்படுத்தி இதுபோன்ற தவறான முதலாளிகளை அமைச்சகத்திற்குத் தெரிவிக்குமாறு அவர் தொழிலாளர்களுக்கு அறிவுறுத்தினார்.

WFH தொடர்பான புகார்களைத் தவிர, பயன்பாட்டில் பல்வேறு தொழிலாளர் பிரச்னைகள் சம்பந்தப்பட்ட 16 வகை புகார்களும் உள்ளன என்று அவர் தெரிவித்தார்.

பெறப்பட்ட புகார்களுக்கு அமைச்சகம் கவனம் செலுத்துவதோடு, தகுந்த நடவடிக்கை எடுக்கும் என்றும் அவர் கூறினார்.

முதலாளிகள் தங்கள் தொழிலாளர்களை வீட்டிலிருந்து வேலை செய்ய அனுமதிக்காத பிரச்சினையில் மே 23 முதல் வியாழக்கிழமை (ஜூலை 1) வரை 1,878 புகார்கள் WFW பயன்பாட்டின் மூலம் பதிவு செய்யப்பட்டுள்ளதாக அவர் குறிப்பிட்டார்!

 

மலேசியர்களை ஆதரிப்பதர்க்காக ஆஸ்ட்ரோ வானொலி

 ‘KAMI CARE HELPLINE’-ஐ தொடங்குகிறது

 

கோலாலம்பூர், 2021 ஜூலை 2 – இக்கட்டானக் காலக்கட்டத்தில், உதவிக்கோரும் மலேசியர்களுக்கு உதவும் வண்ணம் ஆஸ்ட்ரோ வானொலி Kami Care Helpline-ஐ தொடங்குகிறது. உதவிக்கோரும் மலேசியர்கள், அனைத்து ஆஸ்ட்ரோ வானொலித் தரங்களிடமும் புலனம் (WhatsApp) வாயிலாகத் தங்களது விண்ணப்பங்களைச் சமர்ப்பிக்கலாம். அரிசி, சர்க்கரை, உப்பு, மாவு, பிஸ்கட், தேநீர், டின்களில் கிடைக்கப்பெறும் உணவு வகைகள் மற்றும் உடனடி மீ வகைகள் (instant noodles) போன்ற தினசரி தேவைப் பொருட்களை உதவிக்கோரும் மலேசியர்கள் பெறுவர். 

 

ஆஸ்ட்ரோ வானொலியின் தலைமை நிர்வாக அதிகாரி, கென்னி ஓங் கூறுகையில், “இந்த இக்கட்டானக் காலக்கட்டத்தில் அதிகமான மலேசியர்கள் தங்களின் அன்றாட தேவைகளைப் பெற Kami Care Helpline உதவும் என்று நாங்கள் நம்புகிறோம். Kami Care பிரச்சாரத்தின் வழி எங்களின் உதவிகளை அதிகரிப்பதோடு உதவிக்கோருபவர்களை அடையாளம் காணவும் நாங்கள் பணியாற்றி வருகிறோம். மேலும் பல புதியத் தகவல்களை விரைவில் பகிர்ந்துக் கொள்வோம். ”

உதவிக்கோரும் அனைத்து மலேசியர்களும் தங்களின் விண்ணப்பங்களைப் புலனம் (WhatsApp) வாயிலாக கீழே கொடுக்கப்பட்டுள்ள Kami Care Helpline எண்களின் வழியாக தினமும் சமர்ப்பிக்கலாம். உதவிக்கோருபவர்களைப் பிரதிநிதித்து நேயர்களும் விண்ணப்பங்களைச் சமர்ப்பிக்கலாம். பெறுநர்களின் பெயர், தொலைப்பேசி எண், வீட்டு முகவரி மற்றும் ஏன் இந்த உதவிப் பெறுநருக்குத் தேவை என்பதற்கானக் குறுகிய விளக்கம் ஆகியவற்றை Kami Care Helpline-க்கான விண்ணப்பங்கள் கொண்டிருத்தல் அவசியம். தேர்ந்தெடுக்கப்பட்டவர்கள் நேரடியாகத் தொடர்புக் கொள்ளப்படுவர். இந்த அத்தியாவசியப் பொருட்களின் இலவச விநியோகம் தினசரி மேற்கொள்ளப்படும்.

புலனத்தில் Kami Care Helplines:

 

ஆங்கில வானொலித் தரங்கள்

  • 016 6249999 – HITZ

  • 016 4985555 - HITZ Sabah

  • 016 532 7777 - HITZ Sarawak

  • 016 4935555 - MIX

  • 016 5108888 - LITE



 

மலாய் வானொலித் தரங்கள்

  • 016 5127777 - ERA

  • 016 2570000 - ERA Sabah

  • 016 3150000 - ERA Sarawak

  • 016 3260000 - SINAR

  • 016 7369999 - GEGAR

  • 016 9175555 - ZAYAN

 

சீனம் & தமிழ் வானொலித் தரங்கள்

  • 016 5073333 – MY

  • 016 8718888 - MY Sabah

  • 016 5413333 - MY Sarawak

  • 016 7459999 - MELODY

  • 016 9988889 - GOXUAN

  • 016 4913333 - ராகா

 

மேல் விபரங்களுக்கு, ஆஸ்ட்ரோ வானொலித் தரங்களின் அகப்பக்கங்கள் மற்றும் சமூக வலைத்தளங்களை வலம் வாருங்கள்: HITZ, MIX, LITE, ERA, SINAR, GEGAR, ZAYAN, MY, MELODY, GOXUAN, மற்றும் ராகா

கோலாலம்பூர், 2021 ஜூலை 1: – ஜூலை 1 முதல் ஆஸ்ட்ரோவில் அதிகமான மற்றும் பல வகையானச் சர்வதேசத் தமிழ் தொடர்களை ஆஸ்ட்ரோ வாடிக்கையாளர்கள் தொலைக்காட்சி, ஆஸ்ட்ரோ கோ மற்றும் ஆன் டிமாண்ட் வாயிலாகக் கண்டுக் களிக்கலாம்.

த. சூரியவேலன் இயக்கிய ‘அவதாரம்’ எனும் சுவாரஸ்சியமான சஸ்பென்ஸ் த்ரில்லர் தொடரை வாடிக்கையாளர்கள் கண்டு இரசிக்கலாம். 26 அத்தியாயங்களைக் கொண்ட இத்தொடரில் கர்ணன் ஜி. கிராக், சுபாஷினி அசோகன், மதியலகன், புரவலன் நாராயணசாமி, உதய சௌண்டரி, அலவ்தீன் அலி, திவ்யா ரவீன், ரூபினி அன்பலகன், ஸ்டீபன் செஜாரியா மற்றும் ஹரன் பி.ஜே ஆகிய உள்ளூர் மற்றும் சர்வதேசக் கலைஞர்கள் நடித்துச் சிறப்பித்துள்ளனர். ஒரு விருது வென்ற நடிகரின் மர்மமான மரணத்திற்குப் பிறகு தொடர்ச்சியானக் கொலைகள் ஒரு நகரத்தில் நிகழவே, படுத்தப் படுக்கையாய் இருக்கும் ஒரு நபரைக் காவல்துறையினர் சந்தேகப்படுகின்றனர். ‘அவதாரம்’, ஜூலை 1 முதல் இரவு 9 மணிக்கு ஆஸ்ட்ரோ விண்மீன் எச்டியில் (அலைவரிசை 202) முதல் ஒளிபரப்புக் காணுகிறது.

இரசிகர்கள் பக்தித் தொடர்களையும் எதிர்ப்பார்க்கலாம்:

  • டி.எஸ்.நாகபரனா இயக்கிய ‘மகமாயி’ தொடர் தேவியை நம்பாதச் சுந்தரியைப் பற்றியக் கதை. சுந்தரி, தேவியின் மீது கொண்ட அவநம்பிக்கை, தேவியின் தீவிரப்  பக்தராக இருந்த இளவரசி இராஜேஸ்வரி எனும் சுந்தரியின் முன்னாள் பிறவியைத் தொடர்புப்படுத்துகிறது. 

‘மகமாயி’, ஜூலை  5  முதல் இரவு 7.30 மணிக்கு ஆஸ்ட்ரோ வானவில் எச்டியில் (அலைவரிசை 201) முதல் ஒளிபரப்புக் காணுகிறது.

  • பாதுகாப்பு, பராமரிப்பு மற்றும் மறுசீரமைப்பிற்குப் பிரசித்திப் பெற்ற விஷ்ணு தெய்வம், அதிர்ஷ்டம், செல்வம், செழிப்பு மற்றும் அழகுக்குப் பிரசித்திப் பெற்ற லட்சுமி தேவியின் மீது காதல் வயப்படும் நிகழ்வுகளைத் தீரஜ் குமார் இயக்கிய ‘ஸ்ரீ விஷ்ணு தசாவதாரம்’ சித்தரிக்கின்றது. இத்தொடர், ஜூலை 15 முதல் இரவு 7 மணிக்கு ஆஸ்ட்ரோ விண்மீன் எச்டியில் (அலைவரிசை 202) முதல் ஒளிபரப்புக் காணுகிறது. மேலும், புதிய அத்தியாயங்கள் திங்கள் முதல் வெள்ளி வரை ஒளிபரப்பாகும்.

கொடூரமான அமானுஷ்ய நிகழ்வுகளையும், கிராமப் புறங்களில் நிகழும் விசித்திரமானச் சடங்குகளையும் முன்வைக்கும் தொகுப்பாளர், நிழல்கள் ரவி இடம் பெறும் ​​‘நம்பினால் நம்புங்கள்’ எனும் திகில் தொடரையும் வாடிக்கையாளர்கள் கண்டு இரசிக்கலாம். இத்தொடர் ஜூலை 3 முதல் இரவு 7.30 மணிக்கு ஆஸ்ட்ரோ விண்மீன் எச்டியில் (அலைவரிசை 202) முதல் ஒளிபரப்புக் காணுகிறது. மேலும், புதிய அத்தியாயங்கள் சனி மற்றும் ஞாயிற்றுக் கிழமைகளில் ஒளிபரப்பாகும்.

இளம் வயது இரசிகர்கள் அனிமேஷன் தொடர்களையும் எதிர்ப்பார்க்கலாம்:

  • தியோ எனும் ஒன்பது வயது புத்திசாலிச் சிறுவன் தும்மும்போது ஒரு விலங்காக மாறும் சுவரஸ்சியமானக் கதையை ‘அட்சூ’ சித்தரிக்கின்றது. ‘அட்சூ’, ஜூலை  1  முதல் மாலை 5 மணிக்கு ஆஸ்ட்ரோ வானவில் எச்டியில் (அலைவரிசை 201) முதல் ஒளிபரப்புக் காணுகிறது.


 

  • சுஹஸ் கடவ் இயக்கிய ‘வீர்: தி ரோபோ போய் சீசன் 1’ எனும் பெருங்களிப்புத் தொடர், வீர் என்ற ரோபோவைச் சித்தரிக்கின்றது. மனிதனைப் போன்ற உணர்ச்சிகள், குணங்கள் மற்றும் சிறந்தத் திறன்களைக் கொண்ட ரோபோ தனது நண்பர்களானச் சுல்பூல் எனும் செல்லக் கழுதை, இம்லி எனும் எட்டு வயதுக் குழந்தை மற்றும் கிந்து எனும் மந்திர ஜின் ஆகியோரின் உதவியுடன் காப்பாற்ற முயற்சிக்கின்றது. ‘வீர்: தி ரோபோ போய் சீசன் 1’, ஜூலை  1  முதல் மாலை 5.30 மணிக்கு ஆஸ்ட்ரோ வானவில் எச்டியில் (அலைவரிசை 201) முதல் ஒளிபரப்புக் காணுகிறது.

மேல் விபரங்களுக்கு content.astro.com.my எனும் அகப்பக்கத்தை வலம் வாருங்கள்!

புத்ராஜெயா, ஜூலை 1: மலேசியாவில் இன்று, 6,983 புதிய கோவிட் -19 சம்பவங்கள் பதிவாகியுள்ளன. இதனால் மொத்த கொரோனா சம்பவங்கள் 758,967 ஆக உயர்ந்துள்ளது.

இன்று 84 பேர் மரணமடைந்துள்ளனர். நாட்டின் மொத்த மரண எண்ணிக்கை  5,254 ஆக உயர்ந்துள்ளது.

இன்று குணமடைந்து வீடு திரும்பியவர்களின் எண்ணிக்கை 5,580 இதுவரை குணமடைந்தவர்களின் மொத்த எண்ணிக்கை 688,260.

தற்போது சிகிச்சை பெற்று வருபவர்களின் எண்ணிக்கை 65,453 பேர். தீவிர சிகிச்சைப் பிரிவில் உள்ளவர்கள் 917 பேர். வெண்டிலேட்டர் வசதி தேவைப்படுகிறவர்கள் 445.

சிலாங்கூரில் அதிகபட்சமாக 2,885  புதிய சம்பவங்கள் பதிவாகியுள்ளன. இது எல்லா மாநிலங்களை விடவும் மிக உயர்ந்த எண்ணிக்கை ஆகும்! 

புத்ராஜெயா, ஜூன் 30: மலேசியாவில் இன்று, 6,276 புதிய கோவிட் -19 சம்பவங்கள் பதிவாகியுள்ளன. இதனால் மொத்த கொரோனா சம்பவங்கள் 751,979 ஆக உயர்ந்துள்ளது.

இன்று 62 பேர் மரணமடைந்துள்ளனர். நாட்டின் மொத்த மரண எண்ணிக்கை  5,170 ஆக உயர்ந்துள்ளது.

இன்று குணமடைந்து வீடு திரும்பியவர்களின் எண்ணிக்கை 4,929 இதுவரை குணமடைந்தவர்களின் மொத்த எண்ணிக்கை 682,680.

தற்போது சிகிச்சை பெற்று வருபவர்களின் எண்ணிக்கை 64,129 பேர். தீவிர சிகிச்சைப் பிரிவில் உள்ளவர்கள் 905 பேர். வெண்டிலேட்டர் வசதி தேவைப்படுகிறவர்கள் 452.

சிலாங்கூரில் அதிகபட்சமாக 2,836  புதிய சம்பவங்கள் பதிவாகியுள்ளன. இது எல்லா மாநிலங்களை விடவும் மிக உயர்ந்த எண்ணிக்கை ஆகும்! 


புத்ராஜெயா, ஜூன் 30: அஸ்ட்ராஜெனெகா தடுப்பூசிக்கான இரண்டாம் டோஸுக்கான இடைவெளியை அரசாங்கம் வியாழக்கிழமை (ஜூலை 1) அறிவிக்கும் என்று கைரி ஜமாலுதீன் தெரிவித்தார்.

அஸ்ட்ராசெனெகா தடுப்பூசி பெறுபவர்கள் அனைவருக்கும் இது பொருந்தும் என்று தேசிய கோவிட் -19 நோய்த்தடுப்பு திட்ட ஒருங்கிணைப்பு அமைச்சருமான அவர் கூறினார்.

தற்போது, ​​முதல் மற்றும் இரண்டாவது அஸ்ட்ராஜெனெகா செலுத்துவதற்கான இடைப்பட்ட காலம் 12 வாரங்கள் ஆகும் என்று அவர் கூறினார்.

மலேசியாவில் அஸ்ட்ராஜெனெகா தடுப்பூசி பெறுபவர்களின் முதல் தொகுதி மே மாத தொடக்கத்தில் செலுத்தப்பட்டது.

இதற்கிடையில், கோவிட் -19 தடுப்பூசிகளை கலப்பதற்கு அரசாங்கம் இப்போதைக்கு அனுமதிக்காது என்றும் கைரி கூறினார்.

இப்போதைக்கு, முதல் டோஸின் அதே தடுப்பூசிதான்  வழங்கப்படும்.  முதல் டோஸில் நீங்கள் அஸ்ட்ராஜெனெகா வைத்திருந்தால், உங்கள் இரண்டாவது டோஸும் அஸ்ட்ராஜெனெகாவாக இருக்கும் என்று கைரி கூறினார்.

கோவிட் -19 தடுப்பூசிகளின் முதல் மற்றும் இரண்டாவது டோஸ்களுக்கு வெவ்வேறு பிராண்டுகளைப் பயன்படுத்துவது பாதுகாப்பானது அல்ல என்று ஐரோப்பாவில் நடைபெற்ற ஆய்வுகள் கண்டறிந்துள்ளன!